DE LA QJJESTE D'AMYTIÉ

dict Lysis de Platon

ENVOYÉ A LA ROYNE DE NAVARRE

Socrates racompte les propos que luy, Hippothales,

Ctesippe, Menexène et Lysis, eurent ensemble.

Et dict ainsi :

p^ 'alloyeun jour de l'Académie droict au ^^ Lyceon, par le faubourg, le long des murailles. Et quand je fuz au droict de ; la porte, à la fontaine Panopis, je rencontray Hippothales, le filz de Hieronyme, et Ctesippe Peaneen , avec plusieurs autres jeunes enfans. De tant loing que Hippothales me vist : « 0 Socrates, dist il, dont est la venue, et où allez vous maintenant .'' — Je viens, dis je, de l'Académie, et m'en vois droict au Lyceon. » Alors il me dit : « Si donc il vous plaisoit addresser

8 B. Des Periers.

vostre chemin par devers nous, et vous reposer un petit, vous ne vous tourdriez pas, Socrates, et vrayment vous le devez faire. — Je le dois faire voyrement , dis-je ; mais où et chez qui d'entre vous voulez vous que je voise ? — Céans, dist Hippothales, me monstrant une maison d'exercice et esbat, close de murs, vis avis des murailles, de laquelle la porte estoit ouverte. Céans nous nous esbattons, dist il, et faisons exercice avec plusieurs autres honnestes enfans. — Et à quoy, dis je , vous esbattez vous ? — Au jeu de luicte, nouvellement institué, dist il, et mesmement en disputes et propos que nous vous communiquerons voulentiers. — C'est très bien faict , dis je ; et qui est vostre maistre .'' — Vostre compaignon , dist il , qui dict tant de bien de vous , Miccus. — Miccus, certes, dis je , n'est des pires hommes du monde ; mais il est merveilleusement sophiste et grand causeur. — Vous plait il pas me suyvre, dist il, à fm de veoir ceulx qui y sont ? — Je vouldroye, dis je lors, sçavoir pour lequel veoir je y entreroye, et qui est ce tant bel enfant. — Les uns, dict il, y sont beaulx aux uns, et les autres aux autres, Socrates. — Mais encores, lequel, dis je, vous semble beau leans .f* Dictes moy je vous prie, qui est ce bel amy aymé. » Quand je veis qu'il ne sonnoit mot, je luy dis en ceste manière: <f 0 filz de Hieronyme, Hippothales, mon amy, il n'est jà besoing que vous me disiez si vous estes ami amoureux de quelcun , ou non : car je suis asseuré que non seulement vous aymez, mais que vous estes bien avant en amours. En toutes autres besongnes je ne suis que trop gros-

Œuvres diverses. 9

sier et ignorant ; mais en cas d'amour, j'ay bien ce don de Dieu , que de prime face je congnois ceulx qui ayment. » Il ne me respondit rien; mais Ctesippe print la parolle, et luy dist : <( Vrayement , vous avez bonne grâce, Hippothales, d'ainsi faire difficulté de dire le nom de vostre amy à Socrates, lequel, s'il demeure guère icy, sera tout bossu et assommé de vous l'ouyr nommer. Certes, Socrates , il ne faict tous les jours autres chose que nous rompre la teste et assourdir les oreilles du nom de Lysis. Et, s'il advient qu'il soit quelque peu joyeux devers le soir, il ne se fainct point de nous resveiller pour nous faire ouyre et entendre le nom de son amy Lysis. Or ne nous ennuyeroit il point de luy en Guyr parler sans cesse, encores que la chose soit moult ennuyeuse , s'il ne se parforçoit nous matter de tout poinct et achever de paindre par la fréquente lecture ou récit continuel de ses beaulx vers et epigrammes , et , qui est bien plus ennuyeux , s'il ne nous chantoit ses amours à tant haulte voix comme il peult, laquelle nous sommes contrainctz ouyr et endurer. Et maintenant il faict du honteux quand vous l'en interrogez. — Il semble, dis je, que cestuy Lysis soit encores bien petit, parce qu'à Touyr nommer je ne puis penser qu'il est. — On l'appelle, dist Ctesippe, peu souvent par son nom : car il porte encores celuy du père , lequel est homme fort renommé. — Et à mon advis, Socrates, qu'il n'est pas que la beauté d'un tel enfant ne soit parvenue à vostre congnoissance : car certes il est de si honneste façon qu'il n'est possible que par ce seulement tout le monde ne le congnoisse.

10 B. Des Periers.

— De qui est il filz ? dis je lors ; je vous prie, dictes le moy. — C'est, dist Ctesippe, le plus grand des deux enfans de Démocrates Exoneen. — Voire, dis je, et bien , Hippothales, soit ainsi qu'ayez acquis une noble et ferme amytié ; mais monstrez moy aussi un petit, s'il vous plait, voz compositions, comme vous avez faict à ceulx cy, à fin que je voye si vous sçavez les propos qu'un amy amoureux doit tenir de son amy aymé , tant à soy mesme qu'à autruy. — Cuydez vous, Socrates, dist adoncques Hippothales, qu'il faille prendre estime à chose que Ctesippe die ? — Voudriez vous dire, dis je lors, que vous ne aymez celuy qu'il dict? — Nenny, dist il, mais je ne compose ny escrips rien d'amour. >> Adoncques Ctesippe dist : « Je croy qu'il n'est en son bon sens, Socrates, car certes il resve et rassotte. — 0 Hippothales , dis je , je ne me soucye pas grandement d'ouyr voz rithmes ou chansons si vous en avez faict quelques unes de voz amys ; mais je desirerois entendre de quelle affection vous estes envers eulx. — Ctesippe vous le dira, dist il : car il le sçait, et en est assez records, puisque ainsi est, comme il dict, qu'il en est tant battu de m'en ouyr parler et chanter tous les jours. — Voire vrayement , dist Ctesippe ; mais encores y ha bien de quoy rire , Socrates : car, pour louer l'esprit de celuy lequel il ayme plus que toutes les choses de ce monde , il ne sçait que mectre en avant, sinon ne sçay quelz propos qui sont telz que certes un enfant auroit honte de les tenir. Il va racomptant partout les mesmes choses qui se disent communément de Démocrates, de Lysis, ayeul de l'enfant, et de tous

Œuvres diverses. i i

leurs prédécesseurs. Il devise de leurs chevances, du train qu'ilz mènent et des prouesses et vaillances qu'ilz ont faictes en Pythos, en Isthmos et Nœmée, tant en chariotz qu'à cheval , ensemble de leurs autres faicts et gestes bien plus antiques que ceulx cy. Encores dernièrement nous recita il en vers un banquet que un des ancestres de Lysis feit une fois à Hercules estant logé en sa maison , à cause de parenté, pour ce qu'il estoit aussi filz de Jupiter, et de la fille de je ne sçay quel prince ; et plusieurs autres choses semblables que les vieilles chantent en filant leurs quenouilles. Voilà, Socrates, ce que tous les jours nous sommes contrainctz d'ouyr en ces comptes et chansons. — Que vous estes mocquable, Hippothales! dis je : ains qu'ayez vaincu, vous escrivez et chantez voz louanges.

— Est ce moy, dist il alors, si j'escrips ou chante telles choses .'' — Ne l'estimez vous pas ? fais je.

— Comment l'entendez vous .''dist il. — Comment ^ dis je , tous ces escripz et chansons redondent à vous seul : car, si vous venez à chef de vos amoureuses entreprinses, telles louenges tourneront toutes à l'honneur de vous, comme de quelque triumphateur, parce qu'aurez acquis un tel amy. Que si vous n'y pouvez attaindre , de tant plus digne serez de -mocquerie, comme vous aurez estimé et loué le bien dont vous serez forcluz. Quiconques est sçavant et bien e.xpert aux pourchas et acquestz d'amytié jamais ne loue aucun de ses amys que premier il ne jouisse de la familiarité d'iceluy, et de peur des inconveniens qui en peuvent en suyvre ; car il y en ha plusieurs qui de tant plus se rendent difficiles,

12 B. Des Periers.

comme ilz se sentent prisez et estimez. — Il n'y ha rien si vray, dist il. — Quel vous sembleroit, dis je, le veneur qui poursuyveroit la beste de telle façon que tousjours il la feist retirer en son fort, dont elle fust plus malaisée à prendre ? — Trop lourd , dist il , et inutile. — Rendre aux gens, dis je lors, les courages arrogans et haultains, au lieu de leur cuyder amollir, est ce point faict d'homme bien ignorant ? — Ouy, ce me semble , dist il. — Or prenez bien garde , fais je , Hippothales, que ne soyez de ce reprehensible pour Tardant frisson de poésie dont estes esprins envers voz amours. Certes je pense que vous ne tiendriez pas celuy pour bon poète qui escriroit contre soymesmes. — Non vrayement , dist il, car quelle espèce de follie seroit ce .'' Pour ce, Socrates, veulx je bien me descouvrir à vous à celle fin que me donniez, s'il vous plaist, quelque meilleur conseil, comment un amant peult acquérir la bonne grâce de sa partie aymée. — Ce n'est pas chose aisée à dire, dis je, Hippothales ; mais, si voulez tant faire que je puisse parler à vostre amy aymé , possible que je vous feray entendre les propos que luy devez tenir, en lieu des choses que vous allez racomptant et chantant , ainsi que ceulx cy disent. — 0 Socrates, dist il, cela se pourroit bien faire facilement , s'il vous plaisoit venir céans avec Ctesippe , car vous ne sçauriez si tost estre assis et entrer en parolles qu'il ne vienne vers vous de soymesmes, comme je pense, tant est curieux et désirant d'ouyr. Et mesmement, pour ce qu'il est aujourd'huy la feste des Mercuriales, que les enfans font céans, j'espère qu'il sera de loysir.

Œuvres diverses. i 3

dont ne fauldra de venir. Autrement, il est bien familier de Ctesippe à cause de son nepveu Mene.xène, le plus grand compaignon qu'il ayt. Il vous le pourra appeler, s'il ne vient à vous de soymesmes. — Ainsi nous conviendra il faire », dis je. Et , en prenant Ctesippe par la main , je le suivy leans , et les autres vindrent après nous.

Quand nous fusmes entrez , nous trouvasmes les enfans sacrifians, et les sacrifices presque parachevez. Or estoient tous ces jeunes enfans bien parez et accoustrez , et jouoient aux tables, aux martres et aux osselets : les uns estoient hors le porche, les autres au coing du parquet, passant le temps à per ou non , en choysissant et tirant des jettons de dedans ne say quelles boeîtelettes,etles autres se tenoient deboutàl'environ, qui les regardoient jouer, entre lesquels estoit Lysis, couronné d'un chappeau de fleurs , lequel Lysis surpassoit tous les autres de physionomie et bonne grâce , et n'estoit point seulement beau , mais bien sembloit estre bon et honneste. Nous nous allasmes seoir sur des sièges qui là estoient vis à vis d'eulx; quoy voyant, Lysis se retournoit souvent et gectoit ses yeux vers nous, comme ayant grand' envie de s'approcher ; mais il avoit honte d'y venir tout seul. Cependant voicy Menexène qui s'en venoit jouant et mignottant devers le porche, et, quand il veit Ctesippe et moy, il s'en vint droit seoir vers nous. Si tost donc que Lysis le veit venir, il ne faillit à le suyvre , et s'assit auprès de luy. Après lesquels là arrivez, plusieurs autres y vindrent aussi. Quand Hippothales veit tant de gens assemblez , il se voulut

14 B. Des Periers.

cacher parmy eulx , et se retira en tel endroict où il pensoit qu'il ne seroit apperceu de Lysis , et ce de peur que sa veuë et présence ne luy fust peult estre ennuyeuse ; par ainsi il se tenoit illec debout , et escoutoit tous nos propos. Or commençay je à dire ainsi à Menexène : « 0 filz de Demophon, lequel est le plus aagé de vous deux ? — Nous ne sçavons , dist il. — Savez vous point aussi lequel est le plus noble ^ — Non certes, dist il , ny lequel est le plus beau et honneste. » De ceste parolle tous deux se soubrirent. « Je ne vous demanderay point, dis je, lequel est le plus riche , car vous estes amys ensemble. Estespas? — Ouy, bien fort, dirent ilz. — Or sont les biens des amys, dis-je, tout communs entre eulx , dont en ce n'estes differens si vous faictes ce proverbe d'amytié avoir lieu en vostre endroict. >> Laquelle chose ils confessèrent; mais, comme je. leur voulus demander lequel de eulx estoit le meilleur et plus sage, un quidam nous interrompit le propos, car il appela Menexène , disant que le maistre du jeu le demandoit ; et me semble que cestuy là estoit le prevost des sacrifices. Menexène s'en alla , et je me mis à ce pendant entretenir Lysis ^ et luy dis ainsi : « Dictes moy, Lysis, vostre père et vostre mère vous aymenl-ils pas bien ^ — Ouy )> , dist-il.

SocRATES. Désirent ilz point que vous soyez heureux ï

Lysis. Pourquoynon?

Sucrâtes. Celuy vous semble il heureux qui est en servitude , et n'a le pouvoir ny le loisir de faire ce qu'il veult ?

Œuvres diverses. i 5

Lysis. Nenny certes.

SocRATES. Si donques vostre père et vostre mère vous aymenl et veulent que soyez heureux, mettent ilz pas toute peine et diligence à ce que vous viviez en pure et franche liberté ?

Lysis. Qui en doubte ?

SocRATES. Ils vous laisscnt donc faire tout quant que vous voulez sans contrevenir à voz désirs?

Lysis. En bonne foy, Socrates , si me sont ilz bien contraires en plusieurs choses.

Socrates. Comment dictes-vous cela , Lysis ? ilz désirent que soyez heureux , et vous gardent de faire voz plaisirs. Or me dictes un petit : si durant le tournoy vous aviez impetré de votre père de monter sur son chariot , et que pour le conduire vous voulsissiez prendre les resnes des chevaulx, vous le permettroit-il pas.^

Lysis. Nenny certes.

Socrates. A qui le permettroit-il donques ?

Lysis. A un palefrenier qui est à la maison, que pour ce faire il tient à gages.

Socrates. Qu'est-ce que vous dictes , Lysis? vostre père baille il plus tost ses chevaulx à gouverner à un serviteur et argent pour ce faire que non point à vous ? Dont vient cela ? Davantaige , vostre père et vostre mère souffriroient-ilz que vous touchissiez leurs mulets à tout un fouet s'il vous en prenoit envie ?

Lysis. Pourquoy me le souffriroient-ils , Socrates ?

Socrates. Comment ? ame ne les oseroit il toucher ?

16 B. Des Periers.

Lysis. Ouy dea, mais c'est à faire au muletier.

SocRATES. Le muletier est-il de serve ou franche condition ?

Lysis. C'est un serviteur.

SocRATES. Hz estiment donc plus un serviteur que vous qui estes leur propre filz, et luy donnent plus de crédit ? Mais encores une chose : Permettent-ilz que vous ayez l'esgard et maistrie sur vostre personne ?

Lysis. Nenny.

SocRATES. Qui l'a donques ?

Lysis. Mon pédagogue.

SOCRATES. Est-ce point aussi un serviteur .?

Lysis. Ouy.

SocRATES. Vrayement, le cas est bien gref et estrange, qu'un enfant noble soit subject à un serviteur de son père. Et en quoy est-ce qu'il ha sur vous esgard ^

Lysis. Quand il me mène vers les maistres qui m'enseignent.

SocRATES. Ceulx-là ont-ilz point aussy puissance sur vous .f"

Lysis. Ouy.

SocRATES. Vostre père vous ha donc bien baillé des maistres et gouverneurs pour son plaisir! Or ça, quand vous estes de retour à la maison, vostre mère, pource que aussi elle désire que vous soyez heureux , vous laisse faire tout ce que vous voulez en matière de filer et devuyder la soye et besongner sur le mestier. Elle vous souffre tenir et manier le coutelet, les ciseaulx, le pigne, la navette et toutes ces autres besongnes ï

Œuvres diverses. 17

Lysis. Dictes-vous, Socrates ? Elle ne me feroit pas seulement poser, mais bien me battroit si je les osoye toucher.

Socrates. Mon Dieu , avez-vous faict quelque chose à vostre père et à vostre mère ?

Lysis. Nenny.

Socrates. Pourquoi donc ne veulent-ilz point que vous soyez heureux et faciez tout à vostre plaisir, ains vous nourrissent de sorte que vous estes tousjours subject à quelcun, et qu'à bref parler, ilz ne vous laissent faire chose quelconque qui vous agrée .? A raison de quoy il semble que tant de biens ne vous servent de rien, veu qu'un simple vallet en ha plustost le gouvernement que vous, voire (qui est bien le pis) et de vostre personne mesmes : car l'un vous la traicte et nourrit, l'autre vous la peigne et accoustre , sans que vous ayez droict ou puissance quelconque, Lysis, mon amy, dont ne sçauriez mettre à effect chose qu'ayez en voulenté.

Lysis. Je ne suis pas encore en aage , Socrates. Socrates. Vous n'estes pas encore en aage, dictes-vous ? Donnez-vous garde , filz de Démocrates, que ce ne vous soit le moindre empeschement. Car à mon advis que vostre père et vostre mère vous laissent faire à vostre appétit toutes fois et quantes qu'ilz veulent que vous leur lisiez ou escriviez quelque chose, et n'attendent point qu'ayez plus grand aage ; ains se fient desjà bien en vous de ce plus qu'en nul autre de la maison. Lysis. Ouy bien.

Socrates. En cest endroict, soit en lisant ou escrivant, il vous est loysible de disposer les lettres tout à vostre plaisir. Et quand vous prenez

Des Periers. I. 2

i8 B. Des Periers.

le lut, ilzne vous gardent point d'en lascher ou tendre les cordes, ou d'en jouer autrement qu'à vostre fantasie ?

Lysis. Non, certes.

SocRATES. A quoi tient il donc qu'en telles choses ilz vous laissent faire tout ce que vous voulez , et aux autres non ?

Lysis. Pource que je me congnois en cestes cy, et que je n'entends rien en celles là.

SocRATES. Donc, voyez vous, mon bel amy, Lysis, comment vostre père, pour vous donner entière liberté, n'attend point que vous ayez plus d'aage,mais que soyez plus sage : car, dès qu'il se appercevra que serez devenu plus prudent que vous n'estes, il vous lairra incontinent le gouvernement de toutes vos affaires et de vostre personne aussi.

Lysis. Telle est mon espérance, Socrates.

SocRATES. Et que feront les autres ï Se porteront ilz point tout ainsi envers vous comme vozi père et mère ? Car pensez vous que quelque seigneur vostre voysin ne vous laissast semblablement voulentiers la charge de sa maison, s'il vous congnoissoit estre bon mesnager.

Lysis. Je le pense.

Socrates. Faictes vous doubte que les Athéniens ne vous baillent le gouvernement de la chose publique, aussi tost qu'ils sçauront que vous serez meilleur et plus suffisant à ce que nuli autre? Disons un petit, que feroit le souverain: d'Asie ? SoufTriroit il à filz aisné, lequel doit après luy succéder au royaume, aller mettre en ses potages tout ce qu'il vouldroit plus tost qu'à nous, après que luy aurions faict entendre que nous j

Œuvres diverses. 19

nous congnoissons mieulx en faict de cuysine que son filz ?

Lysis. Nenny.

SocRATES. Si l'enfant y vouloit mettre grande quantité de sel, il l'engarderoit, feroit pas? Ce que toutes fois il nous permettroit bien.

Lysis. Voire.

SocRATES. Oultre plus, si d'adventure iceluy enfant avoit mal aux yeux , luy defendroit il pas d'y mettre les mains, puis qu'il sçauroit bien que iceluy ne seroit chyrurgien ne médecin ? Mais , s'il nous estimoit estre bon cyrurgiens, ne nous y lairroit il point faire tout ce que nous vouldrions , voire quand pour les luy medecincr nous en ouvririons les paupières et jetterions de la cendre dedans ?

Lysis. Cela est vray.

SocRATES. D'avantage , et se fieroit-il pas mieulx en nous de toutes ses autres affaires qu'en soy-mesmes, ou en son propre fils, s'il congnoissoit que nous y fussions beaucoup plus sçavans et expers ^

Lysis. Aussi seroit-il nécessaire, Socrates.

SocRATES. C'est bien dict, Lysis, mon amy; les nostres et les estrangers, hommes et femmes, tous nous laisseront besongner et faire à nostre guise de ce en quoy nous serons sçavans ; et n'y aura ame qui nous engarde qu'en cela ne soyons libres et remonstrans aux autres. Parquoy, puis qu'en telles choses serions utiles et duisans, à bon droict seroient-elles nostres .f" Mais de ce en quoy ne nous entendons , personne ne nous permettra disposer comme nous vouldrions bien, ains un chascun de son pouvoir nous y re-

20 B. Des Periers.

sistera, non seulement les estrangers, mais les nostres aussi, et encores de ce qu'aurons plus cher ; voire de noz propres personnes serons contrainct bailler la charge à quelques serviteurs plus tost que la prendre nous mesme; lesquelles choses, veu que ne les sçaurions aprofiter, nous seroient aliènes et estranges. Le confessez-vous pas?

Lysis. Je le confesse.

SocRATES. Pourrions-nous estre amy de quelcun , ou quelcun nous aymera il, à raison de ce en quoy nous sommes inutiles ?

Lysis. Nenny.

Sucrâtes. Vostre père ne vous ayme donc point , ny un autre , quel qu'il soit , autruy, en tant que vous ou luy ne leur estre à profit. Mais si vous devenez sage, chascun sera amoureux et familier de vous; autrement personne ne vous aymera, ny les voysins, ny voz parens. Or je vous demande si aucun se peult glorifier du sçavoir qu'il n'a encor acquis.

Lysis. Comment se pourroit-il faire.'' Sucrâtes. Si vous avez besoing de maistre, donques n'estes-vous pas encores sçavant. Lysis. Non certes.

Socrates. Par ainsi ne vous glorifiez vous pas en sçavoir si vous n'en avez point. — Non, dist-il , comme je croy. »

Après lesquelles parolles je jettay mes yeux sur Hippothales, et à peu que ne luy disse en ceste manière : Voyla les propos, Hippothales, que l'on doit tenir aux enfans en les reprenant et rabaissant, non pas les louer et flatter. Mais, voyant qu'il estoit tout fasché pour les raisons susdictes,

Œuvres diverses. 21

je m'advisay qu'il se cachoit de Lysis, dont je me teu et retiray. Cependant Menexène retourna et s'assist en sa place auprès de Lysis. Alors Lysis me dit à l'oreille, autant gracieusement et amyablement qu'il est au monde possible, sans que Menexène l'entendist : « Socrates, dist-il, je vous supplie , tenez à Menexène le mesme propos que vous m'avez tenu. — Vous-mesmes, disje , Lysis , le luy tiendrez par après : car vous m'avez escouté bien ententivement. — Ouy, certes, dist-il. — Mettez donc peine, dis-je, qu'il vous souvienne de tout ce que nous avons dist, à fm de le luy racompter entièrement de poinct en poinct. Et s'il y ha quelque chose dont ne soyez bien records , vous m'en pourrez interroger la première fois que vous me rencontrerez.

— Certes, je y essaieray, dist-il, mais dictes luy donques, s'il vous plait, quelque autre chose, à fin que je l'apprenne aussi , en attendant qu'il soit heure de nous en retourner. — Vrayement, dis-je, je le dois faire, quand ne seroit que pour l'amour de vous et à vostre requeste; mais pensez donc à me donner secours si d'adventure il me repoulse , car vous sçavez bien qu'il est un petit contentieux et opiniastre. — Ce fais mon! dist-il, et ceste est la cause pourquoy je desireroye vous veoir en disputes avecques luy. — Voire, dis-je, Lysis, à fm de vous gaudir de moy ?

— A Dieu ne plaise, Socrates, dist-il, mais à celle fin que vous le repreniez et corrigiez un petit. — La chose n'est pas aisée à faire, dis-je, parce qu'il est fort audacieux et beau parleur, et avec ce disciple de Crisippe. — Crisippe, dist-il, t'^l aussi en la compagnie, le voyez-vous? Mais

22 B. Des Periers,

ne vous souciez, Socrates, ains luy parlez hardyment, je vous prie. — Je le veulx bien, dis-je, mais ce sera à part icy entre nous, tandis que les autres devisent ensemble. — Pourquoy , dist adonc Crisippe , tenez-vous voz propos tant secrets que n'en faictes part à ceulx qui sont en la compaignie? — C'est bien raison, dis-je, qu'ilz en soient participans. Voicy Lysis qui n'entend point plusieurs choses que je luy demande ; or pense il que Menexène les sache, parquoy il me prie que je l'en interroge. — Que ne l'interroguez-vous donc? dist Crisippe. — Aussi vois-je! Menexène, dis-je lors, respondezmoi, je vous prie, à ce que je vous demanderay. J'ay de nature certaine convoitise d'acquérir une chose en ce monde, selon que chascun ha sa fantaisie : car nous voyons l'un désirer des chevaulx, l'autre des chiens, l'autre de l'or, et l'autre des honneurs; toutes lesquelles choses j'estime bien peu et n'en fais pas grand compte; mais je brusle du désir d'acquérir des amys. De sorte que j'aymeroys beaucoup m.ieulx avoir un bon amy que quelque bel oyseau ou plaisant papegay, ou quelque beau chien ou cheval. Et, par mon ame, si on me mettoit au choix, j'auroye plus cher acquester un bon amy que tout l'or du roy Darius, ou que l'avoir prisonnier lui-mesme. Or, advisez combien je suis convoiteux d'amytié. Pour ce, quand je vois Lysis et vous, certes je suis surprins d'un merveilleux estonnement, et vous repuîant très heureux que, estant encores si jeunes, ayez desjà tant aiséement acquis un tel bien que de vous estre si tost accointé de luy, et que luy pareillement vous ayt ainsi prins en

Œuvres diverses. 25

amour. Duquel bonheur tant me trouve eslongné, qu'encores mesmes ne entends-je point comment aucun peult estre amy; qui est la chose que je vouldroye bien vous demander , comme à celuy qui la scavez. Parquoy je vous prie, Menèxene, me vouloir dire, quand quelcun ayme un autre, lequel de ces deux est l'amy, l'aymant ou l'aymé, ou s'il n'y ha aucune différence.

Menexène. a mon advis que c'est tout un.

SocRATES. Que dictes-vous, Menexène.'' Tous deux sont amy l'un à l'autre , enco.es que l'un seulement ayme ^

Menexène. Il me le semble.

SocRATES. Seroit-il point possible d'en trouver un qui aymast sans party .''

Menexène. Oui dea.

SocRATES. Advient-il point aucunes fois que tel amant est mal voulu , comme souvent les amoureux sont de leurs amyes, lesquels, jaçoit qu'ils ayment ardemment, toutes fois point ne sont aymez , mais bien hays et déboutez. Est-il pas vray ^

Menexène. Ouy certes.

SOCRATES. De ces deux personnages , cestuycy ayme , et celui-là est aymé.

Menexène. C'est mon!

Sucrâtes. Mais lequel est amy de l'autre : cestuy-cy qui ayme, soit aymé ou mal voulu, ou celuy-là qui est aym.é, encores qu'il n'ayme point ; ou si nul d'entre eulx est amy, veu que tous deux ne s'entreayment ^

Menexène. Il me sembleroit en tel cas que nul des deux seroit amy de l'autre.

SOCRATES. Nous jugcons donc tout autrement

24 B. Des Periers.

que ne faisions n'aguères , quand nous disions que tous deux estoient amys, encores qu'il n'y en eust qu'un seulement qui aymast,veu que maintenant nous trouvons le contraire : assavoir que , si tous deux n'ayment , ny l'un ny l'autre sont amys.

Menexène. Il le semble.

SocRATES. A ceste cause n'y ha-il point d'amy Je chevaulx , parcequ'ilz n'ayment d'amour pareille ceulx de qui ilz sont aymez, ny semblablement point d'amys d'oyseaux , de chiens , de vin, de jeux , ni de sapience , si sapience ne les aymoit aussi. Vray est qu'on ayme telles choses, mais toutes fois ce ne sont point amys. Parquoy est pas le poëte bien menteur qui dict en ceste manière :

L'homme ayant de beaulx enfans, De beaulx chevaulx triumphans, Force chiens et force oyseaulx, Et tousjours hostes nouveaulx Dont force argent il reçoit.

Est le plus heureux qui soit?

Menexène. Nenny pas, à mon jugement.

SocRATES. Comment, Menexène, vous semble-il qu'il die vray ?

Menexène. Ouy certes.

Socrates. Vous vouldriez donc dire que ce qui est aymé, encores qu'il n'ayme point, ou bien qu'il soit mal vueillant, est neantmoins amy de ce qui est .> aymé, comme sont les petits enfans qui n'ayment aucunement , ains plus tost hayent totalement leurs pères et mères pource qu'ilz les chastient,

Œuvres diverses. 25

lesquels enfans, combien qu'ils portent aucunes fois hayne mortelle à leurs parens , sont nonobstant moult chers tenuz d'iceulx.

Menexène. Voire.

SocRATES. Par ce moyen, non qui ayme , mais qui est aymé, seroit tant seulement amy.

Menexène. Ouy.

SocRATES. Et non celuy qui hayt , mais celuy qui ayme, seroit ennemy mal voulu.

Menexène. Il le semble.

SOCRATES. Si ainsi estoit, Menexène , maints ennemys aymeroient et plusieurs amys hayroient ; et seroient telles alliances d'ennemys à amys, et au rebours de amys à ennemys, si celui-là qui est aymé estoit plus tost amy que celuy-cy qui ayme. Mais quelle resverie seroit-ce, mon doulx amy Menexène ! car il est impossible que amytié soit d'ennemy à amy, ou d'amy à ennemy.

Menexène. Il me semble que vous dictes la vérité, Socrates.

SocRATES. Or, si cela ne peult estre , il fault donc dire que celuy qui ayme soit amy de l'aymé.

Menexène. Il me semble.

Socrates. Et que semblablement celuy des deux qui veult mal à l'autre soit ennemy.

Menexène. Ouy.

Socrates. Voire! Mais s'il est ainsi, Menexène, nous conclurons encores un coup comme nous avons desja faict une fois, assavoir que l'homme est aucunes fois amy de celuy qui n'est pas le sien , ou bien de son ennemy, quand iceluy ayme sans estre aymé, ou ayme son mal vueillant ; et que , au contraire , on est souvent ennemy à celuy qui ne l'est pas, ains plus tost

iG B. Des Periers.

est amy quand on hayt celuy qui ne veult point de mal ou cesluy-là de qui on est aymé.

Menexène. Je le croiroye ainsi.

SocRATES. Qu'est-il de faire, Menexène , si ny les amants ny aymez ne se trouvent estre amys ? Dirons-nous que le nom d'amytié doive estre transporté à autres qu'à ceulx-cy?

Menexène. Par mon ame, Socrates, je ne sçay que vous repondre.

SocR\TES. Pensez-y bien, Menexène, que peult estre nous n'ayons failly le chemin tout au commencement.

Alors Lysis dict ainsi : « C'est bien ce qu'il m'en sembleroit. » Et ce disant rougit de honte. Or pcnsé-je que pour le trop grand désir et affection dont il se penoit d'escouter, il n'avoit pas bien entendu tout le discours du propos qui lui faisoit ce dire ; toutes fois , qu'il en sembloit autrement à tous ceulx qui estoient en la compagnie. A cause de quoy, et à fm de laisser un petit reprendre l'alaine à Menexène, le sçavoir duquel me avoit fort resjouy, je tournay le propos devers Lysis etluy dis en ceste manière : « lime semble, Lysis, que vous avez raison: car, si, du commencement, nous eussions bien considéré l'affaire, nous ne nous trouvissions pas maintenant ainsi esgarez. Et pour ce, n'allons plus par ceste voye, car telle considération me semble estre comme un sentier trop scabreux et malaisé à tenir; mais, pour achever le reste du chemin que nous avons à faire , je serois d'avis que nous le demandissions à quelques de ces poètes, lesquels sont comme pères et gouverneurs de sapience. Or n'est-ce pas mal considéré à eulx quand, en re-

ŒUV RES DIVERSES. 27

monstrant quelz doivent estre les amys , ilz estiment que iceulx se font par le moyen et conduite de Dieu , qui en faict toutes les menées , car ilz disent ainsi :

Toujours Dieu mène et addresse Le pareil à son semblable, Dont après mainte caresse Naist amitié perdurable : Et si est tant favorable, Qu'entre plus d'un milion, Par sa bonté secourable, Robin trouve Marion(i).

Leustes vous jamais ces vers là?

Lysis. Oui bien.

SocRATES. Il est bien possible aussi qu'ayez leu les escripts des sages, où ilz disent le mesmes, assavoir, que toute chose, nécessairement, ayme son semblable. Et telle est l'opinion de ceul.x qui ont traicté du naturel et de tout l'univers.

Lysis. Vous dictes vray.

SocRATES. Disent-il pas bien .''

Lysis. Peult-estre!

SocRATES. Peult-estre aussi que ce que nous disons est vray en partie, et peult-estre du tout, mais nous ne l'entendons pas encores. Toutesfois , si me semble il quêtant plus un mauvais homme s'accointe d'un méchant, de tant sont-ilz plus ennemys : car telles gens ne sçauroient vivre en-

I . Ce proverbe doit son origine à l'ancien jeu de Robin et Marion. Voy. Théâtre françois au Moyen Age, parMM. Monmerqué et Michel, p. 28 et 669. Voy. encore, pour rapprochements intéressants, Ducatiana , t. 2 , p. jjj; Discours d'aucuns propos facétieux de Noël du Fail, Paris , Groulleau, 1 5 $4, in-i6, épître; Le Passe-temps de M. Fr. Le Poulchre, Paris, Leblanc, 1597, in-8, i, p. 54.

28 B. Des Periers.

semble que toujours ils ne s'entrefeissent quelque desplaisir l'un à l'autre. Et amytié ne pourroit estre là où l'un poulse et l'autre frappe. Est-il pas vray?

Lysis. Ouy, certes.

SocRATES. Par ainsi donques telle sentence seroit faulse par la belle moytié : car les mauvais sont-ils pas semblables ?

Lysis. Ouy.

SocRATES. Mais je croy, Lysis, qu'elle entend dire que les bons seulement sont pareils et amys entre eulx, et que les mauvais ne sont aucunement semblables , comme l'on dict communément, ny à eulx-mesmes, ny à autruy, mais inconstans et variables. Or quiconque est différent à soy-mesmes n'accordera jamais avec un autre, et ne pourra estre amy de personne. Ne l'estimez-vous pas ainsi ?

Lysis. Ouy certes , Socrates.

SocRATES. Donques, Lysis, mon amy, à mon jugement, ceulx qui disent le pareil estre amy de son semblable entendent que les bons sont amys aux bons seulement. Aussi, à dire la vérité, les mauvais ne pourroient estre amys ny aux meschans ny aux bons.

Lysis. Je le confesse.

Socrates. Par ainsi donc maintenant nous appert qui sont les amys, car la raison nous monstre que les bons sont amys des bons.

Lysis. Voire.

Socrates. Et je le croy aussi; mais y ha je ne sçay quoy qui me trouble et met en doubte ; oyez, je vous prie, que c'est par la mesme raison que les hommes sont pareils entre eulx, par icelle sont-ilz amys, et par conséquent utiles et

Œuvres diverses. 29

duysans les uns aux autres. Or considérons ainsi : quel profit ou dommage peult faire aucun à son semblable, que luy-mesme ne se le puisse faire? ou que luy sçauroit-il advenir du costé de son semblable, que luy ne s'en puisse bien autant donner de soy-mesmes ? Si donques le pareil se passe aisément de son semblable, y ha il cause pourquoi telles gens se puissent désirer l'un l'autre ?

Lysis. Non pas, ce semble.

SocRATES. Celuy qui ne désire autruy peut-il aymer ou estre amy ?

Lysis. Nenny, certes.

SocRATES. Possible que le pareil n'est pas amy à son semblable, parcequ'il luy est pareil, et que le bon est amy au bon, non entant qu'il luy est semblable, mais à raison de ce qu'il est bon.

Lysis. Peult-estre.

SocRATES. Assavoir mon si le bon, à raison de ce qu'il est bon , peult pas bien suffire à soymesmes ?

Lysis. Ouy.

Socrates. Celuy qui suffist à soy-mesmes, en tant qu'il est prou suffisant à soy, n'a que faire d'autruy.

Lysis. Qui vouldroit dire du contraire .''

Socrates. Qui de rien n'a affaire, il ne désire rien.

Lysis. Non.

Socrates. Si rien il ne désire, donques n'ayme il point.

Lysis. Non, certes.

Socrates. Qui n'ayme point n'est pas amy.

Lysis. Il me le semble.

Socrates. Comment donques se peult-il faire

jo B. Des Periers.

que les bons soient amys des bons, lesquels n'ont cause de désir l'un l'autre en absence, veu qu'un chascun d'eulx peult suffire à soy-mesmes en présence, et n'a besoing de son semblable? Quelle estime sçauroienl faire telles gens l'un de l'autre ?

Lysis. Nulle.

SocRATES. Ceulx qui ne s'entreestiment point pourroient-ilz jamais estre amys?

Lysis. Jamais.

SocRATES. Or considérez un petit, Lysis, où nous en sommes venuz, et si nous avons point esté abusez.

Lysis. Comment donques, Socrates?

SocRATES. Pourceque j'ay autrefois ouy dire à quelcun (encores en ay-je bien mémoire) que toute chose est adversaire à son semblable, et que les bons sont ennemys aux bons. Or s'aydoit-il du tesmoignage de Hésiode, qui dit que le potier porte au potier envie , le musicien au chantre et le coquin au mendiant. Et estimoit que nécessairement fust ainsi de toutes choses, de manière qu'entre les semblables toujours y eust envie et dissention ; mais entre les contraires toute concorde et amytié, veu qu'il fault par nécessité que le povre se face amy du riche; que le petit quière l'accointance du grand, à fin de faveur et ayde; que le malade prenne congnoissance du médecin à raison de santé; et l'ignorant hante le sage pour apprendre et sçavoir. Il disoit bien encores d'avantage, que tant s'en fault que quelcun ayme son semblable, que toute chose quiert, non son pareil, mais son contraire. Chose seiche demande humeur; le froid désire le

Œuvres diverses. j i

chaud ; ce qui est aigu cherche chose camuse ou plane. Amertume souhaite doulceur ; le vuyde repletion ; ce qui est plein quiert à se décharger, et ainsi de toutes autres choses. Oultreplus disoit qu'un contraire estoit vie et nourrissement à sa chose contraire , et que le pareil n'avoit de son semblable bien ne profit quelconques. Or le personnage qui telle chose enseignoit sembloit estre fort beau parleur, car il disoit moult bien. Que vous en semble, Menexène?

Menexènb. Je jugerois de prime face, ainsi que vous, qu'il disoit bien.

SocRATES. Nous disons donc que tout contraire est grand amy de son contraire.

Menexène. Voire.

SocRATES. Prenons qu'ainsi soit, Menexène, mais je vous prie considérer si cela seroit point estrange et hors de propos : car ces sages tant éioquens et propres à contredire se pourroient incontinent lever contre nous, et nous demander si amytié et hayne sont pas bien contraires. Que leur respondrions nous alors pour le meilleur? Serions-nous pas contraints leur confesser que oui.'' Par ainsi, voudroient ilz pas conclure et dire qu'un amy seroit aymé de son ennemy, et un ennemy mal voulu de son amy?

Menexène. Peult estre.

SocRATES. Et que semblablement le loyal seroit amy du meschant, le dissolu du modeste et les bons des mauvais.

Menexène. Si ne me le semble il pas toutes fois.

Socrates. Ilfauldroit bien qu'ilz fussent amys,

32 B. Des Periers.

si tant estoit qu'à raison de contrariété une chose fust amye de l'autre.

Menexène. Il le fauldroit bien voirement.

SocRATES. Donques ny le semblable est amy de son semblable , ny le contraire de son contraire.

Menexène. Il me semble que non.

Socrates. Or à fm que meshuy nous ne nous amusions à ces propos, qui ne nous ont rien profité quant à entendre que c'est que amy, considérons un autre cas, assavoir que ce qui est ne bon ne mauvais fust amy de ce qui est bon.

Menexène. Qu'est-ce que vous dictes, Socrates ?

Socrates. Par mon ame, Menexène, je ne sçay ; car l'esprit me chancelle tout, et varie pour la difficulté du propos. Toutes fois il m'est advis, comme dit le vieil proverbe, qu'il n'est point de laydes amours ; car beauté est toujours aymable, laquelle semble estre ne sçay quoy mol, tendre et grasset , qui soudain coule et passe en nous, comme chose doulce et glissante; et pense que ce qui est bon ne peult estre qu'il ne soit beau. Que vous en semble?

Menexène. Ainsi l'estimé je.

. Socrates. Or vous ay-je dict, en devinant à toutes advantures , que ce qui est ne bon ne mauvais est amy de ce qui est bon. Et savez vous bien la cause de cestuy mon devinement.'' Pour ce que , selon mon advis , il y a trois différentes espèces de choses : car les unes sont

Œuvres diverses. J5

bonnes, les autres mauvaises, et les tierces'ne bonnes ne mauvaises. Qu'en dictes vous?

Menexène. Je le pense ainsi.

Socrates. Puisque , selon les raisons susdictes, le bon n'est amy du bon ny le mauvais du mauvais, ny semblablement le bon du mauvais, donc reste il, s'il y ha quelque amy au monde, que ce soit ce qui est ne bon ne mauvais, lequel soit amy amoureux du bon, ou de qui lui est semblable , car nul n'est amy de chose mauvaise.

Menexène. Cela est vray.

Socrates. Voire mais, comme nous avons dict, le pareil n'est point amy de son semblable.

Menexène. Non.

Socrates. k raison de quoy ce qui est ne bon ne mauvais ne pourroit estre amy de cela qui est tel.

Menexène. Il semble que non.

Socrates. Par ce moyen , ce qui est ne bon ne mauvais peut donc seulement estre amy amoureux de cela qui est tout seul bon.

Menexène. La conséquence semble estre nécessaire.

Socrates. A ce coup, en fan s , avons-nous bien demeslé le poinct:car, si nous considérons le corps de l'homme, estant en santé, il n'a besoing de médecine^ ny des remèdes d'icelle , parcequ'il luy suffit qu'il se trouve bien ; dont la personne saine, à raison de santé, n'est amy amoureuse du médecin, mais bien le malade, comme je pense, à cause de maladie.

Menexène. Ouy.

Des Periers. U. j

J4 B. Des Periers.

SocRATES. Maladie, est ce pas chose mauvaise, et médecine chose bonne et utile?

Menexène. Voire.

SocRATES. Le corps, en tant que corps, est ne bon ne mauvais.

Menexène. Il est vray.

SocRATES. Or est le corps contrainct , à cause de maladie, désirer médecine, dont s'ensuyt que ce qui est ne bon ne mauvais devienne amy amoureux du bien , pour la présence du mal ; laquelle accointancese faict, comme il appert, avant que par la présence de ce qui est mauvais il devienne tel. Et ne peult estre mauvais en tant qu'il est amy amoureux de bien , veu que nous avons monstre estre impossible que le mauvais soit amy au bon.

Menexène. Aussi certes ne peult il estre.

Socrates. Entendez un petit, Menexène, à ce que je veulx dire ; je dy que les choses deviennent aucunes fois telles que ce qui leur eschet et advient , aucunes fois non : comme si on vouloit taindre quelque chose de couleur, couleur est ce qui eschet à la chose coulorée.

Menexène. Voire.

Socrates. La chose coulorée, nonobstant la couleur, est elle pas encores telle qu'elle estoit paravant ?

Menexène. Je ne vous entends point, Socrates ^

Socrates. Peult estre, Menexène, que l'entendez ainsi : si quelcun vouloit blanchir de ceruse vos blonds cheveulx, assavoir mon s'ilz seroient ou sembleroient estre blancs.

Œuvres diverses. 35

Menexène. Ils sembleroient estre blancs.

SocRATES. Encore que blancheur leur eschet, si ne seroient ilz blancs pourtant, et nonobstant la blancheur escheue ne seroient non plus blancs que noirs.

Menexène. Il est vray.

SocRATES. Mais, quand ilz blanchiront de vieillesse , adonc , mon bel amy, deviendront ilz telz que ce qui leur escherra, c'est assavoir ilz seront blancs par la présence de la blanche couleur.

Menexène. Et quoy donques ?

SocRATES. Voilà ce que je demandoye, assavoir mon si tout ce à quoy quelque chose eschet devient incontinent tel et le mesmes que la chose qui luy est escheue , ou si en une sorte il devient Itel, et en l'autre non.?

Menexène. Je dirois qu'en une sorte il de- : viendroit tel et semblable que la chose luy escheue, et en l'autre non.

SocRATES. Par ceste raison, ce qui est ne bon 'ne mauvais, combien que le mal luy soit escheu, n'est pourtant encores mauvais, mais bien l'est il alors qu'il est devenu tel.

Menexène. Ouy certes.

SocRATES. Quand, le mal estant présent, il n'est encores mauvais , telle présence le contrainct désirer ce qui est bon; mais, si icelle le rend mauvais, adonc luy oste elle le désir de bien et amytié aussi, de sorte qu'il n'est plus ce qui souloit, à sçavoir ne bon ne mauvais, ains mauvais entièrement. Or, il est impossible que le mauvais soit amy du bon, ni le bon du mauvais.

;é B. Des Perîers.

Lysis. Il est impossible voirement.

SocRATES. A ceste cause, ceulx qui sont desjà sages, soient Dieux ou hommes, n'ont plus besoing d'estre amy amoureux de sapience, ny ceulx aussi qui ont esté tellement corrompuz et perduz d'ignorance qu'ils en sont devenuz totalement mauvais. Car celuy qui est mauvais, ou du tout ignorant, n'a que faire de sapience. Par ainsi, il ne reste plus sinon ceulx qui, combien que ce mal d'ignorance leur soit escheu, ne sont neantmoins idiots et ignorans de tout poinct, ains ont congnoissance de leur ignorance, au moyen de quoy ilz sont amy amoureux de sapience, estant encores ne bons ne mauvais : car les mauvais ne philosophient , ou n'ayment sapience, ny les bons aussi , selon que nous avons trouvé qu'il n'est point d'amytié de contraire à contraire, ny de pareil à pareil : vous en souvient il pas ^

Lysis. Ouy bien.

SocRATES. 0 Lysis, et vous, Menexène, à ce coup avons nous donc trouvé qui c'est qui est amy, ou non : veu qu'il ha jà esté conclu et arresté entre nous Jant au regard de l'ame comme du corps) que ce qui est ne bon ne mauvais devient amy de cela qui est bon , à cause de la présence du mal escheu. »

Alors confessèrent ilz toutes ces choses estrf vrayes. Et moy d'estre bien aise, autant commt si j'eusse esté quelque veneur ayant trouvé à mor> souhait le gibier que j'alloye querant. Mais il me survint tout en un instant ne sçay quel double et souspecon moult estrange et hors de propos comme si les choses susdictes ne fussent vraye;

Œuvres diverses. 57

lucunement, dont tout fasché leur dis ainsi : « 0 Lvsis et Menexène, il semble que soyons tombez ?n quelque songe ou resverie. — Acause de quoy Jitcs vous cela ? dirent ilz. — Pour ce, dis je, que 'ay grand peur que tous ces faulx propos que lous tenons , touchant sçavoir qui est amy, ne >e gaudissent de nous , comme si nous avions iffaireà gensdesdaingneuxou mocqueurs ! — Pour ^uoy doncques? dirent ilz. — A sçavoir mon, îis je, si Tamy est amy de quelque chose, ou ion. — Il fault bien, dirent ilz, qu'il soit amy 'Je quelque chose ! — Est ce, dis je, pour l'amour ît afm de rien, ou de quelque chose.?

Menexène. Pour l'amour et à fin de quelque 1 :hose.

SocRATES. Telle chose pour l'amour et à fin 3e laquelle on est amy, de quoy que ce soit, est ille point aussi amye , ou si elle n'est amye ni înnemye ?

Menexène. Je ne vous entends pas bien.

SocRATES. Je vous en crcy, Menexène. Or jensé je que vous et moy l'entendrons mieulx linsi. Disons nous pas que le malade est amy- j jmoureux du médecin .''

Menexène. Ouy.

SocRATES. Est ce pas à cause de maladie et ifin de santé qu'il ayme le médecin ?

Menexène. Ouy.

Sucrâtes. Maladie est mauvaise.

Menexène. Voire.

SocRATES. Santé est elle bonne ou mauvaise, )u ne bonne ne mauvaise ?

Menexène. Elle est bonne.

SocRATES. Nous avons dict que le corps ,

^8 B. Des Periers.

lequel est ne bon ne mauvais , devient amy amoureux de médecine, à cause de maladie, qui est mauvaise , et que médecine est chose bonne. Pour l'amour doncques et afin de santé, médecin trouve amytié , car santé est chose bonne.

Menexène. Ilestvray.

SocRATES. Or çà, santé est elle amyeou non.? 1

Menexène. Amye.

SocRATES. Et maladie ennemye ?

Menexène. Voire.

SocRATES. Donques, ce qui est ne bon ne mauvais est amy amoureux de chose bonne , S cause de ce qui est mauvais et ennemy, pour l'amour et à fin de ce qui est bon et amy. — Il y ha quelque apparence, dirent ilz. — Par ainsi, dis-je, à cause de ce qui est ennemy devient on amy ( amoureux , pour l'amour et à fm de ce qui est i amy aymé.

Lysis. Je le pense.

SocRATES. Or, enfans, puisque le propos nous ha amenez jusques icy, prenons bien garde, jei vous prie, que n'y soyons trompez. Tout premie-j rement, je laisse cela, assavoir que l'amy devienne amy de l'amy, c'est à dire le pareil de son semblable , ce que nous avons dict estre impossible ; mais considérons plus oultre , afin que l'o-j pinion présente ne nous déçoive. Nous avons dict que médecine est amy aymée pour l'amourj et à fm de santé.

Lysis. Voire.

SOCRATES. Santé est donc aussi amy aymée. Or, si elle est amy aymée , il faut bien que ce' soit pour l'amour et à fm de quelque chose.

Œuvres diverses. V9

Lysis. Voire.

SocRATES. C'est assavoir de ce qui est aniy ■âvmé , si les choses jà confessées ont lieu .

Lysis. Pour Tamour, et à fin de ce qui est amy avmé voirement.

" SocRATES. D'avantage, ce qui est amy aymé est il point tel pour l'amour et à fin de quelque autre amy aymé?

Lysis. Ouy, certes.

SOCRATES. Or est il besoing que par tel discours nous venions à quelque but et commencement d'amytié oultre lequel il n'y aye point d'au- \ tre amy aymé , de sorte que toute amytié soit ] rapportée à un premier et principal amy pour l'a- ! mour, et afin duquel toutes choses aymées sont | amyes et en porîent le nom. ^

Lysis. Il est nécessaire , voirement.

SocRATES. Voylà à quoy je disois n'aguères qu'il nous failloit prendre garde, à celle fm que les choses qui sont amyes aymées pour l'amour et à fm du vray et seul amy aymé ne nous abusent et retardent comme phantosmes et semblances d'jceluy. Considérons donc en ceste manière. Ce ::< que quelc'un estime et tient cher, comme le père son enfant , il le préfère à toutes les autres choses qu'il tient cher pour l'amour de luy. Comme s'il sçait que iceluy ayt beu de la cicue , il prisera moult et aura cher le vin dont il espère s'aydcr en lieu de contrepoison.

Lysis. Voire.

SocRATES. Aura il pas aussi en estime le flascon où le vin sera ?

Lysis. Ouy.

SocRATES. Estimera il plus lors une belle

40 B. D ES Periers.

couppe ou quelques beaux verres que son enfant? Certes, je pense que toute son intention ne visera à choses quelconques de toutes celles qui lors seront apprestées les unes à cause des autres , mais qu'il tendra et s'arrestera seulement à ce pourquoy tout le reste est requis. Et n'est vray semblable ce que l'on dict communément, que l'or et l'argent soient en estime , car estime et intention ne font sinon la chose seule pour l'amour et à la tin de laquelle l'or et l'argent est quis et amassé.

Lysis. Il est vray.

SocRATES. Ainsi en prent il d'amytié : car toutes choses que nous disons amyes pour l'amour et à fin de quelque amy, sont ainsi appellées par nom emprunté , veu qu'il est certain que cela est seul amy auquel toutes autres amytiez tendent.

Lysis. 11 le semble.

SocRATES. A raison de quoy ce vray amy aymé n'est point amy pour l'amour et à fm d'un autre amy.

Lysis. Non certes.

SocRATES. S'il est ainsi, cela est donc faulx que l'amy aymé soit amy pour l'amour et à fin de quelque autre amy aymé. Oultre plus , ce qui est bon est il pas amy aymé ?

Lysis Ouy, ce me semble.

SocRATES. Ce qui est bon est il pas amy aymé à cause de ce qui est mauvais .<*

Lysis. A mon advis que ouy.

SocRATES. Mais, si des trois dessusdicts, assavoir bon, mauvais, et ne bon ne mauvais, ne restoit plus que deux tant seulement, et que tout

Œuvres diverses. 41

ce qui est mauvais fust aboly et osté de nature , tellement que il n'escheust aucunement ny au corps, ny à l'esprit, ny à autre chose quelconque de celles que nous avons dictes estre ne bonnes ne mauvaises de soy, ce qui est bon seroitil point lors totalement inutile, veu que, si jamais rien ne nous faisoit mal, nous n'aurions besoing d'aucune faveur ou ayde de ce qui est bon ? El viendrions lors à congnoistre comment à cause du mal nous aurions quis et aymé le bien , comme si ce qui est mauvais fust maladie et ce qui est bon le remède. Or n'aurions nous besoing de remède si n'estoit maladie. Et puis vous sembleil point aussi que le bien soit tellement proposé de nature que à cause du mal il soit aymé de nous, et que iceluy bien ne profite aucunement de soy ? — Ouy, dirent ilz, il nous le semble. — Doncques, dis je lors , ce seul es vray amy aymé auquel tous les autres tendent, lesquels sont appelez amys pour l'amour et à fin de celuy, est bien contraire et différent d'iceu'x. Car tous sont amys pour l'amour de l'amy ; mais, du rebours, ce vray amy est tel à cause de ce qui est ennemy, comme il est manifeste. Et, n'estoit ce qui est ennemy, il n'y auroit plus d'amy.

Menexéne. Non pas , selon telle raison.

Sucrâtes. Si le mal n'estoit plus en nature, assavoir mon si faim et soif en seroienl aussi abolies. Or si aux hommes et animaulx, qui ne pourroient lors estre dommagez , restoit encores quelque faim et soif, lesquels appetis ne seroient mauvais, le mal estant totalement osté, je demanderois voulentiers qu'il en adviendroit, si je

42 B. Des Periers.

ne craingnois que tel propos semblast digne de mocquerie.

Menexène. Qui pourroit sçavoir ce qu'il en adviendroit?

SocRATES. Et toutesfois nous sçavons que de faim aucunes fois advient douleur, et aucunes fois plaisir.

Menexène. Voire.

SocRATES. Advient il pas aussi que celuy qui ha soif, ou envie de quelque chose, désire aucunes fois son profit , aucunes fois son dommage , aucunes fois ne l'un ne l'autre ^

Menexène. Ouy.

SocRATES. Si on ostoit toutes choses mauvaises, aboliroit on aussi celles qui ne sont telles?

Menexène. Nenny.

SocRATES. Donques les appetis resteroient ne bons ne mauvais, encores que tout ce qui est mauvais fust aneanty.

Menexène. Il est vray.

SocRATES. Est-il possible de non aymer ce que l'on souhaitte et désire?

Menexène. Non pas, selon mon jugement.

Sucrâtes. Par ainsi, combien que le mal fust lors du tout rasé de nature , encores y auroit-il (ce semble;, quelques choses aymées.

Menexène. Voire.

SOCRATES. Mais, si le mal est cause qu'une chose est amye de l'autre, le mal, n'estant plus rien,neseroit amy : car, l'occasion ostée, l'effect ne peult demeurer.

Menexène. C'est très bien dict à vous.

SocRATES. Avons-nous pas arresté que l'on

Œuvres diverses. 45

ayme quelque chose pour l'amour et à fin d'une autre, et que à cause du mal cecy qui est ne bon ne mauvais ayme cela qui est bon.

Menexène. Ouy.

SocRATES. Et toutesfois il semble maintenant que il y ayt quelque cause d'aymer.

Menexène. Voire il le semble.

SocRATES. Désir, comme nous disions n'aguères, est il point cause d'amytié ? Et qui désire est il pas amy de la chose désirée? Pourquoy tout ce que nous avons dict jusqu'à présent touchant amytié, sont-ce pas pures resveries, comme quelque farce, ou sottie, ou autre semblable poétique invention bien longue .f*

Menexène. On le diroit.

SocRATES. Quiconque désire, il désire ce dont il ha indigence.

Menexène. Voire.

SocRATES. L'indigent doncques est amy amoureux de ce dont il ha faulte. Or est-il ainsi que chascun ha faulte de ce dont il est privé.

iMenexène. Qui en doubte.-*

Socrates. Par ainsi, Menexène, et vous, Lysis, amour, amytié, désir, sont toujours de ce qui est propre et appartenant. — Nous le confessons, dirent ilz. — Donques, dis je, si vous estes amys, il fault bien que soyez aucunement prochains et ^ppertenans l'un à l'autre. — Aussi sommes-nous, dirent ilz. — Et qui désire ou ayme autruy, dis je, par ce le cherit-il et ayme qu'il luy est prochain et appertenant, selon l'esprit ou estude d'iceluy, ou selon les mœurs et façons de faire, ou bien selon la face. Autrement, jamais ne l'aymeroit. )^ Menexène s'y accorda,

44 B. Des Periers.

mais Lysis ne dist pas un mot. Adonc je dis : <( Puis qu'il faut nécessairement que nous aymions ce qui est de nature propre , c'est bien raison qu'un légitime, et non pomt faulx amant, soit semiblablement aymé de ceulx lesquels il ayme. «^Auquel propos Lysis et Menexène à peine voulurent consentir; mais Hippotales, de l'aise qu'il en eut, changea tout de couleur Or avois je intention d'un petit mieulx desduyre le propos, et leur dis en ceste manière : « 0 Lysis et Menexène, s'il y ha différence entre ce que nous disons propre et ce qui est semblable, nous avons trouvé au vray que c'est qui est amy. Mais, si propre et semblable sont tout un , considérez que ce n'est chose aisée rejetter et racler ce poinct par lequel il ha esté dist que le pareil est inutile à son semblable, et que, en tant qu'il luy est inutile, jamais ne luy peult estre amy. Toutesfois, puisque nous sommes desjà comme presque yvres etestourdis de tant de disputes et parolles, voulez vous que nous confessions que ce qui est propre est autre que cela qui est semblable ? — Nous le voulons bien, dirent ilz. — Mettronsnous, dis je, que ce qui est bon à un chascun luy soit propre, et au contraire ce qui est mauvais aliène et estrange, ou que le bon soit propre au bon, le mauvais au mauvais et le tiers au tiers, assavoir ce qui est ne bon ne mauvais? — Il nous semble, dirent ilz, que telles choses sont propres les unes aux autres. — 0 enfans ! dis je, nous nous retournons donques de rechef aux mesmes propos que au commencement nous avions nyez et rejettez : car le meschant ne seroit pgs moins amy du desloyal, ou le maling du

Œuvres diverses. 45

mauvais, comme le bon seroii du juste. — Il le semble, dirent ilz. — Mais, si nous disions, dis-je, ce qui est bon et cela qui est propre ne estre qu'un , le bon seroit il pas seulement amy du bon? — Ouy certes, dirent ilz. — Mais nous l'avons desjà nyé, dis je ; vous en souvient-il pas. — Ouy bien, dirent ilz. — Quelz propos donques, dis je, tiendrons nous désormais pour ne trouver rien de certain? Or, comme les sages ont de coustume faire en leurs consultations , recourons un petit tout le discours que nous en avons faict. Si donques les amans ny les aymez, les semblables ny les contraires, ny de toutes autres choses qu'ayons dictes, dont à cause de la multif-ide je ne suis bonnement records, rien qui soit ne peult avoir le nom d'amy, je ne vous sçaurois plus qu'en dire. »

Quand j'euz ce dict, je pensois bien interroguer quelcun des grands ; mais les pédagogues de Lysis et Menexène, comme si c'eussent esté quelques démons ou esprits familiers, leur commandèrent alors qu'ilz s'en retournassent à la maison avec leurs frères, car il estoit heure de vespres. Ausquels commandemens nous autres, qui estions là assemblez, voulûmes de prime face résister, en rebouîant et empeschant iceuLx pédagogues de ce faire ; mais ilz ne tindrent pas grand compte de nous ny de nos paro'.les. Ains, estans despits de ce, mourmonnèrent contre nous je ne sçay quoy en leur patois, et appellèrent les enfans. Dont nous, vaincuz par leur importunité, fusm-es contraincts lever le siéi;e et rompre la cpmpaignie aussi , par ce qu"il sembloit que les autres entans n'eussent pas grand propos à nous

46 B. Des Periers.

communiquer pour l'heure, à cause de la feste à laquelle ilz s'estoient totalement addonnez. Finalement, comme desjà Menexène et Lysis s'en alloient, je leur dis ainsi : « 0 Menexène et Lysis, aujourd'huynous sommes-nous bien montrez sots et mocquables, tant je qui suis jà aagé que vous qui estes encores enfans ! Dont ceulx cy ne fauldront à se gaudir de nous, qui nous tenons et estimons amys ( je me mets du nombre avec vous), toutes fois que n'ayons encores trouvé au vray que c'est qu'amy. »

Fin.