A JEAN DES GOUTES, LYONNOIS

Petit nombril, milieu et centre, Non point tant seulement du ventre, Entre les membres enchâssé, Mais de tout ce corps compassé, Lequel est souverain chef-a'œuvre, Ou naifvement se descœuvre L'art de l'ouvrier qui l'a orné, Comme un beau vase bien tourné Duquel tu es l'achèvement, Et le bout, auquel proprement Celle grand'chaîne d'or des Dieux Tenant au hault nombril des Cieulx Fut puis par iceulx attachée, Et petit à petit laschée.

En avallant ça bas au monde Leur poupine tant pure et munde, Qui leur donna, comme j'entends, Cent mille petis passetemps Avant qu'elle fust descenaue.

Et des cieulx en terre rendue.

Au reng de ses prédécesseurs,

1. L'éditeur des Œuvres de Marot, 1731, in-4, a fait remarquer avec assez de raison, dans sa préface, que cette pièce a dû être inspirée à Des Periers par le charmant éloge du Tétin , auquel les cours de France et de Ferrare venoient de faire un bel accueil. Voy. mêmes œuvres, t. i, p. 471, ett. 2, p. 503.

Et au beau milieu de ses sœurs Les vertus et grâces bénignes.

Petit neu, qui des mains divines Après tout le reste parfaict As esté le fin dernier faict , Et manié tout freschement, Duquel très heureux touchement La doulce mémoire récente Tant te satisfaict et contente, Qu'a peine à ton plus grand amy Te veulx tu monstrer à demy, Ains te retires tellement Que tu ne parois nullement De peur que poilu tu ne sois Si l'humain touchement reçois Qui en toy le divin efface.

Petit quignet , retraict et place De souveraine volupté, Où se musse la voulenté De chatouilleuse jouyssance, Qui aux convis d'avant naissance Servis de bouche au petit corps, Lequel ne mangeoit point pour lors, Ains par toy sucçoit doulcement Son délicat pourrissement, Dont le petit poupin croissoit A mesure qu'on le trassoit Au flan gauche de la matrice.

j 0 l'ancienne cicatrice ! De la rongneure doloreuse, ; Que deité trop rigoreuse, /■ Feit jadis au povre homfenin, / Animal sans fiel ne venin!

', Lequel, contre toute pitié, j Fut divisé par la mytié, ; Et faict d'un entier tant heureux

Œuvres diverses. 79

Deux demys corps trop langoreux, Qui depuis sont toujours errans, Et l'un l'autre par tout querans En grand désir d'eulx réunir, N'estoit le honteux souvenir De la divine cruaulté, Qui, nonobstant leur loyaulté, Les vient si fort esfaroucher, Qu'ilz ne s'oseroient approcher Pour rassembler leur créature Quand ilz se trouvent d'advcnture, Sinon quelquefois en secret, Où ilz desgorgent le regret Qu'ilz ont de leur perte indicible, Essayans s'il seroit possible Que leurs nombrilz, ensemble mys, Devinssent un de deux demys, Comme ilz estoient premièrement Avant leur desemparement.

Petit bout, petit but unique, Où le viser faulx et inique Ne peult attaindre de vitesse , Mais bien le loyal par addresse, S'il ne m'est possible en présence Te voir, au moins en recompense Ay je de quoy penser en toy, Car je trouve je ne sçay quoy En toutes choses de nature.

Ayant la forme et pourtraicture De toy, nombril tant gracieux.

Et de celuy qui est es cieulx Quand ne seroit ja que le mien Qu'en mémoire de vous je tien, Et considère jours et nuicts Pour tout soûlas de mes ennuys.

0 nombril! dont l'aise parfaicte ,

8o B, Des Periers.

Gist au demy qui te souhaite, Lequel jamais ne sera aise

^> Que franchement il ne te baise, i En remembrance singulière

\ De l'union jadis entière, Oij se peuit trouver justement L'heureux poinct de contentement.