PROPHETIE

A GUYNET THIB.\ULT, LYONNOIS.

Trois compaignons de Basie bien en ordre, Et tant polis qu'il n'y ha que remordre, Mieux usitez aux perilz et hazards Que trois Hectors, ou bien que trois Césars, Doivent en brief (ainsi comme l'on dict), Estre advancez, voire en si grand crédit, Que plusieurs gens de légère créance Mettront en eulx leur foy et espérance, Se promettans, moyennans leurs addresses , Ou grandz malheurs, ou certaines richesses: Par ce qu'il/ ont ceste noble vertu.

Que nul d'entre eux ne fut onc abbatu, Ny ne sera d'homme qui l'importune.

Tant sont douez de prudence ou fortune : Et ont eux trois autant de force cncores Qu'il y en ha en soixante trois mores.

O qu'ilz auront autour d'eulx des flatteurs, Qui les tiendront comme législateurs.

Et les croyront , mesmes sans mot sonner, Mieulxquc plusieurs par beaucoup raisonner!

Œuvres diverses.

Je ne sçay pas s'ilz sont frères germains, Mais, à les veoir au milieu des humains, Hz sont trop mieulx d'un l'autre ressemblans Que trois pigeons ou trois papillons blancs, Et si sont tous d'une haulteur, ce semble. Hz ne vont point qu'ilz ne marchent ensemble , Et quelque fois ne se trouvent que deux, Mais ces deux là ne sont moins hazardeux Que si le tiers estoit en la présence.

Je ne diray meshuy ce que j'en pense, Pource qu'aussi de brief tout se sçaura; Mais pour le moins sachez qu'il y aura (Entre ceutx là qui suyvront leurs contentz; Peu de joyeux et plusieurs mal contentz.