VICTIME PASCHALIS LAUDES

A Claude Feraud, Lyonnois.

Tous vrays chrestiens se viennent présenter Pour humblement et de bon cœur chanter Digne louenge au pascal sacrifice :

Le doulx Aigneau ha bien faict son office, Quant au recueil des brebis esgarées; L'Innocent a les faultes reparées De tous pécheurs espérant avoir grâce.

Vie invincible et Mort, qui tout embrasse. Ont eu, enhuy, un combat furieux; Mais le Seigneur, de vie glorieux , Par Mort vaincu , en ha eu la victoire. Vous, Magdeleine, en sçavez bien l'hystoire.? Contez-nous en ce que vu en avez.

a J'ay, dict Marie, ainsi que vous sçavez,

84 B. Des Periers.

A ce matin le tombeau visité Dont Jesus-Christ estoit resuscité, Duquel vivant j'ay la gloire immortelle Veue et congneue. Et de ceste nouvelle , Tesmoings en sont les saincts et benoists anges, Temoings en sont le suaire et les langes (}ue j'ai trouvez dedans le monument.

« Or, me croyez quand je vous dy comment Christ, nostre espoir, contre Mort et Envie, Qui estoit mort, est retourné à vie; Dont Mort se tient morte et anichilée ; Vous le verrez, de brief, en Galilée. ■»

11 vault bien mieulx (et si est de besoing) Croire Marie, estant un seul tesmoing ■Un seul tesmoing neantmoins véritable), Que des Juifz la tourbe détestable.

Estant encor en mensonge atterrez.

Nous sommes bien certains et asseurez Que Jesus-Christ, qui souffrit passion, Est vrai autheur de résurrection.

Donc, ù vainqueur et puissant roy aussi, Qui n'avez pomt pour vous fait tout cecy, Ams pour monstrer celle grande amitié Qu'aviez à nous, ayez de nous pitié!