POUR LE JOUR DES ESTRAINES

A Ci.AUDt: Le Maistre (■), Lyonnois.

Enfant divin, dont la mère est pucelle. Par ce doulx laict de la pure mammelle Que maintenant vostre bouchette succe

1 . L'un des traducteurs des psaumes dont nous avons parlé ci-dessus. C'étoit un poète fort médiocre, et qui n'a rien laissé. Plus loin cependant Des Periers parle d'une de ses églogues avec assez de plaisir.

Œuvres diverses.

En appaisant la douleur du prépuce, Que l'on vous ha un peu bien rudement Enhuy couppé, soubz le commandement De celle loy pleine de peurs et peines, Je vous supply me donner mes Estraines.. Vous qui avez bien voulu estre né A ce qu'enfin l'homme fust estrené, Non point en chair ny de choses charnelles, . Mais en esprit d'Estraines éternelles.

Nouvel enfant, le plus beau des humains, Desquelz les biens sont tous entre voz mains, "A ce beau jour que l'an se renouvelle Et prent de vous une clarté nouvelle, Estrenez moy de quelque nouveaulté; Mettez en moy une telle beaulté Par le dedans, que le dehors ne tasche Fors à l'aymer, et d'aymer ne se tasche, Et me donnez que j'estime en tout temps L'avoir certain , qui rend les cueurs contents Estre en vertu , en prudence et sagesse , Non point en l'or de mondaine richesse, Dont je vous pry ne m'en donner grand' somme. Tant seulement la charge d'un preud'homme.