LE CANTIQUE DE SIMEON

A LA DICTE Dame.

Puisque de ta promesse L'entier accomplyment Octroyé à ma vieillesse Parfait contentement, J'attendray sans soucy De la mort la mercy.

L'estincelle dernière De mes ternissans yeux Ont veu de ta lumière Le rayon gracieux, Dont je suis esblouy Et mon cueur resjouy.

Le rayon pur et munde Que tu as envoyé A fin que ce bas monde Ne fust plus desvoyé, Car son lustre obscurcy En sera esclarcy.

Ta clarté préparée, Qui de loing reluyra

88 B. Des Periers.

A la gent esgarée, Par tout esclairera, Et ton peuple affoibly Sera lors anobly.