COMPTE NOUVEAU

A LA ROYNE DE NaVARRE.

Un bon esprit, quand le beau jour l'esveille, Soudain congnoist que ce n'est de merveille Si en ce pouvre et misérable monde Prou de malheur et peu de bien abonde, Parce qu'il voit (tout bien quis et compté) Plus y avoir de mal que de bonté.

Je dycecy me souvenant d'un compte, Lequel est tel que certes j'ay grand' honte Toutes les fois que j'y tourne à penser.

Si ce n'estoit que j'ay peur d'offenser La netteté de voz chastes oreilles, Je le ferois, et vous orriez merveilles Touchant le fait de certains maléfices.

Mais, s'il est vray que les propos de vices Sont moins nuysants aux espritz vertueux, Que de vertu les actes fructueu.x A gens pervers ne sont bons et valables, Faire le puis; car vos mœurs tant louables Jà n'en seront pires, comme je pense.

Or dict le compte (afin que je commence Vous raconter ces estranges nouvelles) Qu'à Tours estoient quelques sœurs assez belles,

90 B. Des Péri ERS.

De beau maintien et bonne contenance.

De quel estât? Je n'ai point souvenance S'il me fut dict qu'en religion fussent, Ou qu'autrement de nonnes le nom eussent; Mais tant y a que de leur compaignie Autant étoient que nonne signifie (').

Ces belles sœurs (comme il advient souvent . Que l'on n'a pas toujours avecques soy Gens de sa sorte et de pareille foy), Ne sçay comment, s'étoient accompaignées De quelque rousse, ayant maintes menées, Mainte traffique et plusieurs petits tours Autrefois faicts en la ville de Tours.

A dire vray, à peine eust-on sceu faire Une alliance au monde plus contraire; Car celle là estoit d'autre stature, D'autre façon, de tout autre nature.

Que ces neuf sœurs, lesquelles gentement Se contenoient, et fort honnestement Taschoient garder fermeté immuable.

Mais celle rousse étoit plus variable, Plus inconstante et trop moins arrestée Que n'est la plume au vent mise et jettée, Ou l'eau qui court par ces prez verdoyans.

Qu'en advint il ? Un tas de gens, n'ayans Autre soucy que d'avoir bon loysir De satisfaire à leur mondain plaisir, Voyant ces sœurs et leur compaigne telles, Tinrent propos de se ruer sur elles Et en commun les trousser sur les rencz, Sans adviser qu'ilz étoient tous parentz (F'rères germains, la plupart, et cousins), Ny sans avoir honte de leurs voysins. ' .

Or, pour jouyr d'elles plus aiseement, Hz feirent tant, que tout premièrement Eurent pour eulx celle-là que j'ay dict,