I . C'est-à-dire neuf

Œuvres diverses. 91

Laquelle avoit tout moyen et crédit Envers les sœurs; et si estoit propice Pour faire aux gens tout plaisir et service En tel endroict, selon leur vucii et guise. Se voyant donc incitée et requise Partelles gens, l'habille macquerelle Délibéra de porter la querelle De leur légère et folle voulenté, Pour de ses sœurs vaincre la fermeté

Tant tournoya, tant vint et tant alla, Que d'une ou deux la constance esbranla , Et, à la fin, si bien la convertit , Que tout à plat sur le champ l'abattit; Dont aux galantz moult joyeu-: et contentz (Qui ne cherchoient pas meilleur passe temps; Creut le désir avecques l'espérance D'avoir le reste, au pourchas et instance De ceste là , qu'ilz firent prou trotter, Sans luy donner le loysir d'arrester.

Mais bien souvent (si l'un d'euix s'y mettoil), La povre sotte aux piedz foulée estoit, En récompense, et pour mieulx luy apprendre A se haster, à celle fin de prendre Et attraper les sœurs plus cautement; Ce qu'elle fit, de sorte nue vrayment Les povres sœurs, avecques leur constance, Ne sçeurent tant faire de résistance A l'importun et ardant appétit De ces gens là, que petit à petit (Soubs tant d'efforts, soubs tant d'assaults divers), Toutes enfin ne cheussent à l'envers.

A quoy aussi celles qui se laissoient Ainsi gaigner aydoient et s'eflforçoient (Pour le plaisir de ces bons gaudisseurs) A ruyner quelqu'une de leurs sœurs.

Tant bien aprins avoient l'art et addresse De celle là qui en estoit maistresse.

Quant aux galants, tant creut leur ardeur grande

92 B. Des Péri ers.

Et pour un temps fut si chaulde et friande, Qu'à chasque fois qu'ilz se prenoient à elles Contents n'estoient d'une ou deux des plus belles; Mais bien taschoient ces hommes peu rassis A leur coucher en avoir cinq ou six.

Conclusion : quand tout fut despendu .

Et le beau temps trop follement perdu , En les laissant toutes désemparées, Eort mal en ordre, en maintz lieux esgarées, Du pied au cul gentement leur donnèrent , Puis à la fin vous les abandonnèrent A tous venans : chose presque increable, Mais neantmoins certaine et véritable, Dont on devroit faire inquisition, Et quant et quant juste punition.