A PIERRE DE BOURG, LYONNOIS

D'ont vient cela, mon amy Pierre, que jamais nui ne se contente de son estât, soit que Fortune le luy ayt offert et donné, ou que luy mesmes l'ayt choisy pour certaine cause et raison ? « Que les marchans sont heureux! », dict le vieil souldart qui se sent tout rompu de peine et de coups. Et, au re-

1 . Paraphrase en vers blancs de la première satyre d'Horace. Peut-être l'idée de cette traduction avoit-elle été donnée à Des Périers par son ami Pelletier, l'un des premiers traducteurs en vers françois des Œuvres d'Horace ; ce n'est que plus tard qu'il reconnut toutes les difficultés de l'art de translater :

Je leur pourroy dire qu'en translatant Y a grand'peine, et de l'honneur pas tant (Car du profit , je suis , sans en mentir, jusques icy encor' à m'en', sentir).

Le plus souvent la règle et loi du mètre Nous rend contreintz d'aiouter ou d'omettre, Ou , en voulant suyvre fidellement L'original , il nous prend tellement Qu'il faut user d'une grand périphrase...

{OEuvres de Pelletier ; Paris , Vascosan , 1 547, in-8, p. 102.)

98 B. Des Periers.

bours, celuy qui est dessus la mer, en marchandise, dict ainsi quand il faict tormente : « Il faict bien meilleur à la guerre; qu'il ne soit vray, on s'y escarmouche de sorte qu'en un moment vient ou mort ou joyeuse victoire. » Le conseiller ou l'advocat (quand il oyt lesoliciteur hurter, devant jour, à sa porte) loue l'estat du laboureur. Le paysan , qui vient de loing pour comparoistre à sa journée, dict qu'il n'y a d'heureux que ceulx qui ont leur demeure en la ville. Et tant d'autres semblables choses que Fabius, ce grand causeur, se lasseroit à les compter. Mais (afin que ne te tienne trop longuement) escoutez un peu là où c'est que tend mon propos. Si quelque Dieu disoit ainsi à telle manière de gens : « Çà, que je donne à un chascun de vous ce que plus il désire. Toy qui estois souldart naguères, cà ce coup marchant deviendras; et vous. Monsieur le conseiller, serez bon homme de village. Or, puisqu'avez changé d'estatz , vuydez d'icy, allez vous en; sus, haye avant! qu'attendez vous? » Sire Dieu ! ilz grattent leurs testes : c'est signe qu'ils sont malcontens. Et, toutesfois, ilz peuvent estre tous bienheureux, selon leur dire. A quoy tient il que Jupiter, voyant cela, ne se despite à bon droict contre telles gens, disant que plus n'escoutera vœux ne prières qu'on luy face. Au reste, afin que ce discours ne semble à celuy d'un plaisant qui ne tasche qu'à faire rire (combien qu'il n'est pas défendu qu'en riant l'on ne puisse dire et remonstrer la vérité; comme font les bons magisters , qui donnent aucunes fois aux petits enfans des lettres faictes de marcepains, pour mieulx les faire connoistre), mais, laissons risées et jeux, et parlons à bon escient. Le laboureur, le tavernier, le souldart et les mariniers, qui par toutes mers vont et viennent, se disent tant prendre de peine à celle fin qu'en leur vieillesse ilz se puissent mettre à repos, voyantz qu'ilz auront de quoy vivre; comme faict le petit formy, de grand labeur parfaict exemple, qui porte et traîne, à tout sa

bouche, tout cela qu'il peult au monceau qu'il faict , luy qui n'est ignorant ny nonchalant de l'advenir. Puis, en hiver, durant les neiges, qu'il ne peult aller nulle part, il vit content en patience, usant des biens qu'il ha acquis. Mais toy, il n'est si grand'chaleur, froid, feu, eaux, ny autres dangers, qui jamais engarder te puissent d'aller et venir pour le gaing. Brief, il n'y a rien qui te nuyse, pourveu qu'un autre n'ayt le bruyt d'être plus riche que toy. Pourquoy caches tu dedans terre ces gros monceaux d'or et d'argent.? Pource que, si tu en prenois tant ne quant, ilz pourroient decroistre enfin jusques à un denier. Voiremais, si tu n'en prens rien, .qui ha t il de beau ou de bon au trésor ainsi amassé.'' Je prens le cas qu'en ton grenier ayes de bled cent mille muidz; si n'en entrera t il pourtant point plus en ton ventre qu'au mien : comme si l'on te menoit vendre avec plusieurs autres esclaves, et ta charge fust de porter le pain de la provision; nonobstant ce, tu n'en mangerois non plus que cestuy là qui rien ne porte. Or çà, dy moy, quand l'homme vit selon nature et par raison, que luy doit il chaloir s'il ha ou cent ou mille arpans de terre.? Tu me diras qu'il faict bon prendre, tant soit peu, d'un bien grana monceau. Ouy ; mais, si tu me confessois que j'en prens autant d'un petit , pourquoy donc loue tu tant tes greniers, au prix de mes arches? Il en est, certes, tout ainsi que si tu avois grand besoing d'un seau ou d'une aisguière d'eau tant seulement, et tu me disses que tu l'aymerois beaucoup mieulx puiser en une grand'rivière qu'en ceste petite fontaine. De là vient que le fleuve Aufidus, lequel est si impétueux, emporte, avecques le rivage, ceulx-là qui ayment abondance plus grande qu'il n'est nécessaire. Mais cestuy-là qui n'a disette que de ce qui luy faict besoing jamais ne beuvra son eau trouble, et ne mourra en la puysant. Toutesfois, la plupart des hommes, déçeuz par faulse convoitise, diroient que ce n'est point assez. Que ferois tu de telles gens? Laisse les estre

100 B. Des Periers.

misérables, quand de si bon cueur ilz le veulent ; comme l'on racompte d'un homme qui estoit jadis à Athènes, fort riche et avaricieux, lequel se souloit ainsi rire de ceulx qui se moquoient de luy. « Le peuple (disoit i!) me hue toujours quand je vois par la ville; mais, quand je suis en ma maison, je me loue et flatte moy mesme, lorsque je viens à contempler l'argent qui est dedans mes coffres. « Tantalus est au fond d'enfer, en un fleuve jusques au col; et, quand il se baisse pour boire, l'eau s'enfuyt de devant ses lèvres. Pourquoy ris tu ? C'est de toy même que, le nom seulement changé, la fable est feincte et racomptée. Tu dors dessus tes sacz d'ecus en en souhaictant davantage, et, comme si c'estoit relique, es contrainct de t'en abstenir et n'en prendre que le regard, tout ainsi que d'un tableau painct. Tu ne sçais poinct que vault l'argent, ny à quoy c'est qu'il peult servir. Achètes en du pain, des choulx, du vin, et tout ce dont nature a nécessairement besoing. Trouves-tu bon vivre tousjours en craincte, faire le guet tant de jour que de nuict, te doubter du feu, des larrons, et de tes serviteurs aussi , qu'ilz ne te pillent et desrobent? Quant à moy, je serois content d'avoir, tout le temps de ma vie, tousjours faulte de ces bienslà; mais, SI tu as quelque frisson de fièvre, ou que tu sois du tout au lict malade, tu as qui te visite et pense, et qui s'en va au médecin le prier qu'il te rende sain à tes enfans, tes parentz et amys. Dis-tu? ta femme ny ton filz n'ont que faire de ta santé; les voysins, ceulx qui te cognoissent, et même les petits enfants, tous te hayent mortellement. Et puis, veu que tu ne fais compte de rien qui soit, fors que d'argent, t'esmerveilles tu que personne ne te porte l'amytié que tu n'as desservye? Si tu penses entretenir les parentz que Dieu t'a donnez, sans grâce ni moyen quelconque, et tes amys semblablement, tu t'abuses bien, malheureux, autant que celuy qui vouldroit brider un asne et luy apprendre à courir en une campaigne. Finablement,

Œuvres diverses. loi

metz un arrest et un but en cas d'amasser, si que tant plus auras de biens , tant moins tu craingnes povreté; et commence à faire une fin de travailler, puisque tu as cela que tant tu desirois. Qu'il ne t'en prenne tout ainsi comme il feit à Vuidius (le compte n'en est guère long), lequel estoit riche à merveille; toutesfois, pour plus espargner, tant estoit villain et avare qu'il ne s'accoustroit autrement qu'en simple valet ou esclave, de peur qu'il avoit d'avoir faulte de vivres jusques à la mort; mais une garse, la plus forte d'entre toutes les Tyndarides, luy bailla un coup de coignée et le fendit par le milieu. — Comment veulx-tu donc que je vive? Comme le chiche Nevius, ou Nomentanus le prodigue? — Voicy merveilles! car tu cuydes, en confrontant choses contraires, les joindre l'une auprès de l'autre, de sorte que rien ne moyenne. Quand je te deffendz d'estre avare, point n'entendz que sois despensier. Dea ! quelque cnose y ha t il entre les landes de Bourdeaux et les montaignes de Savoye. Il y ha moyen en toutes choses, et avec ce certaines bornes, hors lesquelles, ne çà ne là, le droict ne sçauroit consister. Or, je reviens dont je suis sorty. Que personne ne se complaise en estant avaricieux, et qu'il ne loue ou esmerveille Testât et fortune d'autruy, qu'il ne transisse de douleur de veoir la vache à son voysin avoir plus de laict que la sienne; qu'il ne se glorifie d'estre plus riche et plein que beaucoup d'autres, s'efforçanl passer en richesses puis cestuy ci, puis cestuy là. De là voyons-nous advenir que le plus riche et advancé met tousjours quelque empeschement à celuy qui cuyde aller oultre : comme celuy qui court au pris, boute ou retient son compaignon', qui tasche gaigner le devant, en se gaudissant des derniers, lesquels il ha desjà passez. Et ceste est la cause dont vient que peu en trouvons qui se vantent d'avoir heureusement vescu , et qui, à la fin de leurs jours, s'en voisent contens de ce monde, ainsi qu'on faict saoul et repeu de quelque somptueux banquet. Or

102 B. Des Periers.

c'est assez, et, afin que ne cuydes que j'aye pillé tous les coffres du bonhomme Crispin le chassieux, je n'en diray pas un mot davantage (')•

EPISTRE A MON PETIT ET GRAND AMY Robert de Andossille.

Petit Robert, d'une petite epistre Je te salue, et si je te chapitre Petitement, d'un petit et bas ton :

Car je sçay bien que tu es un chatton Qui n'as soucy, en ce soucieux monde, Si non de faire ou le caca immunde, Ou de crier avecques ta gorgette, A celle fin qu'un tetin on t'y jette Pour t'appaiser, ou afin qu'on te berse Comme un monsieur, couché à la renverse; Et le meilleur de toute ta besongne.

C'est quand tu tiens une riante trongne, Recongnoissant ton amyable père (Auquel tout puisse estre sauf et prospère!), Ou quand soubris, faisant semblant d'estre aise, A celle fin que ta mamman te baise.

Voylà ton beau et sainct gouvernement.

Depeschez-vous, sus, mauvais garnement, De mignoter, crier, baver et rire.

Pour en l'eschole aller lire et escrire; Si parlerez de quelque beau secret A vostre père, en langage discret.

Dont vostre mère en aura grande envie.

I. La façon originale dont cette traduction est écrite lui: communique une harmonie, une cadence, à laquelle atteint à I peine la prose inimitable des écrivains du XVlle siècle.

Œuvres diverses. 103

Alors, Robert, si Dieu nous tient en vie. Tu requerras tes deux nobles parrains, Qui de ta foy sont pleiges souverains.

Et ta marraine aussi, laquelle t'ayme.

Qui te diront l'espoir de ton baptesme, Dont tu vivras comme les bons chrestiens. A Dieu sois tu, Robert, et tous les tiens!