AU ROY FRANÇOYS

De la mort de son filz(i).

es fatales destinées, Cruelles et obstinées.

I. Le dauphin François, mort en i $36, à Tournon , empoisonné, dit-on, par Montecuculli.

io8 B. Des Periers.

Les dieux et hommes contraingnent

A ce que larmes espraingnent,

Et la court de Jupiter

Ne se tient pas d'en jetter :

Juno la playe ha gemy

Que receut Mars, son amy,

De Diomèdes, rien qu'homme;

Et puis un chascun sçait comme

Jupiter print amertume

De dueii, oultre sa coustume,

Et ploura (pour tout guerdon)

Son bien aymé Sarpedon,

En ordonnant que les dieux

En jettassent larmes d'yeux.

Ce n'est pas merveille aussi

Si toy, Françoys, fais ainsi

Comme Jupiter ha faict,

Que soulages le forfaict

De destinée enragée.

Que si Niobé, eagée,

Fust vefve d'un tel enfant,

Qui fust autant triumphant,

Elle (veu telle infortune)

Fust trois fois pierre pour une.

Donc à bon droict (que n'en mente)

Le bon père se lamente.

Ceulx-là hommes ne sont pas

Qui ne pleurent ce trespas;

Mais ilz sont plus tost pierre, eulx,

Et plus que pierre pierreux.