B. Des Periers

Tu penseras k toute saincteté Et traicteras chose d'honnesteté.

Si Attrempance est de toy bien chérie, Eviter dois les dictz de flatterie, Et craindre autant loz partant d'homme infâme Qu'estre loué pour un blasme ou diffame. Resjouy toy et te veuilles complaire Lors que tu vois qu'aux meschans ne peux plaire, Repute et tien pour un loz esprouvé Par les meschans le blasme controuvé.

Le souverain chef d'œuvre d'attrempance Est mettre aux dictz des flatteurs résistance, Desquelz souvent le plaisantin language A volupté esbranle le courage.

Par flatterie (où faulseté se brasse) Envers aucun ne te dois mettre en grâce, Et, si quelcun vient à toy^ celle voye. Sans luy ouvrir dis luy qu'il se pourvoye.

Estre obstiné ne dois par arrogance, Ny estre enflé de folle oultrecuydance; Humilier te dois, non mespriser, Ou de Testât la gravité briser.

Patiemment reçoy correction; Très voluntiers oy l'admonition; Que si quelcun t'a reprins à bon droict, Saches qu'il t'a profité orendroit; S'il t'a reprins sans point le mériter, Saches qu'il t'eust bien voulu profiter. Craindre ne dois jamais parolles aigres. Mais crains plus tost les doulces et alaigres.

Sois l'ennemy du vice qui te tient, Et de l'autruy (qui rien ne t'appartient) Ne sois jamais enquesteur curieux, Ny repreneur austère et furieux ; Mais toy, estant correcteur sans reproches. Souvienne toy que tellement approches Par charité la remonstrance faire Que courtoysie en conduyse l'affaire.

Œuvres diverses. li^

Facilement du mefFaict pardon donne ; N'esiève aucun et n'abaisse personne.

Des proposans sois auditeur taisible, Et rapporteur des dictz non confusible.

Au demandant rendz facile response; Au Querelleur tost la noise renonce; Soudainement en debatz ne te monte, Et (s'il en vient) par raison les surmonte.

Or, si tu es continent , si advise Du tien esprit et de ton corps la guise. Leurs mouvemens, qu'ilz ne soient trop lâchez, Et ne te fie en ce qu'ils sont cachez : Car rien n'y faict si aucun n'y prent garde , Puis que ton œil en secret les regarde.

Muable sois, non pas léger pourtant, Et ne sois point obstiné, mais constant; Et, si tu as sapience et sçavoir.

N'en cache rien, faisie plus tost sçavoir.

Ne te sois grief de faire à toy semblables Ceulx qui à toy ne sont equiparables, Sans fièrement les avoir à desdain.

En bien vivant ne crains prince mondain.

Garde d'avoir de laschete le vice, Quand vient à rendre un plaisir et service. Si tu l'as faict, n'importune l'oreille De ton amy, requérant la pareille.

Sois aniyable et bening à chascun , Et ne sois point doulx flatteur à aucun. Ayes à peu familiarité, Et pour chascun juge à la vérité.

Sois plus sévère au juger qu'au langage, Et plus austère en vie qu'en visage; Sois amateur de pitié et clémence.

En détestant cruaulté et vengeance.

Sème toujours bon bruyt de mieulx en mieulx, Et sur l'autruy ne sois point envieux.

Si nouveautez et souspçons vas oyant Ou vitupère, à ce ne sois croyant,

Ains ceulx (lesquelz, soubz umbre de simplesse, Veulent jouer quelque tour de soupplesse Au loz d'autruy, le querans impugner), Convaincre dois et leur bien répugner.

Tardif à ire, à courroux difficile, Prompt à mercy et à pitié facile, Ferme et constant durant l'adversité, Humble et discret en la prospérité.

Tu dois cacher tes vertus et biensfaictz, Ainsi que font les autres leurs forfaictz.

De vaine gloire hayr dois les objectz, Non rigoureux ne rude à tes subjectz.

De qui que soit ne blasme l'imprudence; Sois peu parlant, preste aux gens audience; Sévère sois sans nulle cruaulté.

Non mesprisant joyeuse privaulté ; Sois de sçavoir docile et amoureux.

Et à instruyre autruy non rigoureux; Apprens cela dont en as l'ignorance , Sans le sçavoir en faindre l'apparence.

J USTICE.

De la quatriesme il fault avoir notice, Justice dicte. Or, qu'est ce que Justice, Fors de nature une union taisible.

Pour de plusieurs l'ayde et secours paisible ? Mais qu'est ce encor de Justice, sinon De la nature une reigle et canon, Divine loy et divine sentence.

Ou le lyen de l'humaine accointance?

Ce qui convient près d'elle on ne demande, Car convenable est ce qu'elle commande.

Quiconques donc veult aller après elle, Premièrement ayme Dieu d'un tel zèle Comme tu es de luy aymé aussi.

(S'il se peult faire) or l'aymeras ainsi Si (comme il faict) tu taches ainsi faire ,

Œuvres diverses. 125

Valoir à tous et à nully meffaire.

Lors auras tu le nom de juste acçjuis, De tous seras bien aymé et requis.

Que juste sois; tant seulement ne nuys, Mais des nuysans empesche les ennuys.

Il ne fault pas ce pour Justice prendre, Ne nuyre à nul ou en rien ne mesprendre, Car rien n'y ha encor de convenance :

C'est seulement de l'autruy abstinence.

Commence là : que l'autruy ne retiennes, Puis marche avant, et qu'à tant ne te tiennes; Et, si l'autruy prendre ne t'esvertues.

Ce qu'a esté prins, si le restitues En chastiant pillardz et ravisseurs, Que de telz griefz les autres en soient seurs ; Et, pour un mot obscur ou ambigu, Ne fonde point quelque débat aigu; Mais, sans viser au dict ou au language, Contemple et voy du- parlant le courage.

Tout un te soit que nyes ou affermes.

Mais (où que soit q^u'on vienne mettre en termes De vérité quelque inquisition) Tiens ce pour foy et pour religion :

Si, en nyant, Dieu pour tesmoing appelles, Et que de luy tu n'en ayes nouvelles, De vérité pourtant ne te fourvoyés, Ny des statutz de Justice et ses voyes.

Que s'il t'advient user de menterie, Soit pour le mieulx, non pas pour tromperie. Et s'il convient vérité racheter Par le mensonge, il vault mieux inventer (Sans point mentir) quelque excusation, Veu qu'il y ha honneste occasion.

Le juste est tant advisé et discret Qu'il ne révèle à aucun le secret, Car taire sçait cela qui est de taire, Et sçait parler ce qui est nécessaire.

Son seur repos n'est point solicité;

126 B. Des Periers.

Il vit en paix et en tranquilité,

Et où plusieurs sont par maulx surmontez,

Les maulx par luy sont vaincuz et domptez.

Que si tu as d'un tel estude envie , Tu attendras, joyeux, la fin de vie; En gayeté et en ferme liesse , Mespriseras du monde la tristesse; Tout à ton aise, en un tranquile arroy. Tu attendras tout bruyt, trouble et desroy; Puis t'en iras, sans regret ne soucy, Tout asseuré. soubz de mort la mercy.

Du PRUDENT REGIME DE PRUDENCE.

Parfaict seras si , des quatre vertus Suivant les loix, préceptes et statutz, Tu sçais garder leur mesure équitable Par un moyen de vivre raisonnable ; Car, si prudence est oultre bord flottant , Cault tu seras, tout engin redoubtant.

Un crocheteur de cas qu'on ne sceut oncques, Et descouvreur de tous delictz quelconques; Tu seras dict et hayneux et craintif, Et aux souspçons plus que trop attentif, Craingnant tousjours, et tousjours enquerant , Tousjours pensant, tousjours considérant Et appointant tes subtiles souspçons, Pour de quelc'un reprendre les façons.

Monstre seras au doigt de tout le monde. Et dict celuy en qui malice abonde, De preudhommie ennemy périlleux, Et de meffaictz espieur cautelleux , Et (pour te dire à un mot tout en somme) Nommé seras de tous un mauvais homme.

A tel meschef, en telle décadence Meine souvent imprudente Prudence; Mais qui d'icelle en aura bien usé Ne sera point trop lourd, ne trop rusé.

Œuvres diverses. i2j

Du FORTIFIEMENT DE FORCE.

Et s'il advient que Magnanimité Sorte dehors de son pas limité , Elle rend l'homme enflé et despiteux, Tempestatif, ingrat et marmiteux, Et tant en dicts qu'en faicts, chauld et soudain, Honnesteté estant mise à desdain :

Car à tout coup (comme une beste mue) De ses deux yeux les fiers sourcilz remue. Il met tout trouble où est bonne conduicte, I! frappe l'un et l'autre met en fuytte, Et, toutesfois qu'il soit fort courageux , Impugnateur, harceleur, oultrageux.

Ce nonobstant ne pourra il durer A maintz efFortz survenans endurer; Mais il fera une fin malheureuse, Où il lairra l'emprinse dangereuse.

Qui donc de force ha ou mesure ou art, Il n'est jamais trop hardy ne couart.

De l'attrempement d'Attrempance.

Dame Attrempance aussi donc te contienne, Que tu ne sois point chiche, quoy qu'il tienne : Ne ponne point à ta main restrainctif Comme doubteux, souspçonneux et crainctif. Mettre en argent ne dois ton espérance : Car aussi doit pourrir telle apparence; Donc telle borne en Attrempance fiche, Que tu ne sois ne prodigue ne chiche.

Du JUSTIFIEMENT DE JUSTICE.

Finablement ainsi Justice agence, Qu'en ton esprit n'entre une négligence

128 B. Des Periers.

De n'amender faulte grande ou petite, En permettant toute chose illicite Tant à ceux là qui près de toy s'esbattent, Qu'à ceulx lesquelz se moquent et débattent Ou devenir si très mal gracieux Qu'à nul ne sois miséricordieux, Mais aspre et dur à accointance humaine. Ainsi fault donc que Justice se meine : Telle est sa loy et amyable reigle Que tient le juste et point ne s'en desreigle, C'est qu'à mespris l'usage familier Ne luy met point son honneur singulier, Et n'est point tant rigoureux ne rebelle, Que d'humain nom perde la grâce belle.

Conclusion finale.

Siquelc'un donc ha en soy bon vouloir Non à luy seul , mais aux autres valoir, De ces vertus tient l'ordre recité , Selon des temps et lieux la qualité.

Selon les gens et les cas incertains.

Luy donc (ainsi comme en charroys haultains Très bien assis) évite les passages Par où vont ceulx lesquelz ne sont pas sages. En mesprisant l'oysiveté l'affaire.

Laquelle veult servir Dieu de rien faire.

De la cincluiesme vertu.

Celle vertu dont tu requiers le nom Estre cy mis, te la diray-je ? Non.

Si; non feray, on la congnoist assez.

Tant sont ses dictz et ses faitz compassez Mignonnement, si que ses autres sœurs, Ayans prins garde à ses propos tant seurs. Rassis et sains, desquelz elle recrée Grandz et petis, confessent qu'est créée

Vraye vertu, dont pour telle la tiennent, Et se tenans près d'elle l'entretiennent, Rians ensemble avec ris d'attrempance :

Justice voit comment elle dispense Tout justement, de quoy moult s'esmerveille; Et puis Prudence ha honte que tant veille Diligemment au survenant affaire.

En confessant que mieulx ne pourroit faire; Force, voyant qu'à toute adversité Résister sçait , et qu'en félicité Attrempement se maintient sans excès , Ne cherche rien fors d'icelle l'accès.

Ces vertus là donc l'ont en leur mesgnie; Et si luy font, comme à sœur, compaignie. Raison le veult aussi, et les trois Grâces, Où qu'elle soit ou voise, en toutes places, Y vont aussi, doulx passetemps luy donnent, Ny nulle part jamais ne l'abandonnent.

Et s'il luy plaist les neuf Muses hanter, Digne sera qu'on l'escoute chanter, En apprenant quelque chose d'icelle.

Nympnes des boys, nymphes que Triton celle, Ayment la veoir et luy faire service.

Veulx-tu bien veoir telle vertu sans vice ? Assemble moy en un corps femenin Raison, sçavoir, et le troupeau bening , Royal et sainct , des vertus qu'on renomme, Et telle tiens celle que je ne nomme.

Fin.

LoYSiR ET Liberté.

Des Periers. i.

ijo B. Des Periers.

Prognostication des Prognostications