DES QUATRE PRINCESSES

DE VIE HUMAINE, C'est à sçavoir Senecque, des quatre Vertus cardinales.

De maints sçavans les sentences expresses Ont diffiny de vertus quatre espèces , Dont l'humain sens orné (maugré envie) Peult acquérir l'honnesteté de vie.

D'icelles donc vient la première en dance Celle vertu qu'on appelle Prudence ; Et la seconde est Magnanimité; Puis Attrempance à son pas limité S'en vient après; la quatriesme princesse Se dict Justice, en qui tout le jeu cesse. Une chascune ^ainsi que tout exprès Est annexé et conjoinct cy après).

Le sien office ayant mis à effect , Rend l'homme honneste et en mœurs bien parfaict.

Prudence.

Quiconques donc aymes Prudence suy vre , Lors droictemf^nt par raison as à vivre : Premièremenl , poise tout, et estime La dignité des choses légitime.

Comme elles sont et selon leur nature.

Non pas selon le plus à l'adventure :

Car il en est J'aucunes qui, de race Bonnes n'estans, semblent bonnes de face. D'autres on voit, pour non bonnes tenues, Qui bonnes sont quand on les ha congneues.

Œuvres diverses. 115

En grand'merveille ou estime ne tiens Aucunement quelques biens qui soient tiens : Car iiz sont tous pour quelque fois périr. Ce qu'est à toy et qu'as peu acquérir En l'espargnant ja tant ne contregarde , Comme d'autruy chose donnée en garde, Ains pour ton faict (comme rien) le dispense, Et comme rien en user tousjours pense.

Si une fois Prudence tu embrasses, Tousjours seras tout un en toutes places, Selon le temps et changement des choses ; Pareillement fais que tu les disposes, Et qu'en nul faict tu ne te dessaisonnes, Mais que plus tost en mieulx tu te façonnes, Comme la main estre main ne délaisse.

Soit qu'on l'estende, ou qu'en poing on la presse.

Le Prudent doit (si prudent onques veis) Examiner de plusieurs les advis ; Ne sois donc pas de crédulité telle , Que croyes tost à mensonge ou cautelle. Tais toy plus tost de la chose incertaine , Que d'en jetter sentence trop soudaine; N'afferme rien sans seure expérience ; Car tout cela qui ha belle apparence De vérité n'est pas vray ne possible, Comme souvent ce qui semble incredible Premièrement n'est en soy faulx pour tant : Car mainte fois vérité va portant Le masque laid de mensonge attaché, Et bien souvent le mensonge est caché Soubz la couleur de vérité bien miste.

Comme souvent chère rebourse et triste Monstre l'amy, où le flatteur plaidant La monstre belle ; ainsi s'en va taisant Ce qui n'est vray, soubz de vray la couleur, Pour inférer tromperie et malhe^. .

Si désir as de prudent devenir Prendre te fault esgard à l'advenir;

1 16 B. Des Periers.

Et à part toy promettre et pourpenser Ce q^ui se peult par fortune avancer.

Rien en tes faictz hastiveté ne prise.

Prevoy le cas avant toute entreprise, Car le prudent ne dict jamais cecy :

« Pas ne cuydois qu'il en advinst ainsi »; Point il ne double, ains attend et regarde; Rien n'a suspect, mais il est sur sa garde. D'un chascun faict quiers l'origine, à fin Que depuis là tu penses de la fin.

Des cas y ha qui sont de tel affaire Que tu les dois achever et parfaire, Si commencé les as aucunement; Et d'autres sont qu'attenter nullement Il n'appartient, dont la persévérance N'a nul profit ny aucune asseurance.

Homme prudent jamais tromper ne veult : Aussy jamais estre trompé ne peult.

L'homme qui est en bonté demourant Ne peult tromper aucun, mesme en mourant. Tes dictz, propos et advertissemens Sentences soient, arrestz et jugemens.

Pensemens sotz et frivoles inensonges, Estans pareilz à inutiles songes.

Et, comme on dict, des chasteaulx en Espaigne, N'aberge en toy, si que ton cueur s'y baigne. Que si tu viens le tien oyseux désir A recréer en iceulx à loysir, Après que tout bien disposé auras, Fasché , pensif et triste resteras.

Ton pensement ne recule en arrière, Soit qu'il dispose ou que du cas s'enquière, Ou sur le faict contemple en telle sorte, Et que jamais de vérité ne sorte.

Le tien parler ne soit point deshonneste. Mais qu'il conseille ou bien qu'il admonneste Toujours quelc'un; qu'il enseigne et console, Ou qu'il remonstre, et que point ne s'en saoule.

Œuvres diverses. 117

Peu de louenge et moins de vitupère Baille à autruy, car autant d'impropère Loz superfluz et inconsidéré Mérite, et plus que blasme immodéré De flatterie est tel loz souspeçonné, Et de tout mal tel blasme empoisonné.

A vérité rendz loyal tesmoignage , Non à amour, congnoissance ou lignage.

Avec advis de promesse entre es las, Et la tiens mieulx que promise ne l'as.

Si prudent es ou à prudence tendz.

Ton sens sera dispensé en trois temps : Le temps présent très bien ordonneras ; A l'advenir bon ordre donneras, Et du passé auras le souvenir.

Cil perd sa vie, et n'en peult bien venir, Qui de ses jours les faits passez ne compte , Et qui de ceulx qui viennent ne tient compte; Fol, oublieux, bien appeler le fault, Car le lourdaul en coût choppe et deffault.

Metz en devant de ton entendement De l'advenir les maulx expressément, A fin que mieulx les porter considères; Les biens aussi , afin que les modères.

Ne sois fiché ainsi que par despit A la besongne, ains repos et respit Aucunes fois permetz à tes espritz , Auquel repos soient meslez et compris Les bons soucis d'estude de sagesse.

Jamais prudent ne languit de paresse; 11 est bien vray que son esprit relasche. Mais il n'est pas pourtant recreu ne lasche.

Il sçait tant bien haster tardives choses Et deschiffrer les doubteuses et closes; Ce qui est dur sçait très bien amollir, Et aspreté de chose aspre tollir, Ce qui est hault eslevé abaisser, Et sçait par où il doit son faict dresser.

1 18 B. Des Periers.

Tantost congnoist dont les choses sont faictes. Et des expers il voit les entrefaictes Diligemment; par les claires et nues Sçait estimer les choses incongneues, Par les petis, les grandz et les haultains, Par les presens, les absens et loingtains : Aussi faict-il le tout par ses parcelles, Et sçait congnoistre aux vieilles les nouvelles.

Ne sois esmeu pour l'adveu et crédit De celuy là qui la parolle dict, Et ne prens point esgard à la personne, Mais seulement à ce que l'on raisonne.

Pense sur tout et considère bien Aux quelz plairas, et non pas à combien. Ne cherche rien que tu ne puisse avoir, Et estudie à ce qu'on peult sçavoir.

Soient tes désirs et tes souhaitz mis en ce Que désirer peuz des bons en présence.

Tascher ne dois en celuy lieu attaindre. Où trembler faille et la descente craindre.

De bons conseilz salutaires te doue Lorsque le bien te flatte et amadoue, Et, tout ainsi qu'en un glissant passage T'asseureras, tu ne serois pas sage De te lascher impétueusement; Mais tu dois bien prévoir songneusement Où va le cours et où c'est qu'il termine. Ce que Prudence ha dict, si le rumine.

Magnanimité, ou Force.

Quiconques donc est prudent, si s'efforce Avoir en soy la magnanime force, Qui est aussi Magnanimité dicte.

Si de ton cueur elle n'est interdicte, Franc tu vivras avec grande constance, Bien asseuré, hors de crainte et doubtance.

Le plus grand bien et douaire plus cher

Œuvres diverses. i 19

Du magnanime est de non trebuscher, Mais astre ferme, et, sans rien s'esmouvoir, La fin de tout considérer et voir.

Si tu es fort ou ma^anime, point N'estimeras que blesse t'ayt ou poinct Ton ennemy, et ne diras jamais Que luy t'aye faict aucune injure, mais Qu'il a bien eu le vouloir de te nuyre; Et quand verras que l'auras peu reduyre, A la parfin, soubz ta main et puissance, Vengé te tiens povoir prendre vengeance. Saches que c'est de vengeance l'honneur Estre en vengeant de mercy franc donneur.

Par faulx rapport ne dois nul assaillir, Ny en secret sur personne saillir; Mais, si tu veulx vaincre, vaincz en publicque, Et ne prens point à qui que soit la picque Sans que premier à sçavoir ne luy faces : C'est au couart à user de fallaces.

De magnanime et fort nom auras tu Si , tout ainsi que feroit un testu Ou téméraire, en perilz ne te boutes.

Et les perilz, comme crainctif, ne doubtes : Car rien ne rend le couraige paoureux, Fors de mal vivre un regret langoreux.

Continence.

Or, si tu as en amour Continence , Laquelle est dicte autrement Attrempance , Retranche au tour les superfluitez; Refrain les tiens souhaitz de vanitez , Considérant que nature requiert Non ce qu'en toy concupiscence quiert.

Si attrempé tu es et continent , De toy seras content incontinent.

Certes, celuy est nay avec chevance Qui de soy mesme ha en soy souffisance.

120 B. Des Periers.

Diligemment metz bride à tes désirs , Pour les garder de faire leurs plaisirs; Tous attraymens de volupté secrette Tirans les cueurs d'avecques toy rejette.

Mange non tant que le saoul ventre en rie; Boy sobrement, fuyant yvrongnerie.

Ne t'abandon<ne aux délices présentes, Et ne souhaitte en ton cueur les absentes. Facilement soit ton vivre appresté; Quiers la viande, et non la volupté.

La faim plus tost ton appétit aguise Que la saveur de la viande exquise, Et soit de peu ton désir racheté.

Tu ne viendras jamais à povreté Vivant ainsi que le requiert nature.

Que si l'avoir de quelc'un , d'adventure , Point ne lui semble être assez plantureux, Et eust il tout, si est il malheureux.

Celuy qui bien povreté entretient, Riche et puissant chascun le juge et tient.

Tant seulement à ce soing sois enclin, Que ta nature on ne voye à déclin; Et comme si, en ce, te voulois plasre D'estre semblable au divin exemplaire.

Tant que pourras, par devers l'esperit, Retire toy de ce corps qui périt.

Ne cherche point les logis ae plaisance. Contente toy d'estre en un lieu d'aisance; Ne vueilles pas par la maison le maistre, Mais la maison par le maistre congnoistre, Et ne sois point de sens si contrefaict De t'imputer ce que tu n'as pas faict; Ne tasche point sembler et apparoistre Ce que tu n'es ou que tu ne peux estre.

Ta povreté ne soit d'ordure pleine, Aussi ne soit ton espargne villame; Non à mespris soit ta simplicité, Ny fade aussi soit ta facilité;

Œuvres diverses. 121

Et, si tu as des biens petitement,

Ne les tiens pas pourtant estroictement.

J à ne te fault regretter ta fortune , Voyant qu'elle est aux autres opportune.

Si Continence est vers toy bien venue, Fuy Villenie et n'attendz sa venue.

Tu ne dois point pour quelque faulte extresme Tant chastier autruy comme toy mesme.

Pense que tout peult estre supportable, Fors villenie inepte et détestable.

Ne tiens propos salles, dont la licence Couve et nourrit l'esbaudie impudence;

Tu dois aimer les propos vertueux Plus que les doulx et les facétieux, Et les bons motz où vérité se fonde Plus que ceulx là qui coulent en faconde. Mesler pourras aux choses sérieuses Aucunes fois des sornettes joyeuses.

Mais tellement s'attrempent et astraignent Que Dignité et Honte ne s'en plaignent.

Le ris, vrayment, doit bien estre reprins, Qui sans mesure en la bouche est emprins. Ou esclatté tant que la gorge en fend , Tel que le faict ou la femme ou l'enfant. Le ris maling, fol, hault et desdaingneux, Ou de meschef d'autruy, est ris hayneux.

Si aux propos joyeux es invité, Traiter les dois avecques dignité.

Si sagement que quelcun ne s'en fasche; De les ouyr on ne t'en tienne lasche.

En toy ne soit donc flatteuse risée; Maintiens plus tost civilité prisée.

Tes plaisans dictz soient faictz sans mocquerie; Tes motz joyeux soient dictz sans resverie, Ton ris sans moue, et sans cry ton parler; Sans bruyt aussi doit estre ton aller.

Le tien repos tu prendras sans paresse , Et, cependant qu'au jeu chascun s'addresse,