CHAPITRE CLIY

Comment le connestable , après le retour dndit parler ment, se vint tenir à Bohainet des diverses opinions qu*on avoit alors dudit connestable.

* Après ce parlement fait et tenu à Tours, le comte de Sainct-Pol , connestable de France , au retour dudict parlement, se vint tenir en sa maison de Bohain, sur les marches de Picardie; et disoit-on communément, entre les aulcuns, que c^estoit pour venir aux nopces du duc de Bourgoingne ; car le temps qui estoit constitué pour la feste , approchoit tort ; et par ainsi , pour estre tant plus tost près , se vint tenir près du lieu. Autres disoient que c'estoit pour pourveoir aux dan* giers qui pooient escheoir sur la frontière , tant des Ânglois comme des gens d'armes du duc : car le temps estoit plein de rumeur et de ruine alors entre le roy et ly, pour les alliances que avoit prinses avecques le roy Edouard d'Angleterre, ensemble avecques son frère monseigneur Charles et le duc de Bretaigne. Et croy bien que ceste raison estoit bien plus évidente que la première, sauf toutes-fois que ledict connestable , com bon et léal qu'il fust pour le roy et pour ses affaires , si voloit-il nientmoins différer la guerre toujours , et estre moyen de la surseoir entre eulx par toutes labeurs et diligences faisables et responsables ; car aimoit les deux partis et les honoroit , l'ung pour l'onneur et le grand estât qu'il y avoit , et qu'il y avoit son serment , Taultre par nature qui l'accusoit de ce faire ; car y avoit esté né , eslevé , nourri et parcreu , et y avoit tous ses enfans et tout le plus bel de son vaillant^ et dont il estoit