Inéd. ï'i
ger des cas et crimes à liiy imposez i imputés), et qu'il soit procédé au déportemeut ( partage) des provinces, et envoyé ung gouveneur ou lieutenant général pour commander au nom du peuple romain par tout le royaulme de Numidie.
Jugurtha, contrainct d'ester en droict, vint à Rome soubs le sauf conduict de la foy publicque, soubs l'asseurance de laquelle , mais principallement de ses présens qu'il n'oublia pas en ce voyage, il estoit en voie d'absolution ; mais Dieu, ne voulant supporter ceste peste, permit qu'en pleine ville de Rome il entreprist d'assassiner, pour troisiesme parricide , le fils de Gulussa , réfugié à cause des tyrannies et cruaultés de Jugurtha, et demandant justice contre luy.
La clameur de ce sang innocent donna jusqu'au ciel, et feut cause que le peuple commença à se mutiner contre cest homme , et feut sur le poinct de se jetter sur luy ; pour à quoy obvier, et ne voulant le sénat violer la foy publicque, soubs Tasseurance de laquelle ce traistre seroit veneu , bien qu'il ne fallust poinct garder la foy à ung homme exécrable , qui n'avoit jamais faict estât de la foy de parolle ny de promesse, sinon pour tromper, il luy feut faict commandement de sortir d'Italie au mesme jour.
Il sortit donc de Rome regrettant ses présens, cause de sa misère, et ne se pouvoit lasser de
DE LA RÉFORMATION DE LA JUSTICE. I «yC)
regarder derrière luy, et finablement, jetant iing grand soupir, prédict la ruyne prochaine de ceste grande ville, soubs le joug de laquelle l'univers estoit soubmis , et prononça ces mots : O urbein venalem et cito perituram^ siemptorem ùivenerit. «O ville à vendre, et qui périra bientost si elle trouve qui la vueille achepter. » De là, s'en retourne en son royaulme, où trouvant une armée romaine, il se mit incontinent sur ses erres ( traces); et après avoir corrompeu partye des chefs, qui se rendent de son party, et vint facilement au bout du reste, contrainct le général de faire une infâme et honteuse composition avec luy : dont ceste nouvelle veneue à Rome, il y eut bien du bruit; il feut dict hault et clair, que tout le sénat et noblesse estoient corrompeus des présens de ce traistre Jugurtha , et qu'il falloit envoyer une armée de nieneu peuple, qui ne trempoit pas en toutes ces concussions, aulirement on ne feroit jamais rien qui peust valoir.
Cela feut cause que Ton éleut, au nom du meneu peuple, mais néantmoins d'entre la noblesse, ung personnaige d'aussi grande intégrité que de prouesse , et du tout inexpugnable par présens; à sçavoir, Métellus, magna spe cwium pr opter bonas artes; twn maxime quod ad^ersuî?i divitias invictum animum gerebat , et avaritia
l8o TRAITÉ
magistrat uum ante id tenipus romance opes aitritœ hostiumque auctœ erant.
Ce grand capitaine ne tarda guères à faire perdre toute escrime a Jugurtha, qui ne peut jamais faire bresche contre ce couraige ennemv mortel de toute avarice, et en peu de temps prépara le chemin à Marins, qui feut le premier du meneu peuple esleu chef d'armée, à cause, comme a esté dict, des nisupportables concussions du sénat et de la noblesse, et alla recueillir le fruict des conquestes de Métellus; et finablement feut le traistre Jugurtha trahi par ung aultre traistre , et livré entre les mains de Marins, qui Famena prisonnier à Rome, triompha de luy, et, ce jour du triomphe, ce misérable Jugurtha périt lentement. Au partir de là, feut dépouillé et jette dans une fosse, où il languit encore six jours entiers, et moureut de faim; et ne se trouva jamais aulcungs de tous ceulx à qui il avoit tant faict de présens, qui eussent pitié de luy non plus que d'ung pauvre chien.
Voilà la fin merveilleusement tragique et toutesfois digne de la maudicte et détestable vie d'ung homme que nature avoit doué de grandes et belles conditions, s'il les eust sceu bien mesnager par bonne conduicte et exercice de la vertu ; et se veoit au progrès de sa vie que rien ne l'a tant ruyné que la faveur du sénat deRome<»
DE LA RÉFORMATION DE LA JUSTICE. l8l
par hiy corrompeu à force d'or et d'argent, et eust beaucoup mieulx vallu pour luy de ne trouver aulcune grâce, port ny faveur, ains une sévère et exacte justice, qui eust esté cause de la tenir en cervelle, en discipline et exercice d'homme de bien, là où trouvant, par une insigne injustice, grâce du premier parricide, il entreprint hardiment le second : du second, comme par degrez, on s'accoustume au vice, et enfin Ton monte ung donjon de toutes abominations, se rendit si odieux, que la pluspart de ses amys, qu'il avoit corrompeus par présens, commencèrent à l'avoir en horreur; les aultres n'eurent plus de mo^en de le favoriser : par ainsy feut abandonné de tous, et finablement conduict au pas où jamais ne manquent guères de se précipiter tous les meschans.
Mais tant y a que ceste vérité demeure, que le port, grâce et faveur que font les judges corrompeus sont ordinairement cause du malheur et ruyne de ceulx qui sont favorisez, plus que de ceulx contre qui l'injustice est faicte.
Si je voulois dilater cest argument, ce ne seroit jamais faict. Je me contenteray de cest exemple, pris d'ung bon, grand, et vérifié de poinct en poinct par l'histoire, pour faire judgement de tous les aultres, et laisse à considérer combien le port et faveur , faict en justice à une per-
sonne médiocre, luy doibt bien plnstost apporter du malheur et de malencontres, puisqu'il est certain qu'il n'a pas tant de force et de résistance que les grands pour se fortifier et mettre à l'abry soubs le couvert d'une injustice patente, qu'il recognoist en sa conscience avoir esté faicte en sa faveur par judgesmeschans, concussionnaires et corrompeus, desquelz luy mesme, qui est favorisé, a très mauvaise opinion, et à raison.
Pour le regard de ce qui concerne la justice de la France, parce que j'ay protesté dès le commencement de parler des vices en général, et desduire les remesdes sans nommer personne, je dirai seulement en gros , que nous veoyons tous les jours des judgemens donnez par faveur, réformez par les courts soubveraines ; des arrests aussi rétractez par des requestes civiles, et propositions d'erreurs, révisions de procez, évocacations ou aultrement; et en fin de compte l'on trouve qu'il n'y a rien qui ruyne plus les partyes que les faveurs et grâces qu'elles pensent avoir receues des judges, encore que pour ung temps elles leur soyent doulces et agréables à merveille; mais c'est ny plus ny moins que si, à la prière et supplication d'ung malade saisi d'une grosse fiebvre ardente, vous lui baillez du vin ou mesme de l'eau extresmement froide tant qu'il en vouldra : il se sentira pour img peu de.
DE LA REF0RMA.T10N DE LA. JUSTICE. l83
temps soulaigé par ce rafraischissement , vous remerciera et croira vous estre fort obligé, qui aurez, par vostre connivence et faulse miséricorde, adhéré à son appétit corrompeu et déraisonnable ; mais tost après , il ressentira bien , par le redoublement de la fiebvre ou empirement de sa maladie , combien plus luy avez faict de mal par vostre grande facilité , indulgence et nyaiserie, que si vous luy eussiez refusé tout à plat, ou pour le moins obéy avec plus de justice, mesure et médiocrité, et vous mauldira au lieu de vous en sçavoir gré.
Tout ainsy que le médecin trop doulx ruyne le malade, le père trop indulgent mène ses enfans à perdiction inévitable. Aussy le judge qui favorise, supporte et panche la balance pour qui que ce soit, il luy faict plus de mal que de bien, soit à l'instant, soit après, et doibt croire qu'il viendra ung temps que la porte de justice ouverte, les judgemens seront réformez par plus gens de bien que luy, qui détesteront sa mémoire , et sera portée bien avant en la malédiction de la postérité.
De ce que dessus appert que ceulx qui travaillent tant et briguent des amys et des faveurs de toutes parts pour corrompre les judges et avoir des judgemens favorables, ne sçavent ce qu'ilz demandent , et la pluspart se procurent
eiilx mesmes ruynes et malencoiitres ; et le bon jiidge ne sçauroit mieulx faire pour son honneur, et aussy pour le grand profict et advantaige de son amy, que de le judger en sa conscience, sans grâces ny faveur quelconque. S'il faict aultrement, il se perd d'honneur et de réputation , et avec cela trompe son amy, pensant le gratifier en faisant injustice, et eust mieulx faict de luy faire libéralité de son propre , que de luy adjuger injustement celuy d'aultruy, qui n'est pas ung simple larcin , mais ung brigandaige et pur sacrilège ; afin que les judges ne pensent pas que ce soit jeu d'enfant ou chose de peu, que le maniement qu'ilz ont de la justice, et qu'ilz y songent et resongent si bon leur semble.
Pour moy, je croy qu'il n'y a rien plus véritable que ce que disoit ung bon personnaige de nostre siècle, que se\>eritus senalormn pudoris et modestiœ magistra; simul atquevel tantillum intermiltitur ^ statim obrepit indulgentia ^ petulantiœ ac intempe rantiœ mater ^ scelerumque pêne omnium fomes et receptaculum. « La sévérité des judges est la maistresse de toute honnesteté et modestie : si tost que tant soit peu on la relasche, se met en son lieu, rang et place, l'indulgence, qui est la propre mère de pétulance et d'intempérance, et le réceptacle de toutes sortes de crimes et meschancetés. » Non toutesfois que
DE LA RÉFORMATION DE LA JUSTICE. l85
j'entende exclure la miséricorde des grands princes, des magistrats ny des judges, laquelle non seulement leur est bienséante , mais extresmement nécessaire , pourveu que , par mesme moyen, ilz ayent tousjours esgard à la justice, et que l'on en use avec ung tel tempérament, que l'ung ne soit jamais sans l'aultre, comme a esté desjà touché cy dessus.
A quoy j'adjousteray le dire d'Ammian Marcellin , digne d'estre bien remarqué : à sçavoir , que tous ceulx qui tiennent le gouvernail et timon de la républicque doibvent tousjours demeurer en honneste médiocrité : c'est le siège et place naturelle de la vertu. Les extresmités sont tousjours vicieuses, et se doibvent, comme d'ung cercueil, gouffre et précipice, garder de tous excez ez cas de leurs administrations.
Imperium regenti omnia nirnia veluti prœrupti scopuli vilanda sunt ; nam omnibus ignoscere crudelius est quam nulli : sed modum tenere debere quia difficile est, temperamentum quidquid œquo plus futur um est inpartein humaniorem prœponderet.
A ce propos me plaist infiniment la belle mesditation de sainct Ambroise, sur le Psalme cent quatorziesme : Misericors et jus tu s Dominus, et Deus noster miseretur.
Il a, dict il, miz deux fois la miséricorde, et
la justice une seule fois; la justice est au milieu et comme enfermée de tous costés de la miséricorde. Et toutesfois il ne fault jamais que la justice aille sans miséricorde, ny la miséricorde sans la justice; car il est escript : JSoli ipse nimium jus tus; «. garde toy d'estre trop juste. »
Qu'est ce à dire cela? C'est à dire, qu'il fault garder la mesure et médiocrité, et qu'il ne fault pas, soubs prétexte de clémence et miséricorde, bien souvent affectée, faire injustice, ny aussy soubs ombre d'une roide et sévère justice faire quelque cruaulté. Qu'est il donc de faire? me dira quelqu'un. Je l'ay desjà dict, quand j'ay conjoinct la justice et la miséricorde comme sœurs germaines, inséparables de compaignie. Mais, pour satisfaire en tout et partout aux esprits dociles, qui font des questions, non par calomnie, mais par le zèle qu'ilz ont à la piété et justice, je les prieray de suivre le très sainct et salutaire conseil de Sénèque, en la description qu'il faict du debvoir du bon gouverneur d'une respublicque ou du judge et magistrat de la cité.
Legum prœsidem ^ ait^ civitatisque rectorem decet, quamdiupotest, verbis, et Us rnollibus, ingénia curare, utfacienda suadeat, cupiditaiemque Jionesti et œqui conciliet animis ^ faciatque vitiorum odiuin^pretium virtutum: transeat deinde ad tiistiorem orationeniy qua moneat adliuc et ex-
probret; novissime ad pœnas ^ et has adhuc le^es et re\'ocabiles decurrat : ultima supplicia ultimis scelerihus ponat ^ ut nemo pereat , nisi quemperire etiam peremitis intersit.
Toutesfois et quantes que nous assemblons ces deux mots de sainct Augustin : Homo et peccator, nous ne les mettons pas sans cause, quia peccator est corripe^ quia homo miserere : « en tant qu'il est pescheur et affaibly, chastiez le; en tant qu'il est homme, ayez pitié de luy. »Mais surtout donne toy garde que ta miséricorde soit de justice , et te soubvienne que la facilité de pardonner est la source et cause principale de toutes meschancetez. Facilitas veniœ, dict sainct Ambroise, intentionem tribuit delinquendi. Pardonnez, dict il, à ung larron public, à ung judge concussionnaire, à ung brigand ; c'est vous mesme qui faictes, par leurs mains, les aultres larcins, concussions et brigandaiges qui s'ensuyvront. Faictes miséricorde à l'homme sanguinaire, meschant et assassineur; c'est vous mesme qui coupez la gorge, meurtrissez et assassinez ceulx qui tomberont entre les cruelles mains de cest homme de sang, et vostre vie respondra de celles qui auront puis esté perdeues par vostre et affectée clémence et miséricorde.
Saûl irrita grandement Dieu quand, contre sa volonté, il saulva par pitié ce meschant et ce dé-
1 88 TK AITÉ
testable Agag (i); ceste injuste miséricorde luy feit perdre la vie, et feut transféré le royaulme hors de sa maison. Autant en arriva il à Achab quand il pardonna à Bénadab(2), et luy feut dict que sa vie iroit pour celle de Bénadab, et que redderet aniinam pro anima.
Qu'est ce qui faict régner tant de larcins, de concussions, de meurtres, outraiges parmy les hommes? L'espérance certaine qu'ilz ont de la grâce du prince, ou la faveur des judges qu'ilz se promettent de pouvoir corrompre ou par argent, ou par menaces, ou par quelque aultre sorte de corruption que la nécessité, d'une part, et la disposition des judges, de l'aultre part, faict praticquer et mettre en usaige.
Cassiodore dict qu'il se fault garder que la sévérité des judges ne surpasse point les crimes, et aussi faire en sorte que les meschans ne se
(i) Roi des Anialécites, qui avait maltraité les Israélites à leur sortie d'Egypte. Dieu , pour venger son peuple , avait fait ordonner à Saiil par Samuel de leur faire la guerre. Les Amalécitcs furent vaincus , et leur roi Agag pris. Saiil l'épargna; mais Samuel exigea qu'il lui fut livré, et le coupa en morceaux.
(2) Roi de Syrie, qu' Achab renvoya dans ses états après l'avoir vaincu. 11 en fut sévèrement repris par les propiiètes du Seigneur.
glorifient et triomphent de la despoiiille de la justice par l'impiuiité de leurs forfaicts et maléfices.
Qu'est il donc de faire pour ne faillir point, ou par trop de miséricorde ou par justice? Il fault que les grands princes et soubverains, magistrats sur lesquelz le prince se repose, suivent le conseil du bon empereur Marc Antonin le Philosophe, sur lequel seul Silenus, au discours des Césars, où il brocarde tous les aultres, ne trouve rien à redire, lequel en deux beaulx préceptes bien succincts a compris tout le gouvernement de ceste vie, qui est, en somme, d'aimer le genre humain , et imiter Dieu le créateur.
oCXtigov, dict il, to avÔpwTrtvov ^évo;,
àxoXou67i«70v de tw Ôsw.
C'est aimer les hommes, d'avoir soing d'eulx, leur faire du bien et proficter à tous; ce que peuvent faire les princes, et c'est en quoy consiste leur grandeur : c'est imiter Dieu, de protéger les bons, et de rémunérer chascung selon leurs mérites , et punir rigoureusement les grands crimes et meschans desplorez, pardonner aux faultes légères qui ne vont pas à la ruyne ny destruction de personne.
Mais contentons nous d'avoir, comme en passant et par occasion, touché ceste corde. Re-
igO TRAITÉ
tournons à nos magistrats corrompeus, qui, judgeant par faveur, ruynent le plus souvent les deux partyes pour les raisons cy devant desduictes, et eulx mesmes (qui est ung aultre grand poinct, et que je veulx examiner plus au long, parce qu'il est de grandissime importance^ se perdent d'honneur et de resputation, soit envers les princes, aux iniques commandemens desquelz ilz ont obéy contre la justice et la raison, soit envers les particuliers, auxquelz ilz ont preste leurs consciences; car tout aussytost ilz entrent en mauvaise opinion d'eulx, et les tiennent pour telz qu'ilz sont, c'est à dire, pour des âmes vénales, servyles et de nulle valeur, et n'ont garde de s'en servyr en des affaires qui se doibvent conduire par ung grand sens, par intégrité, probité et fidélité. C'est la récompense du meschant que, mesme quand il veult faire quelque chose de bien, on ne luy a pas de créance : on estime qu'il ne peult rien sortir d'ung cloaque de vices que toute ordure et vilenie.
Le menteur ordinaire si, parmy cent menteries, il vous dict une vérité, on ne croira pas pourtant, s'il ne la faict dire par ung plus homme de bien que luy, à l'exemple de cest Athénien, qui vouloit proposer ung moyen utile à la respublicque; mais, pour ce qu'il estoit descrié, recogneu desbauché et dissoleu en ses mœurs, on
DE LA RÉFORMATIOK DE LA JUSTICE. IQf
le feit proposer par ung homme d'honneur, et feut reçeu.
Les gens de bien et de grande resputation sont creus sans aultre garantie que de leur simple parolle : la sublime vertu se faict voye partout; les petits l'admirent, les médiocres luy font honneur, les grands sont contraincls tout au moins de l'estimer; et s'ilz ne la veuillent récompenser, elle ne leur laisse pas pourtant d'estre telle, et de recevoir le loyer (récompense) de soy mesme.
Quel grand contentement pensez vous que récent Xénocrate , quand il feut appelle en tesmoignaige, et que les judges, comme il vouleut faire le serment ordinaire, se levèrent tous et Tempeschèrent formellement de jurer, se fiant à sa simple parolle, contre les formes accoustumées en tel cas? Il fault bien croire qu'il en reçeut plus de satisfaction en son ame, que des cinquante talens dont ce grand Alexandre luy feit présent.
Peult on imaginer ung plus grand plaisir que celuy de Quintus Métellus , lorsqu'estant accusé d'avoir versé en la charge qu'il avoit eue des finances, et ayant miz ses comptes sur le bureau pour estre veus et examinez, tout le conseil détourna les yeux de l'aultre costé, et n'y eut vmg seul qui vouleust y regarder, tant ilz avoient peur de tacher par ung petit soupçon la renom-
mée de cest homme de bien? JMon in tabulls^ sed in vita Q. Metelli , argumenta sincère administratœ provincice legendœ sibi judices crediderunt ^ indignum rati integritatein tanti viri exigua cera et paucis litteris perpendi.
Ces Périclès et Aristide d'Athènes, Caton et Scaurus, et quelques aultres Romains, par leur éminente vertu et par leur intégrité , avoient gaigné à hault poinct d'honneur parmy leurs citoyens, que tout ce qu'ilz disoient estoit reçeu pour oracle, et tout ce qu'ilz faisoient, pour justice.
Thémistocles, bien qu il feust aultrement personnaige excellent et de grand mérite, ne peult jamais atteindre à ce degré, quelque essort et peine qu'il aie pris, dont il portoit une extresme envie à Aristide. Et, de faict, comme ung certain jour il haranguoit au peuple, et disoit avoir ung moyen prompt et facile pour ruyner toutes les forces de leurs ennemys, mais que la découverte feroit perdre le fruict de ce conseil , le peuple luy ordonna de le découvrir à Aristide, à la charge de l'exécuter, si celuy là le trouvoit bon. Aristide , après l'avoir entendeu , dit au peuple que véritablement l'adviz de Thémistocles estoit fort utile à la chose publicque; mais qu'il ne le trouvoit pas ny honneste, ny de justice.
A ce mot, le peuple s'arresta tout court, et
DE LA RÉFORMATION DE LA JUSTICE. IqS
n'en feut rien exécuté. C'estoient néantmoins les plus grands conseillers d'estat et premiers capitaines de leur temps : mais l'ung estoit beaucoup plus homme de bien que l'aultre; l'ung estoit vain extresmement , avoit avec cela le cœur à For et à l'argent, à quelque prix que ce feust en vouloit avoir, et son avarice le poussoit quelquesfois en de grandes injustices. L'aultre ne faisoit pour tout cas que de la justice et du vray honneur, acquiz par la seule vertu.
Le vray moyen donc de parvenir à ce degré, c'est à dire, d'estre recherché, aimé et prisé de tout chascung, est bien sommaire; c'est d'estre tel , à la vérité , que l'on veult estre estimé. Je dis à la vérité; car, s'il y a de la feintise, de l'hypocrisie , et que l'on ne soit homme de bien gratuitement, mais à dessein, on sera descouvert plus tost que l'on ne sçauroit croire; et ceulx qui pensent acquérir une stable et perdurable gloire par l'hypocrisie et dissimulation , se trompent tout à faict, d'autant que telle gloire et resputation ne jettent pas ses racines bien avant par telle nourriture; de manière que le moindre vent ou accident qui survient l'emporte tout aussytost qu'elle est levée, et meurt presque dès sa naissance.
Ce n'est pas la vraye gloire acquise par bon et juste tiltre; elle jette ses racines si avant, estend avec cela ses branches et rameaux si loing,
