I . Inéd. 1 I

iGi TRAITÉ

science, raisonnable el desraisonnable, bien ou mal acquis : si tout ce qui est utile et profictable est uny, joinct et inséparable de Thonnesteté et aultres telles curieuses et chrestiennes questions qu'ilz appellent resveries et imaginations de cerveaux creux et mélancolicques, et des personnes qui ne sçavent pas vivre au monde et s'accommoder au temps qui court; c'est à dire, en leur jargon, qui ne sçavent pas et ne veulent pas amasser du bien par force, par cautelles, par chicaneries , par exactions , oppressions , concussions, faulsetés, circonventions, corruptions, calomnies, accusations, et générallement par toutes sortes d'inventions indeues et subtils moyens par eulx praticquez pour en avoir, et le plus souvent aux despens des pauvres innocens et des gens de bien et craignant Dieu , mais , au reste , de peu de crédict, et qui n'ont pas bec et ongle pour se revancher contre ces harpies , qui n'ont poinct de honte de dire, avec tout cela, plusieurs blasphesmes du tout exécrables et indignes d'ung chrestien. Qu il ne fault que tourner dix ans le dos à Dieu, pour estre à son aise tout le reste de sa vie, et jouyr de ses larcins et biens injustement acquis en ung souef (suave) et doulx repos, et qu ilz auront lors tout loisir de songer à leur conscience et de se réconcilier avec Dieu.

DE L\ RÉFORMATION DE LA JUSTICE. l63

Mais ce sont des misérables qui perdent le corps et Famé tout d'ung coup , et leur feray veoir sans extravaguer ny sortir des termes de ma proposition, qu'il n'y a rien si lubricque et mal asseuré que le bien par eulx acquiz par les injustices qui ont esté faictes pour les favoriser, gratifier et advantaiger aux despens d'aultruy, à qui on faict tort et injure pour les accommoder.

Premièrement, ilz m'advoueront qu'ilz n'ont pas Dieu de leur costé , de manière que sa bénédiction ne sera jamais sur le bien injustement acquiz ; mais c'est de quoy ces gros chrestiens et masses terrestres se soucient le moins ou poinct du tout, et les moins mauvais d'entre eulx se figurent ung Dieu à leur fantaisie, ung Dieu patient et de grande miséricorde, comme il est, de vérité, veoire infiniment plus grand que l'homme mortel ne sçauroit jamais comprendre; mais il en fault demeurer là, il n'en fault pas abuser.

Il fault adjouster le bon mot, et que sa majesté divine aime tant à scavoir, le nom de justice. C'est offenser sa miséricorde, de la séparer d'avec sa justice; c'est offenser sa justice, de la distraire de sa miséricorde : il pardonne, moyennant sa justice; il faict justice, mais non pas sans miséricorde.

Sa justice veult que celuy qui tient injuste-

l64 TRAITÉ

ment, indirectement et de maulvais acquict le bien d'aultruy, le restitue; aultrement le péché ne Iny sera pas remiz. Il fault donc s'asseurer de la miséricorde de Dieu; mais après avoir faict justice, c'est à dire après avoir faict restitution. Qui le croit aultrement se flatte en son avarice, et ressemble au nouveau riche d'Horace, qui ne se soucie ny de Dieu, ny des hommes, ny de ce qu'on dict de luy, veoyant ses chasteaulx, maisons de plaisance et grandes possessions, proficter de toutes parts, luy apporter de grands et amples reveneus, et, oultre cela, des coffres pleins de beaulx escus.

Populus me sibilat, ac mihi plaudo Ipse domi quoties numnios contemplor in arca.

Mais laissons ces heureux meschans, ces mauvais et ces sangsues insatiables, avec leurs grandes richesses et trésors mal acquiz; et nous, donnons ung peu de patience , nous en verrons bientost la fin.

Des anciens nous ont laissé une petite sentence en forme de proverbe, à sçavoir que, maie parla, maie delabujitur, le bien mal acquiz se consomme tout aussy tost, et s'en va comme il est veneu; c'est ung feu de paille, qui a beaucoup d'apparence, mais il se passe en ung moment.

C'est encore bien pis ; car bien souvent ilz

DE LA REFORMATION DE LA TLSTICE. l65

causent la ruyne totale d'une grande et illustre famille, et des injurieuses acquisitions sont cause d'attirer en se perdant ce qui estoit mesme de bon estre, et à quoy il n'y avoit rien à reprendre. C'est pourquoy il ne fault pas s'estonner si tant de grandes et illustres maisons que nos pères ont veues au sortir de terre, ou d'ung estre médiocre, monter tout à coup à une excessive et démesurée haulteur, se sont non seulement rabaissées, mais presque évanouies, comme si jamais elles n'avoient esté; et en elles se vérifie le dire du Psalmiste. [PsaL 37.)

J'ay vu l'iniquité enflée et craincte au monde , Qui s'étendant, hault et grand verdissoit, Comme ung laurier qui en rameaux abonde, Puis repassant par où il florissoit, N'y estoit plus et le cherchois encor, Mais ne le sçeus trouver en lieu qui soit.

En somme , c'est proprement l'or de Toulouse (i), qui destruisit en ruyne tout à faict tous ceulx qui en touchèrent peu ou prou.

(i) L'or de Toulouse, qui fut enlevé des temples de cette ville par le consul Quintus Cœpion, attira une fin tragique à tous ceux qui le possédèrent. (Aul. Gell. Nocl, Alt. lib. m, cap. 9. ) Q. Cœpion , consul romain envoyé dans les Gaules avec une armée considérable pendant la guerre des Cimbres et des Teutons , avait pillé les temples de Toulouse , et en

l66 • TRAITÉ

C'est le cheval de Séjan qui estoil beau et bon en perfection; mais portoit ce malencontre à tous ses maistres et possesseurs, que jamais aulcung ne s'est servy de luy, qu'il n'ait esté ruyné de fond en comble.

Je ne veulx pas dire qu'il n'y ait force licite, et quelz moyens d'acquérir et faire une honneste et médiocre fortune : aultrement il n'v auroit poinct de différence entre l'homme laborieux, sçavant, industrieux, vigilant, actif, frugal et bon mesnager, d'avec ung paresseux, ung idiot, ung fêtard, ung casanier, ung lasche, ung vilain, une buse, ung ignorant, ung freslon, ung gourmand et dissipateur de biens, et seroit abastardir, veoire oster la vertu de la société des hommes.

Ce qui est vertu ne perd jamais son nom, et le vice, de quelque couleur qu'il se desguise, demeure tousjours vice. Par ainsy, fault croire et se résouldre que la vertu, le sçavoir, l'industrie, le travail assideu, et surtout la sapience éter-

avait emporté cent mille livres d'or et dix mille marcs d'argent, l'an de Rome 648. Toutes ses troupes périrent, et luimême à son retour à Rome fut condamné par le peuple, et mourut en prison ou en exil. On disait d'un homme que le malheur poursuivait, aurum habel Tolosanum , «il a de l'or de Toulouse. ^>

nelle, que les anciens mal instruicts appelloient fortune, nous ouvre des moyens pour acquérir les biens et les richesses mondaines, mais avec le tempérament et condition inhérente à sa volonté, que ce soit par bons et honnestes moyens, sans faire tort ny prendre à aultruy.

Si cela n'y est, vous pourriez amasser le bien de Crassus, que tout s'en ira à perdition et fumée, ou de vostre vivant mesme; de sorte que vous verrez mourir devant vous tout ce que vous aimez le plus au monde, qui sont vos richesses, ou du moins vostre héritier en verra la fin , et en luy sera vérifié cest aultre proverbe :

De maie quaesitis non gaudet tertius haeres.

Entre plusieurs aultres beaulx préceptes et chrestiens enseignemens que sainct Louis donnoit à son fils, qui luy succéda au royaulme, il luy ordonna de restituer promptement tout ce qui viendroit à sa cognoissance , ce que luy ou ses officiers auroient ou posséderoient du bien d'aultruy, adjoustant que, sans ceste restitution, l'offense n'estoit point remise, ny l'injustice pardonnée, et croyant, ce bon prince (comme il est vray) qu'il estoit responsable envers Dieu des torts, griefs et injustices faicts par ses officiers à tous ses subjects.

Louis le Gros, se sentant au lict de la mort,

l68 TRAITÉ

recornmandoit à son fils qu'il eust sur toute chose l'honneur de Dieu devant les yeulx ; qu'il eust pitié des pauvres, qu'il deffendit les vefves et orphelins, et qu'il entretint ses subjects en paix : adjoustoit que le royaulme (afin qu'il s'abusast point et ne s'enorgueillist sous ung tiltre superbe et haultain) n'estoit aultre chose que commission , charge et gouvernement donné au roy pour ung bien peu de temps, de l'administration duquel il fault rendre compte incontinent, après la mort, par devant le grand Judge, qui ordonne à chascung, selon qu'il a vescu, ung éternel salaire ou supplice.

Le roy Philippe Auguste, par son testament, faict en l'an mil deux cent vingt deux, saisit ses exécuteurs de la somme de cent cinquante mille livres pour restituer les torts que, sous son frère, ses officiers pourroient avoir faicts à ses subjects, perquisition d'iceulx torts préalablement faicte.

Les roys Philippe le Bel et Philippe le Long, par leurs testamens, faicts le dix septiesme may l'an mil trois cent onze, et le vingt sixiesme aoust l'an mil vingt ung, désignent certaine grande somme d'argent aux voisins de leurs forests pour les récompenser des dommaiges à eulx faicts par les bestes rousses et noires.

Le roy Philippe de Valois, par son testament, du vingt cinquiesme may mil trois cent quarante

sept, ordonna à ses exécuteurs d'envoyer par toutes les provinces pour ouyr les plainctes du peuple, et informer des torts faicts à ses subjects par ses officiers, qui seroient tournez à son profict, et leur en faire raison sur le champ.

Voilà, sans mentir, des témoignaiges de bonnes consciences et de princes craignant Dieu , bien affectionnez envers leurs peuples, et croyant bien estre teneus et responsables des faultes et injustices de leurs officiers, et que le bien mal priz est perpétuellement subject à restitution. Je n'y trouve qu'une chose à redire, qui néantmoins est fort considérable, et les bons princes la doibvent bien retenir : c'est que je m'estonne que ces débonnaires princes , ayant ce bon zèle envers leur peuple, ne debvroient pas attendre après leur mort à leur bien faire; ains ilz debvroient, de leur vivant, faire sentir et recueillir à leurs subjects les fruicts de leur bonté paternelle, sans se confier à des exécuteurs testamentaires qui dépendent entièrement de celuy qui succède à la couronne; et, s'il n'a le mesme zèle de son prédécesseur, ceste volonté, déclarée par testament, bien souvent demeure sans exécution et sans effect.

Je veulx adjouster un g faict qui n'est éloigné de notre siècle, et qui me plaist infiniment, à propos des bonnes consciences de la cour. C'est

lyO TRAITÉ

de messire Louis Malet, sieur de Graville, admirai de France, lequel, par son second codicille, qui se trouve au thrésor des Chartres de la chambre des comptes, lègue au meneu peuple et baillaiges du royaulme les plus chargez des tailles, pour la diminution d'icelles, quatre vingt mille livres, déclarant qu'il avoit eu des roys de France, lesquelz il avoit servy par longues années, de grands estats, dons et bienfaicls, à raison desquelz le peuple avoit esté surchargé; et, pour son regard, il en faisoit ung grand scrupule de conscience, qui doibt servyr d'instruction aux favoris, serviteurs et officiers des roys, de se contenir ez termes de la raison, et ne prendre pas tout ce qu'ilz pourroient bien de la magnificence de leurs maistres, de peur que, s'enrichissant oultre mesure , ilz ne soient cause de la foule (surcharge d'impôts) du peuple.

Comme ainsy soit que les roys n'ont poinct d'aultre bourse que celle de leurs subjects, et en sont responsables devant Dieu , encore que la libération de leurs maistres les tienne deschargez envers les hommes.

J'ay appris ce que dessus du sieur Tillet (i),

(i) Greffier du parlement de Paris, auteur de plusieurs traités de droit public, et d'une Histoire de France justement estimée. Il vivait dans le seiiième siècle.

grand homme de bien de sou temps, el qui seroit fort estonné s'il veoyoit la corruption du siècle auquel nous vivons ; et suis tout asseuré que la plus grande partye des courtisans d'aujourd'huy s'esclateront de rire, lisant cecy, ou seulement l'oyant réciter, et diront que telz scrupules de conscience estoientbons au temps jadis, que l'on se mouchoit sur sa manche; que c'estoient des bonnes gens, à qui on en faisoit bien à croire : mais pour eulx , qu'ilz ont la croyance plus ferme , l'esprit plus fort et le couraige plus relevé.

Hz ne veulent pas dire qu'ilz ont bien ung plus grand appétit et beaucoup plus d'inventions pour en amasser que n'ont eu tant de grands personnaiges de toutes qualités qui ont vesceu devant eulx, et qui nous ont laissé une mémoire, non de leur insatiable avarice (car leur générosité n'eust pu supporter le commerce de ce vice), mais de leurs prouesses, leurs fidélités et grands servyces envers ceste couronne, et de leur vertu qui ne flétrira jamais , et sera de bonne odeur à tous les siècles advenir, et bien aultres que de ceulx qui ne font ny assise, ny recepte de piété, de justice, ne font aulcune distinction des richesses bien ou mal acquises.

Tout leur est indifférent ; ilz ne font scrupule de crime quelconque, pourveu qu'ilz se puissent mettre à couvert, non de la justice divine, de

l'JI TRAITÉ

laquelle ilz ne se peuvent garantir, mais seulement de la punition des loyx humaines.

Pour le moins, demeureront ilz d'accord d'ung poinct qui ne peult avoir quelque corruption, qui soit au monde estre révoqué en doubte; scavoir, que c'est tousjours le mesme Dieu, les mesmes articles de foy et le mesme décalogue, qui estoient au temps de ceulx qu'ilz appellent bonnes gens.

Les monarchies, les respublicques, les cités, les familles, les hommes sont subjects à changement : mais, en Dieu et en ses commandemens, il n'y en a point; et, quand ilz se vouldroient donner le loisir de méditer et songer ung peu à cela, ilz trouveront au bout de leur compte que ceulx qu'ilz appellent bonnes gens estoient plus vertueux et trop plus couraigeux et saiges, avoient la craincte de Dieu pour guide de leurs actions; et, sous ceste heureuse et seure conduicte, ilz n'avoient garde de se fourvoyer du droict chemin de la piété et de la justice, qu'ilz révéroient sur toutes choses : et .ceste révérence les faisoit respecter et prospérer, tout au rebours des saiges mondains de ce temps, qui les mesprisent , et ce mespris les rendra malheureux et contemptibles ; car c'est la punition ordinaire que Dieu donne à ceulx qui mesprisent sa loy et divins commandemens.

DE LA RÉFORMATION DE LA JUSTICE. l']^

Et, pour reprendre nostre propos, il se fault tenir tout asseuré que celuy qui, par injustice ou corruption du judge, a reçeu quelque grande perte en ses biens ou en son honneur, ne dort ])oint : ains il attend une saison convenable pour se pourveoir, et bien souvent arrive que les judges qui ont porté, gratifié quelqu'ung, sont cause, par telles faveurs, de la ruyne totale de celuy mesme qu'ilz ont favorisé; de manière qu'il se trouve qu'ilz ont faict grand tort, veoire une meschanceté digne de grande animadversion à celuy à qui ilz ont faict injustice.

Mais l'événement monstre que le tort qu'ilz ont faict à celuy qu'ilz ont gratifié en justice est encore beaucoup plus grand. Comment cela? Parce que celuy qui s'asseure de la grâce, port et faveur des judges, et qui scait enfin par quel bout en pouvoir sortir, s'émancipe à faire toutes sortes d'injures, d'exactions, d'oppressions, de violences, et prend le bien d'aultruy par force et tousjours soubs quelque couleur, laquelle ne peult estre si petite que tousjours elle ne soit par devant ung judge favorable et corrompeu.

Et cependant Dieu permet bien que cest homme, ainsy favorisé, s'enveloppe soubs ceste espérance en tel labyrinthe d'affaires et meschancetés, qu'il se perd; et, en se perdant, descouvre riniquité des judges qui l'ont plongé en

tant de malheurs, et qui sont cause de son désastre et ruyne entière.

Je vous le veulx faire veoir par l'exemple de Jugurtha, roy de Numidie; et, pour le mieulx comprendre, fault présupposer que Masinissa, qui feut ung grand prince, allié des Romains, eut trois enfans , Micipsa , Manastabal et Gulussa: les deux derniers prédécédés, Manastabal ayant ung fils naturel, nommé Jugurtha, Micipsa demeura seul en possession du royaulme de Numidie, qu'il recognoissoit tenir de labénéficence du peuple romain , eust deux fils naturels et légitimes, Adherbal et Hyempsal, et encore adopta Jugurtha, bastard de son frère, et tous trois les institua ses héritiers.

En sus, ceste adoption causa la ruyne entière de ceste royale maison; car Jugurtha, vaillant de sa personne et accord au possible, mais, au reste, meschant en toute extresmilé, ayant longuement porté les armes en Afrique pour les Romains, soubs le jeune Scipion, et recogneu à leur humeur qu'ilz estoient merveilleusement avaricieux et fort aisez à corrompre, à gaigner par présens, il praticqua des premiers du sénat et de la noblesse, qui luy mirent en teste de se faire roy absoleu, et de se défaire dextrement de ces deux jeunes princes, Adherbal et Hyempsal; au de-

DE LA RÉFORMATION DE LA JUSTICE. fyS

meurant qu'il ne se donnast peine de rien aultre, que d'exploicter son faict conime il pourroit.

Car, pour des amys, il en trouveroit à Rome autant qu'il en vouldroit, où n'y avoit rien qui ne feust vénal , ny si homme de bien en la respublicque dont il ne peust expugner la conscience, pourveu qu'il n'y vouleust rien espargner.

Jugurtha prend avidement ce conseil, parce qu'il estoit selon son cœur, bien qu'il feust détestable et indigne de l'ancienne prud'hommie, légalité et justice romaines, et, de faict, il le praticqua jusques au jour de sa prinse; et, soubs l'espérance de l'injustice du sénat, se résoleut de faire mourir ses deux frères.

Pour y parvenir, il suborna bientost ung des domesticques de Hyempsal, qui donna entrée aux meurtriers en la maison de son maistre, lesquelz le surprirent, luy tranchèrent la teste et l'apportèrent à Jugurtha.

Après ce premier exploict, il assembla force gens de guerre, et, avec une grande armée, va trouver l'aultre frère, lequel, pris au dépourveu et ayant perdeu une bataille, s'en va aux Romains pour remonstrer les parricides et meschancetés exécrables de Jugurtha , et demander justice et secours contre iceluy.

Jugurtha, sur l'asseurance de ses amys, qu'il

. avoit de longue main corrompeus et guignés à force d'argent, envoyé ses ambassadeurs à Rome avec des présens plus grands que jamais, soubs les faveurs desquelz il renverse tout ordre de justice, et faict en sorte qu'au lieu de rien ordonner contre luy, et donner secours à ce pauvre prince réfugié et leur allié, on envoyé seulement des commissaires pour partager le royaulme de Numidie en deux portions, l'une pour Jugurtha, l'aultre pour Adherbal.

Les commissaires ne furent pas plustost arrivez que corrompeus par les praticques et présens de Jugurtha; et, de faict, ilz luy assignèrent la plus advantaigeuse portion, et mirent ces princes d'accord en apparence, puis s'en retournèrent à Rome.

Mais Jurgurtha, qui ne pouvoit estre content qu'il n'eust tout, bien qu'il feust indigne d'aulcune portion en ce royaulme, à cause du parricide de son frère, se résoleut de ne cesser jamais qu'il ne se feust rendeu maistre paisible de toute la Numidie, en violant le traicté nouvellement faict avec son frère en présence des commissaires desputez du sénat; il s'en va l'assiéger en la capitale ville de son royaulme, et le serre de si près, que , réduict à l'extresmité , il envoyé des ambassadeurs à Rome, lesquelz sont ouys, mais sans justice, à cause que tout le sénat, peu exceptez,

avoit esté gaigné à beaulx deniers comptaiis; et tout ce que l'on peut obtenir, feut que l'on enverroit des commissaires pour faire lever le siège, et pacifier les différends entre ces frères.

Ces commissaires feurent à l'accoustumée assaillis et aveuglez par les présens nouveaulx et immenses de Jugurtha ; et de faict ilz s'en retournèrent sans donner ordre à rien, sinon à serrer leurs coffres pleins d'or et d'argent de leurs concussions, qui feut cause que Jugurtha pressa le siège si estroictement , que ce pauvre, jeune prince feut contrainct de se rendre par composition entre les mains de son mortel ennemy, lequel tout aussitost, contre la foy jurée , le feit cruellement massacrer.

Mais, sur ce second parricide, la plaincte vint si grande à Rome, mesmement parmy tout le meneu peuple, qui estoit innocent de toutes les concussions du sénat et de la noblesse , que l'ung des tribuns, qui estoit homme de bien, et, le seul entre ses compaignons, avoit vertueusement résisté aux corruptions de Jugurtha, commença d'ung si grand zèle à représenter le fratricide de ce meschant, les grands présens avec lesquelz il avoit gaigné tous chascungs qui avoient esté les instrumens de tant de maulx énormes, cruaultés ez quelles ce détestable se seroit enveloppé, demande que jour luy soit donné pour se pur-