I. Inéd. i

n'y avoit pas faiilte de rusez et artificieux courtisans , qui prenoient argument sur ce refus de déclamer contre la court , de . luy souffler aux oreilles que ces messieurs vouloient faire les controlleurs de sa volonté, et aultres discours ordinaires en la bouche de ceulx qui , soubs prétexte du servyce du roy, qu'ilz ont tousjours à la bouche, et non au cœur, veulent faire leurs affaires aux dépens du pauvre peuple : au contraire, il loua grandement la court.

Aussy est ce son propre debvoir d'examiner avec respect et révérence les édicts et patentes du roy, et y a trop de différence entre conlrol- 1er et fidellement conseiller; entre désobévr et ne pas approuver ce qui est contre Testât public, foule et oppression du peuple, et, le plus souvent, contre l'intention du prince soubverain , qui accorde beaucoup de choses par importunité, et ne le feroit pas si librement s'il estimoit que ses officiers, sur la conscience et fidélité desquelz il se repose, les deussent passer sans les éplucher et deument examiner : aultrement luy mesme, plus que nul aultre, auroit à se plaindre, et, au lieu de sénateurs qui luy doibvent honneur, ce seroient des flatteurs, veoire des esclaves, et auroit occasion de dire d'eulx ce que Tibère disoit des sénateurs romains : O komines ad servilutem compositosl Encore ce feut

liiy mesme qui, par sa cruaulté, les avoit asservys ; mais ilz avoient passé plus avant en la servytude qu'il ne desiroit.

Nos roys (grâces à Dieu) ne sont pas de mesme : ains la pluspart se sont tous les premiers , à l'exemple des Antonins et aultres bons empereurs, rendeus observateurs de leurs loyx et ordonnances vérifiées sans contraincte par leurs courts soubveraines; et ce poinct a esté diligemment remarqué , non seulement par les historiens françois, mais aussy par les estrangers, entre aultre par P. Jove , et encore par le Florentin ( Machiavelli ) , sur la première décade de Tite Live, où il dict, en termes exprès, que l'on veit en repos et seureté au royaulme de France, au moyen des loyx qui y sont, lesquelles les roys sont, dict il, teneus de garder et observer, et de faict les gardent et observent religieusement.

Voilà ce que les estrangers ontescript en l'honneur de nos princes, il y a plus de six à sept vingts ans. Dieu veuille que l'on en puisse dire de mesme de tous ceulx qui ont suivy et qui viendront après ; mais pour le moins ceste vérité n'est poinct subjecte à contredict, que les gens de bien profictent tousjours au public, quelque corrompeu que soit ung siècle, et quelque rude et absoleu que soit ung prince.

Il les estime en son cœur, et, aux grandes

occasions, les sçayt bien trouver pour s'en servyr en temps et lieu ; mais tant y a qu'il ne fault jamais obmettre à bien faire, soit pour l'ingratitude du siècle, soit pour les menaces et défaveurs des grands, lesquelz bien souvent sont préveneus et préoccupez de faulses opinions qu'on leur a mis en teste, et des passions qu'ilz soubmettent puis après à la raison lorsqu'on la leur faict cognoistre, et cèdent la pluspart, plus aysément que l'on ne sçauroit croire , à ce qui est de la vérité et de la justice ; et crois, comme il est vray, que ce n'est pas tant de leur faulte quand ilz font mal et oppriment leurs subjects, que de leurs officiers, qui craignent perdre leurs bonnes grâces, leur estât, leur crédict, leurs pensions , leur fortune , en les contredisant et s'opposant, non par orgueil, mais premièrement par remonstrances , puis par une résolution ferme et vertueuse de ne pouvoir adhérer à leurs volontés iniques et déraisonnables ; et , en telles occurrences, est beaucoup plus expédient pour le bien public, et plus séant mille fois pour la dignité du magistrat, de se démettre librement de sa charge, comme vouleut faire le chancellier de Philippes II, duc de Bourgongne, que de passer une chose injuste; combien que le duc, veoyant la constance invariable de son chancellier, qui estoit résoleu de quitter lessceaulx, révoqua le

DE LA RÉFORMATION DE LA JUSTICE. 2l3

mandement par luy faict , et jamais plus ne le pressa de faire chose contre sa conscience.

Et souvent ceste fermeté des magistrats, et leur constance sur telz iniques commandemens, a saulvé l'honneur des princes, et reteneu la respublicque en sa grandeur.

Nous lisons de Jules César, qu'estant consul, et mesnageant de loing la faveur populaire, qui finablement le perdict , comme ce grand Caton , qui préveoyoit ses pernicieuses et périlleuses intentions, s'opposa à ses desseins, et remonstra vertueusement au peuple les malheurs où il alloit se précipiter faulte de prévoyance , et soubs l'amorce et piperie de faulx advantaiges et gratifications qu'on luy proposoit. Enfin César , perdant patience , commanda à ses sergens et massiers de mener Caton prisonnier. Que faict Caton? il se laisse mener, et voilà tout le sénat qui le suyt , et encore tout le peuple , pour l'honneur qu'ilz portoient à ceste rare vertu. César luy mesme, qui, plus par colère et précipitation que de sens rassis , avoit faict ce commandement , se repent, et comme il avoit le cœur assis en bon lieu , feut contrainct d'estre de la partye et d'honorer ce grand homme , et luy faire comme amende et satisfaction, et de faict, attiltra l'ung des tribuns, qui alla retirer Caton d'entre les mains des sergens; et par ce moyen tout feut appaisé.

C'est grand cas que la probité, Tintégrité, l'innocence et la sublime vertu d'ung seul homme faict tant de merveilles, qu'elle faict par sa constance tomber les couraiges de ceulx que toutes les forces de l'Europe et de l'Asie n'avoient pu jamais abaisser, de manière que si nous ne veoyons plus de princes flexibles aux remonstrances que l'on leur faict pour la justice, si nous leur sommes ridicules et contemptibles , n'attribuons la faulte qu'à nous mesmes, et l'imputons au peu de vertu que l'on recognoist en nous ; et faisons nostre compte que si nous sommes des Gâtons, nous renconstrerons des Césars qui acquiesceront à nostre vertu , justice et intégrité. Si nous ressemblons à nos prédécesseurs, desquelz nous avons faict honorable mention cy dessus , ne nous doublons poinct que nous ne trouvions des princes aussy bons et aussy vertueux, et non moins favorables que ceulx dont la mémoire nous est aujonrd'huy si précieuse.

Mais d'aultre costé , si , au lieu de faire le deu de nos charges avec honneur , nous n'avons aullre soing que d'emplir nos coffres de l'or et de l'argent tiré , pour la pluspart, des larmes du pauvre peuple; si nous craignons plus d'offenser les hommes mortelz que le Dieu vivant; si nous avons plus d'appréhension pour nos offices ou

bénéfices, iiostre authorité , nostre crédict, que pour nostre honneur, réputation et conscience; si au lieu de faire justice sans acception de personne, nous regardons aux qualités, nous favorisons ceulx qui bon nous semble, ou par concussions, ou pour faire plaisir aux grands du monde, attendrons nous encore avec cela que l'on ait bonne opinion de nous? que l'on nous estime pour gens de bien? que les grands princes en fassent cas, et qu'ilz nous estiment? L'ordre de nature seroit du tout perverty et renversé si cela estoit.

Faisons sans artifice , sans ostentation : l'honneur (je dis le vray honneur) nous suyvra, malgré que nous en ayons. Craignons d'offenser Dieu et les loyx; il nous garantira du reste, et jamais sa grâce, plus asseurée cent mille fois que celles des hommes, ne nous abandonnera.

Considérons, au surplus, que nous sommes tombez en ung temps fort stérile de rare intégrité et de sublime vertu, et disons, avec ce grave sénateur Thraséa , préveoyant la cheute de ce grand empire : Specta^juvenis, etomen quiclem du prohibeant : cœterum in hcec teinpora nati sumus quihus firmare animum expedit constantibus exeinplis ; ou avec Marins , lequel , au lieu d'envoyer au supplice ung jeune gentilhomme romain nommé Trébonius , qui avoit tué son ca-

^l6 TRAITÉ

pitaine en chef, pour se rédimer d'ung outraige et vilainie insupportable qu'il luy vouloit faire, le récompensa d'une couronne de la qualité de celles qui n'appartcnoient qu'à ceulx qui avoient faict quelque acte valeureux à l'assault d'une ville ou le jour d'une bataille : Tanquam in tempore pulcherrimis exemplis indigente facinus egregium strenue peregisset.

Et de faict, l'histoire dict que ce grand honneur faict à ce jeune homme , qui avoit pour partyes formelles tous les capitaines de l'armée , et pour toutes deffenses n'avoit que son innocence, oultre qu'il apporta une merveilleuse réputation à Marins, pour une signalée justice rendeue si à propos, feut cause de réprimer la fréquence de plusieurs crimes qui puUuloient en son temps, auxquelz estoit besoing de remesdier par quelque exemple dont feust mémoire aux siècles à venir.

Or, si jamais feut besoing en estât du monde de grands exemples et d'une insigne vertu, pour aller au devant de la ruyne et du péril éminent qui nous menace à cause des injustices et impiétés dont le ciel est grandement irrité contre nous, c'est cestuy cy. L'on s'en plainct il y a trop long temps , et puis c'est tout. Chascung dict que c'est grand pitié, mais personne n'y donne ordre : il semble que Ton craigne de choquer contre

l'injustice , et que l'on appréhende ses ongles et ses mains crocheues ; et néantmoins il n'y a rien si aysé à débeller que ce monstre. Mais il fault remettre ce discours au livre suivant.

DE

LA RÉFORMATION

DE LA JUSTICE