QUATRIÈME PARTIE
De l'ancienne dignité, grandeur et majesté de la justice en France , à laquelle comme à la plus nette et plus entière on avait recours de tous les coings de la chrestienté.
Vj'est ung grand plaisir, dict Lucrèce, de veoir de loing , estant en terre ferme , ung grand vaisseau sur mer, agité, batteu et tourmenté des vents, des vagues et de la tempeste, et considérer le péril d'aultruy en toute seureté ; comme aussy de contempler, du hault de quelque forte tour ou lieu inaccessible , le conflict ou chamaillis de deux grosses armées qui sont aux mains en une grande et spacieuse campaigne. Non pas , dict il , qu'il y ayt aultrement de quoy se resjouir de veoir les calamités et misères d'aultruy , mais comme voulant dire que ce n'est pas peu de consolation de se sentir à l'abry et
l'il TRAITE
sans hazard, pendant que les aultres conrent tant d'estranges fortunes et des biens de la vie.
Suave mari magno turbantibus aequora ventis E terra magnum alterius spectare laborem : Non quod vexari quemquam sit summa voluptas, Sed quibus ipse malis careas quia cernere suave est. Suave etiam belli certamina magna tueri , Per campos instructa , tua sine parte pericli.
11 s'en peult dire autant des injures , opressions, injustices, violences, excès et oultraiges qui se font tous les jours, soubs couleur néantmoins et voile de piété et justice, de bien public et aultres prétextes : à sçavoir , que c'est chose fort doulce de ne les expérimenter en son particulier , ains les veoir tout à son aise souffrir à ung million de personnes réduictes à toutes sortes d'extrémités par les injustices qui leur sont impunément faictes.
Mais ce seroit ung cruel plaisir et brutal passetemps de paistre ses yeulx de Scythe et contenter son esprit félon du sang, du carnaige, du malheur, désastre et injurieux traictemenl que l'on veoit souffrir à son prochain , sans entrer en compassion, en tant qu'on peult licitement se mettre en debvoir de le secourir et soulager.
Le bon empereur Anthonin , duquel nous avons parlé cy dessus, n'estoit pas de cest adviz, qui praticqua tout le long de sa vie, bien qu'il
feust payen, les deux préceptes de nostre décalogue , qui sont d'aimer Dieu de tout son cœur , et son prochain comme soy mesme ; et y a grande apparance qu'il tenoit ceste instruction des chrestiens.
Tant est qu'il ne se trouve point qu'il ait jamais faict à son escient tort ny injustice à homme vivant.
Il vouleut imiter Dieu en comblant de toutes sortes de prospérités et bienfaicts le genre humain, n'offensant aulcung, rendant et faisant la justice égale à tout chascung, de manière qu'on le tenoit pour ung don , grâce et faveur spéciale du ciel , pour faire veoir en ung homme mortel les plus accomplies qualités du prince le plus irrépréhensible qui ait jamais esté veu sur la face de la terre.
Pour moy, je dis que ce n'est pas assez de ne rire point, ne prendre pas plaisir à veoir souffrir nostre prochain; nostre charité sera morfondeue si nous en demeurons là, et la pitié que nous aurions de luy ne seroit que des yeulx et d'une simple parolle , qui ne luy servyroit de rien.
Ung meurtrier à gaiges lui coupera la gorge , ung ribleur f i) de parolle le dévalisera , ung ma-
(i) Filou, fripon, coureur de nuit, grassator, zonœ sector, conpe-janet. {Dict. de Trévoux.)
tois luy fera, ou à sa femme ou fille, quelque oultraifi^e et vilainie : nous le verrons et Tendurerons, parce qu'il ne nous est rien que du costé de nostre premier père , et la justice ne s'en remuera pas volontiers s'il n'y a partie civile; de manière que , faulte d'argent , voilà des meurtres, des voleries, des adultères ou violemens de femmes ou de filles impunis.
Ung homme puissant l'oultragera, Tinjuriera, l'opprimera : nous n'en dirons mot, de peur d'encourir l'indignation ou mauvaise grâce de ce grand, ou d'en recevoir nous mesme autant, et encore, au partir de là, quelqu'ung nous dira que c'est bien employé , et que nous n'avions guères à faire de nous mesler du faict d'aultruy.
Ung homme de main, ung soldat picoureur (maraudeur) et hardy pillard l'assaillera, le foulera aux pieds, prendra ses biens, comme s'ilz lui estoient escheus par succession : nous dirons , Voila grand pitié ; puis c'est tout. Ung cocq de paroisse, par des ruses chicanières, et quelques fois par calomnies et crimes supposez, à force d'argent s'attachera à quelque bon laboureur, ou bien à ung paisible bourgeois, soubs ombre de quelque bonne ferme et mestairie sur quoy il a desseing; et s'il ne lasche la prinse de son bon heur, il ne l'abandonnera point, par faulx contracts, subornation de tesmoings et comip-
tion des judges, qu'il n'ait envoyé ung homme de bien à l'hospital.
Nous dirons que c'est bien mal faict, que la justice ne vault rien ( encores que ce ne soit pas tousjours la faulte des judges); mais de prendre le faict de cœur et d'affection pour ce pauvre homme exposé à la gueule de quelque loup ravissant, nostre charité ne porte pas si hault.
Ung judge concussionnaire, ung financier ou aultres officiers corrompeus vendront une paiivre partye qui se fiant sur son bon droict et la justice de sa cause, suyvoit le grand chemin, et par ung judgement qu'il sçayt en conscience estre fort injuste, se trouvant condamné, entre en desfaveur et désespoir, qui quelquesfois luy font perdre le sens : nous compastirons bien à son malheur, parce que nous avons quelque humanité, plus que beaucoup d'aultres qui n'en ont non plus que des tigres , et n'ont pour tout que la face d'hommes ; mais de le soulager de nostre conseil , de nostre bourse, de nostre support , c'est ung abus de parler de cela : il fault réserver telles faveurs pour nos plus proches et pour nos amys intimes.
Par ainsy, voilà l'innocent, la vefve, l'orphelin, l'impuissant, abandonnez à tant de sortes d'injures, d'outraiges et injustices, que, de quelque costé qu'il se tourne , il trouve ung ennemy en
