I. Intci. ' iG

f\01 TRAITÉ

et d'injustices, et font judgement de la ruyne d'icelle par ces deux grandes bresches.

J'ay dict qu'il y a quelques ordonnances qui deffendent l'excez des espices, et chargent l'honneur et conscience des judges pour ce regard; mais tout cela n'est rien : tant que la cause de la maladie durera, la nation n'a garde de guérir d'aultre chose. Prieray je tout homme de bien et d'honneur qui a du zèle au bien public, de se représenter combien, par succession de temps, s'est augmenté le prix des offices, et, par mesme cadence, l'excez et la taxe des espices; et de combien nous sommes esloignez d'une ou tout au plus de deux boistes de dragées, qui feut le commencement de ceste espicerie ; et de là concleure avec moy qu'il ne fault jamais donner commencement à une maulvaise chose, tant petite soit elle , parce que l'on ne se tient jamais à la médiocrité, tesmoing ceste espicerie, qui n'estoit rien , et monte aujourd'huy à telle conséquence , oultre le désordre de la justice, multitude et longueur des procez, dont, avec la vénalité, elle est cause que partye du bien des subjects du roy, veoire la plus liquide , s'en va en ceste marchandise ; et a esté miz en ad vaut par ung personnaige de grand mérite et extresmement passionné au bien de Testât , qu'en une seule compaignie de ce royaulme, composée de treize ou quatorze jud-

ses seulement, les espices se sont trouvées monter, pour une seule année, à la somme de vingt six mille esceus : Res memoranda 7iouis annaUbus atque récent ihistor la; et pour monstrer que les espices et autres esmolumens des judges et le prix des offices vont de mesme bransle, la vérité est qu'en ceste mesme compaignie les offices, qui n'estoient qu'à deux mille livres aux partyes casuelles avant les derniers troubles, s'y lèvent aujourd'huy à vingt ung ou vingt deux mille livres, et ce à raison des espices qui ont donné ce hault goust aux estats, et sont montez à l'équipoUent l'ung de l'aultre^ et le malheur est que tout l'oraige tombe sur le pauvre peuple.

Je ne veulx pas nommer ceste compaignie , parce que j'ay protesté, dès le commencement de mon œuvre, de nommer personne pour le taxer en particulier. Il me suffict de remarquer en général les faultes, les abbus et les injustices; et désire que ceulx qui se sentiront coupables puissent faire leur profict de mes advertissemens salutaires et chrestiens, et se résouldre à faire désormais leurs charges avec autant d'honneur, qu'ilz sont soupçonnez de les avoir faictes jusques aujourd'huy avec trop d'avarice et d'avidité d'ung gaing sordide, illibéral, et indigne de l'estime et réputation en laquelle ilz veulent estre teneus pour l'honneur de leur robbe.

4o4 TRAITÉ

Que s'ilz se sentent tellement attachez à une convoityse de gaigner, qu'il z ne la puissent niaistriser, je leur conseille, plus tost que plus tard, de quitter la robbe de judge, et prendre une aultre vacation où le gaing ne soit imputé à blasme, dont il y en a si grand nombre en ce royaulme; car je leur prédiz, et ne me trompe poinct, que le temps est proche que l'injustice et la chicannerie non seulement descherront de leur crédict, mais seront frappées et exterminées tout à faict, nonobstant les arcs boutans du tribut annuel auquel on a, depuis quelques années, taxé les offices (i), qui est le dernier effort des avares partisans, lesquelz, par ce moyen , pensent avoir attaché la vénalité du nœud gordien , ou l'avoir fondée sur ung pilier de perpétuité.

Mais Dieu n'exaucera pas des vœux si perni' cieux à ce pauvre estât, inspirera nostre Hercule, lequel tranchera ce nœud tout d'ung coup, ren» versera l'injustice de son hault throsne, et cestuy cy sera, pour en parler franchement, la perfection et le couronnement de toutes ses œuvres, et de plus excellent mérite, loz et recommandation que tous les aultres ; d'autant que, par ses victoires favorisées du ciel , il a faict monstre de sa valleur, et ne se les peult attribuer à luy seul;

(t) Addition de de Refuge.

DE LA RÉFORMATION DE LA JUSTICE. l^O^

aussy en faict il volontiers part à tant de princes, seigneurs et capitaines , et à ceste généreuse noblesse qui l'a si vertueusement assisté et com^ battu tant de fois si couraigeusement à la face de son roy (i).

Mais par ceste cy, qui y despend de sa libre volonté, il rendra tesmoignaige très asseuré de son amour envers Dieu , qui l'a tousjours comblé de ses grâces célestes, et luy a miz le sceptre en main malgré tous les efforts de ses ennemys; et fera sentir par effect son affection vrayment paternelle à son peuple, et personne n'entrera comme à l'aultre en participation de ceste gloire : elle sera toute sienne, et qui plus est elle esternisera son nom au temple de l'immortalité bien^ heureuse.

Reste, pour le cercle de la corruption qui est entrée parmy les officiers, de parler après la vénalité et l'espicerie des présens, qui achèvent de tout gaster, et renverser tout à faict le droict et la justice ; et seroit icy le vray lieu d'examiner ce poinct.

Mais il fault advouer que la fertilité de ceste matière m'a desjà faict passer plus advant que je n'aurois proposé , et remettre ce discours au

(i) Tout ce passage s'applique à Louis XIII, sous le règue duquel de Refuge écrivait.

4o6 TRAITÉ DE LA. RÉFORM. DE LA JUSTICE.

livre suivant, auquel je desduiray, Dieu aydaiit, les vrays, faciles et asseurez moyens d'exterminer l'injustice.

Et si on le reçoit, ce sera ung signe infaillible que l'Esternel est au bout de sa patience , tout prest à mettre la dernière main à descocher le dard de sa fureur contre nous, qui nous serons monstrez incorrigibles, endurciz et irapénitens, et conséquemmeiit indignes de grâce, de pardon et de miséricorde.