SECONDE PARTIE

DE

LA RÉFORMATION

DE LA JUSTICE

SECONDE PAPiTIE.

( N. B. Le sommaire de cette partie manque dans les manuscrits de la Bibliothèque du Roi. )

J-JE bon Hésiode, poète grec qui vivoit du temps de Saûl, premier roy des Hesbreiix, et qui semble, par ses divins escripts, avoir puisé ses préceptes dans les vives sources des livres sacrez, a, mieulx que tout aultre de sa qualité, représenté le bien et le mal de justice ou d'injustice par ses beaulx vers, que j'ay bien vouleu traduire en nostre langue , pour faire veoir en quelle estime , quel rang et quel respect ung pauvre payen esclairé possible de la seule lumière de nature tenoit la justice, et m'estonne comme ceulx qui se disent chrestiens, et conséquemment debvroient trembler dans l'appréhension de la justice divine, qu'ilz n'eschapperont

pas tost ou tard , n'en font non plus cVestat que si c'estoit une chimère , une illusion, ung songe , ou ung fantosme pour faire peur aux petits enfans.

Mais je leur prédiz, mesmement à ceulx qui sont constituez ez dignitez , et qui judgent aultruy (et que s'ilz y pensent, s'ilz sont capables de conseil ) , que Tire de Dieu est à leur porte , qui ne tardera guères à leur faire cognoistre et sentir à leur grand dommaige, honte et confusion , quelle est sa justice et sa religion qu'ilz ont à tel mespris; car l'une ne peult l'estre sans l'aultre.

Et à ce propos, dict Origène que Dieu nostre créateur est la justice vivante, et de sorte que l'on peult dire avec vérité, que tout homme qui n'a poinct de justice n'a poinct aussy de religion. Mais laissons les athées, si tant est qu'ilz demeurent endurciz, et oyons nostre poëte, qui sous le nom de roys entend toujours les judges.

Le roy qui , tant aux siens qu'aux étrangers propice ,

Leur rend également l'équité, la justice,

Enrichit ses cités et son peuple puissant,

Et la paix luy faict veoir son estât florissant.

Le grand Dieu qui tout veoit luy détourne la guerre,

Et ne permettra poinct qu'on ravaige sa terre :

La raige de ki faim n'assaillira jamais

Tout homme qui sera droictement en ses faicts.

Il verra de ses champs l'espérance certaine,

Et croistre par milliers son troupeau portclainc. Nombre de beaulx enfans sa femme portera, Et de son seul mary l'amour esprouvera. Ses arbres tout panchez et ses ruches d'abeilles Lui produiront des fruicts et du miel à merveilles ; Il aimera les siens, il sera chéri d'eulx, Vivra content du sien, de nul aultre envieux. Mais à l'homme remply de ruse , de malice , Duquel tout le plaisir gist à faire injustice. Le Dieu juste vengeur prépare le tourment Digne de ses forfaicts, et le hait tellement, Que pour ung homme seul méchant et détestable Il revient maintes fois en estai déplorable En plus grandes cités, et fauchant le labeur, Tant il est irrité du pauvre laboureur. Il eslance partout la peste, la famine. Formidables fléaux de sa fureur divine.

Les peuples, éperdeus d'un si malheureux sort, Ne désirent rien lors qu'une soudaine mort, Pour passer les langueurs d'une si triste vie. . Ainsy du Tout Puissant la fureur non punie Ne demeure jamais, et te fault souvenir Qu'heureux est celui là qui la peult prévenir, En jud géant par raison.

De vérité, quand le bon judge et l'homme juste n'auroit aultre récompense que le contentement que luy apporte la bonne vie , et l'injuste n'auroit aultre peine, tourment et supplice que sa maulvaise conscience, ce seroit assez pour encourager perpétuellement l'ung au bien, et destourner à jamais l'aultre du mal.

Le juste, dict Sénèque, ne veit jamais sans allégresse, et ceste allégresse liiy vient de la bonne conscience.

A ce propos , dict Salomon , tous les jours de l'homme inique sont maulvais , c'est à dire , pleins d'angoisse, de peine, de travail; mais l'ame nette de crime est toujours ainsy qu'en ung festin perpétuel. L'on n'en eust sceu dire davantaige en peu de parolles , par lesquelles nous est donné à entendre , que comme celuy qui est en ung banquet se réjouyt non seulement de la magnificence du festin ou diversité des viandes , mais encore de la présence et communication de ses amys, avec lesquelz il faict bonne chère.

Tout ainsy le juste se réjouyt du tesmoignaige que luy rend sa bonne vie, et du ressentiment qu'il a de la présence divine , de laquelle il a de grandes prémices et conjectures en son ame. Il y a non seulement ceste différence, que Ma liesse et joye du bancquet est ordinairement desréglée et terrienne.

Celle cy est perpétuelle et néantmoins bien ordonnée; celle là se commence par la faim, s'achève par le rassasiement; celle cy commence avec la bonne vie, se conduict avec la persévérance , et se parfaict avec la gloire.

Et tout ainsy que l'homme ne peult bien estre juste, que par mesme moyen il ne soit tempe-

raiit, prudent et magnanime tout ensemble; aussy l'homme injuste, violent, injurieux et outrageux doibt avoir tous les vices pour ses hostes et assesseurs perpétuels, et mesmement l'intempérance, l'imprudence, la tesmérité, la couardise et lascheté, et généralement l'escorte et compaignie de toutes sortes d'imperfections.

Ce n'est donc pas sans cause qu'Aristote dict que l'homme ayant acquiz la droicte raison est le meilleur animal de tous; aussy délaissant la loy et la justice en est véritablement le pire : mesmement, s'il est élevé en quelque honneur, supériorité, grandeur et authorité, par ce (dict il) qu'il n'y a rien plus cruel, plus insupportable, plus à craindre, que l'injustice armée, et qu'il vauldroit mieulx mettre cent couteaux entre les mains de cent furieux , que le maniement d'une cité , d'une républicque ou d'une charge entre les mains d'ung meschant.

Et Platon, au deuxiesme de ses loyx, dict très bien qu'estre sain et dispos, veoir, sentir, ouyr et comprendre facilement toutes choses, estre fort riche et vivre longuement, veoire jusqu'à devenir , s'il se pouvoit, immortel, tout cela n'est rien si vous estes privé de la justice.

Pourquoy cela? parce que ceste Némésis, fidelle compaigne et vengeresse perpétuelle de la justice, ne les abandonnera jamais, qu'elle ne

leur ait faict sentir l'aigreur de son juste courroux. La craincte et la terreur se logera non seulement dans leurs maisons, mais aussy dans le plus profond de leurs cœurs et de leurs pensées, les frappant, martelant sans cesse, ny remises, non de ces flambeaux et torches des Furies poéticques et fabuleuses, mais de ce ver immortel dont parie le prophète. SainctHiérosme interprète fort élégamment et proprement le remords et bourreau des consciences de ceulx qui se sentent coulpables d'avoir faict plusieurs injures et injustices à leur prochain.

Quos diri conscia f'acti Mens habet attonitos, et surdo verbere cœdlt Occultum quadente animo tortore flagellum. Pœna autem vehemens ac multo saevior illis, Quas et Cœditius gravis invenit et Rhadamanthus, Nocte dieque suum gestare in pectore testem (i).

Et s'il est vray que la société d'entre les hommes n'est conservée et mainteneue en repos et asseurée tranquillité que par la justice; que la piété et justice sont les ornemens et colomnes des cités, et dont procèdent les bienveillances, l'amour et l'union des citoyens, à cause de quoy Platon appelle la justice l'anchre et soutènement

(i) Juv. sut. XI H, V. 193 sq.

DE LA RÉFOUMATION DE LA JUSTICE. Sq

de la cité, 'é^jxa. tyîç 7uo>.£a)ç; il s'ensuit que la dissolution de la société et ruyne des républicques et monarchies doibt nécessairement procéder de l'injustice.

Cela est si véritable, que les tyrans mesme et les usurpateurs d'estats recognoissant que leur lyrannie ne peult estre de durée sans quelque forme de justice, ilz sont contraincts de l'establir, non pas certes pour l'amour et révérence qu'ilz luy portent, mais pour l'amour d'eulx mesmes, sçachant bien que pour se maintenir il fault avoir la justice, du moins l'ombre d'icelle; et les brigands mesme, qui sont les ennemys jurez et des loyx et de toute police publicque, pour vivre et se maintenir en quelque repos en leur communauté , qui est vrayment barbare et bestiale, sont réduicts à ce poinct de practiquer entre eulx une forme de justice, aultrement ilz ne pourroient pas subsister tant soit peu de temps par ensemble.

Cela faict que les compaignons rapportant fidellement en communauté leur proye, larcins et voleries, et l'archipirate et chef de la troupe partaige entre eulx le plus égallement et ( s'il est permis d'user de ce mot ) le plus justement que faire se peult , se réservant le droict de préciput que les loyx de la piraterie luy permettent. S'il ne le faict, ses compaignons le massacrent

6o TRAITÉ

bien viste, ou du moins l'abandonnent, se constituent sur eulx ung aultre chef plus loyal et plus raisonnable.

Chose admirable, certes, que les ennemys capitaulx de justice sont forcés d'implorer le secours d'icelle, et la vénérer pour se conserver et maintenir entre eulx ! En quelle estime doibt elle donc estre ez policez royaulmes , républicques et gouvernemens monarchiques ?

Reste ung scrupule duquel il est bien aisé de nous deffendre , c'est que de vérité nous ne sçavons bonnement en ce monde quelle est la vraye et universelle justice, et que celle que nous practiquons icy bas n'en est que l'imaige ou plustost l'ombre, si fresle et si caducque, qu'elle est subjecte à diversité d'opinions, changemens, variations, selon les lieux, les pays, les temps, les personnes, les occurences des choses; et conséquemment l'opinion de ceulx sembleroit estre la meilleure, qui tiennent que nos droicts ne sont poinct selon nature, qui est tousjours une et immuable, ny selon le droict divin, qui est fixe, permanent, et tout ung par le monde universel.

Et tout ainsy que c'est le mesme soleil qui luit à Paris que celuy qui donne sa lumière et sa chaleur à Rome et à Constantinople , ainsy la justice divine et aussy le droict naturel n'est

DE LA RÉFORMATIOIV DE LA JUSTICE. Gl

poinct aultre parmy les sauvages (i) de l'Amérique que les chrestiens de l'Europe.

Pour le regard des loyx des hommes, chaque peuple, monarque et soubverain les establit selon les commodités et nécessités particulières des provinces, des contrées, veoire des cités. En gardant toutesfois ce tempérament que la raison soit tousjours l'ame de la loy; aultrement elle ne pourroit pas estre de durée , non plus que le corps humain ne peult subsister sans l'assistance de l'ame qui le vivifie.

C'est ce qui est cause de la diversité des droicts , non seulement en chascune monarchie , mais encores ez provinces, villes et communautés particulières. Gela se veoit en ce royaulme , tant en nostre loy salicque, fondamentale et fidelle conservatrice de ceste couronne, que pour les diverses coustumes des provinces; et néantmoins le tout, rapporté à l'utilité commune de la so^ ciété publicque, est estimé juste et raisonnable en chascune province, et fault nécessairement judger selon icelles, aultrement ce seroit faire injustice.

Je ne sçais que trop que la justice d'aujourd'imy s'exerce de telle sorte que plusieurs la veulent rendre ministre exécutrice de leurs pas-

(i) Il y a sages dans le manust rit. C'est bien encore évidemment une faute de copiste.

sibns, la font servyr de palliatioiis et couverture à leurs violences, rapines, concussions, oppressions, outraiges et impiétés par eulx faictes, et n'y a si meschant et détestable qui veuille advouer faire mal, et ne s'efforce de couvrir son crime soubs quelque ombre et apparence de vertu; de manière que la justice ne sert qu'à prester son nom à ceulx qui vouldroient volontiers faire accroire qu'ilz font bien lorsqu'ilz commettent les plus grandes meschancetés, ou qu'ilz judgent contre leur propre conscience : témoing celuy qui, ayant faict ung meurtre, disoit que c'estoit une abréviation de justice.

Ha! combien de judges depuis cinquante ou soixante ans ont vouleu couvrir leur inique judgement du zèle de religion , du bien public , et plusieurs aultres prétextes dont jamais on ne manque pour pallier une impiété , une concussion, une violence, ou aultre passion desréglée, pour opprimer l'innocence non deffendeue.

Mais aussy quelle palliation et couleur qu'ilz puissent prendre , l'ouvraige monstre tousjours quel est l'ouvrier : le saige est tousjours saige , quand bien il seroist tout vestu d'escarlate ou de drap d'or; et à la fin finale, les couleurs se deslavent comme le fard des putains.

Ces faulx visaiges ne peulvent perpétuellement durer de manière que tout compté , desduict et

rabatteu, l'injuste, lerapineur est tousjours tel, quelque nom, tiltre et qualité qu'il ait vouleu prendre pour ung bien peu de temps; car enfin l'iniquité se trouve iniquité, le meurtre, meurtre, l'oppression, oppression, la concussion, concussion, le larcin, larcin, et les meschants, meschants.

Et pour ne se laisser poinct befler (se moquer) ny tromper en matière de justice, il fault croire qu'il y a des marques certaines pour la recognoistre, et tenir pour maxime que bien que la justice contienne en soy toutes les vertus, elle en a deux principallement qui jamais ne l'abandonnent, et sont comme deux veines, sources et fontaines qui sortent d'elle , sçavoir, la piété et l'équité.

La piété consiste en la cognoissance de Dieu, en l'observation de ses commandemens et de sa divine loy.

L'équité tempère , remet et adoulcit quelquesfois le trop d'excès de rigueur du droict; et à l'exemple de la reigle lesbienne , parfois demeure tout droict, aultrefois panche d'ungcosté, selon Texigeance des cas, à la charge toutes fois de ne se despartir jamais de la piété, soit pour la distribution des loyers (récompenses), soit pour l'infraction des peines, estant l'ung et l'aultre deu à la justice.

Le débonnaire Ochus , roy des Égyptiens , n'ignoroit pas ceste doctrine, lequel pevi de jours

avant sa mort estant fort instamment supplié par son fils aisné, qu'il laissoit successeur à l'empire, de luy déclarer le secret par le moyen duquel il auroit peu par tant d'années maintenir son royaulme en une si profonde paix , avec l'amour et l'obéyssance de ses subjects:

En exerçant ( répondit il) la justice tant envers Dieu qu'envers les hommes, Ta ^tjtata irpaTTcov, €l7C£v, TTpoç aT^avTaç àvGpcorouç x.al Geou; ; voulant dire l'exercice de piété envers Dieu et de justice envers les hommes.

Le dire de Lactance revient à ce mesme sens et vérité quand il dict, que le premier degré de justice c'est d'estre ung avec Dieu en luy rendant le premier debvoir par une dévotieuse et saincte obéyssance ; le second, avec l'homme par la distribution d'une bonne justice.

Ije premier il l'appelle religion, et l'aultre il le nomme miséricorde ou humanité; et ceste vertu est fort propre aux justes et à ceulx qui craignent Dieu.

Et tout ainsy qu'il n'y a rien si convenable à la Divinité que de bien faire et proficter à toutes les créatures, aussy l'homme de bien, se conformant de tout son pouvoir sur le moule du divin exemplaire, se doibt estudier de bien faire et proficter à son prochain , et considérer que Dieu luy a dès le commencement de sa

naissance inspiré cette affection naturelle , afin qu'il ait soing de conserver son semblable , le protéger, le maintenir, l'entretenir, le préserver de dommaiges,d'outraiges et de dangers : et tout cela se faict par le moyen de la justice naturellement infuse par l'Eternel dans l'ame de tout homme , qui est (dict il) le plus grand bien et soutien de la société d'entre les hommes.

Pour l'accomplissement du premier, à sçavoir la piété religieuse et union avec Dieu , il fault que les grands du monde principallement retiennent de tant qu'ilz aiment leur grandeur et conservation , que de vérité ilz sont plusieurs fois en l'Escriture saincte appelles dieux, et honnorez si souvent par leur peuple de ces tiltres d'imaiges du Dieu vivant.

Ce tiltre spécieux et à nul aultre incomparable les doibt faire soubvenir de deux choses principallement.

La première , qu'il n'y a rien en quoy le prince approche plus de la Divinité, qu'en procurant de bon cœur le bien universel de tous les hommes , leur administrant justice tant en général qu'en particulier, et en somme faisant à son subject tout de mesme qu'il voudroit luy estre faict, s'il estoit en sa place.

Aultrement ce seroit chose trop absurde d'honorer de ces mesmes noms ung Tibère, ung Né-