I. Inéd

ron , ung Caligule , ung Domician , iing Héliogabale, et aultres tels monstres ennemis du genre humain, dignes de tiltres d'abomination et malédiction perpétuelle.

La deuxiesme, que tout ainsy qu'ilz veulent estre obéys de leurs subjects, et qu'il fault punir de mort et aultres peines, selon l'atrocité ou légèreté du crime, ceulx qui auront contreveneu à leurs loyx et ordonnances; aussi fault il que de leur part ilz obéyssent et s'humilient soubs le doulx et amiable joug de la loy de Dieu.

En ce faisant, il permettra, veoire inspirera au cœur de leur peuple une vraye et fidelle obéyssance qui les rendra redoutables et bienheureux en leur gouvernement : sinon qu'ilz ne trouvent pas étrange si leurs subjects ne leur rendent pas le debvoir, puisqu'eulx mesmes ne le rendent pas où ils sont teneus, ains contreviennent aux commandemens de Dieu et transgressent ses sainctes et divines ordonnances, qui sont de trop plus grande auctorité que les loyx des hommes.

Non toutesfois que je vueille dire qu'il soit loisible aux subjects d'entrer en ces considérations, et soubs prétexte différer d'obéyr aux commandemens de leur prince , à Dieu ne plaise que telle conception ne vienne en l'ame ; et moy, dis je, qui ai appris en bonne escole qu'il fault rendre l'obéyssance aux puissances ter-

rieiines et aux vsupérieurs que Dieu nous a ordonnez, quels qu'ilz soyent.

Mais je suis obligé traictant cet argument de ramentevoir aux grands princes le facile moyen qu'ilz peulvent avoir, pour estre agréables à celuy de qui ilz tiennent leurs sceptres, se procurer une terre infaillible et repos asseuré de leur vivant, et une certaine espérance de transmettre leur couronne à ung successeur légitime. Comme aussy s'ilz ont en mespris l'honneur de Dieu et sa justice , ilz se peulvent bien asseurer que tout le contraire leur arrivera.

Et sur ce poinct fault considérer et examiner ung peu plus exactement quelle beste c'est que l'injustice , de quelle couleur elle est, afin que j'use des mesmes termes d'ung bien grand de ce royaulme , auquel on impose d'avoir souventes fois teneu le langage de ceulx qui luy demandoient justice (bien que ce fust, ce semble, de l'injustice qu'il entendoit parler) quels sont les satellites de l'injustice, de quels maulx, désastres, malheurs elle est ordinairement cause partout où elle domine.

Premièrement, parce qu'il n'y a rien qui fasse mieulx paroistre le contraire que l'opposant à son contraire : je dis que la justice est figurée fort proprement par Orphée, par Hésiode et aultres poètes anciens , en forme d'une vierge

chaste et pudicque veneiie du ciel, et fille de Jupiter, pour nous donner à entendre que la justice est ung don de Dieu mouvant immédiatement de sa bonté, et mis en dépost comme chose précieuse et sacrée entre les mains des puissances terriennes pour la communiquer aux hommes mortelz, les faire vivre soubs la conduicte et discipline d'icelle.

Chrysippe, mieulx que tout aultre d'entre les rhétoriciens, dépeint la justice fort élégamment. Filo videlicet ac forma virginali , adspectii vehementi ac formidabili , luminibus oculorum acribus , nequehumilis, neque atrocis, sed reverendœ cujusdam trisiitiœ dignitate.

A Topposite d'elle il faut mettre l'injustice, et croire que c'est une fille volaige, impudicque, mensongère , bigarrée de toutes couleurs , et merveilleusement effrontée, sortie des enfers pour tourmenter et opprimer les innocents en ce monde , porter et favoriser les meschans , les combler pour ung temps des richesses acquises par rapines, par concutions , par tromperies, et leur donner toutes sortes d'advantaiges sur les gens de bien ; et comme il n'y a rien si modeste , si affable que la vierge pudicque et bien apprise envers les bons et vertueux, si rude et si farouche et inaccessible à l'enconstre des

impudens, luxurieux et desbordez, autant en est il de la justice.

Elle a véritablement le regard fort terrible et formidable , les yeulx pénétrants et perceants à la première renconstre, le port et contenance ny trop fier et relevé, ny trop simple et rabaissé, ains meslée d'une doulce gravité; mais elle ne laisse pas pourtant d'estre bonne , doulce et affable aux bons, aux pauvres et affligez desquels elle est le reconfort : sa terreur, son épouvantable regard n'est que contre les meschans et les géans ou tyrans , ainsy que Platon , Cicéron et l'Escriture mesme appellent ceulx qui veulent résister aux efforts de la justice :

Parcere subjectis , et debellare superbos.

C'est la vraye devise, et l'ung de ses plus beaulx symboles est la figure du lion couchant qui est à l'entrée dans la chambre dorée du palais de Paris.

Dadvantaige ce rude et si maulvais regard n'est que pour apporter plus d'asseurance aux bons et aux justes, et de frayeur aux meschans.

Justus , dict le saige, tanquam leo confidens, ahsque terror erit. L'injustice, au contraire, parle comme une courtisane , vous aborde avec force et cérémonies, ung visaige riant, ung cœur double,

iiiig parler affecté , pipeux et mensonger , promesses haultes et magnifiques; et par ces amorces vous jette aisément dans ses filets , ne vous lasche point qu'elle ne vous ait terrassé et triomphé de vostre honneur, se soit enrichie de vostre despouille et saoulée de vostre sang, si vous vous laissez une fois attrapper par ceste harpie, parce qu'autant que la justice a de simplicité, de nayveté, de sincérité, ceste cy a de ruse, d'appasts , d'artifice , d'invention pour vous retenir dans ses retz.

Les compaignes et suites ordinaires de la justice sont la vérité, la raison, l'équité, la franchise, la fidélité, les quatre vertus cardinales, la pjtarchie, qui est ung beau mot signifiant l'obéyssance qui doibt estre par nous rendeue aux puissances ordonnées de Dieu , soyent ilz princes ou magistrats, la paix et l'abondance de toutes choses.

L'escorte , garde et satellites de l'injustice sont le mensonge, l'hypocrisie, le parjure, la trahison, la flatterie , l'impudence, la violence, l'iniquité, la rébellion et désobéyssance aux magistrats, la guerre, la peste et le désespoir, les assassinats , la vengeance et pauvreté , la séquelle de tous les vices du monde, et finablement la ruyne publicque.

La justice est celle de toutes les aultres vertus

qui se faict non seulement plus aimer, honorer et respecter, mais admirer non seulement par les bons , mais encore par les meschans ; mais les hommes riches et libéraulx sont estimez et prisez de qui? des pauvres, certes, de ceulx qui ont reçeu du bien, de ceulx qui ont besoing de leurs secours, ou qui attendent d'eulx quelque bienfaict.

Les vaillans et grands seigneurs sont redoutez et estimez; mais c'est le plus souvent par force ou par craincte, et rien par vray amour : au lieu que la justice faict honorer le justicier à cause d'elle mesme, sans aultre considération ny respect que de la révérence que nous portons à tous ceulx qui la rendent esgale et droicte à ung chacung sans acception de personne.

Ainsy entre les hommes vicieux, tant s'en fault que pour estre avaricieux , prodigue , luxurieux ou entasché de quelque aultre maléfice, on encoure pour ce la haine publicque , pourveu qu'il n'y ait poinct d'injustice meslée parmy , qu'il n'y a sorte de vice qui ne prétende avoir quelque et légitime excuse de son faict.

Je suis, dict l'ung, avaricieux, je l'advoue; mais pourtant si ne fais je tort à personne en conservant mon bien le mieulx que je puis, après avoir bien pris de la peine à l'acquérir : je suis prodigue , dict l'aultre ; mais qui est celuy qui

puisse dire que je luy aie jamais faict tort ny ravy son bien pour en faire largesse : je vis à mon plaisir, je fais grande chère.

Je passe mon temps joyeusement, dict le voluptueux et desbordé , mais je ne fais outraige et tort à personne ; et dans Térence , le plus infasme et desbauché garnement qu'il est possible , se deffend encore, et veult couvrir sa sale et meschante vie sous le mesme prétexte de ne faire tort à aulcung.

Leno, inquit, sum, fateor, pernicies communis adolescenlium, Pcriturus, pestis ; tamen tibi a me niilla orta est injuria.

Belle considération, certes, pour nous faire veoirque l'injustice est en soy mesme si odieuse, et que nature abhorre tellement de faire tort et oppression à aultruy, que ceulx mesmes qui ne peulvent nier qu'ilz ne soient enveloppez et plongez en ung labyrinthe de plusieurs aultres vices et imperfections, non seulement s'estiment pouvoir estre supportez pour raison d'iceulx, mais encore croyent en debvoir estre excusez, pourveu que ce qu'ilz font soit sans faire offense, tort ou injustice à aultruy.

Ce n'est donc pas sans cause qu'Hésiode l'appelle la bien aimée de Jupiter, haulte et puissante dame, prisée, chérie et honorée de Dieu et des hommes.

H 5s T£ TuapGevoç è<JTl AtxY) , Aïo; è^ysyauta

Hésiod. Trap. et jours y v. 254-

D'ailleurs la justice est si charitable, qu'elle ne regarde poinct à son intérest et profict particulier, ains n'a aultre égard pour tout ce qui est de la conservation et bien estre du total.

Pour ceste raison elle est fort proprement comparée à l'œil , lequel, comme il est la plus noble et excellente partie du corps humain, et le sens qui le touche de plus près et a plus d'accointance et correspondance à nostre ame que nul aultre, et qui y tient le premier rang ny plus ny moins qu'aux familles les plus proches du sang, ainsy que dict fort gentiment Phi- Ion le platonicien : aussi la justice est proprement l'œil de la république, sans laquelle toutes choses seroient indubitablement en ténèbres et en confusion.

Nous disons donc, afin de continuer nostre propos , que l'œil ne se veoit poinct soy mesme; il ne veoit poinct seulement l'aultre œil, comme une main lave l'aultre, une jambe porte l'aultre; mais l'œil ne se veoit poinct , si ce n'est en ung miroir ou dedans la prunelle de quelque aultre.

Ainsy la justice n'est poinct faicte pour elle ne pour celuy qui la rend, encore moins pour se la faire à soy mesme; elle est toute faicte pour

le bien d'aultruy, À7.XoTptov ayadov . . . dict fort bien Aristote, et Cicéron encore plus ouvertement : Justltia tota foras spectat, tota projecta est atque eminet , et totam se ad aliénas utilitates porrigit.

Mais l'injustice est tellement enyvrée de Tamour de soy mesme, qu'elle ne songe qu'à son profict et contentement particulier ; tout ce qui luy est utile, tout ce qui est pour assouvir son avarice, ses voluptés, ses vengeances, tout ce qui tend à l'augmentation de ses biens , de sa famille, de son ambition, de sa grandeur, luy est juste, luy est licite, Iny est honneste, veoire en veult faire une loy , quand bien ce seroit la plus grande meschanceté du monde.

Antonin Caracalla espousa sous ce tiltre ceste luxurieuse et détestable Julia, sa belle mère, laquelle luy persuada qu'à luy, qui estoit seigneur du rond de la terre, il n'y a rien qui ne luy soit loisible.

G'estoit une doulce chanson aux oreilles de ce jeune prince , lequel crut aisément. Ce maudict conseil alloit au poinct de son désir et de ses passions. Grand secret pour les flatteurs et courtisans qui conseillent le prince suivant l'inclination qu'ilz recognoissent en luy, et non pas selon la vérité, la raison, la justice, qui est ce dont ilz se soucient le moins, et ne prévoyent

pas, tant ilz sont aveuglez, qu'en perdant leur maistre, ilz se perdent quand et quand.

Cambyses, roy des Perses, voulant, à quelque prix que ce feust, espouser sa propre sœur, demanda à son conseil s'il luy estoit, par les loyx du royaulme, permis de le faire. Ses conseillers, veoyant sa résolution , et luy voulant plustost complaire qu'à Dieu, luy dirent qu'il n'y avoit pas une loy qui permisttelmariaige, mais bien y avoit il une qui permettoit aux roys de Perse de faire tout ce que bon leur sembloit.

Détestables conseillers, qui mériteroient qu'au mesme instant il leur feist à tous trancher leurs testes, ou du moins les bannir perpétuellement de sa cour, pour praticquer sur eulx mesmes de si pernicieux et si damnables conseils; et, s'il l'eust faict, et que, par mesme moyen, il eust vertueusement dompté ceste illicite passion, il eust rendeu son nom glorieux à tout jamais; au lieu que sa mémoire est encore aujourd'huy noircie par mille et mille plumes, et le sera tant que le monde vivra.

Ce champ est si fertile de monstrueux exemples de ceulx qui ont abusé du sacré nom de justice pour servyr à leurs cupidités bestiales et appétits extravaguans, que ce seroit ung labeiu* sans fin, qui le vouldroit dilater.

Nous demeurons donc à ces termes , que

l'homme injuste ne faict rien et ne travaille que pour soy mesme, comme font ordinairement tous les tyrans, qui croyent en leur doctrine que le peuple est faict pour eulx.

La justice faict aultrement; elle n'a esgard qu'à ce qui appartient à aultruy pour le luy distribuer, à l'instar du bon roy, du fidèle tuteur, du soigneux berger, qui sçavent bien qu'ils sont constitués en leurs charges, non pour l'amour d'eulx mesmes et pour passer leur temps en délices et oysivetés, mais pour avoir soing et pourveoir au bien et utilité, l'ung de ses subjects, l'aultre de son pupil, et le tiers de son troupeau.

Cicéron, grand homme d'estat, l'a bien remarqué, quand il dit : Omnino qui reipublicœ prœfuturi s uni utilitatem civium sic tueri debent, ut quidquid agunt ad eam référant, obliti commodorwn suorum : ut enim tutela, sic procuratio reipublicœ ad utilitatem eonim qui commissi sunt, non eorum quibus commissa est, geri débet.

Le bon x^ristide le sçavoit bien, quand une fois, entre les aultres, estant judge de deux particuliers qui plaidoient devant luy, il y eut l'ung d'eulx qui se print à dire : Ce n'est pas à moy seul, Aristide, que ma partye a faict tort; il a faict à toy mesme beaucoup d'outraiges, de tort et de préjudice. A quoy Aristide respondit promptement : Mon amy, dis seulement s'il t'en a faict

à toy; car je suis icy assis pour te faire raison, et non pas à moy.

Ha! que c'estoit merveilleusement bien entendre son mestier, et que nos judges chrestiens se doibvent mirer sur ce divin personnaige, qui, pour son insigne vertu, feut surnommé le Juste; tiltre le plus auguste , le plus honorable que sçauroit jamais acquérir ung grand personnaige.

Mais passons oultre, et veoyons s'il est vray ce que dient plusieurs, que les grandes cités, républicques et monarchies sont plutost mainteneues par les armes et par la force que par la justice. Pour moy, je dis que tels discoureurs, qui soubtiennent ceste maxime, sont sophistes ou flatteurs, courtisans ou des ignorans, si ce n'est qu'ilz veulent en leur jargon establir des principaultés tyrannicques , et non pas des monarchies royales et légitimes.

Les t}Tans, de vérité, font tout par force et violence, et ne se soucient pas d'estre hays, pourveu qu'ils soient formidables et redoutez : Oderint^ disent ils , dum metuant. Mais ilz ne prennent pas garde qu'il n'y a point de puissance asseurée, où est la craincte, ny d'estat de longue durée, où tout se faict de haute ayde et de vive force. Nulla vis imperii est quœ premente metu possit esse dluturna; contra, heneK>olentia fidelis est vel ad perpetuitatem.

Les estais cruels ont beaucoup de terreur, mais fort peu de vie; ilz sont comme le chaud ez pays froids, lequel est plein d'ardeur, mais il ne dure guères; et qui conduict ung estât par la puissance absolue, sans le retenir avec les resnes de la doulceur et de la justice, faict tout ainsy qu'un cocher qui, à une roide descente, laisseroit aller ses chevaulx au galop, ou les chasseroit à toutes brides, au lieu de les modérer, et avec leur enrayoir les garder de se précipiter.

Certainement celuy là ne renconstroit pas mal, qui disoit que la craincte est ung mauvais estançon d'estat; car, sans mentir, il n'y a poinct de plus grande révérence que celle de l'amour, et qui traicte l'homme par doulceur, il sçait parfaictement par où il le fault prendre pour en disposer à son plaisir.

Le bon prince veult bien estre crainct, mais comme le père de ses enfans; c'est-à-dire, crainct et aymé tout ensemble. Pour parvenir à ce poinct, je luy veulx enseigner ung chemin bien court; c'est de faire justice.

Comment cela? Parce que la hayne vient du tort, la craincte et l'amour procèdent de justice; car, en punissant les maulvais sans dissimulation, et récompensant les vertueux de leur mérite par honneur et bénéfices, il n'y a que tenir qu'il ne soit fidellement servy de ceulx cy, crainct être-

douté des aultres, qui n'entreprendront jamais rien contre son authorité, reteneus sous la discipline de ses équitables loyx et judgemens, et gardé des yeulx, des mains, du soing et vigilance de ses aultres bons subjects.

Tant y a que la force et violence ne conviennent jamais avec le droict et justice, et bien que l'ung et l'aultre soient exprimez par deux monosyllabes, composés chascung de trois lettres, qui se trouvent l'ung dans l'aultre par ung anagramme remarquable , à scavoir , jus et vis ; si est ce, qu'ils se sont faict tellement la guerre, qu'elle est irréconciliable, et il fault, par nécessité, que l'ung cbasse ou face place à l'aultre. Eorum neutroud volumus, dict Cicéron, altero utendum est. Vim volurnus extingui^ jus valeat necesse est^ id est^ judicia quitus omnejus exercetur. Cceterum nihil exitiosum civitati, nihil tam juri et legibus contrarium, nihil minus civile et humanum ^ quant composita et constituta republica quidquam agi per vim : hinc in XII tabulis vis omnis a populo ahesto.

La force et violence sont plus de la beste que de l'homme. Le droict vient de la plus divine partye qui soit en nous, qui est la raison; et long temps a que l'opinion du sophiste Carneades a esté rejetée de l'ancienne académie, bannie de la société des hommes, et détestée

8o TRAITÉ

principalement par les chrestiens, que la première loy du monde et de nature est celle par laquelle le plus foible et le plus pauvre est à la mercy du plus fort et du plus riche.

Le plus simple, le plus idiot et grossier d'entendement est abandonné au plus puissant, au plus subtil et plus spirituel; l'industrieux et bon mesnager est la proye du desbauché, du fainéant et du meschant.

Geste loy, qu'ilz appellent de nature, est la loy des bestes, parmy Lesquelles les grands poissons mangent les petits, les oyseaulx de proye vivent d'aultres oyseaulx de moindre force et deffense qu'eulx; les mouches, guespes paresseuses, mangent le miel des mesnagères et industrieuses abeilles.

Les lions, les tigres, lès loups dévorent les bestes que nature n'a pas pourveues de tant de résistance qu'elles.

Le bon Hésiode nous en rend une pertinente raison. C'est, dict il, qu'il n'y a point de justice entre eulx, comme Dieu l'a mise entre les hommes; y adjoutant, de plus, ung aultre traict fort mémorable, qui est qu'encore qu'il semble parfois que la force et l'injustice ayent gaigné là dessus, si fault il néantmoins, malgré elles, qu'elles soyent vaincues et surmontées par la justice et par la raison.

DE LA RÉFORMATION DE LA JUSTICE. 8l

ÈTuel où oix'/i ècTiv év aÙTOÎ"?,

AvÔptOTTOlGl eOWXS OtX7)V , Yj 'KdXkhy àpiGTV)

Tiverai.

Hésiod. Trav. et jours , v. 277.

Qui est ce que dict Lucrèce, que

, . . Genus humanum , defessum vi colère aevum , Sponte sua cecidit sub leges arctaque jura; Circumretit enim vis atque injuria quemque, Atque unde egressa est ad eum plerumque revertit.

Et de faict, s'il falloit prendre le droict par la force, il sera donc loisible à ung aultre qui aura encore plus de force, de couraige, de ruse, ou d'invention , d'en chasser celuy qui y seroit ainsy parveneu. Par ainsy, ce seroit ung perpétuel boute hors, et Testât du soubverain et du magistrat, commis pour la police et pour la justice, seroit fluctuant au possible, et converty en occasion de tumulte , veoire d'une brutalité parmy les hommes.

Il ne fault donc poinct faire estât de la force, sinon de celle qui est la servante de la raison , qui luy obéyt en ses commandemens , qui se rend exécutrice et tient la main forte aux mandemens et ordonnances de justice.

Toute aultre force hors ces termes est bestiale , réprouvée et condamnée de Dieu et des hommes; et tous ceulx qui l'ont praticquée et