Inéd

litiœ juncta non emendat, sed nerK'os affectibus addit.

Et ce mal ira à l'infiny, s'il n'y est remesdié par quelque plus puissante main inspirée du ciel, qui exauce à la parfin les clameurs des opprimez et esclate ses tonneryes sur les oppresseurs, lesquelz , enyvrez du vin de leur trop grande prospérité , ne recoignoissent jamais leur foiblesse que lorsqu'ilz sentent sur leur eschine le bras effroyable, juste, vengeur de leurs iniquitez.

Ha! que je m'estonne grandement de l'insigne folie, veoire de la fureur de plusieurs qui se jettent comme à corps perdeu dans les offices, mesmemeut de judicature, sans avoir desseing et intention que d'y faire leur profict aux despends de qui il appartiendra : leur plus grand soing pour y monter, c'est l'argent, grande somme pour les partyes casuelles et pour leur résignataire; et sont ilz en exercice, leur but ne tend qu'à se rembourser le plus tost qu'ilz pourront , en quoy ilz semblent excusables par la raison de l'empereur Alexandre Sévère.

Je m'estonne encores que la pluspart de ces achepteurs n'ont jamais bien considéré la grandeur, poids et dignité du fardeau et charges qu'ilz entreprennent, et à quoy elle les oblige fort estroictement. Le saigc leur apprend, quand il leur

HE LA RÉFOR]\rATIOIV DF. LA JUSTICE. l3r

dict en ces mots, qu'il fault bien peser par tous ceulx qui entreprennent d'estre judges d'aultruy : Noli quœrere fieri judex , nisi valeas virtute irrumpere iniquitates , ne forti estimes eas faciem potentis et ponas scandalwn in agilitate tua.

Ce n'est pas si peu de cas que l'on pense, il fault avoir de très esquises et excellentes partyes pour s'acquitter dignement du debvoir de judge.

Premièrement , je conseille à tous ceulx qui y vouldront aspirer de se taster le poulx , et d'examiner s'ilz ont assez de couraige, de force et de vertu pour soustenir la pesanteur de ceste grande charge, qui est non seulement résister aux meschans, mais les punir sans avoir esgard à leur grandeur, qualité, médiocrité, ny condiction quelconque; ne faire rien par faveur, par craincte , par courroux, par avarice, par haisne, par envie, ny aulcune aultre passion qui puisse survenir, corrompt et offusque le judgement. J'en ay cogneu ez compaignies qui avoient l'ame bonne, et pour rien du monde n'eussent vouleu faire ime concussion; mais ilz ne se pouvoient commander quand il se présentoit quelque affaire pour leurs parens ou leurs amys.

Hors le palais, c'est ung bon naturel; mais le judge ne doibt cognoistre que le mérite du faicl simple dont il est judge, sans acception de personne quelconque.

D'aultres sont naturellement timides, et combien qu'ilz ne soyent pas meschans, craignent d'offenser les gens du monde ou de faire des ennemys, nec sunt pares invidiœ; et ceste pusillanimité est une très pernicieuse qualité à ung judge, qui luy fait souvent faire de lourdes faultes, au lieu de rendre la justice esgale, comme il appartient.

D'aultres suys'^ent le vent de la court, et font à l'appétit, recommandation des princes, des favoriz de court, des grands seigneurs, ou de leurs amys ou serviteurs, et en faveur des prélats et grands bénéficiers, des passes droicts en justice, afin d'estre bien veneus en court, et y avoir des cognoissances et des amys pour s'en prévaloir, pour eulx, leurs parens ou leurs amys, à ung besoing , ou d'accrocher quelque office ou bénéfice.

Tout cela ne vault rien pour en parler franchement, et ceulx qui sentent n'estre pas assez vertueux pour résister à ces tentations, qu'ilz ne prennent jamais la robbe de judge; aultrement ilz doibvent faire estât de v^stir leur honte et leur confusion, et de ne recevoir jamais le vray honneur en leurs charges, ny de remporter la réputation d'ung homme de bien.

Pour ces conditions que je viens de dire, le

prince ne les peult pas cognoistre, et n'y a que ceulx qui entrent ez charges qui le sçavent; et s'ilz sentent leur infirmité, ilz feroient beaucoup mieulx, s'ilz ont de l'honneur, de prendre quelque aultre vacation.

Le bon roy Josaphat mettant, au commencement de son reigne, des judges pour toutes les citez de son royaulme, les instruisoit en ces trois poincts fort précisément , et surtout leur deffendoit de prendre aulcung présent pour la distribution de la justice.

Sed omnibus œqiia jura tribuerent, nec cujuspiam dlgnitateiï\ proptei^ judicialein faslum aut divitias aut genus potentiuîn considerarent, scientes quia etiam quœ occulte geruntur, a Deo non ignorantur.

Notez comme il conclut. Vous qui cachez vos injustices si destrement, que les hommes n'y cognoissent rien, et retenez que vous ne vous pouvez cacher de vous mesmes et encores moins de l'œil clairvoyant de l'Eternel, qui vous regarde incessamment , et ne passe par connivence la moindre de vos injustices.

Pour les aultres qualitez et condictions visibles et notoires, comme la jeunesse, l'inexpérience et aultres conditions du tout indigne de la fonction de judges, c'est une grande charge de con-

science à uiig prince, et en laquelle Dieu est merveilleusement offensé, de mettre en charge les personnes de ceste qualité.

La jeunesse et la saigesse sont incompatibles, comme nous l'avons dict , et la fault avoir esvaporée avant qu'entrer aux dignitez; aultrement le public ne fault jamais d'en pastir, joinct l'impertinence notable du nom de sénateur, qui desnote ung vieillard , pris abusivement par ung jeune homme, auquel, par l'ordre de nature, il ne peult convenir; et fauldroit, pour rapporter toutes choses à leur poinct, ou ne mettre que gens meurs, de barbes blanches, en ung sénat; ou, au lieu d'ung sénat, composer ung jiwenat de jeunes barbes , ut res nominibus congruant.

Le grand Auguste le cogneut bien, en feit judgement par soy mesme, lorsque Caïus et Lucius, jeunes princes, tous deux enfans d'Agrippa et de sa fille Julia, non seulement vivoient en toute licence et dissolution au grand regret de l'empereur, mais encore estoient si téméraires de demander Testât de consul, ayant à peine atteints l'aage de puberté.

L'impatience eschappa lors à Auguste , et feit une grande prière à Dieu de ne permettre que la chose publicque feust jamais réduicte à ce misérable estât, où luy mesme Tavoit aultrefois veue , ayant esté faict consul , aagé de vingt ans

DE LA RÉFOllMATION DE LA JUSTICE. 1 3^5

accompliz. Et comme Caïus le pressa de plus en plus, nonobstant ses remonstrances, il luy coupa court, afin de luy en oster toute espérance, luy feit response que la charge de consul n'appartenoit poinct à ung estourdy, ung présomptueux et desbauché, et n'estoit convenable qu'à celuy qui estoit bien moriginé , et avec cela qu'il eust la force et le couraige de s'opposer vertueuseqient à la licence effresnée , volontez et passions du peuple romain, et n'en eust aultre raison ; et néantmoins c'estoient ses enfans, mais le public et la patrie luy estoient plus chers. Et se soubvenoit, ce saige empereur, de ce que luy mesme avoit faict en cest aage , provoqué par les bouillons, l'ardeur et l'inexpérience d'une grande jeunesse , à faire prou de choses dont il se repentoit à bon escient en l'aage de maturité, et faisoit bien saigement de n'abandonner poinct la chose publicque à l'insolence et maulvaise conduicte de jeunes gens qu'il cognoissoit voluptueux et desbauchez , et ne courir aux grandes charges que pour avoir plus de pouvoir et de licence de mal faire, et sçachant d'ailleurs qu'il n'y a rien, comme a esté dict cy dessus , plus dangereux en une cité que l'injustice armée, c'est à dire, le pouvoir et l'authorité entre les mains d'une meschante ame.

Quand je considère la vertu, bonté, généro-

l36 TKAITÉ

site de ce prince , je ne m'esbahis pas qu'il av l esté monarque de l'univers, et véritablement il avoit toutes les partyes dignes de la monarchie ; et, hors les faultes commises en sa grande jeunesse, il fault advouer qu'après qu'il eut cuvé son vin, comme on dict, il ne feut jamais ung meilleur, plus utile et convenable prince à l'administration de la chose pubUcque.

Il maintint tout le monde en paix par le bon ordre qu'il establit , pourveoyant aux gouvernemens, dignitez et magistrats, ceulx qui, par leur suffisance et capacité, les méritoient sans aultre recommandation que de leur seule vertu, et en cest estât gouverna le monde fort heureusement l'espace de cinquante six ans entiers (i).

(i) Les historiens ne sunt point tl'i\ccord sur la dvirée du règne d'Auguste.

i** Les uns datent le commencement de son règne en l'an 710 de Rome, et 44 avant l'ère chrétienne, lorsque, après la mort de César, il vint d'Apollonie, ville de Macédoine, en Italie, et qu'il assembla là les soldats vétérans.

2** D'autres datent son règne de l'an de Rome 711, après la mort des consuls Hirtius et Pansa , et lorsqu'il se fit subroger consul , avec Quintus Pedius , au mois sextile ( août ) , ou , de la même année, le 27 novembre, après la formation du triumvirat avec Antoine et Lépide.

3** D'autres fixent la date de sou empii-e en l'an 728, le 2 septembre , époque de la bataille d'Actium.

4" Les derniers calculent et mettent son avènement à

DE LA RÉFORMATION DE LA JUSTICE. l3^

Les aultres empereurs n'ont pas eu ceste bonté, ny saigesse d'Auguste; aussy n'ont ilz eu sa gran fleur, ny sa félicité.

La bonté et la prudence du prince le conduisent à ung bon ordre , reigle et police. Le bon ordre engendre et maintient la paix, et la paix cause l'abondance, la seureté de Testât, les richesses et la félicité ; au contraire , le maulvais naturel, l'imprudence, la pusillanimité, et quelquefois l'avarice des princes les incitent à pourveoir gens indignes et incapables aux grandes charges, lesquelz gastent et renversent tout ordre de justice; le désordre ne peult amener que ruynes et désolations.

Nostre mesme Auguste estoit si religieux en matière d'offices, qu'il cassa ung magistrat comme ignorant et incapable, parce qu'il avoit escript Ixi au lieu de Ipsi. Vespasian en cassa ung aultre, parce qu'il se parfumoit et sentoit le musc.

l'empire l'an 724 de Rome, 3o avant l'ère chrétienne, lorsque, après la mort d'Antoine , il entra dans Alexandrie, capitale de l'Egypte.

Ces diverses opinions donnent pour résultats : la première, 57 ans 5 mois 4 jours; la seconde, 55 ans 11 mois et 28 jours; la troisième, 55 ans 8 mois et 22 jours; la quatrième, 44 ans moins i3 jours.

Auguste mourut le 19 août, âgé de soixante -quinze ans dix mois et vingt -six jours.

Domitiaii en cassa uiig aultre, parce qu'il se plaisoit à danser et baler (i); car Domitian, bien qu'il feust aultrement meschant, si avoit il cela de bon, qu'il faisoit charrier droict les magistrats de son temps, et ne leur pardonna poinct.

Je sçays bien que le censeur Fabricius cassa du sénat Cornélius Rusinus, sénateur, parce qu'il avoit dix marcs pesant de vaisselle d'argent, qui, en ce temps cy, pourroit valoir septante esceus; mais il se fault prendre garde que c'estoit en ung temps de frugalité , et in magna populi Romani paupertate; et néantmoins c'estoit au siècle de la plus grande légalité, justice et intégrité qui feust jamais à Rome.

C'estoit encores en ce mesme temps que la vertu des Romains ne trouvoit rien qui luy résistast , et qui ne se soubmist de gré ou de force soubs sa puissance. Depuis que les richesses de l'Asie se meslèrent parmy eulx, elles amenèrent le luxe , cestuy cy causa l'avarice ; et ceste beste assouvie, qui traisne tousjours à sa queue une bande de toutes sortes de vices et meschancetez, ruyna finablement leur empire.

Auparavant ceste abomination, le préteur, le

(i) Ces deux mots sont synonymes. Baler s'appli(iuait spécialement aux danses dans les cercles , ou i^randes réunions particulières ou publiques.

UK LA RÉFORMATIOJV DE LA lUSTlCE. J 39

consul , le gouverneur de province , sans avoir esgard à richesses , noblesse , ny aultres qualitez quelconques, que de la seule vertu, estoient niiz ez charges publicques.

Depuis, au lieu de la vertu, on commença de regarder aux richesses, à la noblesse, au cousinaige, au cresdict et à la faveur; et Dieu sçayt si ce ne feust pas le commencement de toute corruption, injustice et confusion en Testât public.

Sénèque rapporte fort élégamment en une sienne Déclamation : Posteris , dict il , laxitas mundi et rerum amplitudo ^ damno : postquam senator censu legi aptus, judex fieri censu, magistratum ducemque îiihU magis exornare quam census, pessum iere vitœ pretia.

La raison en est bien apparente, qui est que les hommes, comme a esté dict, s'accommodent au temps, et veoyent par expérience que la vertu , les sciences, honneur et modestie, sans argent, sont imputez à choses vaines, ridicules et inutiles; au contraire, que l'audace, l'impudence, les vices, et surtout l'or et l'argent, sont en hault cresdict, si courent ilz après, et n'y a rien si sacré, si chaste, si pur qui ne soyt par eulx attenté, corrompeu et violé, pour en avoir.

Avaritia^ beïlua fera, immanis , intoleranda^ quœ incendit oppida , ag7 0s,fana, atque mœnia obstant quominus vi sua penetret : Jàina , pudici-

l4o TRAJTJ^

lia, liberis ^ palria y atque parentibus cuncioi mortales spoliât.

Que peult on donc attendre d'ung estât où il n'y a rien en honneur, estime et resputation par dessus l'or et l'argent; sinon ce qui est arrivé à tous les aultres qui se sont gouvernez de mesme, suyvant tousjours la maxime que je ne répéteray plus.

Nostre histoire nous apprend que Guillaume, comte de Flandres, qui vivoit du temps de Loys le Gros, se rendit infinyment odieux à ses subjects, et en feut ruyné, à cause du maulvais traictement que, par son insatiable avarice, il leur faisoit, et les pressa tant qu'en fin de compte ilz se révoltèrent tous contre luy.

Il vendoit, dict Paul Emile, les offices de ses pays sans respect de vertu, scavoir, noblesse, uy mérite, et encores moins de profict public; il créoit de nouveaulx offices d'eschevins, de consuls, dont les Flamands usoient lors, et le tout pour avoir argent, et les bailloit au plus offrant et dernier enchérisseur.

Bref, il ne faisoit cas de chose du monde que l'or et l'argent, et n'en eut jamais assez à sa fantaisie : enfin , néantmoins , esprouva véritable le dire de Sénèque, que l'on n'a jamais veu de grands princes ruynez faulte d'argent, mais assez faulte de fidelles amys et serviteurs. C'est de

quoy ilz debvroient surtout faire provision , et se soubvenir que le moyen de les avoir bons et loyaulx, c'est de choisir des gens de bien, craignant Dieu, aymant l'honneur plus que les biens du monde, et croire pour maxime infaillible qu'avec les meschans, n'y a jamais d'amitié certaine. Hz ont tousjours la queue du scorpion, et s'en garde quoy pourra (t).

T.e bon roy sainct Loys ne faisoit pas ainsy : les meschans n'estoient pas bien veneus auprès de luy, de manière que sa maison estoit ung temple de paix, d'honneur, d'humihté, desaincteté; sa cour, une eschole de vertu, d'obéysssance volontaire; sa vie, ung exemple de piété, de justice.

Quant aux estats, charges et dignitez, sainct Loys né les donnoit jamais par faveur, prières, recommandations, argent, richesses, noblesse, ny aultre qualité, que de la seule vertu et mérite d'ung chascung; et quand quelque homme de bien et de valeur, pourveu d'ung grand ou médiocre office, venoit à mourir, il avoit bien esgard à ses servyces pour en faire recevoir quelque profict et gratification à ses enfans, non toutesfois que jamais il leur donnoit les estats des pères, s'ilz n'en estoient dignes, mais, par quelque aultre façon , récompensoit les servyces de leur père , et

(i) vieux proverbe.

par ce moyen contraignoit les enfans de mettre peine de leur ressembler en valeur et en mérite; et non pas de croupir, comme ilz font ordinairement, en oysiveté, luxe et dissolutions, s'appuyant non sur leur propre vertu, qu'ilz n'avoient jamais pris peine d'acquérir, mais sur celle de leiu*s ancestres, qu'ilz employent par grande vanité pour avoir les biens et les honneurs, qui sont les vrays loyers et récompenses des seuls vertueux.

Oh! que c'estoit bien entendre le mestier de reififner en la craincte de Dieu et en Tamour de son peuple! Si ses successeurs eussent suivy ce train, nous ne serions pas en la confusion où l'avarice nous a poussez, tous prêts à périr; et pourroit on aujourd'huy dire de ce royaulme ce que disoit Jugurtha de la ville de Rome, la corruption sale et infanie de laquelle il avoit esprouvé à ses propres cousts et despends : O urbem venalem !

Nous l'avons dict ailleurs, autant debvons nous appréhender, veoyant l'estime de l'argent par dessus toutes choses, veoyant les négociations et tra6cs publics des offices de justice ouverts et authorisez par les roys, soubs prétexte de la finance qu'ilz doibvent faire conscience de tirer d'une chose sacrée , et qui n'est poinct au commerce des hommes; et ceste finance, veneue de maulvais acquit, à la fin , leur coustera bon, si

DK LA RÉFORMATION DE LA JUSTICF. l/j'i

Dieu ne leur donne son esprit de grâce pour exterminer ceste mauldicte vénalité, cause de tant de maulx, injustice et malencontre en ce pauvre royaulme. Faxit Deiis vana sint mea augurial Mais je préveois la ruyne de la France par ceste bresche.

L'on nîe dira que j'en parle plustost en philosophe qu'en bon homme d'estat; que je compte sans mou hoste, et que, par deux grandes secousses, on a vouleu déraciner ceste vénalité aux estats d'Orléans et de Bloisf i); mais l'on a trouvé la souche si ferme, qu'il fault ung plus grand effort, une main plus puissante et une meilleure saison pour l'arracher.

A cela je dis que les reigles et maximes plus belles de tout estât bien policé sont prises de la philosophie, soyt chrestienne, qui est le plus seur guide que l'on sçauroit choysir, soyt platonique et prophane ; et ne les peult on puiser de meilleure source ?Qu'ainsy ne soyt: si peu de bons princes qui ont esté jamais au monde, se sont gouvernez selon les préceptes de la philosophie, dont bien leur a prins , à leurs subjects encores mieulx , lesquelz , soubs telz reignes , ont esprouvé par expérience et vérifié le dire vulgaire de Platon, que bien heureuses sont les respublicques

(t) Addition de de Refuge.

ï44 TRAITÉ

OÙ les philosophes reignent, ou du moins celles où les roys philosophent.

Si les subtilz politicques de ce temps ont trouvé quelque aultre leigle, secret ou maximes d'estat plus authenticques, plus mystérieuses et incogneues des anciens , auxquelz toutesfois je desféreray tousjours l'honneur de saigesse par dessus celle de ce siècle, je n'entends pas entrer plus avant en contestation contre eulx pour ce regard; sinon pour les advertir de ce petit mot, qu'au bon ou maulvais fruict, on cognoist la bonté ou maulvaiseté de l'arbre ; et ce , pour n'offenser les grands docteurs de ce temps, en leur science d'estat, je diray comme Léonicius, à la fin de ses grandes Ephémérides : Plura dicerem ; sed hic Plato quiescere jiibet.

Et afin que l'on n'estime que je veuille, par mon opinion, introduire ung grand changement, et troubler le repos de quelque ordre que ce soyt , qui est en effect tout ce que peuvent craindre et appréhender ceulx qui sont aujourd'huy constituez ez dignitez et magistrats, ez quelz ilz ont notable intérest de demeurer, afin de ne devenir d'esvesques meusniers, comme l'on dict, et de n'estre monstrez au doigt par ceulx qui sont au dessous d'eulx, comme ainsy soyt que le malheur de ce misérable temps est tel, que l'on ne faict cas que de ceulx qui sont en authorité, et qui

IW. LA RÉFORMATIOIV DE LA JUSTICF. I^S

peuvent faire plaisir ou desplaisir par le moyeu de leurs offices ou de leurs grands moyens, je veulx bien, veoire désire, que tout chascung soyt adverty que mon but et intention n'est que de donner adviz de reigler pour l'advenir, et réformer les affaires de la justice, sans toucher à Testât de ceulx qui sont à présent.

Il y a trente ans entiers que j'ay commencé d'ouyr les discours, les raisons, les conceptions, les conseils de plusieurs grands, notables personnaiges, zélez au bien public et au bien universel de ceste couronne, et n'en ay jamais veu ung seul qui n'ayt condamné tout à plat la vénalité , cause principalle de la multitude effresnée d'officiers, de la longueur des procez, qui sont presque insupportables en la poursuyte d'iceulx et des concussions , injustice et aultres malédictions qui procèdent de ceste source.

Mais je n'en ay jamais veu ung qui ayt proposé des moyens faciles, plausibles, honorables et profictables aux judges mesmes, mais principallement à tout le peuple; et c'est ce que je veulx faire sans troubler, comme j'ay dict, le repos d'aulcung officier de ceulx qui sont aujourd'huy en charge, ny luy apporter aulcung détriment dont il se puisse plaindre avec raison.

Ez grandes assemblées qui se sont, par plu-