Jnéd

l'ung des premiers hommes de son siècle, et infinyment jaloux de la justice, ne pouvoit comprendre le moyen d'y remesdier comme il eust bien vouleu.

Il disoit ordinairement, devisant avec ses amys des affaires de son temps , qu'il n'y aura jamais bien en la France, sinon lorsque les gens d'armes auront en horreur la guerre, les médecins les maladies, les judges les procez : il mettoit ces trois choses au nombre des impossibles. Il ne parle poinct des financiers, parceque de son temps il n'y en avoit presque comme poinct, et ce petit nombre qui gouvernoit les finances estoit suffisant pour le maniement d'icelles , et les choisissoit on non par faveur et encores moins pour leur argent, mais pour le seul mérite et bonne renommée; et s'il arrivoit que, par malice et avarice, ilz feissent faulte en leur charge, ilz estoient si descriez et si odieux , que tout le monde les fuyoit comme gens excommuniez, brigands et voleurs du public, et ne cessoit on jamais que l'on en eust faict ung exemplaire de justice.

J'adjousteray donc au vœu de monsieur de la Vacquerie, que les financiers auront les mains nettes, et les richesses à mespris. Il est fort aysé d'oster le désordre, qui est ce qu'on vouldra ; parceque ce n'est pas mon argument, je n'en diray rien dadvantaige pour le coup. Celuy donc

qui trouveroit le moyen de faire hayr les maladies aux médecins , la guerre aux soldats et les procez aux judges , aura satisfaict au vœu de ce bon président, et feroit veoir la possibilité de tout ce qu'il estimoit du tout impossible.

Or, c'est ce que je veulx monstrer présentement, et partant que chascung se prépare à peser et examiner ce discours ; car pourveu qu'il y apporte ung esprit de paix, de candeur et de franchise, il se trouvera digne de grande considération; et s'il peult mieulx faire, je proteste qu'au lieu de luy en porter envie , je l'en remercieray en faveur du public et de ma patrie.

Je dis donc premièrement, pour les médecins, que si on en vouloit stipendier du public certain nombre , et en ce faisant leur deffendre de prendre chose quelconque, aultre que leurs simples gaiges , cela seroit cause de deux ou trois biens.

Le premier, de leur faire hayr l'avarice, exercer fidellement la médecine , et avec sincérité de conscience; le second, de choisir bien les drogues avec lesquelles l'on compose les médecines; faire sévèrement punir les faultes et avarice des apothicaires, lesquelz employant indifféremment leurs drogues, bonnes ou maulvaises (i), vieilles

(i) Il faut remarquer qu'à cette époque les apothicaires et les épiciers ne formaient qu'un seul corps ; le premier titre