TU

1 8o TRAITÉ

OU nouvelles, sont arrivez plusieurs accidens au corps humain; et après aller (et ce poinct, que je compte pour le troisiesme, est le principal et de grandissime conséquence ) au devant des maladies par bon régime et par le moyen de la prophylactique, que les médecins ne mettent guères en usaige, parceque la praticque d'icelle leur osteroit le gaing incroyable qu'ilz font à la multitude et longueur des maladies , et ne les entretiendroient pas, parce que, moyennant cest ordre, ilz ne gaigneroient rien en la longueur d'icelles.

Les pauvres d'ailleurs, qui meurent sans secours, parce qu'ilz n'ont poinct d'argent pour bailler au médecin, seroient soulaigez, pansez et médicamentez, et bien souvent saulvez.

Tout de mesme des chirurgiens et barbiers, qui entretiennent les playes, afin de prendre dadvantaige; à quoy lesdicts médecins, stipendiez comme dict est, prendroient garde pour les faire punir, s'il y eschet ; et s'il se trouve que les médecins ne se gouvernent en gens de bien , et qu'il

qui fasse mention des apothicaires est de 1484- Jusqu'en 1622, les apothicaires ou épiciers allaient seuls chez leurs confrères faire leurs visites. Ce ne fut que depuis cette époque qu'un arrêt du parlement leur adjoignit, pour les visites, deux docteurs en médecine, professeurs en pharmacie, et nommés par la faculté.

DE LA RÉFORMATION DE LA JUSTICE. l8l

y ayt piaincte, les fauldra chastier rigoureusement avec cognoissance de cause , les chasser de la ville et province, et mettre de plus gens de bien en leur place.

Quant aux soldats, je ne sçays poinct de meilleur remesde qu'une forte et seure discipline militaire , les payer de leur solde entièrement , et punir leurs faultes, larcins et violences par la rigueur des loyx , sans rémission ; et fault croire que le soldat qui a du couraige et de la valeur n'est jamais picoreur, brigand, ny rapineur querelleux, encores moins n'outraige jamais ny le paysan , ny le bourgeois ; et comme il ayme , non le faulx mais le vray honneur, il ne faict jamais parade de sa vertu que contre l'ennemy, laisse l'ostentation, la piaffe (allure fière), la monstre (étalage) et vanteries aux poltrons et lasches de cœur, qui font beaucoup de bruict où n'y a poinct de péril, ny subject de craindre; mais aux grandes occasions où il se fault monstrer gens de bien, ces hardys jappeurs, ces bravasches, ces grands vanteurs font les poules, et ne sont bien armez que par les talons.

A la vérité, je ii'ay parlé que comme en passant des médecins et des soldats : pour ne rien obmettre du subject qui se présente, et pour monstrer qu'il y a remesde partout, pourveu que l'on veuille prendre la peine de le chercher, et

l8'2 TRAITÉ

que ceulx qui tiennent le gouvernail des affaires publicques sont poussez de bon zèle, et n'y veuillent plaindre leurs peines.

Pour le regard des judges et ministres de justice, qui est mon vray subject, je veulx monstrer ung moyen infaillible de leur faire hayr les procez, dont le sieur président de la Vacquerie désespéroit et l'estimoit impossible; et alors j'auray atteint au but où tend l'ung des principaulx poincts de mon desseing, et m'estonne que de son temps les judges aymoient desjà les procez; puisqu'ilz n'acheptoient poînct leurs offices, il y a de l'apparence qu'ilz estoient desjà affriandez à Tespicerie et aultres meneues denrées et obventions provenant de ceste vacation.

Or, le moyen de faire hayr aux judges, non seulement la multitude, mais encores la longueur des procez, est le plus aysé du monde, n'y a pas grande finesse, et néantmoins que l'on se tourne en tel sens que l'on vouldra , que les plus subtils et industrieux alambiquent leur esprit tant qu'il leur plaira, ilz n'en trouveront jamais d'aultres : c'est de faire, en somme, que les judges et ministres de justice ne tirent désormais aulcung profict ny advantaige de la multitude et longueur des procez; au contraire, que tant moins ilz en auront, et plus ilz ayent de profict , de soulaigement et de temps, soit pour estudier et veoir

leurs livres, soit pour aultrement s'employer et vacquer à leurs affaires particulières. Voilà tout le secret, qui est bien aysé à comprendre.

Il fault croire que personne n'est ennemy de soy mesme , et ne se trouve aulcung qui ayt l'entendement et la teste médiocrement bien faicte , qui se veuille donner du tourment et de la peine à crédict, sans honneur, sans plaisir, et sans esmolumens : à cest effect, il est nécessaire d'extirper les causes du désordre et du mal , et lors nous serons estimez bons médecins.

Or est il que le mal procède de deux causes principales : l'une est la vénalité des offices de judicature, laquelle a faict multiplier les judges en nombre incroyable, et de mesme suyte a faict multiplier les procez à l'infiny, et iceulx rendeus immortelz ; l'aultre sont les espices et esmolumens que prennent les judges pour leur vacation à expédier et vuider les procez; et tant plus y a de procez et de prolongation d'iceulx, tant plus sont grands les proficts et esmolumens qui en proviennent.

Ces deux racines arrachées, ou du moins l'une d'icelles, qui ne préjudicie poinct au fisc, nous sommes en beau chemin pour la première. Je ne l'ose espérer en ce siècle d'argent , si ce n'est que Dieu, regardant la France de son œil de pitié, touche le cœur de nostre roy, et l'embrase de

l84 TRAITÉ

ce sainct amour envers la justice, de la laisser plus nette à son successeur qu'il ne l'a trouvée à son advénement à la couronne, et de cesser de son vivant la vente que la corruption des mœurs a rendeu si commune , d'une chose qui qui ne debvoit jamais estre au nombre des marchandises, et ne l'est qu'en France, qui est une grande honte à nostre nation, si la cause du fisc est la plus forte , et l'emporte sur les vœux des gens de bien contre la raison.

Je n'ay que dire à cela, sinon que je suis très asseuré que la vénalité des offices de judicature, qui ne peult plus guères durer, à cause de ce trafic infâme et des grandes injustices qui en proviennent , qu'elle ne mette Testât en hazard ; et si nostre victorieux prince , inspiré du ciel , d'où toute bonne influence dérive , extirpe ceste vénalité, et adjouste ce trophée à tant de lauriers que ses actes héroïques luy ont acquiz, il se peult asseurer de couronner ses œuvres d'une gloire qui consacrera son nom à l'immortalité.

Et parce que l'obstacle de la cause fiscale pourroit empescher l'exécution du bonheur que la réformation doibt apporter en ce royaulme , et que son intérest cessant, il n'y a que tenir que l'on ne receoibve nos remesdes , je me veulx accommoder aux mœurs de Testât malade et à la saison, afin de ne demeurer pas en si beau

DE LA RÉFORMATIOiV DE LA JUSTICE. l85

chemin, et que le public puisse recebvoir, moyennant la grâce du Tout Puissant , le fruict inestimable que j'espère de ce labeur.

Je dis donc , laissant en souffrance le premier moyen , et venant au second , qu'il est nécessaire, de toute nécessité, d'oster non seulement les espices, mais encores tous les salaires, proficts et esmolumens, généralement quelconques, que les juges (leurs simples gaiges exceptez) reçoibvent pour leurs vacations à vuider et expédier les procez, en quelque façon et manière que ce soit.

C'est ung abbus, c'est une chose honteuse, vilaine et sordide ez mains de judges de parler de gaigner : le mot de judge est auguste , sainct et vénérable , et n'y a rien , après l'honneur et craincte de Dieu, plus propre ny fabvorable au genre humain que la fonction d'ung bon judge. Rabaissez le par le gaing, vous luy ostez l'honneur et le respect qui le rendoient vostre supérieur.

Quand ung judge prend vostre argent ou vos présens, quelque bonne justice qu'il vous rende après cela, vous n'estimez poinct luy estre obligé: s'il a faict quelque chose pour vous , il en est payé ; et combien qu'il n'y ay t poinct par adventure de comparaison du bienfaict receu en justice, à ce que l'on prend d'une partie, néantmoins on a ceste opinion de l'avoir bien payée ,

l86 TRAlTt

et c'est aussy, sans mentir, ce qui rend aujouid'huy les jiidges contemptibles , odieux et exécrez parle peuple, lequel croyt fermement qu'eu la façon que nous vivons , celuv qui a plus grande bourse, et qui n'y veult rien espar^ner, faict ses affaires à souhaict en justice; et v en a de si téméraires et impudens, qu"ilz dient tout hault qu'avecque une bourse d'esceus ilz feront des amys et gaigneront leurs procez, soit civils, soit criminels.

Et néantmoins. y a encores unç^ bon nombre de judges, mesmeraent soubverains, que je cognois fort bien, qui n'ont poinct encores fléchy le genouil devant l'idole d'avarice , que tout l'or de Paris ne corromproit, et qui désirent, sur toutes choses, que ceste tache de gaing illibéral soit effacée de toute la robbe.

Ce sont ceulx qui ont le cœur si noble, que 1 on peult dire d'eulx ce que Salluste disoitdeMételhis. quand, après tant d'aultres sénateurs qui tous s'estoient laissez corrompre par Jugurtha, et avoient ruyné la pluspart de l'armée par leurs avarices, ilz envoyèrent ce grand personnaige en Numidie pour réparer les faultes des aultres chefs de l'armée, lequel estoit du tout incorruptible et inexpugnable par or et par argent, et ferma de toutes parts sa maison, ses oreilles et ses mains aux richesses. Il fault advouer qu'elle procède

DK LA RÉfORMATlOJN DE LA JUSTICE. 1 87

d'une générosité admirable et d'une vertu qui surpasse le cours ordinaire des hommes.

On en dict aultant de Caton; et Sénèque, parlant de luy, dict qu'il faisoit la guerre ouverte à l'avarice : Pecuniœ bellum indixerat; et tout le long de sa vie continua en ceste résolution.

Je ne nommeray poinct ces dignes personnaiges, parce qu'ilz sont assez cogneus, et puis je ne serois pas hors de soupçon de flatterie, auquel sont subjects ceulx qui louent les hommes illustres qui sont encores vivans.

Pour moy, je suis du tout esloigné de ceste humeur, et néantmoins ilz ne demeureront pas sans esloges dignes de leur vertu, qui sera, par plusieurs doctes plumes, portée bien avant aux siècles à venir.

Je leur dédie , pour mon regard , et aux héros de ce siècle, ung traict particulier, mais ce sera mon posthume, auquel j'espère de pourveoird'ung fidelle tuteur, qu'il aura soing de sa naissance, et luy donneray de bons parrains pour, s'il en est besoing, le soutenir contre les expiiateurs, envieux , pétulans et calomniateurs.

Ce sont, en somme, ceulx qui plus m'ont animé à cest ouvraige, m'en ont faict bien espérer, et auxquelz le public doibt les grâces de mon labeur, si jamais il en reçoit aulcung fruict.

Pour suyvre donc les vœux honorables des

\ H8 TUAITÉ

grands judges, et rendre à la justice sa dignité, son lustre, son authorilé, chassons hardyment l'avarice d'auprès d'elle ; laissons le gaing aux marchands, fréquentant les foires, aux négociateurs, tant par mer que par terre, aux partisans qui n'ont aultre but que d'en amasser aux despens de qui que ce soyt, aux bourgeois, artisans et gens de mestier; et ceulx d'entre les judges qui se sentiront si lasches de cœur, qu'ilz ne puissent maistriser cesîe maulvaise soif et altération de gaing, qu'ilz quittent la robbe, et se mettent aux arts questuaires (lucratifs), qui sont en si grand nombre en ce royaulme : car le temps est proche , auquel fauldra vivre tout d'une aultre façon, en cas de judges, que l'on a faict en France depuis cent ans.

Aristote, après avoir condamné tout à plat la vénalité des offices, parce, dict il, qu'il est vraysemblable que les achepteurs ont tousjours envie de gaigner et de se rembourser, enseigne ung moyen facile, à son adviz, pour prévenir l'ambition des officiers, et empescher qu'ilz ne desrobent : c'est de leur oster moyen à tous de faire profict en l'exercice de leurs charges. Alors , dict il, les incapables et les avaricieux n'en vouldront poinct, pour n'y avoir rien à gaigner, et les riches, capables, jaloux du vray honneur, pourront mieulx exercer les magistrats , pour n'avoir

aulcung besoing de butiner sur le public, estant assez riches de leur estoc , qui est moyen certain pour faire sainctement distribuer la justice, sans ambition , sans avarice , sans corruption ; car si , d'avec l'honneur, on bannissoitlegaing, ce grand palais vousté ne seroit pas si plein, mais vuide resteroit...., disoit i'ung de nos poètes.

Aristote ne dict jamais rien plus véritable, mais il demeure court, et nous laisse à deviner ce secret; je le viens de dire, et n'y en a poinct d'aultre pour ce qui concerne les judges.

Le mesme Aristote dict , au huictiesme de ses Politicques, une belle chose, à sçavoir, qu'il y a des disciplines à la jurisprudence comme à la mesdecine , lesqLielles peulvent estre resputées viles et pareillement honnestes, selon la diverse application d'icelles, la manière d'en user à la fin, à laquelle elles sont référées (notez ce traict,' car il est excellent) : partant si on les exerce, dict il, afin de gaigner, il ne fault plus parler d'honneur; elles demeurent viles, mercenaires, sordides et méchanicques.

Si, au contraie, on les praticque par charité pour servyr et bien faire à tous, sans aultre loyer que de l'honneur, elles sont vrayment libérales et honorables; tout ce qui se peult dire.

Cessez donc vostre trafic, ministres de justice; courez à l'honneur de vos charges, et veoyez

que ce soyt les plus asseurées richesses que l'on sçauroit acquérir.

Laissez le e^aing à part; si ne le pouvez faire, ployez bagage et vous retirez.

Le roy doibt la justice à tous ses subjects; il ne veult plus qu elle leur soyt vendeue; il Ta permiz jusques à ceste heure, mais combien de fois a il tesmoigné que c'estoit avec regret, et qu'en îemps et lieu opportun, il y pourveoiroit de si bonne sorte, qu'il feroit voir à toute la France son zèle à la justice et son amour paternel envers son peuple.

(3r, le temps est veneu, grâces à Dieu, et son intention est si saincte, si favorable et si plausible, qu'il n'y a grand ny petit en ce royaulme qu'il ne la bénisse et ne s'y soubmette volontairement.

S'il y a quelques âmes sordides , rapaces et vénales, qui ne puissent gousterung si grand bien, à cause de leur maulvaise habitude et despravation, ilz sont aultant ennemyz de leur patrie, que serfs et esclaves de leur avarice, et ne méritent pas que l'on les tienne en aulcung rang, estime, ny considération. Mais quoy, me dira on, vous avez promiz de ne rien altérer par vostre adviz et ne troubler le repos de personne, et néantmoins vous ostez tous esmolumens aux judges pour leurs vacations, en l'exercice de leurs char-

ges, lesquelz, en ce cas, seroient plus maltraictez que toutes aultres sortes de personnes qui sont en ce royaulme, n'y ayant condiction ny profession quelconque qui ne reçoibve salaire et esmolument de son labeur et de sa vacation. Dignus est operarius mercede sua. Non alligabis os bovi trituranti. Qui serait altaji, vivere débet ex altari, et mille aultres raisons et aulhoritez que l'on peult alléguer à ce propos.

A cela je responds que c'est la seule objection que l'on pourroit me faire , et pour la résouldre , je dis deux choses : la première, que l'honneur de telles charges est ung grand bénéfice, loyer et rémunération , et les belles et généreuses âmes l'ayment mieulx que tout aultre. La seconde, qu'il est bien raisonnable de donner aux judges de bons gaiges et appoinctemens, avec lesquelz ilz puissent souslenir, sans excez et superfluitez, la dignité de leurs charges; et, pour y fournir, sera par ung homme de bien enseigné ung fonds à sa majesté pour suppléer les gaiges de ses judges partout son royaulme; fonds qui ne sera pas à la charge des finances de sa majesté, ny à la foule de son pauvre peuple.

Par ainsy le fisc ne sera surchargé; le peuple sera soulaigé merveilleusement, et ne recevra plus d'injustice; les judges feront leurs charges avec honneur, et seront convenablement stipen-

ig-2. TllAlTE

(liez , chascung selon leur qualité ; après le supplément de gaiges fourny aux judges , deffenses leur seront faictes de prendre espices, salaires, ny esmohimens quelconques , soubs quelque prétexte. que ce soyt, hors leursdicts gaiges, sur peine de privation de leurs charges, et d'estre déclarez infâmes et incapables de tenir jamais office royal. Et afin que, soubs ombre de ce reiglement et extinction des espices et aultres esmolumens, les judges ne prennent occasion de se dispenser de la résidence actuelle, ou de se reposer et rendre négligens à l'expédition des affaires qui seront entre leurs mains : en quoy l'intention et bonté de nostre bon prince, qui tend à ceste saincte réformation, seroit manifestement esludée par telle malicieuse paresse et lascheté : pour icelle prévenir et empescher, sera bon que le greffier de chascune chambre soyt contrainct de tenir registre particulier de tous les présens, tant du matin que de relevée, escript et signé de sa main par chascung jour, après le seing de l'ung des présidens , ou anciens conseillers, qui aura présidé ledict jour, et ce, avant que sortir du palais; et oultre, sera faict mention au mesme endroict dudict registre des arrests qui auront esté donnez, et au rapport de qui, afin de sçavoir par ce moyen, non seulement les présens, mais encores leurs debvoir et diligence; et

DE L\ RÉFORMATION DE LA JUSTICE. iq3

ne pourra, le payeur des gaiges, payer iceulx au bout de chascung quartier que sur ledict registre, et à raison du temps de leur servyce, si ce n'est que par maladie ou absence nécessaire et sans fraude , ilz eussent excuse légitime approuvée par la chambre , dont ilz feront apparoir.

Que s'il se trouve de Tabsence volontaire et affectée, ou de la paresse et négligence d'aulcung judge, sera deffendeu au receveur de leur payer iceulx gaiges , sur peine de les rendre en son propre et privé nom, et seront applicables aux pauvres de la Conciergerie.

Et, pour l'advenir, sera enjoincC auxdicts judges, par leurs présidens, de se rendre plus diligens au prochain quartier, et d'expédier les procez et affaires desquelz ilz seront chargez par la court, sur peine de privation de leurs gaiges pour ung an, et de plus grande, s'il y eschet.

En ce cas, les procez seront remiz entre les mains d'aultres judges plus expéditifs, et à raison de ceste surcharge, partye des gaiges susdicts leur accroistront à proportion du travail qu'ilz auront employé en l'expédition d'icculx, selon la taxe qui leur en sera faicte par adviz de la compaignie, et ce qui restera des gaiges de ladicte année sera, comme dict est, appliqué aux œuvres de piété.