XV

Par le moyen de ladicte chambre seroit remesdié à ung aultre inconvénient, qui arrive ordinairement pour raison des aultres qui se vuident par expédient, par l'adviz de deux ou trois advocats ; combien que , par les ordonnances de Charles VIII, qui estoient en ce fort louables, pour donner ung arrest, feust le procez de grande ou petite importante, il falloit qu'il y eust dix conseillers et ung président assemblez : car, aultrefois s'est veu combien que l'advocat d'une partye déclarast n'avoir moyens vallables pour soustenir, que toutesfoisle président saige et bien expérimenté , et avec cela zélé à la justice , sur la remonstrance et instance que faisoit la partye,

sousteiiant avoir bonne cause, mais que son advocat ne vouloit poinct playder, auroit faict réciter le faict par l'advocat, et iceluy ouy, et partye adverse en ses deffenses; au contraire, la partye de laquelle la cause auroit esté abandonnée et teneue pour desplorée, la gaigner en tout et partout, et ne dict poinct pour néant en commung proverbe, que plus veoyent deux yeulx qu'ung.

C'est aussy pourquoy il est requiz que les compaignies soubveraines seront en grand nombre, pourveu que ce soit sans excez, lequel est tousjours vicieux; car on espreuve tous les jours que, lorsqu'une affaire passe par l'examen et cognoissance de plusieurs gens de bien et incorruptibles, les résolutions sont plus seurement prises, et en est la vérité plus cogneue ; car Dieu la révèle par fois aux moindres de la compaignie, et bien que la briefve expédition soit désirée de tous , si fault il que ce soit de bonne sorte et avec le moins de dommaige que l'on pourra faire aux moindres playdeurs , lesquelz ont assez d'affliction d'ailleurs ; et l'expérience ayant maintesfois monstre qu'ung procez, que l'on estimoit sans difficulté et n'estre de conséquence, les choses bien prises et considérées , trouver tout le contraire.

Dadvantaige, l'ordonnance qui permet aux

judges royaulx d'exécuter leurs sentences , nonobstant appel et sans préjudice d'iceluy, veult qu'ilz appellent quatre ou , en aulcune matière , cinq et six conseillers ou advocats; et néantmoins encores y a il remesde, d'autant qu'on peult faire réparer le tout par appel , là où quand il est dict par arrest, il n'y a plus d'ordre, du moins qu'il ne soit fort difficile et de grand coust.