XIV

Une aultre grande vexation des pauvres partyes vient des causes qui sont au rolle, en la poursuyte desquelles n'y a poinct aujourd'huy de certitude; de manière qu'après s'estre consommées en fraix de voyages, de séjour et de poursuytes, les partyes sont bien souvent contrainctes de s'en retourner en leurs pays, sans avoir audience, pour raison de l'affluence d'affaires qui se trouve au parlement, et le peu de temps qui reste pour vacquer aux audiences; et ceste longueur, qui est à faire vuider les appellations verballes aux

courts soubveraines, est cause d'ung aultre graud mal : c'est que les partyes sont Jjieu souvent contrainctes de faire ung procez par escript par devant les judges inférieurs, de ce que l'on feroit vuider sur le champ. Pour à quoy remesdier fort convenablement, seroit nécessaire d'avoir une chambre en chascung parlement pour y playder tous les jours, et vacquer à l'expédition des appellations verballes. Ce seroit ung soulaigement pour le peuple, ung retranchement de plusieurs procez et une grande abbréviation de justice.