XIX

Les judges ne tirant plus de profict de la multitude et longueur des procez, et ne visant plus à aiiltre but qu'à faire bonne et briefve justice, parce qu'ilz auront la craincte de Dieu, seront sans avarice, auront leur honneur en recommandation , et ne vouldront poinct avoir de reproches, joinct que les espices et aultres esmoleumens cessant , ilz ne gagneroient rien à la multitude et longueur des procez, puniront sévèrement les chicanneurs , avecque toutes leurs subtilités, ne donneront tant de judgemens interlocutoires, avant droict et avant procéder, ne recebvront tant d'incidens et allongemens de procez (ordinaire invention de ceulx qui ont maulvaise cause), n'espargneront de bonnes amendes à ces téméraires impétrans lettres de chancellerie; ains s'efforceront de trouver le nœud de la matière, et feront esvanouir ceste mocquerie et jargon qui redonde à l'honneur de la robbe, et qui est en la bouche du peuple, qui crie tout hault et demande des arrêts cbastiez; les donneront , aultant que faire se pourra , desfmitifs, entiers, si clairs et intelligibles, qu'il n'y

3o2 TRAITÉ

aura que les sophistes , subtiliseurs et chicanneurs qui y trouveront à mordre; et ceulx qui ne seront pas épargnez, quand ilz seront recogneus empescher, par cavillations et sans fondemens valables, l'exécution de telz arrests; et, pour les chastier selon leur mérite , fauldra faire exécuter à leurs propres fraix , cousts et despends , lesdicts arrests; les condamner, en leurs propres et privez noms , èz despends , dommaiges et intérests des partyes, pour avoir malicieusement retardé ladicte exécution.