XXVIII

Les j litiges ordinaires refusent bien souvent (l'interposer leurs partyes suyvant nos ordonnances, pour faire payer les peines portées par les compromiz , parce que lesdicts compromiz leur sont odieux , et ne prennent pas plaisir que les affaires, procez et différends des partyes se vuident ailleurs que par devant eulx.

Aulcungs dient tout hault que c'est tirer leurs pigeons du colombier; et néantmoins, s'ilz n'avoient poinct d'espices et aultres esmolumens, ilz ne demanderoient pas mieulx que les partyes vuidassent leur procez à l'amiable, par transactions, arbitraiges ou en aultre sorte et manière raisonnable que l'on adviseroit, sans venir par devant eulx , veoire eulx mesmes sesmondroient les partyes de s'accorder, puisqu'il ne leur reviendroit que de la peine à vacquer à leur procez.

J'ay veu en une court soubveraine un fils , homme de grands moyens, playdant contre sa mère pour une reddition de tutelle qui a cousté dix mille esceus à démesler, rejetter des lettres fondées en l'ordonnance très juste de Charles IX, par laquelle est en tel cas enjoinct aux partyes de vuider leurs différends par arbitres.

S'il n'y eust poinct eu pour mille ou douze

DE LA RÉFORMATION DE LA JUSTICE. 3l5

cents esceus, tant de consignations que d'espices, je vous laisse à penser si les judges se feussent vouleu donner la peine pour judger une telle affaire, et s'ilz n'eussent pas mieulx aimé la laisser décider aux arbitres.