MIS EN ORDRE PAR M. DE REFUGE
De rétablissement du conseil d'estat, et des qualités et du nombre des conseillers.
JL/Eux sortes de personnes sont à considérer à i'establissement d'ung conseil d'estat, à sçavoir, celles qui conseillent et celles qui sont conseillées.
En celles qui conseillent il fault sçavoir les qualités qui leur sont nécessaires , en quel nombre ilz doibvent estre , la puissance qu'on leur doibt donner, et l'ordre qu'ilz doibvent tenir à opiner ; car pour l'examen des affaires , il se faict selon la portée et capacité de chascung.
La première qualité d'ung conseil d'estat, c'est d'estre viril et expérimenté. Je joins ces deux ensemble , parce que l'expérience ne peult estre qu'en ung homme desjà aagé, et la vieillesse
sans Texpérience seroit icy inutile, parce qu'en telles affaires la cognoissance des humeurs particulières des princes, des peuples et des grands est très nécessaire, laquelle ne se peult avoir que par une longue expérience, qui encores qu'elle ne soit répugnante à la raison, néantmoins elle a ung différent moyen d'intelligence des affaires, desquelles on ne peult avoir une conjecture de ce que raisonnablement il conviendra faire, au poinct que l'on les vouldra mettre en exécution , si premièrement l'on n'en a veu l'usaige à quelque aultre endroit.
Oultre ce saige amendement apportera beaucoup plus d'authorité et de crédict aux résolutions d'ung conseil composé de vieillards, que s'il estoit composé de jeunes gens, quelque suffisans et capables qu'ilz feussent, lesquelz ne peuvent estre en resputation de bons conseillers ; car ceulx qui seroient aussy jeunes qu'eulx se penseront aussy advisez, et ceulx qui seroient plus vieulx le penseront estre dadvantaige , et en matière d'estat l'opinion n'ayant pas moins de force, mais bien souvent plus d'effect que la vérité.
Il n'y a rien plus dangereux que les subjects ayent opinion d'estre plus saiges que leurs gou verneurs; de façon que la présomption estant tousjours que les vieulx sont plus saiges que les jeunes , il n'y a poinct de doubte qu'ilz ne soyent
DE I.'hOSPITIL. 3iI
plus propres pour conseiller, et plus résoieus pour ung long exercice, d'ouyr, peser et résouldre les grandes affaires.
II y a une aultre différence des vienlx et des jeunes : ceulx - cy, ayant le sang chaud , et n'ayant encore esté trompez par la fortune , s'arrestent ordinairement aux conseils qui ont plus de magnificence et de monstre que de seureté ; au contraire, les vieillards, tant à cause de leur nature refroidie que de l'expérience, laquelle, par le cours de leur vie, ilz ont acquise, d'avoir en vain exécuté plusieurs choses , desquelles ilz n'ont sceu venir à bout , plus volontiers se prennent aux plus seurs partys, le malheur leur faisant bander l'esprit et ouvrir les yeulx pour recognoistre le mal: et qu'eulx ne peuvent si bien faire, lorsqu'il n'ont expérimenté la variété de fortune , comme n'ayant remarqué les circonstances des accidens si particulièrement; chose très nécessaire à ung homme qui veult donner conseil, une petite circonstance de plus ou de moins donnant soubvent une grande variation aux affaires.
Geste expérience , donc , se trouvant seulement aux vieillards , leurs adviz doibvent estre trouvez les meilleurs : je n'entends toutesfois parler de ceulx qui sont arrivez à ung aage descrepit; il fault que la vieillesse propre pour conseiller soit forte de vertu, afin que les réso-
