Inéd. (j
nie; et cela se pourroit vérifier par exemple, s'il estoit besoin» et si je n'avois protesté de ne nommer personne.
Par ainsy, c'est pitié; combien de meurtres, d'excès, d'outraiges demeurent impunys en l'estendeue de ce royaulme? Combien de pauvres orphelins, dont les pères ont esté massacrez, pillez, et les maisons ravaigées, croissent en intention d'en tirer eulx mesmes la raison, et d'enfiler une suyte de meurtres et assassinats les ungs après les aultres? Combien de pauvres vefves sont au désespoir, d'aultres à l'anmosne, crient tous les jours vengeance, et leur clameur monte au ciel, qui esclatera quelque matin ses foudres, ses tonnerres sur ceulx qui, au mespris de la justice et de l'innocence, font triompher l'injustice, l'ébriété (l'ivrognerie) et la pétulance par l'oppression de ceulx qui n'ont aultre but que de vivre paisiblement en l'obéyssance et fidélité du prince soubverain, de ses magistrats et soubs la discipline et loyx du royaulme?
Pour le regard de l'aultre poinct de la charité qui se praticque à Venise , et que nous avons dict, comme il est vray, estre commune à tous les estais bien policés, nous en veoyons aujourd'huy, oultre plusieurs maisons d'hospitalité dédiées à l'entretenement des pauvres gentilshom-
mes, capitaines et soldats estropiez (i) et vieillis en faisant servyce au public, qui n'est pas institution de petite conséquence, pourveu que, dès le commencement, l'on prévienne les abbus, les désordres qui se commettent avec le temps au maniement des deniers et reveneus de ceste qualité; et les bienfaicts, colloquez en ceste maison pour en accroistre le fonds, ne sçauroient estre mieulx employez, n'y ayant rien au monde plus juste ny plus raisonnable que de donner la vie , le couvert, la nourriture et ung nécessaire entretenement à ceulx qui ont bien mérité de leur patrie, en faisant servyce à ceste couronne, prodiguant leur sang pour elle , et n'espargnant poinct leur labeur, leur travail, leur industrie pour la grandeur, la manutention et faveur de Testât. Ce seroit une grande ingratitude , que la France , mère commune de nous tous, eust le cœur de veoir dessécher et languir de malmort de faim, de nécessité, de misère, ceulx de ses^enfans qui luy ont rendeu plus de debvoir, d'obéyssance et de servyces ez plus grandes et importantes occasions; et leur seroit en tel cas non pas mère, mais vraye marastre, qui est une dénomination de rigueur, d'envie, de malice, de cruaulté.
Le divin Platon disoit que c'estoit une chose
'i) Addition de de Refuge.
honteuse de veoir iiiig homme mandier, au veu et sçeu de la mère, riche et ojDulente, languir de faim dans le propre sein de sa patrie. Turpissimum est quempiam patriœ suce ulnas esse mendicum.
Nature nous enseigne d'user de bénéficence, largesse et miséricorde envers l'homme, faict, comme nous, à l'imaige de Dieu,
La justice et la piété, qui ne vont jamais Tune sans Taultre , nous obligent fort estroictement à ce debvoir; par ainsy, nous ne pouvons sans injustice laisser au besoing celuy qui nous demande du pain ou quelque aultre soulaigement en son affliction; et quand le misérable, faulte de nostre secours, tombe en quelque désastre et meschanceté, nous sommes coupables du crime auquel sa misère l'a poussé.
Que sera ce, je vous prie, de ceulx qui sont cause de la misère et de la pauvreté de plusieurs qui vivoient doulcement et honnestement en leur petit mesnaige, et qui, ruynez par oppression, par injustice, par calomnie, par envie, sont tombez en pauvreté, et, pour s'en tirer, se sont enveloppez en ungs monde de maléfices, qui les ont miz les ungs entre les mains du bourreau; les aultres sont avec les brigands; aultres se sont jettez, comme par désespoir, entre les bras de nos ennemvs?
DE LA. RÉFORMATTON DK LA JUSTICE. 85
Les femmes et filles, destituées de leurs biens et anciens patrimoines , se sont abandonnées. Aulcungs sont encore ez prisons, déteneus pour petite somme, et y en a il à qui il est deu vingt fois dadvantaige, dont on ne leur faict poinct de justice, et font journellement des imprécations contre les autheiirs de leurs misères, et grand nombre sont morts et meurent journellement en langueur et pauvreté.
C'est une chose estrange et desplorable qu'en ce royaulme, qui a reçeu ceste bénédiction du ciel, de se veoir paisible depuis environ quinze années, et que l'uberté (fécondité) de la France est capable de nourrir et entretenir amplement tout ce qu'il y a de peuple au long et au large d'icelle; néantmoins nous veoyons ung si grand nombre de souffreteux, languissans, transis de faim, de froid ^ et d'aultres maulx , tant de laboureurs abandonner leurs maisons, tant de pauvres vefves et orphelins à l'aumosne , cependant que nous bastissons des chasteaulx, des maisons de plaisance, les enrichissons de meubles exquiz et précieux, amassons des thrésors, et dont nostre héritier plus proche ne jouyra pas, parce que le judgement de la justice divine, que les anciens entendoient sous le nom de Némésis, déesse vengeresse des impiétez et injustices des hommes, quœ supra nostrurn caput adstat, et qui renverse
86 TRAIXi
tous nos plus haults desseings et considérations, trop attachez au monde, dissipera les thrésors, les possessions, les biens mal acquiz, mal accumulez et mal dispensez.
Je sçays bien qu'il fault discerner inter leprarn et lepram : fault trier les maulvais pauvres, qui sont les freslons et les mouches guespes qui mangent le miel des bonnes, soigneuses et industrieuses abeilles; ces truands, ces fainéans, ung tas d'ivrongnes et de gourmands, qui n'agissent qu'à caimander (mendier); et ceulx cy, il les fault employer aux œuvres publicques , et leur faire gaigner leur vie, afin de ne nuire poinctaux vrays pauvres, qui ne peuvent plus travailler; et, pour ceulx cy, il est bien raisonnable que chascune paroisse nourrisse ses pauvres, avec ceste modération toutesfois et discrétion , que s'il s'en trouve une trop grande quantité en une paroisse, qui en soyt surchargée, il y soyt pourveu d'ailleurs sur le reveneu des hospitaulx et aultres subventions qui arrivent par le déceds des ecclésiasticques, qui ne sçauroient estre plus dignement employez qu'aux œuvres de piété, afin que toute chose retourne à son origine.
Ne sert d'alléguer que c'est de leur espargne qu'ilz ont acquiz des thrésors, des meubles exquiz, de riches provisions, parce qu'ilz l'ont deu faire, afin d'avoir tant plus de moyens de sub-
stanter et faire du bien aux pauvres, instituer des séminaires, marier de pauvres filles, pour les empescher de mal faire, et exercer d'aultres œuvres de piété.
Quintilien, en ses Déclamations, parlant d'ung homme de bien et riche de son temps, dict, entre aultres choses, qu'il vivoit fort frugallement, afin que, par son espargne, il eust moyen de faire du bien aux indigens, et quand bien son reveneu ne suffiroit pas, qu'il suppléeroit mesme de son propre fonds ; que si on luy venoit après reprocher qu'il n'auroit pas faict acte de mesnaiger, et demander ce que seroient deveneues ses possessions, ses richesses et son ancien patrimoine, il produiroit des citoyens qu'il auroit saulvez et garantiz de la faim et de la nécessité, et tiendroit ces dernières possessions beaucoup plus chères, plus certaines et plus asseurées que les premières. Ego vero ^ inquit, quanxdiu fuerit hoc palrimoniiitn, sic ero, sic utar; et si defeceriiit ornnia, nu/nquam tame?i pauperem me putabo nec egentein : sed pro illis paternis possessionibus hos ostendam cives ^ pro illo fœnore hune populum.
Il fault atlvouer qu'entre toutes les nations du monde, les Romains ont emporté l'honneur d'estre les plus recognoissans, et ne m'estonne poinct qu'ilzayent eu la domination de l'univerz, non tant par leurs armes que par leur juste ad-
ministration, grande police et discipline domesticque. Doml industria ^ forts justum imperiwn, animus in consulendo liber ^ neque delicto , neque libidini obnoxiiis : hœc sunt quœ rempublicam magnam fècerint.
Les loyers ( récompenses) et la peine sont les pilliers qui entretiennent les estats, grands ou petits. Ostez l'ung ou l'aultre, Testât ne se peult plus soustenir qu'à peine, comme n'ayant plus qu'une jambe : ostez le loyer de la vertu, vous bannissez la vertu, et la frauldez injustement de ce qui luy appartient. Sublatis studioru/n prœmiis^ studia procul dubio peritura. Ostez le supplice des forfaicts, pour inig que vous laissez impuny, vous en faictes cent, puis mille, puis cent mille, et finablement une totale subversion.
Telz sont les effects, soyt de Tordre, père conservateur de tout, soyt du désordre, père de destruction et ruyne universelle.
Je dis donc que tout estât monarchique ou populaire doibt, selon sa portée, distribuer et fil ire largesse de si peu ou prou qu'il y a, et quelque petit que soyt le don , puisqu'il vient en récompense de vertu, il tiendra tousjours place d'ung riche et magnifique présent.
Chascung scayt l'histoire d'Horatius Codés et de Mutins Scevola, comme le premier, par sa prouesse merveilleuse, soustint Teffort des en-
iiemys sur le pont levis, tandis qu'on le tranchoit par derrière; l'aultre met franchement la main dans le feu, après qu'il eust failly de tuer le roy Porsenna, ennemy de la patrie.
Que donna Rome, je vous prie, à ces deux vaillans champions pour leur salaire et récompense de leur valleur? Elle feit faire à ses despends à chascung d'eulx une belle statiie de terre; et, pour leur regard, ilz se sentirent largement récompensez.
Manlius Capitolinus, pour avoir saulvé le Capitule de la main de nos Gaulois, qui estoient desja dedans, feut rémunéré par chascung de ses compaignons, qui avoient souffert le siège avec luy, d'une mesure de farine en pur don. Res quidem dictuparvay cœterum inopia fecerat eam argumentum ingens charitatis;quurn se quisque victu suo defraudans detractum corpori atque usibiis necessariis ad honorem viri unius conferret.
C'est peu en apparence , mais grande chose , veu la saison ; et print Manhus ce loyer de sa vertu si fort à gloire, que depuis, enyvré par trop d'ambition, il entreprint de faire une sédition dans Rome, soubs la faveur du commun peuple; mais, sans avoir esgard à ses servyces passez, il feut jette du liault en bas du Capitole, la garde et conservation duquel l'avoit faict monter auparavant en si hault degré d'honneur, ho-
cusque idem in iino homine exiniiœ glorice monumentum et pœnœ ultimœ fuit.
Hz feirent aiissy dresser une colomne en l'honneur des trois Horaces, qui avoient si vertueusement combatteu et défaict en champ clos les trois Curiaces, et oultre feut en leur honneur faicte une loy qui duroit encores soubs les premiers empereurs , que toutesfois et quantes qu'il naissoit à Rome trois enfans raasles d'une ventrée, ilz esloient nourriz aux despends du public jusques à l'aage de pleine puberté.
C'estoient les récompenses, loyers et libéralitez de la respublicque , laquelle avoit beaucoup de vertu et peu de richesses.
Quand elle feut accreue en biens et en grandeur, les récompenses feurent bien d'aultres estoftes, et passèrent si advant, que jusques aux bestes brutes, ilz les praticquoient quand ilz en avoient tiré quelque bon servyce , et eussent faict conscience de se défaire d'ung vieux cheval duquel ilz se seroient long temps servyz, soit en paix, soit en guerre.
Par ainsy, on peult veoir que bonté s'estend bien plus advant que ne faict la justice , parceque nature nous enseigne d'user d'équité et de justice envers les hommes seulement, et de grâce et de bénignité quelquesfois jusques aux bestes brutes; ce qui procède vrayment de la fon-
DE LA RÉFORMATION DE LA JUSTICE. ijl
taine de doulceur et d'humanité , laquelle ne doibt jamais tarir en l'homme ; car de retenir les chevaulx usez à nostre servyce, et non seulement nourrir les chiens lorsqu'iiz sont petits, mais encores les alimenter et en avoir soing quand ilz sont vieillis avec nous, ce sont offices bien séans à une nature charitable et desbonnaire, comme le peuple d'Athènes vouleut et ordonna, du temps qu'on bastissoit le temple d'Hecatompedon , qu'on laissast aller francs^ et libres les mules et mulets qui avoient longuement travaillé à l'achèvement de ce superbe édifice, et qu'on les souffrist paistre partout où ilz pourroient , sans leur donner aulcung empeschement; et se dict qu'il y eut une mule, de celles qui avoient esté ainsy délivrées, qui d'elle mesme se vint présenter au travail, et se mettant au devant des aultres bestes de voiture qui traisnoient les charriots chargez vers le chasteau, en marchant quand et comme elles, comme si elle les eust vouleu soulaiger et encouraiger à tirer; ce qui feut tellement agréable au peuple, qu'il ordonna qu'elle seroit nourrie aux despends de la chose publicque , tant qu'elle pourroit vivre. Aussy n'est il pas raisonnable d'user des choses qui ont sentiment et vie , ainsy que nous ferions d'ung soulier ou de quelque aultre ustensile , en les jettant au hault et au loing, après qu'elles
sont toutes usées et rompeues à force de nous avoir servy; ains quand ce ne seroit pour aultre chose que pour nous duire et exciter tousjours à l'humanité, il nous fault accoustumer à estre doulx, charitables jusques à telz offices de bonté.
Ce n'est donc pas sans raison que Caton le Censeur est noté d'une trop grande rudesse , dureté et austérité de nature , lequel acheptant des serfs jeunes et robustes , et puis estant cassez ou vieillis à son servyce , il les revendoit , afin de n'avoir poinct en sa maison de bouches inutiles.
C'estoit estre trop mesnaiger aux despends de son semblable et au préjudice du genre humain. A ce propos, je n'aurois jamais le cœur, dict Plutarque , de vendre le bœuf qui auroit long temps labouré ma terre , parce qu'il ne pourroit plus travailler à cause de sa vieillesse; encores moins ung esclave , en le chassant comme de son pays , du lieu où il auroit long temps esté nourry, et de la manière de vivre qu'il auroit de longue main accoustumée, soubs ombre d'une pièce d'argent que j'en pourrois retirer en le vendant, lorsqu'il seroit aultant inutile à ceulx mesmes qui l'achepteroient , comme à celuy qui le vendroit.
Je dis donc, pour concleure ce discours, des injures, outraiges et offenses, et de la punition
DE LA RKFORMATION DE LA JUSTICE. (j3
d'icelles, et des loyers et récompenses charitatives de la vertu et servyces faicts au public, qu'il est fort nécessaire d'y pourveoir en ce royaulme , pour obvier aux inconvéniens qui peulvent arriver du désespoir et déterminations de ceulx qui, se sentant injustement opprimez et offensez par plus puissans qu'eulx , sans qu'on leur en fasse raison , s'en veuillent venger à quelque prix que ce soit , et qui veoyent d'ailleurs les mérites, les éminentes vertus , sçavoir et capacité, vilipendez et demeurez sans loyer, sans marque d'honneur, sans gratification et sans récompense; et pourveoyant à ces deux poincts par les remesdes susdicts, et aultres que la prudence humaine inspirée du ciel pourra saigement excogiter (imaginer), ce seroit plus de la moitié du chemin faict pour remesdier aux désordres, dissolutions , injustices et ingratitude de nostre siècle; affermir Testât sur des fondemens si asseurez, que rien ne le pourroit esbranler, fors que la cheute générale de l'univers, qui ne peult faillir d'arriver au temps que nostre Dieu l'a résoleu par sa prescience et sapience esternelle.
DE
lA RÉFORMATION
DE LA JUSTICE
