Inéd
tes, feront la guerre mortelle et irréconciliable à l'avarice, et pour l'expédition des procez et pour leurs vacations, quelque laborieuses qu'elles soient , ne prendront espices , présens ny esmolumens quelconques, aultres que leurs simples gaiges, qui leur seront, soubs le bon plaisir du roy, augmentez selon leurs qualitez; estimeront tout aultre lucre, non seulement illicite, mais abominable et punissable en toute rigueur. Par ainsy feront leurs charges avec autant d'honneur qu'ilz sont aujourd'huy soupçonnez de les faire par extresme avarice et avidité insatiable d'ung gaing sordide et illibéral , indigne au reste d'une si honneste, veoire excellente profession que celle de judge , mesmement de celle de sénateur.
De ces deux poincts reiglez à la façon que nous les desduirons soubs la conduicte, grâce et faveur de celuy dont tout bien dérive, despend l'heureux succès et l'entière exécution de nostre desseing , lequel ne tend en effect à aultre but que d'exterminer l'injustice et désordre qui sont si long temps parmy nous, rétablir la justice en son throsne, et bannir enfin la chicannerie, qui a causé tant de malheurs, ruynes et désastres à ce pauvre royaulme , et fera encores pis si on ne la chasse tout à faict.
Pour ce faict , examinons , avec ung esprit de
paix et de charité chrestienne, nos deux poincts, et nous aurons ce que nostre bonne mère (c'est la France ) désire de veoir dans l'arrière saison de son aage , afin de renaistre comme l'aigle tout de nouveau; et quittant la peau d'injustice, qui est la vieillesse la plus hideuse et descrépite qui puisse arriver à tous estats, retourner en sa vigueur, sa force, son adolescence, comme elle fera par le moyen et retour de la justice, si le ciel, trop irrité de nos iniquitez, dissolutions, ingratitude et endurcissement, ne nous veult priver de ceste bénédiction, grâce et faveur, pour l'impétration de laquelle c'est à nous de veiller, adresser nos vœux à l'Esternel, nous réconciUer par les œuvres de justice et piété envers luy; et en ce faisant et nous aydant, ne fault poinct doubter de son assistance, secours salutaire et favorable. Manum admoventes invocato numine. Pour le regard du premier poinct, qui est des loyx et ordonnances, je ne m'arresteray poinct à discourir de l'excellence de la loy, combien elle est nécessaire à toutes polices et gouvernemens; comme elle est la vie, l'ame, l'esprit vital de tous estats ; et tout ainsy que nostre corps ne peult subsister, moins se mouvoir et exercer ses fonctions naturelles sans ses artères, ses os, ses muscles , ses nerfs , son sang et son ame ; aussy n'y a il poinct de cité, de province, de
