I OO TRAITÉ
monarchie qui puisse tant soit peu se maintenir sans ses loyx, qui sont ses nerfs, son sang et son ame , qui lui donnent le mouvement et le bien estre, si elles sont bonnes, et tout le contraire , si elles sont maulvaises.
Nous nous contenterons de ce que nous en avons dict ailleurs, et passant oultre, nous dirons que ce royaulme a eu ce bonheur et don du ciel, d'avoir eu, de toute ancienneté, de fort saiges législateurs, et les estrangiers mesme nous ont donné ceste louange.
Il y a plus de cent cinquante ans que le royaulme de France vit en grande paix et tranquillité , parce qu'il y a de bonnes loyx soubs la discipline desquelles le peuple rend le debvoir et obéyssance à son prince , et le prince tout le premier se soubmet volontairement à la loy, les transgresseurs de laquelle n'y demeurent jamais impuniz; qui est, à vray dire, le degré de félicité auquel aspirent tous les estats du monde , par le dire de Platon, Aristote et tous les aultres politicques qui conviennent tous en ce poinct, que la respublicque est heureuse en laquelle le prince est volontairement obéy d'ung chascung, et luy mesme obéyt à la loy.
Hz ont encores faict une aultre observation, à sçavoir qu'il y avoit jadis peu d'ordonnances en ce royaulme, mais bien gardées, comme an-
DE LA R^FORMATION DE LA JUSTICE. lOI
ciennement à Sparte, où, par le tesmoignaige d'Aristote, Pliitarque et aultres bons garans, il y avoit plus d'obéyssance, respect et révérence à la loy et aux magistrats qu'en lieu du monde.
Hz ne diront pas ainsy maintenant, car la vérité est que, depuis soixante dix ou quatre vingts ans, les édicts et ordonnances sont tellement amoncelées, multipliées, qu'elles nous sont aujourd'huy à charge , et comme il se disoit soubs l'empire de Justinian : Mole nostra laboramus.
Et ainsy que soubs ce bon empereur le droict romain feut réformé, retranché et mis en meilleur ordre, par le travail, industrie et vigilance des plus grands jurisconsultes de ce temps là ; aussy semble il nécessaire d'examiner aujourd'huy les loyx et ordonnances de ce royaulme, qui est nostre droict François, soubs la reigle duquel nous vivons, rejetterles superfleues, retrancher ce qui se trouvera inutile et hors d'usaige , restablir et faire revivre celles qui, par nostre nonchalance ou par nos dissolutions et maulvaises mœurs, ne sont plus en practique, bien qu'elles soient pleines d'esquité et de justice; abroger vertueusement celles que la corruption du siècle a introduictes ; conserver les bonnes , utiles et esquitables; et s'il y manque quelque chose pour parvenir à la tant désirée réformation de la justice et de la police , le faire avec le conseil d'ung
petit nombre de saiges, vertueux et expérimentez personnaiges de ce temps, et se donner garde, au reste, de faire comme Justinian, lequel, sans y mal penser, entre ceulx qu'il print pour la réformation du droict romain , feit principallement élection d'ung certain Tribonien , qui estoit ung des premiers hommes de son conseil, grand jurisconsulte et fort habile, mais au surplus homme vénal au possible, lequel, par le moyen de sa capacité, littérature et grande suffisance, contribua grandement, et plus que tous les aultres ensemble, à ceste réformation et réduction du droict romain ; mais néantmoins il y entremesla quelque pièce de sa façon, dont ceste structure sefeust bien passée et n'en eust que mieulx vallu; car l'histoire dict de lui qu'il composoit, altéroit ou cassoit les loyx à l'appétit d'aultruy, et pour le prix de leur argent : Figebat et refigebat leges, et prece vel pretio Jura non jura sut cultoribus pro arbitrio reddebat.
En quoy il a esté notté d'une extresme avarice, et sa mémoire est passée jusques à nous en si maulvaise odeur , qu'elle faict passer le goust des des vertus, éminent sçavoir, haultes qualitez qui d'ailleurs estoient en ce grand homme d'estat, et a donné subject aux médisans de cavil- 1er (railler) et brocarder (fort mal à propos toutesfois ) cet excellent ouvraige , qui est l'ung
DE LA RÉFOKMATION DE LA TUSTICE. 1 o3
(les plus beaulx chefs d'œuvre, et qui plus a donné de resputation à ce victorieux empereur , et en quoy il a plus mérité des siècles à venir.
Aussy, malgré l'envie, qui se mesle partout, veoire ez plus sainctes, vertueuses et louables entreprinses et actions des hommes, son nom a esté porté et consacré au temple de l'immortalité glorieuse, où il demeurera perpétuellement honoré.
Autant en sera à celuy de nos roys soubs l'heureuse conduicte, empire, conseil et faveur duquel le droict françois sera redressé, retranché, réduict et rédigé en meilleure forme; les ordonnances reiglées , et la justice et pohce réformées; les gens de bien recogneus, protégez et mainteneus; les pervers punis comme il appartient, et selon la rigueur des loyx du royaulme.
Cependant, parceque ce n'est rien d'avoir de bonnes, sainctes et esquitables loyx et ordonnances , si quant et quant vous n'avez de bons magistrats pour faire obéyr à la loy, et punir, sans exception de personne, les transgresseurs d'icelle, le principal soing du monarque craignant Dieu , amateur de son peuple et de son repos, sera d'establir de bons, vertueux, capables et expérimentez magistrats; car il est bien certain que le magistrat est l'a me de la loy; c'est celuy qui luy donne la force, vigueur, action
Io4 TRAITÉ
et mouvement , et sans lequel la loy seroit comme chose morte et inutile, et se trouveroit tousjours gens dissoleus, oultrecuidez (arrogants),, audacieux , outraigeux et réfractaires, qui jamais ne se veulent ranger à l'honnesteté et à la raison que par la force et l'appréhension de la peine générale portée par la loy, laquelle estant sans aulcune exception praticquée, comme elle doiht, tiendra chascung en debvoir et discipline ; relaschée , perdra sa vigueur, son crédict, son authorité.
Pour le regard des gens de bien , ils ne font poinct de peine aux législateurs ; ils sont loy à eulx mesmes : Justo non estlex posita. I^es peines des loyx ne les regardent poinct, parceque la contravention à icelles ne vient poinct de leur part; et néantmoins, à la façon que nous vivons aujourd'huy , les bons sont exposez à l'injure, vexation et violence d'ung homme plein d'audace, de fougue, de tesmérité, et d'aultres gens mal conditionnez et mal vivans.
L'innocence est opprimée contre toute raison, et ne fault plus l'endurer si nous voulons avoir Dieu de nostre costé.
Le prince soubverain , comme nous l'avons dict plusieurs fois , doibt la justice à ses subjects, est le lieutenant de l'Esternel pour la leur rendre : il l'a créé pour cest effect et pour protéger la vefve, rorphelin, l'impuissant envers et contre
DE LA REfORMATION DE LA JUSTICE. lo5
tous; pour contenir générallement son peuple soubs la reigle et bonne police des loyx divines et humaines.
Moyse, le premier de tous les princes et législateurs du peuple hébreu, recogneut bien ce deu de sa charge et vacation , et sert de formulaire à tous les princes terriens pour bien et doulcement gouverner leur peuple; car, pour satisfaire à ce debvoir, l'histoire sacrée nous apprend que ce sainct personnaige se travailloit si excessivement à ouyr les plainctes et doléances du peuple , et luy faire justice sur le champ , à quoy il vacquoit incessamment depuis le matin jusques au soir, qu'il n'avoit aulcung repos, et se perdoit en ceste fatigue. Quand le bien advisé Jethro, son beau père, luy remonstra qu'il n'y avoit poinct de raison de prendre ce travail, qu'il se tuoit à crédict, ce n'estoit pas possible qu'il y peust fournir à la longue, mais pour se soulaiger il debvoit faire choix, parmy ce grand peuple, d'ung certain petit nombre des plus gens de bien, expérimentez, et surtout craignant Dieu, véritables ennemys de toute avarice, pourjudger, chascung en son ressort, quartier et territoire, les différends dont la cognoissance leur seroit attribuée, se réservant tant seulement les affaires d'estat de grande importance, et celles qui seroient plus difficiles à judger.
I o6 TRAITÉ
A la vérité, ce conseil estoit fort bref et succinct en parolles, mais il comprend beaucoup en substance; car, en premier lieu, le magistrat qui sera craignant Dieu , advisera d'exercer son estât avec équité, droicture et conscience, et, selon ses divins coramandemens , tiendra la main , sur toutes choses, à ce que Dieu soit honoré et servy selon sa parolle et saincte volonté, et punira ceulx qui feront le contraire.
Si le magistrat crainct Dieu , il aimera son prochain comme soy mesme , parceque Dieu luy commande, et, par conséquent, se gardera de faire, en l'exercice de son estât, une chose qu'il ne vouldroit pas estre faicte à luy mesme.
Bref, il dressera, par manière de dire, ung livre de raison, pour y enregistrer toutes ses actions, et en rendre ung compte fidèle à ce grand judge, duquel il aura la craincte esvidemment imprimée dans l'ame.
En second lieu, si le magistrat est véritable, il s'en suyt qu'en l'exercice de sa charge, tant en matière civile que criminelle, tout son but sera de trouver la vérité : clorra l'oreille aux menteries, affecteries, palliations, desguisemens des advocats et impostures des calomniateurs ; qui n'est pas une petite vertu , faulte de laquelle les judges font ung million d'injustices, les ungs par malice, les aultres par nonchalance, et parce
qu'ilz ne veulent pas prendre toute la peine qui faict besoing pour tirer la vérité des ténèbres et obscurité où la malice des meschans la tient caschée.
D'ailleurs, le magistrat qui sera véritable, sera conséquemment jaloux de son honneur et doué de sçavoir et capacité pour bien et deuement s'acquitter de son debvoir : car l'ignorance et la vérité ne vont point ensemble ; elles sont incompatibles , d'aultant que la vérité n'est aultre chose que lumière, et l'ignorance, ténèbres et confusion: et, pour le dernier poinct, si le magistrat est ennemy juré d'avarice, non seulement il se gardera de la praticquer , mais encore la corrigera ez aultres ; et en retranchant ce vice détestable, à l'escorte et suyte duquel sont infinys aultres vices et meschancetez, il supplantera, par manière de dire, plusieurs aultres crimes qui sont comme les ruisseaux de ceste première source.
Et comme nous expérimentons tous les jours que l'avarice des meschants magistrats et aultres supposts de praticque est cause de la longueur des procez, parce que les ungs et les aultres veulent que lès partyes qui playdent par devant eulx, servent (comme l'on dict) de vaches à laict; dont s'ensuyt que le pauvre peuple est pillé, succé et mangé jusques aux moelles.
Aussy, à l'opposite, quand le magistrat hayra
1 OcS TRAITÉ
l'avarice, il les expédiera promptement, sans les tenir toute leur vie en procez, les consommer en fraix et en dépenses , et leur faire employer leur aage à playder, c'est -à- dire, au plus laborieux et néanmoins plus indigne mestier et exercice de tous les aultres.
En somme, si le prince est si bon , si saige , si généreux qu'il se résolve de ne pourvoir aulcungs aux estats qui ne soyent douez de ces trois insignes et belles qualitez : craignant Dieu , amateurs de véritez , et ennemys d'avarice , il se peult tenir tout asseuré que sa justice sera administrée comme il appartient, à son grand honneur des hommes, descharge de sa conscience, profict, repoz et contentement de ses bons subjects.
Nous apprenons de l'Histoire Saincte, qui est notre vray guyde , soubs laquelle nous ne sçaurions nous fourvoyer du droict chemin, que le peuple de Dieu feut gouverné quarante ans au désert en ceste forme de justice, et depuis la mort de Moyse jusques à Samuel , par l'espace de trois cent cinquante sept ans, soubs le gouvernement des judges. En ceste forme, ilz vivoient fort heureusement, sans opposition, sans injustice, sans violence quelconque , jusques à ce que Samuel estant sur l'aage, et s'estant deschargé du gouvernement de Testât sur Joél et Abia, ses deux filz, ilz suy voient tout aultre train , et des-
DE L/\. RÉFORMATION DE LA JUSTICE. lOq
générant de l'intégrité, l'innocence et vertu de leur père , se laissèrent corrompre par présens , par faveur , par lubricité , par haisne , et aultres passions qui corrompent le judgement de l'homme , ilz se mirent à faire grand'chère , suyvirent les festins superbes et magnifiques , et à prix d'argent donnèrent des judgemens iniques et insupportables : de sorte que le peuple qui estoit accoustumé, sous Samuel et ses devanciers, à recepvoir justice égale, gratuite, et en toute sincérité, impatient de se veoir aussy mal mené, se jette, selon l'ordinaire des peuples mutinez, d'une extrémité à l'aultre, et au lieu de demander la réformation de la justice et de tel gouvernement, comme ilz debvoient, et qu'ilz eussent impétré (obtenu) de Samuel, au mesme instant, au lieu d'avoir le Dieu vivant pour leur Seigneur, sous le nom duquel les judges les avoient gouvernez par l'espace de quatre cents ans environ , ilz voulurent avoir ung roy à la forme des gentils.
Ce que Dieu leur accorda , mais ce feut en sa fureur; et depuis ce temps leurs affaires n'allèrent guères bien, parce que la pluspart des roys de ce peuple se sont monstrez extrêmement ingrats envers Dieu ; et pour le regard de leurs subjects , ilz les ont traictez avec tant d'injustice, d'oppression et tyrannie, qu'ilz ont ressenti les
cffects du Tout Puissant justement indigné contre eulx à raison de leurs iniquitez et ingratitude.
Je sçays bien que parmy ung grand nombre de roys d'Israël il y en eut quelques ungs qui ont vescu selon Dieu , et à ceulx là bien leur en a prins, comme à Salomon, jusqu'à la prévarication; au pénitent David; au bon roy Josaphat, qui feut grandissime justicier de son temps; à Ézéchias et Josias, qui, poussez d'une ame généreuse et d'ung zèle sainct, restituèrent la vraye religion et le pur servyce de Dieu , et quelques aultres, que j'obmets, pour reprendre nos magistrats, de l'élection desquelz, bonne ou maulvaise , l'on a de tout temps expérimenté le bonheur ou le malheur des respublicques.
L'histoire, tant sacrée que prophane, nous enseigne , que les bons et saiges princes ont ordinairement de bons officiers et saiges conseillers; les meschans , les tyrans , les oppresseurs des peuples ont eu des magistrats tout de mesme ; et le proverbe vulgaire, « tel maistre, tel valet,» demeure perpétuellement véritable.
Pour le regard des respublicques , j'ay faict la mesme observation : car, tant que le sénat romain a eu les mains nettes, tout s'est porté le mieulx du monde à Rome et aux provinces, l'empire s'est accreu de toutes parts , pour la recommandation et resputation de la justice des
Romains. Comme la corruption s'y est meslée , l'injustice , le désordre et leur suite ordinaire , sont veneus à la foule , qui ont renversé et ruyné ce grand empire de fond en comble.
Ce n'est donc pas si peu de cas que l'on pense , que la création et bonne ou mauvaise élection des magistrats.
Nous lisons, en Denys d'Halicarnasse, que sitost que Romulus eut faict l'enceinte de la ville de Rome et miz ses citoyens à couvert, il feut conseillé par son ayeul maternel de la policer de bonnes loyx , tant en piété qu'en justice , qui sont , luy disoit il , les deux plus fermes et fortes colomnes de tous estats bien policez , sans lesquelles n'y a société, ville, communaulté, provinces, ny principaulté qui se puisse tant soit peu soustenir. Rébus a Romulo constitutis in urhe nihil prius , nihil antiquius ha huit qucun ad eam perpétua stabiliendam, fundameiita ipsius jacere super duo fulcra Jirmissima , pietatem videlicet et justitiam, pro utriusque legibus optimis constitutis.
Pour le conseil public, il composa ung sénat de cent hommes d'aage meur, d'expérience et probité telle qui se pouvoit trouver parmy ung peuple de plusieurs pièces ramassées de toutes parts; mais tant y a qu'il ne print poinct de jeunes barbes pour composer son sénat, jud-
géant bien que la saigesse, la maturité, l'expérience, ne procède jamais guères de la jeunesse.
Tous les aages de l'homme ont leurs conditions, et se veoit assez souvent que la jeunesse la plus fougueuse, la plus desbauchée et mal aysée à manier, est, si son bonheur veult qu'elle passe jusques à l'aage de maturité, celle qui produict de meilleurs fruicts en son automne.
Nous avons cy devant faict comparaison des vins nouveaulx , généreux et fumeux , et ne s'en peult faire de plus convenable, ny qui mieulx se rapporte au naturel de l'homme et de ses aages.
Advisez donc, je vous prie, s'il est raisonnable que le public supporte la fougue, les passions effrénées, boive la lie, l'impureté, les fumées d'ung cerveau volaige, d'ung jeune homme furieux, éventé, luxurieux, audacieux, présomptueux et très mal condictionné.
Ce n'est rien de dire qu'ilz se font et se dressent aux compaignies; car il n'est pas raisonnable qu'ilz se façonnent aux despends du public et à la ruyne des particuliers qui ont à passer par leurs mains, et qui bien souvent valent trop mieulx qu'eulx.
Marius reprochoit aux jeunes gentilshommes romains, qui n'avoient pour toute aultre qualité, sinon qu'ilz estoient riches et de grande maison ,
DE LA RÉFORMATJON DE LA JUSTICE, Il3
que cela estoit bon pour eulx, mais non pas pour la respublicque, laquelle a besoing, non de gens parez, frisez et attiffez comme des espousées, des danseurs, des faiseurs de festins, mascarades et aultres exercices de luxe et d'oisiveté, mais d'hommes durcis au travail et expérimentez aux affaires; et n'est pas temps d'apprendre quand on est en charge, il fault estre rassis sur la lye, saige et vertueux, et tout apprins avant que d'y entrer.
Et néantmoins, dict il, vous diriez, à veoir ces muguets, ces beaulx danseurs, que les plus honorables charges et dignitez publicques leur sont affectées pour leur bonne mine, et notamment pour ce , dient ilz , qu'ilz sont veneus d'ancestres illustres et vertueux, auxquelz combien qu'ilz soyent en tout et partout dissemblables, veoire soyent merveilleusement vicieux et despravez, ilz prétendent toutesfois (et en cela s'abusent bien lourdement) que ces honneurs et magistrats, qui sont les vrays loyers de la vertu, leur appartiennent.
Sicstulta nobilitas, majoriim iinaginibus fréta, ipsa dissimilis morib us , iios illorwn eniulos contemnity et omnes honores non ex proprio merito quasi debitos a vobis repetit,
Cœterum , homines superbissimi procul errant : majores eorum omnia quœ licebat illis
