A MARGUERITE

Je ne m'estonne point de la troupe indiscretîe Qui, superbe, a voulu, d'un cœur malicieux, Souiller le sainct honneur, honneur qui voile aux cieulx, De Marguerite ensemble et courtoise et gentille ;

Ainsy void-on souvent, quand l'herbe nouvellette Commence à descouvrir son thresor à nos yeulx, S'assambler au printems des crapaux odieux Pour gaster le beau teint d'une belle fleurette.

Mais le soleil, dardant ses rayons les plus chauds, Faict cacher aussitost ces horribles crapaux: De leur infect venin sa lumière s'irrite.

0 Phœbus, qui des fleurs conserve la coulleur. Conserve le bonheur de ceste Marguerite! Son corps comme son nom est une belle fleur ! Motin. j