POUR LA PEINTURE DE MADAME MARIE

Qui veult peindre Marie, au lieu de ses cheveulx Il fault peindre de l'or, du coral pour sa boche. Des roses pour son teint, des astres pour ses yeulx. Pour son front un cristal, pour son cœur une roche.

IN MARI^ PICTURAM

Audax, qui Marise vultus effingere tentas, Siste, tuo ne sis crimine Pygmalion.

QUATRAIN

Peintre qui de ta main découvre un million D'atraitz, hostes des yeulx de la belle que j'ayme, Garde-toy de sembler au Grec Pygmalion, Qui devint amoureux de son ouvrage mesme.

AULTRE

Si vostre confesseur vous tence D'un péché qu'il veille sçavoir, Venez à moy pour recevoir Un coup de fouet pour pénitence.

AULTRE

Tousjours laflame bleue est la plus chaude flame . Le soufre teint en bleu la couleur de son feu. Aussy le pénitent, courtisan de madame, Recelait son ardeur d'un habillement bleu.

Si Marie ne se contente De cet emplastre que voicy, Dis-luy, pour la guérir aussi, Qu'il luy fauldroit mettre une tente.