AVEC LES CITÉS D'AQUITAINE
« fut là nés, et moult l'amoient, et aussi faispient ceulx de « Bayonne et de Dax et ceulx des landes de Bourdeaulx. « Bien seroit que le connestable de France messire Loys « de Sanssoire en fuist signifié et se traist sus les fron- « tières par delà et euist aveuc luy messire Regnault « d'Espaigne, le Barrois des Barres et aucuns barons et « prélats qui sceuissent traitier ; et mon frère de Berry « s'en alast en Poitou et se traist sus les frontières de « Saintes, de Blaves et de Mirebel, pour quoy, se ceulx « de Bourdeaulx vouloient entendre à nos traitiés , ils « fuissent recueillies, car nous les devrions maintenant « avoir ou jamais. »
Les paroles du duc de Bourgoingne furent oyes et retenues, et en fut ordonné tout ainsi comme il le proposa. Voirement l'entendoit-il par bonne manière, et ot à ce dire et conseillier bonne et clère ymagination ; car quant ceulx l de Bourdeaulx, de Bayonne et de Dax entendirent que leur sire le roy Richart estoit prins et mis en la Tour de Londres et comment on avoit son conseil exécuté et le duc Henry de Lancastre couronné à roy, ils furent trop esmerveilliés, et ne le povoient croire de premiers que si trèsgrant meschief fuist advenu en Angleterre ; mais petit à petit tant de nouvelles vindrent, qu'ils congneurentplainement que c'estoit toute vérité. Dont se clouirent ces trois cités, et ne laissièrent homme nul, chevallier, ne escuier, entrer 2, ne yssir 3 dedens 4 , et furent moult mérancolieux, et par espécial ceulx de la cité de Bourdeaulx, car le roy Richart avoit esté nés et nourry entre eulx : si l'amoient bien, et, quant les Bourdelois venoient devers luy, il les recepvoit lyement et doulcement, et s'enclinoit à eulx faire toutes leurs requestes 5. Dont ils dirent, quant les 6 créantes 7 ncu-
* De la cité. — 2 Dedens. — 3-4 Dehors. — 5 Et voulentés. — 6"7 Certaines.
velleg leur furent venues : « Ha ! a ! Richart, très-gentil « roy, par Dieu, vous estes le plus preud'homme de tout « vostre roiaulme. Ce dommage et encombrier vous ont « brassé les Londriens, ne oncques ne vous porrent amer, « et encoires mains depuis que vous vous aliastes par « mariage au roy de France que en devant. Ce meschief « est si grant que nous ne le povons, ne devons souffrir. « Ha ! a ! roy Richart, ils vous ont tenu pour roy vingt-et- « deux ans, et puis vous ont dégradé et condempné à mort ; « car, puisque vous estes en prison et que ils ont couronné « Henry de Lancastre, ils vous traitteront à mort. »
Ainsi couroient les lamentations par la cité de Bourdêaulx et en Bourdellois, et tant que le séneschal de Bourdeaulx, ung moult vaillant chevallier anglois, escripvy en brief les paroles et regrets que ceulx de Bayonne , de Bourdeaulx et de Dax faisoient, et aveuc ce ils estoient sur le point que de euls rendre au roy de France. Ces lettres escriptes et séellées, il prist ung sien féable varlet et fîst tant que il ot une nef et le fîst esquiper en mer, et vint celluy par force de bon vent en Cornuaille, et puis chevaucha tant
par ses journées que il vint à Londres. Pour ce jour y estoit le roy Henry, et avoit parlement aux Londriens, lesquels par accord prindrent ces lettres, car elles généralement s'adrechoient au rov et aux Londriens. Si furent ouvertes et leutes, et sur ce le roy et les Londriens orent conseil, mais je vous diray quel chose les Londriens en respondirent , comme ceulx qui gaires ne furent esbahis des nouvelles dessus dittes. Et dirent, les lettres oyes et entendues : « Ce ne sera jà que ceulx de Bourdeaulx, de « Bayonne et de Dax se tourneront Franchois, car ils ne « sçauroient vivre en leurs dangiers, ne ils ne pourroient « souffrir leurs ruses. Ils sont et demeurent franchement « et aisiéement delés nous et aveuc nous. Et, se les Fran-
