AVEC LES CITÉS D'AQUITAINE

« la subjection des Franchois. Se les Londriens ont le roy « Richart déposé et couronné le roy Henry, que nous « touche cela ? Tousjours aurons-nous roy, et nous avons « entendu que l'évesque de Londres et messire Thomas de « Persy seront temprement icy. Si nous infourmerons de la « vérité. Nous avons plus de marchandises, c'est-assavoir « de vins, de laynes et de draps aux Anglois que aux « François, et si nous y enclinons par nature mieulx. Gar- « dons qu'il ne nous adviègne de faire traittié l dont 2 il « nous convierigne3 repentir. »

Ainsi se desrompirent les traittiés des Bourdellois , des Baïonnois, et des Daxois aux Franchois, ne riens n'en fut, fait. Aussi l'évesque de Londres et messire Thomas de Persy et leur charge de gens d'armes et archiers arrivèrent ou havène de Bourdeaulx, dont 4 grant plenté 5 de gens furent resjouis, et les aucuns courrouchiés, qui vouloient 6 tenir les 7 traittiés 8du roy de France. Et se logièrent ces seigneurs 9 tous ensemble en l'abbaye Saint-Andrieu ; et quant ils veirent que 10 point u et heure fut, ils remonstrèrent à toute la communaulté de Bourdeaulx Testât d'Angleterre et ce pour quoy ils estoient là venus, et firent tant que tous s'en appaisèrent et contemptèrent, et n ainsi 13 à Bayonne et à Dax. Si demeurèrent ces cités et toutes les appendences englesces : trop y auroit à faire à les tourner et convertir franchoises.

Advisé et conseillié fut en France en l'ostel du roy, pour tant que on le veoit moult courrouchié de l'advenue laquelle estoit prinse à son fils le roy Richart, que ils envoieroient en Angleterre de par le roy aucun seigneur

1 Nul. — "'? Nous nous puissions. — 4-8 Moult. — 6 8 Soustenir les procès. — 7-8 Partis. — 9 D'Angleterre.--10-11 Temps. — "-13 Aussy.