AMBASSADE FRANÇAISE

notable et prudent pour savoir et veoir Testât de la royne , et furent priés et chargiés de là aler messire Charles de Labreth et messire Charles de Hangiers, lesquels au commandement du roy obéirent voulentiers, et ordonnèrent de leurs besoiugnes et se départirent de Paris, et tant cheminèrent que ils vindrent à Bouîongne et là s'arrestèrent, car ils avoient envoie ung hérault parler au roy Henry ; car sans asseurances, quoyquetrièves fuissent entre France et Angleterre, ils nes'i fuissent point voulentiers boutés.

Le roy Henry, qui moult se sentoit tenu au roy de France, parla à son conseil ; car riens ne faisoit sans son conseil. Accordé fut et clit au hérault franchois que c'estoit bien la plaisance et voulenté du roy et de son conseil, que messire Charles de Labreth et sa compaignie venissent en Angleterre , et tout droit le chemin devers le roy sans traire ailleurs, fors par congié.

Le hérault francois retourna à Bouîongne, et dist à ses seigneurs tout ce qu'il avoit trouvé et impétré. Il leur pleut assés bien, puisque autre chose ils n'en peurent avoir, et firent monter leurs chevaulx en deux vaisseaulx passagiers, et puis entrèrent ens es nefs et prindrent le parfont et nagèrent tant par l le confort 2 du vent que ils vindrent au port de Douvres. Si 3 partirent 4 des bateaulx et entrèrent en la ville et trouvèrent ung des chevalliers du roy d'Angleterre que le roy avoit là envoyé pour euls recueillier et conjouir, qui les rechupt , et autreffois l'avoient-ils veu à Paris delés le roy Henry. Si en furent plus tost acointes messire Charles de Labreth et messire Charles de Hangiers, et furent logiés en la ville de Douvres bien et largement, et séjournèrent là tant que leurs chevaulx furent trais hors des vaisseaulx et raffreschis, et puis montèrent

M L'effort. — 5-* Issirent.