LE COMTE DE WARWICK

conte d'Arondel à vouloir brisier la paix et les trièves données , accordées et séellées entre les deux roys de France et d'Angleterre, leurs conjoinds et l ahers 2 , et que cel article estoit cas qui demandoit pugnition de mort honteuse , car les trièves estoient données et jurées par telle condition de l'un costé et de l'autre que quiconques les enfrainderoit, ne conseilleroit à enfraindre, il estoit digne à recepvoir mort.

Le conte de Saslebéry qui très-espécialement prioit pour le conte de Warwich (car ils avoient esté compaignons d'armes tousjours ensemble), l'excusoit et disoit que il estoit moult anchien, et que le duc de Glocestre et le conte d'Arondel l'avoient déceu par leurs paroles, et que cel affaire et péchié pour lequel ils estoient mors , n'avoit point esté de son mouvement, mais par eulx, et que oncques ceulx de Biaucamp ne rirent , ne pensèrent trahison contre la couronne d'Angleterre, et que ce conte de Warwich estoit chief de ceulx et des armes de Biaucamp , et descendoient tous ceulx de Biaucamp du conte de Warwich.

Le conte de Warwich par pitié fut respité de la mort et tauxé à telle pénitence que je vous diray. Il fut envoyé en l'isle de Wisque qui est des 3 tenures 4 d'Angleterre, et luy fut dit ainsi : « Conte de Warwich , ce jugement va « tout droit devant luy. Vous avés desservy mort telle que « le conte d'Arondel l'a receue ; mais les beaulx services « et grans que du temps passé vous avés fais au roy « Edouard, de bonne mémoire, et à monseigneur le prince « son fils et à la couronne d'Angleterre tant par deçà la mer « comme par delà, vous 5 viennent bien à point \ et ont le

4* Adhérens. — 34 Membres.. Terres tenues. — 8-e Aident bien, maintenant.