POUR L UNION DE L ÉGLISE

ce savoir faire, et trop plus par espécial le roy de France que le roy d'Allemaigne ; car les Alemans de leur nature sont rudes et de gros engien, se ce n'est au prendre à leur prouffit, mais à ce sont-ils assés ' appers 2 et habilles.

Tous ces seigneurs de France et d'Allemaigne qui là estaient, s'entr'acointèrent de paroles et de contenances moult grandement. Et donna le roy de France à disner au roy d'Allemaigne et à tous les Alemans, et fut l'assise telle que je vous diray. A la table du roy premièrement fut assis le patriarche de Jhérusalem, le roy d'Allemaigne après le roy de France 3, et le roy de Navarre 4 et plus n'en y ot d'assis à celle table. Aux autres tables furent assis seigneurs et prélats d'Allemaigne, ne nuls des seigneurs de France ne seirent, mais servirent. Et apportèrent tous les mets à la haulte table du roy le duc de Berry, le duc de Bourbon, le conte de Saint-Pol et les hauls barons de France, et le duc d'Orléans fist toutes les assises. Vaisselle d'or et d'argent couroit à telle largesse parmy le palais comme s'elles fuissent toutes de bois, et fut ce disner estoffé de toutes choses si grandement que merveilles seroit à recorder. Et fuy infourmé que le roy de France donna à son cousin le roy d'Allemaigne toute la vaisselle d'or et d'argent 5 qui estoit ou palais , tant au drechoir comme ailleurs, et 6 tous les aournemens et paremens de la salle et de la chambre du dit roy d'Allemaigne, là où il se retraioit après disner 7 pour prendre vin et espices 8, et fut mis et prisié ce don à deux cens mille flourins. Et encoires furent donnés à tous les Alemans qui là estoient, grans dons et beaulx présens de vaisselle d'or et d'argent, de quoy tous les Alemans et autres gens d'estranges nations qui venus estoient veoir lestât, s'esmer-

" Experts. — 3 Le tiers. — 4 Le quart. — 8 De quoy tous les Allemans et autres avoient été servis et. — 6 Aveuc tout ce. — 7-8 Vin et espices prins.