ASSEMBLÉE DE REIMS

les seigneurs de l'empire venroient là pour traittier ung mariage du fils du marquis de Brandebourg à la fille du duc d'Orléans, et estoit ce marquis frère au roy d'Allemaigne. Si se loga le roy de France ens ou palais de l'arche vesque, et là estoient le duc de Berry, le duc d'Orléans , le duc de Bourbon, le conte de Saint-Pol et tant de hauls barons et prélats de France, que merveilles seroit du recorder. Et quant le roy d'Allemaigne entra en la cité de Rains, tous ces seigneurs et prélats et le roy Charles de Navarre qui aussi estoit là, alèrent tous à l'encontre de luy et le recueillièrent doulcement et lyement, et le menèrent premièrement en l'église Notre-Dame et puis en l'abbaye de Saint- Rémy ; et là fut le roy logié et tous les seigneurs d'Allemaigne qui aveuc luy estoient venus, au plus près de luy que on peult par raison , et estoit ordonné du roy de France et de son conseil que tout ce que le roy d'Allemaigne et ses gens despendroient en la cité de Rains, tout estoit compté et délivré de par les officiers du roy de France, et si largement fait et de toutes choses que nulle deffaulte n'y avoit. Etconvenoitbien auxAllemans, pour leur délivrance, tous les jours que ils séjournèrent en la cité de Rains, dix tonneauls de harens, car ce fut en temps de quaresme, et huit cens carpes sans les autres poissons et ordonnances. Considérés les grans coustages qui là furent fais, et tout 1 paya le roy de France.

Quant le roy d'Allemaigne vint la première fois devers le roy de France au palais , tous les seigneurs 2 l'alèrent quérir en l'abbaye de Saint- Rémy, et l'amenèrent en grant arroy au palais. Et quant ces deux roy s s'encontrèrent et veirent premièrement, ils se firent des honneurs et révérences grant foison, car bien estoient induits et nourris pour

1 Ce. — * Dessus nommés .