JUGEMENT ET SUPPLICE

roy Richart en prison en la Tour de Londres et tous ceulx de son conseil que avoir vouloit, et mis bonnes gardes 2 sus euls, la première chose que le duc fist, ce fut que tantost il envoia querre le conte de Warwich, qui condempné estoit à user 3 toute sa vie 4 en l'isle de Wisque, et le délivra de tous poins. Secondement il envoia ses messages devers le conte de Northombrelande et messire Henry de Persy son fils, et leur manda que ils venissent vers luy, ainsi que ils firent. En après il entendy moult fort comment il peuist estre saisy des quatre 5 loudiers c qui ens ou chastel de Calais avoient estranglé son oncle le duc deGlocestre, et tant fist et procura et enquist que il les ot tous quatre, et ne les euist point rendus pour vingt mille nobles, et les mist en prison à par eulx à Londres.

Le duc de Lancastre et ses cousins et les Londriens orent conseil ensemble à scavoir comment ils s'ordonneroient de Richart de Bourdeaulx, qui estoit mis dedens la grosse tour où le roy Jehan de France tint une fois son estât entandis que le roy Edouard chevauchoit ou royaulme de France. Regardé et advisé fut entre euls que il convenoit à ce roy Richart donner toutes ses 7 royes 8, se bien et deuement il en vouloit user ; car trop grans nouvelles seroient en tous royaulmes crestiens de sa prinse, car vingt et deux ans ils le avoient tenu à roy, et puis ils le vouloient de tous poins 9 dégrader lû. Premièrement ils regardèrent à son règne et rescrip virent tous ses fais et les mirent par articles et en trouvèrent vingt et huit, et puis s'en vindrent au chastel que on dist la Tour, le duc

1-2 Gens. — 3-4 Ses jours. — 5"6 Londriens.. Gentils compaignons. — 78 Joyes. — 9-10 Garder prisonnier.