COURONNEMENT DE HENRI IV

veillièrent tous les escuiers qui dévoient estre fais chevalliers à l'endemain, et furent le nombre de quarante-et-six , et orent tous ces escuiers chascun sa chambre et chascun son baing où ils se baignèrent celle nuit. Et à l'endemain le l duc de Lancastre 2 les fist chevalliers à sa messe , et leur donna longues 3 cotes 4 vertes à estroittes manches, fourrées de menu vair et grans chapperons parauls fourrés de menu vair à guise de prélats, et avoient lesdis chevalliers sus la senestre espaule ung double cordel de soye blanche à blanches 5 houppes 6 pendans. Et se départy ce duc de Lancastre celluy dimence après disner du chastel de Londres pour venir à Wesmoustier, et estoit en pur le chief, et avoit en son col la devise du roy de France, et estoit accompaignié du prince son fils, de six ducs, de six contes et dix-huit barons , et là avoit somme toute de huit à noeuf cens chevalliers en sa compaignie. Et avoit adont le roy vestu ung court Jacques de drap d'or à la fachon d'Allemaigne, et estoit monté sur ung blanc coursier, et à sa senestre jambe il avoit le Bleu 7 Garetier 8. Et vint ledit duc parmy la ville de Londres à grant quantité de seigneurs , vestus leurs gens chascun de sa livrée et devise, et tous les bourgois , Lombars et marchans de Londres et tous les grans mestiers chascun mestier aourné et paré de sa devise, et Lombars et bourgois aussi, en acconvoiant ledit duc jusques à Wesmoustier, et furent le nombre de six mille chevaulx. Et furent les rues, cedit jour, où le dit duc passa, couvertes et parées de plusieurs manières de paremens , et y ot cedit jour et l'endemain toute jour noeuf 9 broucherons 10 à manière de fontaines en Cep à Londres , u courans 12 par plusieurs l3 conduits 14, jettans vin blanc et vermeil.

*"2 Roy Henry encore nommé duc de Lancastre tant qu'il sera consacré. — s-* Robes, — 5"6 Houppettes. — 7 8 Gertier. — 9~10Brocherons. — "-««Coulans. — *V* Conditions.