DE HENRI IV

royale couverte de drap d'or. Quant le duc fut venu en l'église, il monta sus le hourt et se assist en la chaière royale. Et estoit le duc en estât royal, fors tant que il n'avoit point sur le chief la couronne, ne le bonnet. Et là en présent sus l'eschaffault remonstra l'archevesque de Cantorbie par les quatre cornets de l'eschaffault au poeuple comment Dieu leur avoit tramis ung homme pour estre leur sire et leur roy. Puis demanda ledit archevesque au poeuple se chascun bien le vouîoit et que il fuist l couronné à roy. Et ils respondirent tous d'une voix : « Oyl », en tendant les mains contremont en luy prommettant foy et loyaulté.

Après ce dit et respondu, le duc descendy jus du hourt et vint à l'autel pour estre sacré. Et au roy Henry sacrer, il y avoit deux archevesques et 2 dix 3 évesques, et là devant l'autel fut desvestu de Testât royal jusques à la chemise, et là en présent fut enoint et sacré en six lieux , c'est assavoir sur le chief, en la poittrine, sus les 4 espaules et derrière entre ses espaules et es mains. Et puis luy mist-on ung bonnet sur son chief ; et entreux qu'on le sacroit et enoingnoit, le clergié chantoit la létanie et tel office que on dist à béneyr les fons. Et là fut vestu le roy des draps de l'Église, comme ung diacre. Et puis luy chaussa-on ungs souliers de vermeil vellours à guise de prélat, et puis ungs espérons à pointe sans moulette. Et puis fut tirée l'espée de Justice hors du fourrel, et là fut béneye, et puis fut 5 délivrée6 au roy, et le roy la remist ou fourrel, et là en présent l'archevesque de Cantorbie luy chaindy la ditte espée. Et puis fut apportée la couronne saint Edouard, et estoit laditte couronne archie en trois, et fut béneye, et puis luy assist ledit archevesque sur le

1 Consacré et. — 2-3 Quinze. — * Deux. — 5-e Bailliée.