EPITAPHE

de feu Huguet Tuillant , en son vivant hoste de la Monnoye a Ausserre.

i^ y §ist le bon honorable Huguet.

Ul En son seurnon Tuillant bien renommé, Qui en son temps ne feist jamait le guet Aux amoureux qui cueillent le muguet.

Se d'y aller par eulx n'estoit sommé.

Pour ^on bon vin appelle et nommé Il se voyoit, dont il faisoit taverne.

Lequel estoit des buveurs consommé.

Qui ne croissoit n'en rocher, ne caverne.

Ceulx qui n'avoient or et argent en bourse Ne se trouvoyent par luy les bien venuz ; Ce neantmoins ne leur estoit refcourse Se sur iceulx il y avoit ressource ; Et fussent ilz en chemise et tous nudz

Epitaphes. 287

Riches et plains, qui ont gros revenuz, Bien recueilliz estoient en sa maison.

Gens d'église jeunes, vielz, et chenus , Bien les aymoit comme gens de raison.

L'escot n'estoit compté ne hault ne bas Par son varlet ne par ses chambrières ; Et si d'amours ilz aymoient les esbas, Pourveu que bruyt n'en venoit ne debas, Le bon Tuillant ne s'en soussioit guières. Par cueur sçavoit les façons et manières Comme il falloit les gens entretenir.

Au doulx Jésus soient faictes les prières Qu'avecques luy le vueille retenir.

Amen.