Rôtie au vin
io6 Dialogue
Tous les matins d'ung œuf molet; Et se vous estes desgoutée Ou malade ou débilitée Conseillez-vous à Jehan Colet.
La Seur.
Jehan Colet n'est qu'ung sotelet; A Jehan Colet, Vierge Marie ! "
Le Frère.
Il est gaillard et propelet.
La Seur.
Jehan Colet seroit bon varlet Pour servir en quelque abbaye; Et afïin qu'il ne s'esbaye, Il faict bien peu et mescharament.
Le Frère.
Or, quelque chose que l'on dye, Jehan Colet tousjours s'estudie A bien chevaulcher hardiment.
La Seur.
Laissons ce propos.
Le Frère.
Voirement, Que dict-on de noz acouchées?
La Seur.
Qu'on en dict? Tout premièrement, Les unes sont trop longuement En leur lict mollement couchées.
DE DEUX Enfants. 107
Le Frère.
Elz sont bouchées.
La Seur.
Elz sont touchées.
Le Frère.
Il leur fault tant de mirlificques.
La Seur.
Elz sont visitées et preschées, Et bien souvent plus empeschées Qu'on est à baiser les reliques.
Le Frère.
Les brasseroles ' magnifiques.
La Seur.
Riches carcans*.
Le Frère.
Tapisserye.
La Seur. De peur quelz ne soient fleumatiques Ou trop mesgres ou trop eticques On vous les sert d'espicerye.
Le Frère.
L'ypocras,
La Seur.
La patisserye,
