Grande quantité de meuTjles

l66 COMPLAINCTES.

De ceulx qui sont ainsi prédestinez Vivre en péchez et en mal obstinez.

Hellas! hellas! qui bien y penseroit Fier et hautain le pécheur ne seroit.

Nul, quel qu'il soit, n'a le ciel hérité, Si par vertu il ne l'a mérité; Car par avant que le ciel on hérite Fault que premier précède le mérite; Ne pensons point l'acquérir aultrement : Sans ce point là, on perd l'entendement. Le bien vivant va à salvation, Le mal vivant va à damnnation; Riens n'emportons de ce monde terrestre Que le bien faict, et le corps en terre estre.

Préméditant mes dessusdictz propos, En ung matin, tost après mon repos, Ma plume prins pour mettre par escript Comme et comment Fortune m'a prescript : Car tant ay eu sur ma personne envye Que suis privé de tous biens pour ma vie; Et ' m'a contrainct de me destituer Du bien qu'ay eu, pour aultre instituer. Or, pour narrer ma fortune invincible, Est que j'ay mis en moy tout le possible De fréquenter les gens dignes d'honneur. Et supplier Jésus, le grant donneur.

De me pourvoir ou de près ou de loing