LE DÉUVT DOU CHEVAL ET DOU LEVRIER

Qu'à toi , qui es et grans et fors , ;< Car je n'ai qu'un bien petit corps.

Enne m'appelle on un lévrier ;( Fait pour les gens esbanojer ?

Et tu es ordonnés et fès

Pour porter un homme et son fès.

Quant nous venrons jà à l'ostel ,

Nos mestres , sans penser à el ,

Il t'aportera de l'avainne ;

Et s'il voit qu'aies en painne ,

Sus ton dos jettera sa cloque ,

Et puis par dalés toi se joque ,

Et il me fault illuec croupir ; :( Il ne me vient point à plaisir.

« Je t'en croi bien » , respont Griseaus ;

Tu me comptes bien mes morseaus ,

Mes je ne compte point les tiens.

Pleuïst Dieu que je fuisse uns chiens,

Ensi que tu es par nature !

S'auroie dou pain et dou bure

Au matin , et la grasse soupe.

Je sçai bien de quoi il te soupe :

S'il n'avoit qu'un seul bon morsel ,

Ta part en as te en ton musel.

Et si te poes partout esbatre.

Nul ne t'ose ferir ne batre ;

Mes quant je ne vois un bon trot ,

Jà n'en parlera à moi mot ,

Ains dou debout de ses talons

Me ferra de ses esporons ,

Si qu'à la fois me fait hanir.

Se tu avoies à souffrir

Ce que j'ai , par Saint Honestasse ,

Tu diroies acertes, lasse ! »

Dist le chien : « Tu te dois bien plaindre !