LE DÉBAT
« Ains qu'on puist la chandelle estaindre « On te frote , grate et estrille , « Et te cuevre on pour la morille ,
55 « Et si te nettie on les pies.
« Et s'on voit que tu soies liés , « On t'aplanoie sus le dos , « Et dist on : Or , pren ton repos , « Grisel , car bien l'as desservi,
60 « L'avainne que tu menges ci.
« Et puis on te fait ta littière « De blanc estrain ou de flechiere, « Là où tu te dois reposer.
« Mes j'ai aultre chose à penser ;
65 « Car on me met derrière un huis , « Et souvent devant un pertuis , « Et dist on : Or garde l'ostel.
« Et se laiens il avient el , « Que bien j'en ai toutes les tapes ;
70 « Car , s'on envolepe ens es nappes « Pain , char , bure , frommage ou let , « Et la meschine ou li vallet « En menguent par aucun cas , « Sus moi en est tous li debas ,
75 « Et dist on : Qui a ci esté ?
« Cils chiens ! Et je n'ai riens gousté. « Ensement sui , sans ocquison , u D'estre batus en souspeçon.
« Mes on ne te requiert riens née ,
80 « Fors que bien faces ta journée.
« Si te pri c'or avances toi , « Car droiteraent devant nous vol « Une ville à un grant clochier, « Nos mestres y vodra mengier ;
85 « Tu y auras là de l'avainne « Et je aussi prouvende plainne ;
DOL CHEVAL ET DOU LEVRIER. î219
« Si te pri et si le te los « Que tu y voises les galos »
Respont Griseaus : « Ossi ferai je , 90 « Car de mengier grant talent ai je, » Froissars atant vint à la ville, Et la faillirent leur concile.
Pour bien savoir argent desfaire , Si bien qu'on ne le scet refaire , Rapiecier ne remettre ensamble , Car tel paour a que tous tramble 5 Quant il est en mes mains venus , Point ne faut que nulle ne nuls Voist à Douay ou à Marcienes , A Tournay ou à Valencienes , Pour quérir nul millour ouvrier
10 Que je sui l'esté et l'ivier , Car trop bien délivrer m'en sçai.
Je l'aleue bien sans assai Ne sans envoyer au billon.
Aussi à la fois m'en pille on
15 Aux des , aux eskas et aux tables , Et aux aultres jus delitables,
Mes pour chose que argens vaille ,
Non plus que ce fust une paille
De bleid , ne m'en change ne mue ; 20 II samble voir qu'argens me pue ;
Dalés moi ne poet arrester.
J'en ai moult perdu au prester ;
Il est fols qui preste sans gage.
Argent scet maint divers langage , 25 II est à toutes gens acointes ;
Il aime les beaus et les cointes,
Les nobles et les orfrisiés ,
Les amourous, les envoisiés ,
Les pèlerins ,les marcheans 30 Qui sont de leurs fais bien cheans ,
Ceuls qui sievent sôit guerre ou j ouste ;
Car à tels gens argent ne couste
Nulle chose , ce leur est vis ;
Dalés euls le voient en vis.
35 Argent trop vôlentiers se change ;
Pour ce ont leur droit nom li change.
Pas ne le scevent toute gent.
Change est paradjs à l'argent ,
Car il a là tous ses déduis , 40 Ses bons jours et ses bonnes nuis ;
Là se dort il , là se repose ,
Là le grate on , c'est vraie chose ,
Là est frotés et estriUés ,
Lavés et bien appareilliés ; 45 II en juent com par enfance ;
Il le poisent à la balance :
Avoir li font toutes ses aises ;
Au devant de lui mettent haises
Afin qu'on ne le puist haper.
50 Cil qui se mellent de draper
En prendent là par grans puignies.
"ii,^ LE DIT
Argens est de pluisours lignies ; Car lors qu'il est issus de terre , Dire poet : « Je m'en vois conquerre
55 « Pays , chasteaus , terre et offisces. » Argens fait avoir benefisces, Et fait des drois venir les tors , Et des tors les drois au retors.
Il n'est chose qu'argens ne face ,
60 Et ne desface , et ne reface.
Argens est un droit enchanteur , Un lierres et un bareteur ; Tout met à point et tout toueille ; Il dort un temps , puis se resveille.
65 Se gros tournois leur cours avoient Et les changeours y sçavoient Gaagnier , quoique peu de cours Aient ores , dedens briefs jours Vous en veriés sus establies
70 Aux changes , par conflestablies , Et pour porter fondre au billon.
Souvent de moi s'esmerville ou Comment sitost je m'en délivre ; J'ai plus tos espars une livre
75 Qu'uns aultres n'auroit .xx. deniers ; Si n'en mac je bleds en greniers , Avainnes, pois , fèves ne orges ; Je n'en fais moustiers ne orloges , Dromons ne naves ne galées ,
80 Manoirs ne chambres ne alées ; Je n'achate soiles ne lins , Aultres grains ne fours ne moulins , Fuerres , gluis , estrains ne esteules , Hasples ne fuseaus ne keneules ,
85 Ne faucilles pour soyer blés.
11 s'est tantost de moi emblés ;
Il me defuit et je le chace ;
Lorsque je l'ai pris , il pourchace
Comment il soit hors de mes mains.
90 II va par maintes et par mains ;
Ce seroit uns bons messagiers ,
Voires mes qu'il fust usagiers
De retourner quant il se part.
Mes nennil , que Diex y ait part, 95 Jà ne retournera depuis ,
Non plus qu'il cheïst en un puis ,
Lorsqu'il se partira de moi.
Se je ploure après ou larmoi ,
Il m'est avis il n'en fait cure.
100 Puis vingt et cinq ans , sans la cure
De Lestines , qui est grant ville ,
En ai je bien eu deus mille
Des frans ; que sont ils devenu ?
Si coulant sont et si menu , 105 Quant ma bourse en est pourveùe ,
Tost en ai perdu la veûe.
De quoi , pour ravoir ent le compte
De deux milliers que je vous compte ,
Le fons et toute la racine , 110 J'en mis l'autrier un à jehine ,
Que je trouvai en un anglet
D'un bourselot. « Diex ! doux valet » ,
Di je lors, « es tu ci quatis !
« Par ma foi tu es uns quetis, 115 « Quant tous seuls tu es en prison
(( Demorés , et ti compagnon
« S'en sont aies sans congié prendre.
« Or çà , il t'en fault compte rendre. »
Adoncques le pris à mes dens .
120 Et le mors dehors et dedens
A la fin qu'il fust plus bleci(5s.
Et quant je me fui bien sanciés ,
Sus une pierre l'estendi
Et dou poing au batre entendi ;
125 Et puis si tirai mon coutiel Et jurai : « Par ce hateriel !
« Je t'esboulerai , crapaudeaus ; « Bien voi que tu es uns hardeaus « Tailliés , rongniés et recopés ;
130 « Pour ce n'es tu point eschapés ; « Les autres t'ont laissié derrière.
« Se tu fuisses de leur manière , « De bon pois et de bon afaire , « Tu eusses bien o euls à faire.
135 « Di moi quel part s'en sont aie « Ceuls qui n'ont chanté ne parlé , « Mes sont partis lance sus fautre , « Tout ensamble , l'un avec l'autre , « Ou tantost je te partirai
140 « En quatre , et si te porterai
« Fondre en la maison d'un orfèvre , « Ou cuire ou fu d'un aultre fevre. » Adonc dist il : « Pour Dieu merci , « Sire , j'ai demoré droit ci ,
145 « En ce bourselot , moult lonc temps « J'ai là dormi, moult bien contens « De vous ; je vous voeil dire voir : <( Aleué avés moult d'avoir « Depuis que m'euïstes premiers ,
150 « Tousjours ai esté darrainniers , ({ Ne onques vous ne m'aleuastes ; « Engagié m'avés bien en liastes « Et puis tantos me rachetiés.
« Je sçai françois , cnglois et thiés ,
155 « Car partout m'avés vous porté ; « Je vous ai souvent conforté.
« Quant il vous souvenoit de mi ,
« Vous m'avés trouvé bon ami ;
« Se j'euïsse esté uns plus grans , 160 « Uns bons nobles ou uns bons francs ,
« Uns doubles ou uns bons escus ,
« Où n'euïst eu nul refus,
« J'euïsse ores par mille mains
« Passé, et n'en pensés jà mains ; 165 « Mais pour ce que je suis si fôs
« Que retailliés et contrefès ,
« On m'a refusé trop de fois.
« Vous venez dou pays de Fois ,
« De Berne en la Haute Gascongne , 170 « Et n'avés point eu besongne
« De moi ; mes m'avés, sans mentir ,
« Tout un yver laissié dormir
« En un bourselot bien cousu.
« Quel chose vous est avenu ?
175 « Dittes le moi tout bellement ;
« Je sut en vo commandement ,
« Soit dou vendre ou de l'engagier. »
Quant ensi l'oï langagier,
En corage me radouci, 180 Et li dis : « Je suis ores ci
« En Avignon , en dure masse. »
— « Pour quoi , monseigneur , sauf vo grasce , u Dist le florin , « vous estes bien
« Pour avoir pourfit et grant bien, 185 « Ne tendes vous à benefisces ?
— « Compains », di je, « se tu desisses « Aultre chose , par saint Hylaire,
« Je te donroie bon solaire , « Ne jamais ne t'aleueroie , 190 « Mes grant honneur te porteroie. »
— « Et que volés vous que je die ?
ââ6
Descouvrés moi vo maladie , Si en serai un peu plus aise , Car pas n'est drois que je me taise.
195 « Puisque compte volez avoir
Dou beau meuble et dou bel avoir Que vous avés jadis eu, Je sçai bien qu'il sont devenu.
Tout premiers vous -avés fait livres
200 « Qui ont cousté bien sept cens livres. L'argent avés vous mis là bien , Je le prise sus toute rien , Car fait en avés mainte hystore Dont il sera encor memore
205 « De vous ens ou temps à venir , Et ferés les gens souvenir De vos sens et de vos doctrines.
Et les tavreniers de Lestines En ont bien eu cinq cens frans.
210 « Regardés les deux membres grans De quoi je vous fac ordenance.
Après , n'avés vous souvenance Comment vous avés traveillié Et pluisours pays resvillié ?
215 « Moult bien en povés mettre un mille En chevauçant de ville en ville.
N'avés vous en Escoce esté , Et là demi an arresté , En Engleterre et en Norgalles ,
220 « Où bien avés eu vos gales?
De là partir , aler à Rome , En arroi de souffisant homme Mené hagenée et roncin , Retourné un aultre chemin
225 « Que ne fesistes au passer.
Pour mieuls les pays compasser;
DOO FLORIN. 227
« Cherchié le royalme de France
« De chief en cor , par ordenance
« Tele que tousjours à grans frès,
230 « Et avés eu tous jours près
« Or et argent parmi raison
« Pour bien employer vo saison.
« Toutdis avés esté montés
« Et d'abis enhupelandés ,
235 « Bien gouvernés et bien peus.
« J'ai tous vos afaires veùs :
« Otant de choses avés faittes ,
« Sans vous bouter en grosses debtes ,
« Que uns aultres bons coustumiers
240 « Autretant , pour quatre milliers ,
« N'en feroit , foi que doi saint Gille ,
« Que fait en avés pour deux mille.
« Si ne devés pas le temps plaindre
« Ne vous soussyer ne complaindre.
245 « Vous avés vescu jusqu'à, ci ;
« Onques ne vous vi desconfi,
« Mes plain de confort et d'emprise ,
« Et , c'est un point que moult je prise ,
« Je vous ai veii si joious,
250 « Si joli et si amourous,
« Que vous viviés de souhedier. »
— « Ha ! » di je , « tu me voels aidier ;
« Mes c'est trop fort que jà oublie
« La belle et bonne compagnie
255 « De florins que l'autrier avoie ,
« Et si s'en sont râlé leur voie ,
« Je ne sçai pas en quel pays ;
« Certes , je m'en tienc pour trahis ,
« Quant aultrement n'en ai penset. »
260 Lors dist mon florin qu'il ne scet
Nulle riens de ceste matere.
î228 LE DIT
— « Mestres , par l'ame vostre père , « Dites moi quel chose il vous fault « Ne a falli , et dou def'ault
265 « Volentiers y adrecerai. »
Je respons : « Je le te dirai.
« Tu scôs comment je me parti « De Blois , et sus un bon parti , « Dou conte Gui , mon droit seignour.
270 « Je , qui ne tenc qu'à toute honneur , « Et qui moult désiré avoie « D'aler en mon temps une voie « Veoir de Fois le gentil conte , « Pour un tant que de li on compte
275 « Moult de largheces et de biens ; « Et vraiement il n'i fault riens « Que largheces et courtoisies , « Honneur, sens et toutes prisies « Qu'on puet recorder de noble homme,
280 « Ne soient en celui qu'on nomme « Gaston , le bon conte de Fois.
« Mon mestre , le conte de Blois, « Escrisi pour moi devers li ; « Et le conte me recuelli
285 « Moult liement et doucement.
« J'ai là esté si longement, « Dalés lui , qu'il m'a pleii ; voir, « Se je desiroie à avoir « De son estât la cognoissance ,
290 « Je l'ai eu à ma plaisance ; « Car toutes les nuis je lisoie « Devant lui et le solaçoie « D'un livre de Melyador , « Le chevalier au soleil d'or , 295 « Le quel il ooit volentiers ,
« Et me dist : C'est un beaus mestiers ,
Beaus maistres , de faire tels choses.
Dedens ce romane sont encloses
Toutes les chançons que jadis , ( Dont lame soit en paradjs ,
Que fist le bon duc de Braibant , ;< Wincelaus dont on parla tant ;
Car uns princes fu amourous,
Gracions et chevalerous ; ;( Et le livre me fist jà faire
Par très grant amoureus afaire ,
Comment qu'il ne le veïst onques.
Après sa mort je fui adonques
Ou pays du conte de Fois,
Que je trouvai larghe et courtois.
Et fui en revel et en paix
Près de trois mois dedens Ortais ,
Et vi son estât , grant et fier ,
Tant de voler com de chacier.
J'ai moult esté et hault et bas
Ou monde , et veù des estas ;
Mes , excepté le roi de France ,
Et l'autre que je vi d'enfance ,
Edouwart , le roy d'Engleterre ,
Je n'ai veû en nulle terre
Estât qui se puist ressambler
A celui dont je puis parler ,
Se ce n'est Berry et Bourgongne.
Mes bien croi , sans point de mençongne ,
Que ces deus dus , cascuns par soi ,
Qui sont oncle dou noble roy
Charle de France , qui Diex gart ,
Ont estât de plus grant regart
Que ne soit li estas dou conte
De Fois. Mes tant y a en compte
Qu'il est larghes aux estragniers ,
« Et parle et jue volentiers
(( A euls , et dist otant de choses
« Où on poet prendre bonnes gloses,
335 « Que de seigneur que onques vi ,
« 0 un , qui Diex face merci ,
« Amé , le conte de Savoie ;
« Cils , tant qu'il vesqui , tint la voie
(( De larghece , en toutes saisons.
340 « Revenir vœil à mes raisons.
« Gaston , le bon conte de Fois,
« Pour l'onnour dou conte de Blois ,
« Et pour ce que j'oc moult de painne
« Tamaint jour et mainte sepmainne
345 « De moi relever à minuit , —
« Ou temps que les cers vont en bruit ,
« Sis sepmainnes devant Noël
« Et quatre après , de mon ostel
« A mie nuit je me partoie
350 « Et droit au chastiel m'en aloie.
« Quel temps qu'il fesist , plueve ou vent
« Aler m'i convenoit. Souvent
« Estoie , je vous di , raoulliés ;
« Mes j'estoie bel recoeilliés
355 « Dou conte, et me faisoit des ris.
« Adont estoi je tous garis ,
« Et aussi, d'entrée première,
« En la salle avoit tel lumière ,
« Ou en sa chambre, à son souper ,
360 « Que on y veoit ossi cler
« Que nulle clareté poet estre ;
« Certes à paradys terrestre
« Le comparoie moult souvent.
« Là estoie si longement
365 « Que li contes aloit couchier.
« Quant leû avoie un septier*
DOU FLORIN. 23i
« De fœilles , et à sa plaisance,
« Li contes avoit ordenance
« Que le demorant de son vin, 370 « Qui venoit d'un vaissiel d'or fin,
« En moi sonnant , c'est chose voire ,
« Le demorant me faisoit boire ;
« Et puis nous donnoit bonne nuit.
« En cel estât , en ce déduit , 375 « Fui je à Ortais un lonc tempoire ;
« Et quant j'oc tout parlit l'istoire
« Dou chevalier au soleil d'or
« Que je nomme Melyador ,
« Je pris congié , et li bons contes 380 « Me fist par la chambre des contes
« Délivrer quatre vins florins
« D'Arragon , tous pesans et fins.
« Des quels quatre vins les soissante ,
« Dont j 'a voie fait frans quarante , 385 « Et mon livre qu'il m'ot laissié ,
« Ne sçai se ce fut de cœr lié ,
« Mis en Avignon sans damage.
« Or veci tantos trop grant rage :
« Je vinc là par un venredi , 390 « Et voloie voir , je te di ,
« Mettre tous ces florins au change ;
« Mes pourpos , qui se mue et change ,
« Se mua en moi sans séjour.
« J 'a voie acheté en ce jour 395 « Une boursette trois deniers ;
« Et là , comme mes prisonniers
« Les quarante frans encloï.
« Le dimence après , escheï
« Que je me levai moult matin ; 400 « Je oï l'offisce divin.
« Or avoi je mis mon avoir
« Et la boursette , très le soir , « En une aultre bourse plus grans.
« Quant je cuidai trouver mes frans ,
405 « Certes je ne trouvai riens née ; « Et sçai bien qu'à la matinée « Je les avoie. Fin de somme , « Onques n'oï de tel fantomme « Parler , par lame de mon père.
410 « Ma folie je le compère
« Et comparrai jusques au jour « Que je serai mis au retour « Et à mon seignour revenus ; « Car esté n'a nulle ne nuls
415 « Qui m'en ait dit nulle nouvelle. » Et adonques me renouvelle Mon florin un aultre pourpos , Et me dist : « Vous estes un sos , « Se vous pensés là longement ;
420 « Toutdis recoevre on bien argent ; « Legierement vous sont venu « Et legierement sont perdu.
« Encores n'avés vous , sans faute, « Eii droit à nulle desfaute ;
425 « Et si savés encor derrière
« Le bon seignour de la Rivière , « Et le bon conte de Sansoirre ; « Cescuns des deux , c'est chose voire , « Pour l'amour dou conte de Blois,
430 « Qui est de coer frans et courtois « Et estrais de haulte lignie, « Pour dix frans ne vous faudront mie, « Et se vous trouvés le Daufin « D'Auvergne , qui a le coer fln
435 « Et de qui vous estes d'ostel , « Il vous fera , certes , otel ;
Ne vous faudroit pour nulle rien ,
Car de tant le cognoi je bien.
Aussi ne fera, s'il besongne,
Uns qui est en celle besongne,
Jehans le visconte d'Asci ,
Car dou bon seignour de Couci,
Qui est nobles, gentils et ceintes.
Estes vous privés et acointes ;
Et s'avés pour lui celle painne.
Et l'expectation lontainne
Sus les chanesies de Lille ,
Cent florins vous a, par saint Gille ,
Moult bien coustée celle grasce ,
Qui n'est ores bonne ne grasse ,
Mes mal revenans à proufit ;
Quoique dou premier an est dit
Dou pape que la grasce avés ,
Mes voirement vous ne sçavés
Quant vous en serés pourvetis
Ne à chanonnes receùs.
Tout fault passer ; oublyés , mestre ,
Toute chose qui ne poet estre ;
Et si vous mettes au retour
Sans attendre nul aultre atour ;
Avec les seigneurs dessus dis ,
Vous ne serés jà escondis
D'avoir leur bonne compagnie.
Et si soyés une aultre fie
Mieuls avisés et plus songneus
De garder en tels petis neus
Une quantité de florins ,
Se les avés ; car nuls cousins
Ne parent ne vous sont si bon ,
Ne si très loyal compagnon,
Ne pour qui on esploite tant,
« Que florins sont , je vous créant. .»
Adonc di je : a Sus toute rien
« Tu m'as ores conseillié bien :
475 « Encores je te garderai ,
« Ne point je ne t'aleuerai ,
« Car tu n'es mies trop prisiés,
« Mes contrefès et debrisiés.
« Or t'en va dont tu es venus ;
480 « Je ne voeil à toi parler plus ;
« Mes il me souvenra souvent ,
« Cela t'ai je bien en couvent ,
« Comment le sire de Biauju ,
« Antones, qui grans galois fu ,
485 « En riant moult souvent disoit ,
« Se d'argent on se devisoit —
« Aussi a fait Gerars d'Obies,
« Qui pas n'a jué aux oublies:
« Autant vaudront au jugement
490 « Estront de chien que marq d'argent. »
