L.VYS AMOUREUS
Ne ouvrer , 10 Piloter
Pour donner Fondation et vigour.
Tout ensi esce en amour ; Car coers qui emprent l'amer , 15 Son penser
Doit tourner Et fremer En doctrine et en hounour , Et concevoir la valour 20 Et douçour
Qu'il poet par grasce impetrer Dedèns brief jour.
Qui use aultrement Ne poet longement
25 Vivre bonnement
Ne seùrement En joiouse vie ; Car amours aprent L'amoureuse gent
30 User leur j ou vent
En esbatement Sans mélancolie.
Jà soit ensement Qu'un amant bien sent
35 Par penser souvent
Angousse et tourment , Mes amours li prie , Que , quant ce l'esprent , Ait présentement
40 En son sentement
Pour aliegement Espérance lie.
Car espoir
Donnent voir 45 A l'amant
Confort grant ,
Et plaisant
Fait manoir
Au manoir , 50 Qui pooir
A d'avoir
Son servant
En garant.
Nonpourquant 55 Desespoir
M'ont jà. tant -
Fait doloir
Que voloir
D'esmouvoir 60 Ai le chant
Triste et dolent,
Main et soir.
Amours , tant qu'à mon pourpos, Bien dire os , 65 Vostrc souveraineté Pocisté , Majesté , A coeillié le propre bos Dont on a fait les pillos 70 Qui sont en mon cocr ente ; Piloté Et planté Tant esté Ont là qu'oultré 75 M'ont cuir , char , sanç , ners et os. Encor y senc les estos ,
AMOIRELS. 249
Grans et gros , Qui là sont enraciné Ou fondé.
80 Maçonné
Et ouvré Avés sus tant que m'en los.
Et quant , Amours , je sui vos , Je vous pri en charité 85 Que pité
Ait ma dame par son gré De ma griefté ; Car navré M'a le coer par ses douls mos, 90 Et féru en ont les cops Sa très parfaite beauté Et bonté, Qui tant ont los.
Et bien est en vo puissance , 95 Je le croi ,
Que d'avoir brief aligance
Dou desroi Qui le coer me perce et lance.
Las! pour quoi lOO N'a pité ma dame franche Dont de moi , Qui soeffre tel pénitence Tout pour soi , Qu'en riens je ne prenc plaisance 105 N'esbanoi ,
Ains ai perdu d'espérance
Tout l'arroi.
Se longes ai tel souffrance Que reçoi , 110 Morir m'estoet sans doubtance ,
Bien le voi , De ce me fait cognoissance Bonne foi.
Tant sui constrains 115 Et fort clestrains
Pour vostre amour , dame chiere Que tous mes plains De grieftcs plains Fai , d'esbahie chiere.
120 C'est drois , car ains
N'ot nuls compains Aventure si très fiere
Que j'ai ; dont tains Sui et attains 125 Si fort que j'en perc manière.
A vous m'en plains Et m'en complains , Car vous portés ma lumière.
Las! de quels chains 130 Serai je chains ,
Se vous me mettes derrière.
Tous soirs , tous mains Di : Certes j'ains De beauté la tresoriere , 135 Et sui certains
Qu'onques nuls tains , Ouvrés sus bos ne sus piere , Tant fust hautains Ne souverains, 140 N'ot beauté qui s'i afiere ,
Dont mainte et mains.
Dient au mains Nature en fu bonne ouvrière.
AMOUREUS, 251
Car onques Pymalion 145 Ne Pallès ,
Par qui fôs Et pourtrès P\i tamains ouvrages bons , N'entaillierent , ne nuls homs , 150 Image de si beaus très Comme est très Plaisans corps , douls et parfès , De ma dame , et H agrès.
Je m'en très 155 A Nature, qui ses dons Y a mis et ses façons
Par mos exprès , Et sus lui assis ses très Tels et si fès 160 Qu'au veoir c'est grans souhès.
Son cors est gens , drois et Ions , Sain , haut assis , petis , rons
Et bien dures ; Blanches mains , bras Ions , grasses . 165 Jambes droites , pies moult gés ; Et puis après , Les yex vairs comme un faucons , Nés trettic ; clers est ses frons , Polis , jolis et bien fôs , 170 Et ses mentons
Est moult douces ; Belle bouche à donner pès , Et chevelés A beaus et blons ; 175 S'est sa parolle et ses tons Ossi plaisans que li sons
Des oiselés Est à l'oïr , quant li mes Vient et la douce saisons ,
180 Qu'on les ot sus ces buissons Par ces regrés Au chanter près.
Et pour ce ai tous jours mes Ses servans vros ; 185 Sans avoir ces ,
Je me renc li siens soubjés , Car c'est raisons.
Tant est Iionorée , Plaisans et senée ,
190 De beauté parée ,
De bonté loée , Gente et esmerée , Bien encoulourée Et enluminée ,
195 Sage et avisée
A point emparlée , Bien amoderée Et endoctrinée , Qu'en une contrée
200 Ne seroit tele trouvée.
Or est ma pensée D'amours embrasée .
Si à li donnée Et dou tout tournée
205 Qu'onques tour quarée ,
Tant fust bien ouvrée Ne fort pilotée Ne bien maçonnée , Ne fu si fremée ,
210 Ne si fort fondée ,
Qu'amours m'est entée Ou cocr et plantée Et là dedens née
Et enracinée.
215 Jà n'en ert ostée ,
Frainte ne quassée ,
Meute ne planée ,
Qui qu'en désagrée
Ne qui s'en effrée , 220 Tant que m'ame aura durée.
Car et d'esté et d'ivier ,
Au lever et au coucliier ,
Au dormir et au villier ,
Soit au boire ou au mangier , 225 A l'aler ou au joquier ,
Au seoir ou au drecier ,
Ou au reposer cuidier
Qu'amours si me représente
Son plaisant corps et legier , 230 Son maintien gai , friclie et cbier ,
Sa bonté qu'on doit prisier ,
Son sens où n'a qu'ensegnier ,
Ses meurs qui sont coustumier
De bien faire et si entier 235 Qu'il n'i a que corrigier ;
Ne je n'ai ailleurs entente
Ne me puis nés apoyer ,
Tenir chief sus orillier ,
Estre quois ne pietjer , 240 Ne errer ne chevaucier ,
Ne parler ne consillier ,
Ne moi si ensonnyer ,
Estre en hostel m'en moustier ,
Aourer Dieu ne pryer , 245 Ne compagnie cerquier
Pour moi un peu oublyer ,
Qu'amours tou.sjours ne dist : « Ren te ,
« Je te tienc mon prisonnier , a Tu ne me poes eslongier ,
250 « Je t'ai mis on mon dangier , « A moi te fault obligier , « Bien te puis nuire et aidier. »
Là me fault pourpos changier, Sanc muer et fretillier ,
255 Trambler , frémir et songnier Comment me puisse alegier Et couvrir mon destourbicr.
De tels assaus maint millier A je nuit et jour de rente.
260 En tel soussi
M'a saisi Amours , qui Par sa merci Me débat 205 Le coer et bat ;
D'un tel esbat
M'a servi De puissedi Que premiers vi 270 Vo corps joli ,
Ma dame. Hé mi !
Par cel estât , Qui m'abat Et s'embat 275 Dedens mi
Et si combat , Me renc mat , Nu et plat , Et si cri 280 Merci et di :
Vé me ci
AMOUREUS. 253
Sans débat ,
Sans barat Et sans rachat , 285 Vostre ami ,
Et certefi
Que sans si
Et aussi
Par restât 290 Et sans rabat
M'est onsi.
Jusqu'à mort N'estindera oeste flame , Qui si fort 295 Le coer me perce et entame , Se ressort N'ai vers vous , ma chiere dame.
Au droit port Sui venus pour rendre Tame 300 Sans déport.
On escrira sus ma lame :
« Céans dort « Cils qui mors est, et pour famé. »
Tel recort 305 Poran dire pai'^^esclame D'un acort :
Au mains au coer qui s'esclame
Oultre bort , Donnés le grant d'une dragme 310 De confort !
Pour estaindre la langour ,
Qui dolour Me fait nuit et jour porter , — Car ester
âo6 LAYS
3i5 Ne oultrer
Ne le puis par nul atour , S'il ne vient de vo hautour , - Que il vous plaise ordener A donner , 320 Composer
Et livrer En ma dame une liqueur , Qui li face ma labour Reeongnoistre et savourer.
325 Car , c'est cler ,
Nuls curer Ne saner Ne me poet de ceste ardour Fors vous , souverainne flour , 330 Qui j'aour
p]t voeil tous temps aourer Sans nul fauls tour.
Troisième lay.
J'ai grant merveille de mi , Car souvent Mon corps prent Esbatement 5 Sans oquoison , à par li ; Mes il deuïst , je li di , Savoir et sentir comment Mon coer sent Tel tourment 10 Que , bricfment .
En jouvent Onques cocrs tel ne souffri , Depuissedi Que je vi
AMOUREUS. 257
15 Premièrement
En présent Vo j ou vent , Chiere dame , à qui m'otri.
Par un regart , 20 Se Diex me gart ,
Fu lors mon coer si attains Que , quand regart De quele part Ce cop vint , je suis certains 25 Que de ma part ,
Par vostre espart , Soudainement dedentrains Reçue d'un dart Un tel escart 30 Que jamès ne sera sains , Car tempre et tart Bruïst et art En cris , en plours et en plains, Et ne scet art 35 De prendre esgart
Pour confort. Las! j'en vail mains.
De ce l'empart Très grande part Fortune à ses propres mains , 40 Et li espart
Comme à poupart Devant lui tous ses complains.
Dont pour musart Et pour kokart 45 Tienc mon corps , qui deforains Fait le gaillart Et se repart De confort , et ses compains TOM. II. 17
Point ne se part 50 De ceste part
Où il n'est hetié ne sains ;
Ains souspire
En martire Tel qu'on ne poroit descrire 55 Les cent pars de ses dolours.
Là le tire ,
Diex li mire , Fortune , qui ne désire Que de li grever tous jours.
60 Tant l'empire
Et detire Que riens ne li laist d'entire Fors les grans assaus d'amours.
Ensi frire 65 Et defrire
Le fait. Hé mi! c'est dou pire , Car il n'attent nul secours
Ne nul mire ,
Dont eslire 70 Ne scet , quant bien se remire , Que la mort , c'est ses millours.
Et voir il a droit , Car s'auques vivoit , Trop il soufferoit
75 De griefté obscure.
Nuls ne le plorroit ; Dont , quant sa fin voit , Moustrer voelt et doit Par quele aventure
80 Tel griefté reçoit.
Amours l'en pourvoit , Qui l'en ramentoit
AMOUREUS. 259
La droite escripture.
Las! qui poi^teroit 85 Ne qui soufferoit
Les mauls qu'il conçoit , Dont on ne fait cure?
De mon mal qui n a nul per Je n'en sçai qui encouper , 90 Fors l'accoeil
Dou bel accoeil.
Dame, de vostre vis cler.
Tout m'est pris par regarder ; Car vostre oeil 95 Sans orgoeil
Me font nuit et jour penser La manière dou penser Qu'en recoeil.
Je le voeil 100 Bellement dire et moustrer , Et pour moi mieuls escuser , Ne me doeil De vo voeil, Quoi qu'il me face porter.
105 Comment que désirs m'assaille, Qui me baille Nuit et jour temaint assaut ,
Dont tressant Et frémis pour la bataille , 110 Qui m'entaille
Dedens le coer froit et chault.
Las ! il fault Que pités pour moi me vaille , Ou sans faille 115 Je sui mors sans nul défaut.
Car trop plus encore Tous jours en memore M'est li ardans flame Qui m'art et enflame
120 Le coer et dévore.
Las! s'il plaisoit ore A ma chiere dame Au mal qui m'entame Envoyer victore ,
125 J'auroie grant glore
Et de corps et d'ame.
Ensi me povés , Dame , se voulés , Occire et garir.
130 Se me refusés ,
Je sui avisés , Il m'estoet morir.
Amours , pris m'avés , Et moult bien savés
135 Qui me fait languir.
A vous sui donnés , Et c'or ordonnés Par vostre plaisir Que soie escoutés
140 Et reconfortés
De Tardant desir Dont sui embrasés , Attains et bersés, Sitos que remir
145 La bouche et le nés ,
Les membres fourmes , Plaisans à veïr.
Amours , consentes Franchise et Pités
150 Me dagnent oïr.
AMOUREUS. 261
Si aurai De tous mes mauls aligance ,
Et serai Raemplis de soufflsance ; 155 S'ensi l'ai ,
Onques homs n'ot tel plaisance
Que j'aurai , Ne de biens tele habondance.
Or vous plaise à recevoir , 160 Douce image ,
Humble et sage , Mon hommage ; Car , saciés , par estavoir Tout ce fai je , 165 Ne corage
Ne langage N'ai ne n'aurai aultre voir.
Tant en sçai je D'avantage , 170 Car rendage
En fai selon mon pooir
Et tous li depors Dont je me depors Et souvent confors 175 Et prenc esbanoi
A par moi , C'est espoirs , dont fors Sui par ses effors.
Quant je me remors 180 De son doulc arroi
Simple et quoi , Si moustre au dehors Que mon coer soit hors
De tous desconfors.
185 Las! mes en requoi,
Sus ma foi , Est bersés et mors.
Dont près sui que mors, S'esperance lors 190 Ne cessoit un poi
Mon anoi.
Par le hault don de merci Qui m'aprent, Bonnement 195 Aliegement
Donne grant à mon soussi ; Dont, Amours, j'en regrasci Vostre doulc commandement , Qui m'esprent 200 Bellement ,
Liement , Sagement Porter mon doel , et aussi , Se ma dame à qui je pri 205 Reconforte nullement Mon dolent Coer , briefment , Je n'en dirai plus hé mi !
Quatrième Lay.
Pour resjoïr mon martire
Voeil je mon coer mettre en voie
D'avoir joie.
Ce m'envoie
5 Un doulc espoir , Dieux li mire ,
Qui me vient compter et dire
AMOUREUS. 265
Que de riens il ne m'anoie
Ne larmoie
Ne gramoie, 10 Bien poroie
Avoir ce que je désire ; C'est bien raisons que le croie
Et que soie ,
Où que voie , 15 Liés et joious et sans ire ; Car mieuls ne poroie eslire, Se par souhet avenoie
Ne venoie
Où voloie , 20 Qu'en la quoie
Ma dame amer , c'est sans dire.
Car tant est et belle et gente , Par ma foi , Que Nature li deut rente , 25 Je le croi ,
De donner fourme excellente ,
Car pourquoi Attemprance représente Son arroi.
30 Ce m'esjoïst
Et resjoïst En confort et en liece ,
Et adoucist
Et esclarcist 35 Moult grandement ma tristrece.
Amours me mist ,
Quant il me prist , Hors d'ignorance et de rudece.
Point ne mesprist
40 Quant il m'aprist
A amer en ma jonece.
Ignorant Et non saçant Que j'estoie, et jone enfant , 45 Me moustre sans enseignier Le plaisant Et le puissant Fait d'amours ; j'en sçai bien tant Car pris fui sans menacier 50 D'un samblant
Doulc et riant De ma dame en regardant , Ne le quier mes oublier.
Son servant 55 Lui servant
Me rendi par covenant.
Que tous sui en son dangier.
Et serai Tant com vivrai :
60 Ma dame adiès servirai ; Je li doi d'obéissance.
Quant li jurai , Ce fu en may , Que flours , roses , Ijs et glay 65 Prendent cruçon et substance. Pour ce l'ai Mis en mon lay, Qu'Amours , qui m'en fist Tassai , Par sa très douce ordenance , 70 Me dist : « Fai
« Sans ûul delay « De ceste ta dame. » Et j'ai
AMOUREUS. 265
Obeï à sa plaisance.
Dont espoir ai 75 Qu'encor aurai ,
Quant mieuls desservi l'aurai , De tout mes mauls aligance,
Se Fortune, la perverse Et diverse , 80 Qui maint homme au besoing fault , Ne m'assaut.
Mes je le senc si cuverse ,
La traverse , Qu'elle met un homme en hault , 85 Ne l'en chaut
Comment voist , puis le reverse
Et le berse A un trop villain bersaut.
Tout tressaut 90 Mon coer , qui le sent si verse M'avoit j'en auroie fault.
Petit vaut Le lieu où elle converse.
La fausse ypocrite 95 Sodacre et trahitte,
Elle est si despitte
Qu'elle ne fait cure
De riens où habite.
N'a si saint hermitte 100 De ci en Egypte ,
S'au diffamer cure ,
Que mal n'en recitte ,
Ne tout son mérite
Noient ne proufite.
105 Qui qu'elle assegure ,
Tantost est desditte ; Ne poet estre escripte , Comptée ne ditte Sa fausse nature.
110 Trop félon
Sont si don ; Ocquoison • N'i a nulle de raison ; Ce dient li ancyen.
115 Absalon ,
Priamon Ne Noiron , Ne le roi Laomedon, Ne Grrieu ne li Troïen , 120 Salemon
Ne Caton Ne Platon , Ne sorent comparison Faire de son fol maintien.
125 II n'est hom,
Tant soit bon Ne preudom , Qu'elle prise un seul bouton ; De tant le cognoi je bien.
130 Et pour ce s'effrée
Soir et matinée Mon coer grandement ,
Qui le sent Si mal avisée ; 135 Plus tost est tournée
Qu'un koquet au vent.
Mes briefment Jà la foursenée
AMOUREUS. 267
Pour sa grant ponée 140 N'aura nullement
Sentement , Pooir ne entrée Dessus ma pensée.
Car elle se rent 145 Liegement ,
Et est jà donnée Dou tout et voée, Au commandement Plainnement 150 Ma dame honnourée ,
Qui de moi amée Est si loyalment ,
Vraiement , Qu'onques famé née 155 Ne fu si doubtée
Ne si liement , Humlement Servie et loée.
Toute assegurée 160 Qu'il n'est autrement ,
Sans delaiement Tiegne s'en.
Et s'ensi il avenoit Que jà ne voie avenir ,
165 Mieux morir
Ameroie , et à bon droit , Que Fortune , qui bien boit,
Sans désir Me vosist , ne retollir
170 La grasce qui me pourvoit D'esjoïr Et de joïr. Quanque soit ,
S'ai je voloir dou souffrir Et moi tenir 175 En fermeté si à droit Que servir et obeïr Sans partir A ma dame ; et ce seroit Pour la Fortune asservir , 180 Qui languir
Et près périr me feroit ; Mes espoirs bien me poroit Tout ce faire soustenir, Et servir 185 Que de ce m'esjoïroit Que désir.
Si ne m'ai que faire De l'espoenter , Mes la débonnaire ,
190 Ma dame honnourer ,
Servir sans retraire , Cremir et amer ; En son doulc viaire, Simple , gent et cler ,
195 Que Diex volt pourtraire
Et Nature ouvrer Par droit exemplaire, Là me voeil mirer.
Il me doit bien plaire
200 Tel vie à mener ,
Je ne m'en doi taire Mes toutdis parler ; Ce m'est nécessaire Pour reconforter
205 Et pour mon contraire
Arrière bouter.
AMOUREUS. 269
Mes tant voeil je contredire La Fortune , qui guerroie Et desvoie 210 Et fourvoie
Tamaint coer et le martire , Que jà pour tout son mestire Ne sera , quoi qu'estre en doie , Ne m'esjoie 215 N'esbanoie
Et que n'oie Volontiers juer et rire , Car espoirs li rent estire , Et à lui il se ralloie. 220 II le loie
Et desloie Et le ploie Et le fait à ses pies gire.
En son bon confort me mire 225 Et aussi , s'el en faisoie , Je seroie En la voie Et ou point dou desconfire.
Cinquième Lay.
De coer amoureusement Et liement Voeil commencier à faire un lay , Car j'en ai commandement 5 Présentement
D'amours ; mes voir je ne sçai , Quant bien m'avise , comment
Joiou sèment Le puisse faire , car j'ai 10 Demoré en un tourment
Moult longement :
C'est le point pourquoi m'esmai.
Car je n'oi
Ne ne voi 15 Chose qui riens me puist plaire ;
Peu m'esjoi ,
Ains larmoi , Quant ma dame est si contraire
Devers moi , 20 Quant pour soi
Porte au coer grief té et haire ,
Et bien croi
Morir doi Puis qu'elle voelt le cop traire.
25 Elle est preste dou ferir , D'envaïr , D'assallir Mon coer , qui ne poet souffrir Longes tel assaut.
30 Et tout ce ai par veïr Et oïr Et sentir Nuit et jour Tardant désir , Qui si fort m'assaut 35 Que je ne fai que languir , Ne joir N'esjoïr Ne puis. Quant tout bien remir , Doulc espoir me fault , 40 Qui me deuïst secourir Et garir , Moi tenir En fermeté sans pcrir ; Or voi le défaut.
AMOUREUS. 271
45 Car une estincelle
Senc sous la mamelle Qui m'art et fretelle , Dont main à masselle Tienc et fai maint plour
50 Nuit et jour.
Il n'est damoiselle , Dame ne pucelle , Qui puist ma querelle Conforter, fors celle
55 Pour laquele amour
Tel langour Si me renouvelle.
S'Amour ne s'en melle, Qui bonne nouvelle
60 Port de moi à elle ,
Veoir ne puis tour Dont douçour Me puist estre isnele ; Mes je l'en appelle
65 Que la bonne et belle
Me soit très loyelle Et die que pour
Le séjour Grant mal port et celé.
70 Las ! mes longe attente
De moi parlemente Desespoir ; Mes pooir N'aura voir 75 Jà sus moi ne rente ,
Quoi qu'en moi s'assente Fortune dolente , Qui si m'espoente
Main et soir , 80 Dont avoir
Le coer noir Me fait et tourmente.
Mes jà me contente D'espérance gente , 85 Qui me représente
Bon espoir Et voloir Sans mouvoir De l'eure présente ; 90 Et s'ai bien entente ,
Quoi que me démente , Ma dame excellente Concevoir , Percevoir 95 Et sçavoir
Poet bien qui me tempte.
Et quant espérance.
Qui tous biens avance.
Et ma dame franco
100 Ont la cognoissance
De ma cruel maladie , Vivre ne doi mie En nulle doubtance Que n'ai aligance
105 De ma penitance
Et de la grevance Qui si fort me contrarie ; Et s'elle detrie , J'ai de pourveanoe
110 Par bonne ordenance
Toute souffisance , Qui est grant substance
AMOUREUS. 275
Tant qu'en l'amoureuse vie , De grasce et d'aïe ; 115 Car quant souvenance
Me poise en balance Et elle me lance De sa dure lance, Je reçoi son envaïe 120 Par droite mestrie.
Si voeil donter
Et enditter Mon petit coer si très fort
Par tel effort 125 Que pour raport
Qu'on H raport
Ne puist gouster
Ne savourer ; Mes prendre garde au déport 130 Et au déport
Et au confort
Sans desconfort
Qlii vient d'amer ;
S'il voelt penser 135 Com plaisant en sont li sort ,
Nesun ressort , , Villain ne ort
Ne oultre bort,
Ne poet porter 140 Ne endurer ;
Mes dur Refus trop fort me mort .
Quant il s'amort
Sans bon remort ,
C'est dure mort,
145 Et pour ce que santé quier , TOM. II. 18
A jointes mains te requier , Amours , dedens mon trettier , Que tu voeilles conseillier Ma dame ,
150 Pour qui mon coer s'art et flame Que mon mal voeille alegier Et son coer humilier , Car si refus sont si fier , Par m'ame ,
155 Que je ne puis ceste flame Porter ne moi apaisier , Ne je ne l'ose aprocier ; Ensi fui ce que j'ai chier , Et ame
160 Requoi , souspir , mainte larme , Et le temps passe à dangier ; Dont je ne fai que cryer , Désirer et souhedier Que mors me puist herbergier
165 Sous lame.
Je n'i aurai point de blâme , Se d'amours prenc tel leuier.
Car tamains homs a bien pris La mort par tele aventure 170 Que j'endure ,
Pesme et dure, Sans mesure , Et endurrai , ce m'est vis , Tant que ma dame aura mis 175 En ma grief desconfiture Confiture , Douce et pure , Qui peuture Me donra ; lors sui je fis
AMOUREUS. 275
180 Que je serai resjoïs Et garis de la pointure Qui d'ardure Taint et cure Ma figure 185 En manières plus de sis ;
Car quant regard son doue vis Et de ses yex l'ouvreture , Pour vrai jure Que Nature 190 Par droiture
La fourma à son devis.
Car il n'a en sa manière Point d'orgoel , Ne riens qui bien ni afiere 195 A mon voeil.
Bien séant sont en sa chiere
Si vair oeil ; Sa beauté est li archiere Bel acueil , 200 Car il n'est coers que ne fiere Son acueil , Et pour ce d'entente entière
Je le voeil Servir , et s'elle m'est fiere , 205 Ne m'en doeil;
Encor ai je ma proyere Qu'avoir soeil.
Et aussi ma dame gaie Mie ne vodroit 210 Qu'oultrée fu si la plaie
Que morusse endroit ;
Car prendés que la mort traie ,
Riens n'i conquerroit.
Et tousjours d'entente vraie 215 Amours m'en pourvoit
Dou bien servir ; ne m'esmaie ,
Seûre estre en doit , Se sa grasce me délaie ; Moult bien scet et voit 220 ^Quant il est temps que je l'aie , S'elle y regardoit ; Et espoir qu'elle m'assaie.
S'elle ensi faisoit , Quant elle voelt , se me paie ; 225 A son plaisir soit.
Car je ne quier aultrement Mon coer dolent
Desconforter , mes , pour vrai ,
Reconforter bellement 230 Et humlement.
Ma dame adiôs servirai ,
Car mieuls ne puis vraiement Temps ne jouvent
Employer. Dont de coer gai, 235 Attendans son bon talent, Très liement
Nuit et jour je chanterai.
Sixième lay.
S'oncques amoureusement Soc faire ne liement
Lai ou chançon , Et mon chant à un doulc son ,
AMOUREUS. 277
5 Qui sentement
Me donne présentement
Et occoison De faire un lai bel et bon Et par couvent , 10 J'en ai le commencement De la façon Pris en la clere façon
Et ou corps gent De ma dame. Et vraiement 15 Vis m'est, par mon jugement, J'ai bien raison Que j'en face mention
Très grandement En mon coer secrètement , 20 Et ailleurs non ;
Et ce qui me donne don
D'esbatement , C'est un doulc penser qui sent Le guerredon 25 Dont Amours à grant foison Paie sa gent.
Ce m'envoie Toute joie , S'est bien raisons que je soie 30 Sans dolour
Et sans tristour.
Se n'amoie , Ne poroie Ensievir si noble voie 35 Qu'est d'amour ,
Mes la douçour M'i emploie Et m'i loie ,
278 LAVs
Et la simple , douce et quoie , 40 Qui la flour
Est de valeur.
Or li proie Que m'otroie Sa grasee ; car , se falloie , 45 Mon retour
En grief langour Prenderoie.
Tost morroie , Ou en languissant feroie , 50 Sans séjour ,
Maint divers plour ; Plus n'auroie Ne veroie Le confort qui me resjoie 55 Nuit et jour ,
Si l'en aour.
Or ai espoir et entente , Dieu merci , Que la belle , bonne et gente 60 Que je pri ,
Mettera sus ceste attente
Tant et si Bonne ordenance excellente.
Là m'afi r>5 Qu'espérance est bien contente Dedens mi ; Ce m'a des mois plus de trente
Resjoï , Et fera ; que c'est la rente 70 Propre aussi
Que bonne amour représente Son ami.
AMOUREUS. 279
Or m'est au besoing présente , S'en grasci 75 Le penser qui en moi l'ente , Car par li Joie me semont et tempte ;
Tant en di Qu'à tous esbanois m'assente , 80 Je l'otri.
Esleecier
Et solacier Voeil mon coer. Bien me fait mestier ; Car il me donne cognoissance 85 Que d'un dangier
Dur , aspre et fier Est si navrés qu'il faut songnier Comment puist avoir aligance.
Mes besongnier 90 Ne esploitier
N'en puis , se ne me vient aidier Amours , qui par sa grant puissance
M'a fait lyer
Et allyer , 95 Mon coer donner et otroyer A ma très douce dame franche ,
Dont tousjours quier ,
D'un desirier Ferme et loyal , bon et entier , 100 Servir en bonne obéissance ,
Regracyer
Et exaucier Celle qui me poet envoyer Grasce, confort , joie et plaisance.
105 Par le très doulc souvenir
Qu'espérance fait venir En mon recort , A d'un acort Un vrai désir.
110 Ce me donne grant confort Et m'a jà par son effort Fait garantir Et resjoïr Contre la mort.
115 Si voeil ma dame servir, Honnourer et chier tenir , Car mon ressort Et mon déport Y puis veïr.
120 Aultrement j'aroie tort , Se n'esjoïssoie fort
Le doulc plaisir Qui de joïr Me donne enort.
125 S'amerai ,
Servirai , Cremirai Et à li obéirai
D'umble voloir , 130 En espoir
De veoir Et d'avoir Grasce et confort , car , pour vrai .
Mesticr en ai ; 135 Si tenrai
Le corps gai Et aurai Ferme , loyal coer et vrai A mon pooir ,
AMOUREUS. 281
140 Car j 'espoir
Mieulx valoir De manoir En loyauté main et soir ; Pour ce le fay.
145 Mes , briefment , ma dame chiere ,
Qui lumière Est de ma santé entière ,
Ne me poet Garir par nulle manière , 150 Tant li quiere ,
S'elle exauoier ma proyere
Ne me voelt. Mes bonne amour , qui me moet Et promoet , 155 Troeve en moi , quant elle y foet . La minière De loyauté ; et l'estoet ,
Ne s'en doelt Mon coer , mes ensi qu'il soelt , 160 Toutdis iere.
Car enracinée S'est en moi et née La douce pensée Qui me vient 165 De la désirée ,
Ma dame honnourée , Qui de moi amée Est ; or tient En sa douce agrée 170 Que s'amour me grée.
S'elle le desgrée , Il n'est nient
De ma retournée.
Ma vie est alée
175 Quant en recelée
, Me ' souvient Que s'amour me vée ; Soir et matinée Mon coer s'en eflfrée
180 Et se crient
Que la destinée Ne soit fortunée Sus moi , qui denrée D'eur ne retient ,
185 Fors seul tant
Qu'en pensant Au semblant Simple , doulc , vair et riant De ma chiere dame ; 190 Et lors , quant
Par devant Me vient , grant Confort me donne et garant Dou mal qui m'entame.
195 Or créant ,
Com servant En vivant Me prist confort si très grant Que je fai , par m'amc ; 200 Car le chant
Que je chant Point n'estant , Quoique se mette au devant L'amoureuse flame
205 Qui mon coer art et bruïst.
AMOUREUS. 283
Or ne sçai qui me peuïst Conforter Ne ester Ce qui me nuist , 210 Se ne fust le regarder
De ma dame et son vis cler.
Ce nourist , Embellist Mon doulc penser 215 Et nuit et jour l'esjoïst. Autrement mon coer euïst Pour amer Plus d'amer Qu'il ne vosist , 220 Mes mon doulc imaginer , Quoi qu'il me faille endurer, M'assouvist Et me dist Qu'on doit amer.
225 Car tant eïi est gente et belle L'ordenance et la querelle , Que coers qui bien pense à celle En l'amoureuse estincelle, Fault qu'il vive ,
230 Et pour ce que je le celé,
Mon coer font , ploure et fretellc , Et le senc sous la mamelle , Ensi que quant il desgelle, Font la nive.
235 II n'est dame ne pucelle
Qui ne puist donner querelle De confort , fors la loyelle Que ma souverainne appelle.
Vive , vive
240 Ma droite dame , car elle
Tout mon bien me renouvelle ; Dont ma joie est plus isnelle Qu'en l'air ne vole arondelle , Tant soit vive.
245 Car le penser de présent
M'envoie , et mon coer le prent ,
Possession De grant consolation , Certainnement ; 250 S'en regrasci humblement Vo bon renom Et vo corps qui porte nom
Très révèrent , Où Nature mist forment 255 S'entention
Au fourmer ; bien le voit on
Tout clerement , Car en vo contenement N'a regard n'amendement , 260 Tant vous prise on ;
Et pour ce vostre prison Mon corps se rent.
Employé moult sagement Ai ma saison , - 265 Car de tous mauls garison Ai plainnement A avoir tant seulement
L'avision De la douce impression 270 De vo jouvent.
■Septième lay.
(Ce 1*7 eit la reprodaction de celui que l'on trouve an vv. 3909 de VEtfinttte amoureuie.]
AMOUREUS. 285
Huitième lay.
Morte est et ensepelie La bonne dame Qui en toute honneur, sans blâme, Usa sa vie.
5 Pour li doit estre espanie Tamainte larme , Fait maint plour et maint esclame
De vois blecie.
Moult fu de noble lignie, 10 Qui bien l'entame :
En Haïnnau prist son baptame ,
Là fu nourie ; Des fleurs de lis est partie De par le famé.
15 Or gist desous une lame , Dont il m'anuie.
Car d'onnour ,
De retour
Et d'atour 20 A esté la souverainne
Puis le jour
Que demour
Et faveur A eu et son séjour 25 En la terre qui est plainne
De dolour ,
De tristour
Pour s'amour.
30 Et c'est bien raisons que pour Tele dame doel on mainne :
Quant savour
Sa valour , Sa douchour , Ne m'esmervel se tout plour 35 Sont pour lui h longe alainne.
Quant la bonne et belle , La sage et loyelle , Sans juste querelle , Mort , tu nous a pris ,
40 Fausse t'en appelle
Et très desloyelle.
Las! quele nouvelle Pour tous ses amis!
Tamainte pucelle ,
45 Dame et damoiselle ,
Ont perdu à elle En pluiseurs pays.
En dons fu isnelle , N'est drois qu'on le celle.
50 Phelippe on l'appelle ,
Fille fu jadis
Au bon conte Haynnuier , Le preu , le fier, Diex li voelle à l'arae aidier I 55 Car quant à la roïne pense , Moult bien en doient pryer
De coer entier Roi , duch , conte , chevalier Et dames de grant reverense.
60 Honneur ama et tint chier Et de legier Sa vie puet tesmoignier Comment resgna en grant prudense.
Son vivant fist dedyer
AMOUREUS. 287
65 A Westmoustier
Sa sépulture et taillier Ricement et par excellense.
Ensi que dame avisée, Considerans en pensée
70 Que ceste vie esgarée
N'a qu'un petit de durée , Pluiseurs fois à recelée
Disoit che as siens :
« Mors est cose asseûrée
75 « A pluiseurs ; ma porte on gré€ « Que, lorsque serai passée, « De priés leur sera gardée, »
Et lors la dame honnourée Departoit ses biens.
80 Par li a esté donnée
Mainte aumosne et estorée, Tamainte messe chantée , Mainte église reparée ; Onques ne fu saoulée
85 De dire à tous « tiens ».
Dou sien a esté doée Mainte dame et mariée , Mainte pucelle assenée , Mainte vesve confortée ,
90 Et tout chil de sa contrée.
Car sur toutes riens
Les gens en amoit ; Prisoit et looit ; Dou sien leur donnoit 95 Et les retenoit.
Sans nulle sevrance Son usage avoit;
L'église honneroit , Son signeur prisoit ,
100 Ses enfans veoit
De plainne habondance ; Tout tamps lie estoit , Jeuoit et chantoit , A tout s'esbatoit ,
105 Car elle y prendoit
Solas et plaisance.
Hé mi ! qui poroit Recouvrer de droit Tele , où qu'elle soit ,
110 Par foi , on feroit
Riche recouvrance.
Car liece Et gentillece.
Francise , sens et noblece 115 Se doelent ore^ moult fort.
Las ! où esce Où m'i adrece , Qu'onneur , renom et largece Poront prendre leur ressort.
120 De jonece ,
Tant qu'en foiblece , A esté voie et adrece De tous biens plus qu'oultre bort.
Las ! tristece 125 Le coer m'empece
Et souvenir moult me blece, Quant si noble corps voi mort
Que la roïne hiretiere D'Engletiere, 130 Qui d'estre large aumouniere
AMOUftECS. 289
Onques heure ne se faint.
De conquerre un coer legiere
Et ouvrière Estoit; maint en sont derrière.
135 Très bon chevaliet" î-emaint , Bacheler et à baniere ,
Qui jà tt'iere Avanciés , mes ma très chiere Dame les y a ataint, 140 Tant par dons que par pryere ;
La manière En sceut. Or ait s'ame entière Glore où sont saintes et saint.
Elle vali tant , 145 Son bien recordant ,
En considérant
Et ymaginant
Ses nobles semilles ,
Que clerc en lisant 150 Et prestre en chantant ,
Ordenés mendiant ,
Canonne en priant
Messes et vegilles
En diront errant , 155 En lui lamentant
Et recommendant
Son estât poissant
Et les domicilies
De lui , en disant :
160 II furent si grant ,.
Qu'il est apparant
Elle eut son vivant
.vii. fils et .V. filles :
Preu et hardi ,
Agensi
Et garni
Et joli
Et furni
De sens et d'emprise.
D'elle n'issi ,
Je le vi
Et servi ,
Tant en di ,
Par merci ,
Qu'onneur et francise.
Je certefi
Et affi
Qu'ennemi
Et ami
Ont à li
Perdu. Quant g'i vise ,
Je m'en soussi
Et grami
A par mi,
Et maudi
dr
Sans detri
La mort qui l'a prise.
Hardie fu que d'envaïr,
Pour nous tollir, 190 Le désir
Et l'amour de maint gentil homme ; Car d'elle veïr Par bon loisir Et oïr , 105 C'estoit plaisance à tout preudomme. Toutes gens chérir , Bel retenir ,
AMOUREUS. 294
Conjoïr Les savoit si bien que sans somme 200 . De doel et d'air
Plaindre et frémir Et gémir Las! me couvient quant je le nomme.
Et si li cuers m'atenrie 205 Que priés que pâme ,
Mes humlement vous reclame ,
Yirge Marie , Que l'aies en compagnie Et que soie ame 210 Soit, pure comme une.jame, Es chieuls ravie , Et li soies bonne aïe ,
Car de droit famé, Sans reproce et sans diffame 215 Et sans envie,
Fu au monde. Or soit garie
De ceste flame Qui nuit et jour art et flame , , Je vous en prie.
Newcième Lay.
A Dieu , souspirs, de tous biens plains ! A Dieu , loyaus et chiers compains I
Tu as maint jour Pris en mon coer ton droit séjour, 5 J'en sui certains ;
A Dieu , qui est li souverains De tous mes confors dedentrains !
A Dieu , mon plour I Je t'en pri , pense en quel dolour
293 LÀYS
10 Pour toi remains ;
A Dieu , pensers vrès et hautains I
A Dieu , dous souvenirs humains !
Ta grant douçour
M'a conforté en ma langour 15 Tous soirs , tous mains.
A Dieu, à Dieu, biens deforains!
En grant pensée estoie orains , Mes en grignour
Demeur pour toi , et se je plour , 20 Je n'en puis mains,
Quant si prestement.
Si secrètement,
Sus un pensement Ensi de moi t'esvanuïs , 25 Si ne sçai comment
Ne eom sagement
Au département Es enfourmés , et si t'enfuis.
Je t'en pri , aprent 30 Quels désirs m'esprent ,
Messagiers d'entendement vuis ;
J'ai jà longement
Sans aliegement
Usé mon jouvent.
35 Riens celer ne te doi ne puis ;
Car tu m'as Haut et bas , En tous estas, Tenu compagnie; or vas 40 A l'aventure.
De moi as En tous cas
AMOUREUS, 293
Les certains cas Que por grasce avoir pourcas.
45 Or t'aventure ;
Quant venras Ou veras Ma dame , hélas !
Di li , ne l'oublie pas , 50 Les mauls qu'endure.
Tant sui las N'ai solas Ne nuls esbas, Et comme bons advocas, 55 Fai l'ent segure.
Plus je ne parrai Ne ne souspirrai, Ains quoi me tendrai , Tant que te verai
60 Retourné arrière.
En estant serai Ou je me girai Ou je me serai , Et lors penserai
65 A ma dame chiere ;.
Mes , voir , je ne sçai Comment m'abstenrai De crier hahai !
Quant ne te porai
70 Sentir où que g'iere.
Revien sans délai , Car sans toi je n'ai Nul bien ne n'aurai , Et pour ce brief fai
75 Toute ma proyere.
Di H bien
Que mi bien , Sans regard et sans moyen ,
Sont en soi ; 80 Je n'ai rien
Ne soit sien.
Encor au partir retien
De par moi ,
Que tant crien 85 Le maintien
Des mesdisans et l'engien
Qu'en euls voi ,
Que j'en tien
Et abstien 90 Souvent le corage mien,
Par ma foi.
J'aim mieuls languir Et moi oifrir , A ce qu'uns amans poet souffrir, 95 Que faire chose ne dire Qui puist périr Ne amenrir En moi le très doulc souvenir Qui m'esjoïst , Diex li mire.
100 Mon vrai souspir ,
Mon doulc espir , Prent dont congé au départir , Et si conçoi mon martire.
N'ai pas loisir 105 De toi finir
Toute ma vie -et mon désir , Mes encor te voeil descrire :
Il n'est joie , Qui m'esjoie.
AMOUREUS. 295
110 Or te pri, fai dont que j'oie Brief noncier Ce que j'ai chier :
C'est qu'on croie Et qu'on voie 115 Qu'à ce grant besoing t'envoie Tesmongnier Mon destourbier.
Ne poroie Ne saroie , 120 Ce m'est vis , en ceste voie Messagier Mieudre envoyer , Ne qui doie L'uevre moie 125 Mieuls moustrer ne que je soie Ou dangier Dont n'ai mestier.
Car ma maladie A ta départie
130 N'est point amendrie ,
Ains se monteplie Toutdis plus en plus , Ne je ne voi mie Quel chose m'aie
135 Quant ta compagnie
Me fault et t'aie , Dont toute vertus M'est ou coer nourie.
Las ! or m'est changie
140 Ma joieuse vie
En mélancolie , Si m'en troeve nus De plaisance lie,
Et pour ce te prie , 145 Ma bepongng oie ,
Revien, quoi qu'on die; Je ne requier plus
Qi^e toi brief ravoir Ou pooir 150 Et ou manoir
Dont tu es partis ; J'ai très grant voloir De savoir S'en noncaloir 155 Me tendran toytdis.
Fai bien ton devoir De veoir |]t concevoir En quoi j'ui meçpris ; lôO Di que coer plus npir
Dou mien , voir , Ne san§ csspoir N'a en ce pays,
J'aiï^ ^Qi^ 4^part 165 Pour ce qu'il pjiyi,
De celle part Où li mauls de plus près me touche ,
Mes il m'est ^rt ,
Se Diex me gart , no Que cil espart
Qui me sont issu d^ Ifi bouche ,
Aient leur part
D'un doulc r^gart
Et qu'on Ip^ gar^ 175 Telement qu^ n\^lg ^'| ^tp.iiche ,
Fors ççUe à part
AMounEus. , 297
Pour qui espart Sont sans fauls art ; Di le ensi à la simple et douce.
180 Et qu'elle soit enfourmée Quç si loyalment amée Est de moi , qu'il n'est riens née Qui me plaise ne agrée, Fors l'enterinne pensée
185 Que j'ai devers li ;
Mes celle est si bieji fourmée Dedens mon coer et fremée Que jamès n'en ert sevrée.
Mes ton départir m'effrée
190 Por ce qu'à la très loée Que j'aim et crienc si , Ne dies à la volée Comment ma vie est fcienée.
Attent temps , heure et journée ,
195 Et quant tu l'as avisée , Di par parolle attemprée :
« Certes je le vi , « Quant de lui fis dessevrée , « Qu'à face toute esplorée
200 « Et de samblance esgarée,
« A vois basse et près oultrée , « Me dist à une alainnée « Seulement : hé mi ! »
Revien , souspirs , trop na'es lontains 205 Revien , m'amour , et si estains
La grant ardour Qui me fait taindre la couleur
En pluisours tains.
Revien , confors , et ne t<| fains ,
210 Et si me soies plus proçains , Car ta vigour Me poet bien rester la rigour
En quoi je mains ; Revien , et si regarde au mains 215 Les cris , les larmes et les plains Que je savour ; On poroit bien en ma suour
Laver ses mains.
Revien , revien , vrôs sens mondains , 220 Je suis pour toi pales et tains Et en tristour , Mes je serai à ton retour Hetiés et sains.
Dixième Lay.
Douls amis , ta revenue M'esvertue , Et mon coer se rit et jue Pour t'amour , 5 Car il prent en ta veiie , Que veùe N'ai de lonc temps , grant ajue
De baudour , Et si sui par ton retour 10 De vigour ,
De plaisance et de douçour Pourveûe ; Si t'en grasci et aour Nuit et jour , 15 Quant tu m'as pour le millour Secourue.
Amis , je soloie , Quel part que j'aloie ,
AMOUREUS.
Estre simple et quoie ,
20 Ne en moi n'avoie
Nul esbatement , Ains imaginoie Que tousjours pensoie , Quant seule j'estoie ,
25 Comment je veroie
Ton plaisant corps gent , Et ne desiroie Ne à Dieu prioie , Fors qu'aucune voie
30 Te mesist à voie
De retournement.
Dont or me resjoie La venue toie , Car elle m'envoie
35 Souffisance et joie ,
Saces vraiement.
Plus n'arai
Ne serai
En esmai 40 De ton corps plaisant et gai ,
Dieu merci ,
Quant je sçai ,
Sans assai
Et de vrai , 45 Que sain et hetié je t'ai
Dalés mi ;
S'en ferai
Et vodrai
Mon hahai 50 Muer en joie , et .en glai
Mon souci ,
Et dirai ,
OOO LAYS
Où j'irai
Et venrai , 55 A bonne heure t'enamai , Mon ami.
Car si sui de souffisanca Et de parfette plaisance Raemplie , 60 Qu'il n'est mie
Famé en vie A qui de tant monteplie Qu'elle fait par habundance A moi selonc m'esperance.
65 S'en grascie
Et mercie La mestrie D'amours et la seigneurie , Quant par sa douce ordenance 70 Je sui de sa pourveance Si partie Qu'assouvie Et garnie , Confortée et çonseillie 75 De tous biena à ma séance , Et m'en trouve en contenance Envoisia , Gaie et lie Et joliq , 80 Dont je sui acompa-gnie.
Car la grande loyauté , Garnie de vérité ,
Qui est en toi »
Et la parfette bonté , 85 Plainne de hardieté ,
AHOtlRBUS. soi
Que g'i perçoi , Me tient en jolietë , En liece et en santé ,
Mes, par ma foi, 90 Un yver et un esté
Ai forment pensieve esté ,
Ensi le croi.
Car qui bien aime , il li ftiult
Maint assaut 95 De paour prendre et souffrir ; En peu d'ore coers tressant ,
Et lors sault D'aventure un souvenir Qui le coer tire au bersaut 100 Et l'assaut
Telement qu'il fait tenir Souvent le chief bas et hault ,
Dont de sault J'ai eu moult à sentir.
105 Car je pensans ,
Regardans , Considerans Et imaginans La grief aventure 110 Des assallans ,
Deffendans , Requerans , Et les périls grans Où on s'aventure , 115 Trestous li sans
Fremissans , Fourmians M'estoit ; car je sans
Toi noiant ne dure.
120 Or m'est li tamps
Deduisans
Et plaisans ; Seans et estans , Toute m'assegure.
125 Qui poroit
Ne qui saroit A mon coer confort donner , Se n'estoit Ce qu'on te voit 130 Sain , lié et gai retourner.
Sans cesser Tout mi penser Ne soloient aultre esploit Aviser 135 Ne deviser ,
Fors comment on te veroit.
Or reçoit Mon coer et boit Toute douçour sans amer , 140 Quant perçoit
Toi qui me doit Par raison reconforter.
Ton juer , Ton doulc parler 145 Me soustiennent orendroit ; Saouler , Au regarder Toi , ne me puis ; or m'en croit.
Tu es ma souffisance plainne , 150 Tu es ma joie souverainne ,
Tu es le confort qui sans palnne
AMOUREUS. 303
Me tient en plaisance et en bien.
Je ne sui de riens si certainne
Qu'il n'a sus moi n'en mon demainne 155 Coer, amour ne pensée humainne
Dont dire ne poes « C'est tout mien. »
Onques Genevre , Yseut , Helainne ,
Ne Lucresse qui fu Rommainne ,
Ne de Vregi la chastelainne , 160 N'ama cascune tant le sien
Que je fai toi. A ce m'amainne
Amour qui m'a en son demainne
Et qui à son gré me demainne
Pour ton amour , saces le bien.
165 Et mieuls employer
Mon temps je ne quier
Que toi exaucier ,
Amer et prisier , Douls amis.
170 Car ton corps legier ,
Ton corage fier ,
Ton sens droiturier ,
Et ce que si chier M'as toutdis , 175 Me font solacier
Et esbanoier ,
Nuit et jour veillier v
Et estudyer Par avis , 180 Comment de legier
Me doi efForcier
Et à tous noncier
Par grant desirier Jus et ris.
