LAY
185 Tant me souffist
Qu'onques ne fist , Je sçai de fit , Mieuls ne si bien que maintenant Mon coer le dit , 190 Qui s'esjoïst
Et resjoîst , Douls amis , en toi regardant.
Car ton samblant , Doulc et riant 195 Et attraiant,
De souffisance me remplist ; Et saces , quant Tu m'es devant , Que j'ai otant 200 De joie qu'onques famé en prist.
Tout ce nourist Et assouvist Mon coer qui vit En estât gai et déduisant.
205 II se derii
Et se defrit Et si s'escrit Li très joious d'or en avant , Car esbatant , 210 Reconfortant
Et confortant Troeve souvent mon esperit , Regraciant En joie graart 215 Et merciant
L'eure qui au retour te mist.
Car toute joie deiief M'est creùe
AMOUREUS.
Ne plus ne so taint ne mue ~20 Ma couleur ,
Qui longement s'est tenue
Pale et mue , Et moult a esté batue De dolour.
225 Certes , amis , c'estoit pour Ton demour , Dont j'en ai mainte paour
Soustenue.
Mes , Dieu merci , à bon tour 2^0 Sont mi plour
Reverti , quant par honneur Te salue.
Onzième Lay.
(Se .rouve inséré dan» la Prnon amoureuse; l.s 3 première. ..rophes, „. 283 v m=> 9«lerniére».p. 330. V. 3515. ^o-J, ^. ^H-,
Douzième Lay.
(Se trouve dans le huwon de Jeunesse, p. 105, v. 3552.)
Treizième Lay.
(Se trouve dans le Buisson de Jeunesse, p. 154, v. 5194.)
Entre Aubrecicourt et Mauni Près dou cliemin , sus la gasquière , L'autre jour maint bregier oï , Ensi qu'à heure de prangiere.
5 Là disoit Levrins Cope-osiere :
« Seignour , veïstes vous point hier Chevauceurs par ci chevauchier Ne houpelandes deviser?
J'en vi caseun une porter , 10 Mes j'en oc joie si très grande Qu'onques puis ne fis que viser A vestir une houpelande. »
— « Houpelande , vrès Diex , hé mi ! » Ce li dist Willaraes Louviere ,
15 « Et que poet estre , or le me di ;
Bien cognois une panetière ,
Un jupel ou une aloiere
Unes wages , un aguillier ,
Un lièvre , un coler , un lévrier , 20 Et se sçai bien moutons garder,
Sainnier et le pousset oster ;
Mes je ne sçai , si te demande ,
Qui te poet mouvoir de penser
A vestir une houpelande. »
25 — « Je le te dirai , entent ci :
C'est pour la nouvelle manière ,
Car l'autrier porter une en vi ,
Mance devant , mance derrière ;
Ne sçai se la vesture est chiere, 30 Mes durement fait à prisier ;
Bonnes sont esté et yvier ,
On se poet ens envoleper,
On y poet ce qu'on voet bouter ;
On y reponroit une mande, 35 Et c'est ce qui me fait penser
A vestir une houpelande. »
— « Par ma foi », dist Anseaus d'Aubri ,
« Je sçai bien qu'au temps çà arrière
Bregiers les portoient ensi , 40 Mes c'estoit de toile legiere,
Car encor ai je la première
Qui fu à mon taion Ogier. »
Dont dist Adins, li fils Renier :
« Ansel , pour le corps Saint Omer , 45 Veuilliés le demain aporter ,
Se metterons sus no viande ,
Car aussi puis je désirer
308 PASTOUIŒLLES.
A vestir une houpelande. n
— « Seignour » , dist Aloris d'Aubri , 50 « Et foi que je doi à saint Pierre,
G'irai à Douai samedi , S'acheterai une aune entière De drap , se ferai la plus fiere Qu'on vit ains porter sus bergier.
55 En aurai je assés d'un quartier
De drap pour faire ent une ouvrer? »
— « Nennil ; il t'en faut pour doubler Noef aunes d'un grant drap d'Irlande. »
— « Haro! trop me poroit couster 60 A vestir une houpelande. »
Princes , là les vi aviser Et dire entre euls et deviser :
C'est bon qu'à tous bregiers on mande Que cescuns se voeille accorder 65 A vestir une houpelande.
Entre Eltem et Wesmoustier , En une belle preorie , Cuesi pastoureaus avant hier ; Là avoit en la compagnie 5 Mainte faitice pastourelle, Dont au son d'une canemelle Cascuns et cascune dansoit.
Dist uns bregiers qui là estoit :
« Efforçons nous, pour Saint Denis , 10 Car errant par ci passer doit Cils qui porte les flours de lys. »
PASTUUUELLES. 509
Adont dist Marôs dou Vivier :
(( Or me dittes , je vous en prie ,
Porte il ces flours en un panier , 15 Ou il les donne , ou il les crie?
Qu'en vent il plain une escuielle?
C'est une fleurette moult belle ;
De la flour de lys orendroit ,
Qui un chapel fait en auroit , 20 II en seroit trop plus jolis ;
Je croi que bien en fineroit
Cils qui porte les flours de Ijs.
« Pour ce me vodrai avancier
Et aler ent à chiere lie 25 Vers lui , et li vodrai projer
Qu'il m'en doinst par sa courtoisie ,
Et il aura ma cornuielle ,
La musette et la flahutelle ,
Dont mon frère m'esbanioit. »
30 Dist Raouls qui oï l'a voit :
« Esce or à bon sens que tu dis?
Cuides tu qu'un bregier ce soit
Cils qui porte les flours de lys? »
« Nennil , point n'est de no mestier , 35 Ains est rois de noble lignie ,
Sique , pour li mieuls festyer ,
Il nous couvient à ceste fîe
Mettre en ordenance nouvelle. »
— « C'est voirs » , ce respont Péronnelle , 40 Qui moult bien oïe l'avoit ,
« Et si bien se desgiseroit ,
Mes qu'il euïst tous ses abis ,
Que jà ne le cognisteroit
Cils qui porte les flours de lys. »
45 Lors prisent à entrechangier Leurs abis de la bregerie.
Gobins vesti uu grand loudier Et Guios une sousquanie , Sus se chaindi d'une cordelle ;
50 Et Perrotins sus une aisselle D'un blanc bastoncel tamburoit , Et Adins la danse mehoit , Qui souvent disoit par grans ris :
« Diex , pourquoi ores ne nous voit
55 Cils qui porte les flours de lys ? »
Princes , je les vi là endroit , Où cascune et cascuus chantoit A l'usage de leur pays :
« Li très bien venus ores soit 60 Cils qui porte les flours de lys ! »
Pour aler à Melun sus Sainne , Ens ou droit chemin de Paris , Assis dalés une fontainne Vi l'autrier bregiers jusqu'à sis.
5 Là oï que li plus faitis
Dist : « Signour, nous aurons bon temps, Car on a , ens es lieus des frans , Fait forgier florins tous nouviaus , Mes je croi qu'onques pastouriaus ,
10 Fust de Piquardie ou d'Artois , N'a point veù parels de ciauls , Qui vaudront .xx. sols de tournois. »
— « Vingt sans! » ce dist Perros Dumainne, Qui dou parler fu esbahis ;
15 Ma mère , qu'on appelle Helainne ,
A de saus tous plains ses courtis
Et d'arbrissiaus , grans et petis ,
Qu'elle j fait planter tous les ans ,
Car mon bon père , sire Adams , 20 Les aimme moult , et les auniaus ,
Les cornilliers et les franiaus ,
Et toutes manières de bois.
Parles tu pour tels arbrissiaus ,
Qui vaudront .xx. sols de tournois?»
25 « Et se me cognois bien à lainne ,
S'elle est de Meaus ou de Senlis ,
Et quant une brebis est sainne ;
Et se sçai bien mangier pain bis ,
Maton , bure et frommage pris ; 30 Et quant il est li Sains Jehans ,
Je sçai moult bien aler aus champs
Coeillier lettues et poriaus ,
Et se sçai moult bien faire aniaus
De jons qu'on met dedens ses dois, 35 Et d'estrain aussi tels ehapiaus ,
Qui vaudront .xx. sols de tournois. »
Dist Perros , qui de ce se sainno :
« Or pert bien que tu es chetis , Quant tu as jà plus de quinzainne
40 Demoré dedens ce pays
Et se ne cognois , ce m'est vis .
L'ordenance qui est plaisans. »
— « Mes, Dieu, non, » ce dist Engherrans, « Je cognois trop mieuls mes agniaus ,
45 Mes brebis et mes moutonciaus , La saison , le terme et le mois Soit aux bouchiers ou aux maiseaux ,
Qui vaudront .xx. sols de tournois.
Ce dist cils : « Se tu y rens painne ,
50 Je t'arai assés tos apris
Des florins la cause certainne :
C'est uns rois entre flours de lys Dedens une chaiere assis Entre deus daufins souffissans ,
55 Et s'est sus deus lyons passans Vestis de propres draps royaus.
Li ouvrages en est moult beaus; Ens est escris « Charles li Roix », Et royaus appelleran chiaus
60 Qui vaudront .xx. sols de tournois. »
Princes , je respondi à yaus , Tout ensi m'ait sains Marciaus , « Se florins me donne li roix , Je recognisterai bien ceauls 65 Qui vaudront .xx. sols de tournois. »
Entre la Louviere et Praiaus, L'autre jour deus bregiers oï , Si entendi que li uns d'eaus En complaindant disoit : « Hé rai !
5 M'amie se voelt marier , Et point ne m'i voeil acorder ; Or sera nostre amour desfette, Se je ne fai ce qu'il li bette.
Conseille m'ent. » — Et resporit cieuls 10 « Et puis qu'nvoir poos la tousettc, Oserois tu demander mieuls ? »
« Je ne sçai», ce respont Anseaus,
« Car mi parent m'ont dit ensi
Que j'aurai à ces quaremiaus , 15 Mes qu'à lor gré m'ordonne aussi ,
Abit pour moi renouveler ,
Corroie , espée et bouqueler,
Gants , wages , jupel et houcette
Et cote à mon point très bien fette.
20 Se tu avoies tels hostieus ,
Si en euïsses la disette ,
Oserois tu demander mieuls ? »
« Et s'ai, que brebis et qu'agniaus ,
Environ un cent et demi ; 25 On dist qu'il n'i a jusqu'à Meaus
Nul plus riche bergier de mi,
Ne qui mieuls se doie assener, »
— « Va » , dist cils , « qu'on te puist tuer ,
Mes que ce soit d'une bourlette ; 30 Quant la très douce bregierette
Tu refuses , c'est grans orgieus :
Se tu poes avoir la doucette ,
Oserois tu demander mieuls ? »
De ce que dist Thieris li Veaus , 35 Anseaus forment se resjoï ,
Et la bregiere aus blons cheviaus ,
Qui gardoit maint mouton joli ,
Les fist de celle part tourner.
Thieris le prist à regarder 40 En apoiant sus sa holette,
Et dist au fil dame Noirette :
« Di moi , plus lours qu'uns kokevieus ,
S'elle voet estre t'amiette ,
Oserois tu demander mieuls ? »
45 La tousette otout deus chapeaus Vint là , s'en baille un son ami.
Adont y fu grans li reveaus , Car cascuns le prist endroit li , Et puis prisent à caroler,
50 Et la bregerette à chanter Une chançon moult nouvelette .
Et disoit en sa chançbnnette :
« Di moi , Ansel , si t'ait Diex , Se je voeil estre t'amiette ,
55 Oserois tu demander mieuls ? »
Princes , je les vi , lés le frette , Tous trois assis sus l'erbelette , Et chantoient par mos gentieus Avec une basse musette :
60 « Oserois tu demander mieuls ? »
Ens uns beaus prés vers et jolis, Assés près de Bonne Espérance , Bregieres et bregiers assis Vi l'autrier en bonne ordenance , 5 Car il orent de pourveance Oisons rostis et gros pastés , Boef , mouton et gambons salés , Bon fromage , puns de j ou vent , Mices tant en voes , tant en prent, 10 Vins en barils et en flacons.
Dist li uns , qui estoit de Mons :
« Beau seigneur, c'est drois que je songne Qu'un mariage ci faisons De Poitevin et de Gascongne. »
15 « Car Poitevins est mes amis ,
S'est moult bien raisons que l'avance ,
Et s'ai esté en son pays ,
Se sçai bien qu'il a grant puissance. »
Dont clist uns qui ot barbe blanche :
20 « Cils Poitevins dont vous parlés ,
Esce uns bregiers acoustumés ?
Sçauroit il faire un ongement,
Une houce ou un vestement,
Ou un jupel à alerons ?
25 Cognoist il brebis et moutons ,
Les scet il garir de la ^ongne ?
Dittes le moi puisque parlons
De Poitevin et de Gascogne. »
Dont respondi Sohiers li gris , 30 Qui au prendre un hanap se lance :
« Par ma foi , tu es un chetis
Et plains de très grant ignorance ,
Quant tu as tant esté en France ,
Et se ne cognois ne ne scès 35 Encor où Poitevins fu nés ,
Qui sont si frère et si parent.
Il a des amis plus de cent,
Moult vault sa grasce et ses bons noms ,
Ames est de tous compagnons , 40 Et pour tant , somme de besongne ,
Le mariage ci ferons
De Poitevin et de Gascogne. »
« C'est voirs » , ce respondi Thieris , Qui fu homs de grant cognissance, 45 Car il ot esté à Paris
Aux escoles très son enfance , S'ot moult tost conçut la substance
Dont Sohiers les ot erjfourraés.
« Beau seignour » , dist il , « or versés 50 De ce vin bien et largement
En ces beaus gobelés d'argent ,
Et puisqu'assis en revel sons ,
James de ci ne partirons ,
Et venist li duc de Bourgongne , 55 Tant que fait la droiture aurons
De Poitevin et de Gascongne. ».
Dont prisent flacons et barils Et versèrent sans detriance ; Le rouge, avec le blanc ont mis
60 Pour faire ent certainne alliance.
A euls oïr pris grant plaisance , Car Sohiers , qui fu li ainsnés , Lor dist : « Beau seignour , regardés Comment Poitevins se deflfent :
65 II saute , il trepe , il frit , il fent Celle Gascongne ; or en buvons , Entroes que le goust en avons.
Il soit perdus qui le ressongne , Car li mariages est bons
70 De Poitevin et de Gascongne. »
Princes , il burent jusqu'au fons De leurs barils grans et parfons , Telement que par yvretongne Il ordenerent là chançons 75 De Poitevin et de Gascon2:ne.
Entre Binch et le bois de Bramne , En l'ombre d'un vert arbrissiel ,
Vi bregeretes en grant painne , L'autre jour, pour faire un chapel ; 5 Et là disoit la fille Ansel :
« Ce chapelet , quant fait l'aurons , A qui or le présenterons?
Je le donrai endroit de mi A Sohelet , mon doulc ami , 10 Qui me dist hier soir en riant Que le duc ravons , Dieu merci , De Lussembourc et de Braibant. »
Adont li TBspondi Helainne :
« Cil parler me sont moult nouvel ,
15 Car on disoit l'autre ier à Brainne Qu'on le tenoit en un chastiel , Car il , de glave et de coutiel , Comme nobles et vaillans homs , A ceulz de Jullers et des Mons
20 Et de Gerles se combati , Et le duc avoit avec li , En arroi noble et souffissant , Maint chevalier preu et hardi De Lussembourc et de Braibant. »
25 « T'esbahis tu se je me sainne Quant on tenoit un tel juiel ?
Que de Bar et de Loerrainne Et de Hainau li plus isniel, Et de Namur li damoisel ,
30 De France et d'autres nations , Escuiers , chevaliers , barons , De combatre prest et garni , Ensi que recorder oï , Ot au jour dont on parla tant
35 Le duc , que tu ramentois ci ,
De Lussembourc et de Braibant. »
« Or nous di qui le nous ramainne , Car, foi que doi à Saint Marcel, N'oï parolles de sepmainne
40 Qui me venissent si à bel. »
Adont respondi Ysabel :
« Par la puissance le ravons L empereour , qui tant est . bons , Son frère , qu onques je ne vi ,
45 Mes on dist , et il est ensi , Que cils que j'ai nommé devant A la ducoise le rcndi De Lussembourc et de Braibant. »
— « Il n'est chose riens plus certainne , » 50 Ce dist la touse dou Hamel ,
« Que nous ravons no capitainnc , Le duc au corage loyel , Qui est issus de sanc royel ; Dont bien resjoïr nous devons , 55 Car nos brebis et nos moutons , Sans avoir doubte ne soussi , Garderons ; car , pour voir vous di , De sanc plus noble ne plus grant Oncques mes dou pays n'issi 60 De Lussembourc et de Braibant. »
« Belles » , di je , « je vous affi , James ne revenrai par ci , S'aurai veii par couvenant Le duc et la ducoise aussi 65 De Lussembourc et de Braibant. »
Entre le Roes et la Louviere
Vi awen dessous un ourmiel ,
Ensi qu'à basse remontière ,
Mainte touse et maint pastouriel , 5 Car on avoit là un juiel
Donné , ensi que dire oï ;
S'en estoient moult esbahi
Les pastouriaus d'oultre le bos ,
Et en tenoient leurs gros mos 10 De ce qu'il leur fu escapés ,
Mes le prix ot esté donnés
A son droit , ce me dist Thieris ,
Car onques mes ens ou pays ,
Ce tesmoignoient li plus sage , 15 On ne vit bregiers si faitis
Selonc le bregerois usage.
« Or m'en recordés la manière , »
Di je à celi , « pour Saint Marcel, »
— « Volentiers », dist cils, « par Saint Pierre. 20 II estoient tout d'un hamiel ,
Et avoit cascuns un jupiel
De toile long et le vesti ,
Et estoient sus çaint par mi
A replois ou ventre et ou dos , 25 Holettes portans à leurs cols
Et orent solers takenés ,
A quatre noiaus reversés,
Wans , wages , chaperons petis
Et chapeaus sus leurs testes mis , 30 Qui lor acouvroit le visage.
N'estoit ce pas uns bons abis
Selonc le bregerois usage? »
« Riens n'est qui au mestier afiere , Qu'il n'euïssent tout de nouviel :
35 Sacheaus , trellis et panetière Lacie au costé d'un cordel , Aloyere , bourse et coutel , Escorgies , boistes aussi Et cloquettes de Saint Rémi ,
40 Pipes, canemeaus et flagos Et musettes à bourdons gros , Tamburs et esclifes trawés , Fecces de soiles et de blés .
Ongement à oindre brebis ,
45 Chiens en laisse , colers , rivis , Et se parloient un langage, Onques si bons ne fu oïs Selonc le bregerois usage. »
(( Et pour faire la feste entière 50 Et mieuls avenir à revel ,
Cascuns bregiers ot sa bregiere , Arrée gentement et bel De blanc cainse et de court mantel , Qui lor avenoit jusqu'à ci , 55 Et mis un chapelet joli De perselles et de pavos , Et portoient godes et pos Où du buvragc avoit assés , Tous tels qu'il court parmi les prés.
60 Et quant il se furent assis , Gasteaus sachierent et pain bis , Aus , porions , sel et fromage.
Ne deurent cil avoir le pris Selonc le bregerois usage?
G5 « Et ceuls que tu vois là derrière ,
Qui s'assemblent en un tropel ,
Il sont de Thier et de Triviere
Et ont juré saint Daniel
Pour ce qu'on donra un agniel 70 Dimence à la feste à Givri ;
Dou gagner se sont ahati ,
Se bienfaires poet avoir los ,
Car nuls ne saura leur pourpos ,
Si les vera on acemés.
75 Aussi tu vois à l'autre lés
Ceuls de Senefte et des Bastis ,
Qui prendent entre euls un avis
Comment il feront ce voiage ,
Et en euls desgisant toutdis 80 Selonc le bregerois usage. »
Princes , j'en jurai Jhesucris Que pour despendre cent parsis Et pour layer ma cloque en gage , Je verai les jus dessus dis 85 Selonc le bregerois usage.
Entre Luniel et Montpellier , Moult près d'une grant abbeïe , Vi pastourelles avant hier Seans en une preorie.
5 Je me mis en leur compagnie Pour leur ordenance veoir , Aussi pour nouvelles sçavoir.
Si entendi que Honnourée Disoit à sa serour l'ainnée :
10 « Las! mon ami que j'aime tant Se part de moi , et ne sçai quant
Il retourra en ce pays , Mes il prist congié en riant, Li beaus , li bons et 11 gentils. »
15 « Aultrement , Diex me puist aidier , J'euïsse esté trop couroucie , Mes au partir me vint baisier Et me dist : « Adieu , douce amie ! » Et je li di à ciere lie :
20 « Adieu , Robin , tant qu'au revoir. » Il s'en va ; c'est pour mieuls valoir , De ce sui toute assegurée .
Mes je sui en coer trop troublée ; Car il emmainne tout juant
25 Tristran , Hector , Brun et Reliant , Quatre lévriers que j'ai nouris ; Faire en devra un présent grant Li beaus , li bons et li gentils. »
Lors respondi la fille Ogier :
30 « Or nous dittes , belle Soussie , Quel part est il allés logier? Esce or en Prouvence ou en Brie , En Auvergne ou en Piquardie?
Le t'a il dit point au mouvoir? » — 35 — « Oïl » , dist elle , « j'ai espoir Qu'il s'en va en une contrée D'un prince de grant renommée , Sage , large , noble et vaillant ; Nommer le vous voeil maintenant :
40 Gaston s'appelle en ses escris , Fois et Berne tient , je m'en vant , Li beaus , li bons et li gentils. »
— « Gaston » , dist la iille Olivier ,
« Par le corps la viergne Marie , 45 Onques mes je n'oï bregier
Nommer ensi jour de ma vie ,
Ne en toutte la letanie
Nul Gaston n'i puis percevoir.
Mes or nous di de Gaston voir :
50 Scet il de no mestier denrée ,
Ne d'une canemie lée
Sauroit il juer tant ne quant ,
Ne danser au pié de Braibant
A la manière de jadis , 55 Si com fait mon frère Engherant ,
Li beaus , li bons et li gentils? »
Adont dist Mares dou Rosier :
« Tais toi , foie bien adrecie ;
Quant tu voes mettre un tel princier , 60 De si noble et si grant lignie ,
Ou nombre de la bregerie ,
On t'en deveroit bien ardoir.
Saces qu'il a sens et pooir
Et largece continuée , 65 Et tient terre si bien gardée
Que nuls n'i fourfet un besant ,
Tant qu'ommes , femes et enfant
En regracient Jhesucris ;
Di , vit dont en bon couvenant 70 Li beaux , li bons et li gentils ? »
« Belles » , di je , « je vous créant , Aler me ferés si avant Que j'esprouverai , j'en sui fis , Se tels est comme aies disant 75 Li beaux , li bons et li gentils. »
En un beau pré vert et plaisant, Pardessus Gave la rivière , Entre Pau et Ortais séant , Vi l'autre ier ensi qu'à prengiere 5 Maint bregier et mainte bregiere Qui devisoient des estas , Des liaus , des moyens et des bas , Sans parler de leur bregerie , Mes d'armes et d'arraoierie
10 Leur oï beaucop deviser ,
France et Engleterre nommer , Portugal , Castille aux chasteaus , Navare , Aragon et Bourdeaux , Osterice , Bretagne et Blois ,
15 Et pas n'oublioient entre eauls Les armes de Berne et de Fois.
Et encores trop plus avant Je leur oï nommer Baiviere , Flandres , Lussembourc et Braibant ,
20 Bourgongne , Haynau et Dompiere , Savoie , Saussoire et Rivière , Boulongne , Genève et Damas , Champagne, Artois, Cippre et Baudas, Constantinoble et Hermenie ,
25 Alemagne , Bar , Hongerie , Lanclastre , Herbi et Mortemer ; Et puis leur oï rassembler Wivres , tasses , chiés et labiaus , Bendes , bares , peus et aigliaus ,
30 Coquilles , hamedes et crois , Et encor y nommoit Buriaus Les armes de Berne et de Fois.
Adonques vi un bregier grant ,
Qui s'appelloit Ogier Louviere , 35 Qui salli tantost en estant
Et mist main à une aloiere
En disant : « Seigneur, par saint Piere ,
Je puis bien parler de tel cas ,
Car mon père, seignour Thomas, 40 En fu ouvriers toute sa vie ,
Et tant servi chevalerie
Qu'il y aprist à blasonner ;
Et encores pour l'esprouver ,
Tenés , velà en deus fardeaus 45 Banieres et escucons beaus.
Or regardés dedens le plois
Se point trouvères entres ceauls
Les armes de Berne et de Fois. »
Adont vi un bregier Normant 50 Qui trença tantos la lanière
D'un fardief, et dist en riant :
« Oïl , par sainte Geneviere ,
Vé les ci d'armoirie ciere
Ouvrées sus bon camoucas.
55 Beau seignour, or n'oublyés pas
Le vaillant conte qui les crie.
La ducoise de Normendie
Et ceste d'Orliens , c'est tout cler ,
Pot un jour les vies sauver 60 En France , en la cité de Meaulz.
En batailles et en cembiaus
A on bien veu pluisours fois
En baniere et en pennonceaus
Les armes de Berne et de Fois. »
65 Adont dist la fille Engherant :
« Feroit on riens à ma proyere ? »
— « Oïl, quoi? » — « Devise me errant De l'armoirie la manière. »
— « Comment les veus tu ? En baniere ? » 70 Respont Anseaus. « Tu les auras.
Le champ est d'or , c'est uns beaus draps , Mais d'Arragon il se champie , Car il en descent de lignie , Si les poet et doit bien porter ;
75 Et Berne est , au voir ordener , De deus vaches en rouges peauls Passans, et à leurs hateriaux Ont esquieres d'asur , c'est drois.
Or va , faic poindre en tes jupeaus
80 Les armes de Berne et de Fois. »
Princes , encor li dist Anseaus :
« On t'a bien taillié tes morseaus ; Par raison ores tu cognois , Se plus lourde n'es qu'uns vaneaus, 85 Les armes de Berne et de Fois. «
En un pré gracieux et gent , Près d'un bois entre deus rivières , Vi l'autrier en esbatement Moult de bregiers et de bregieres.
5 Cainses , jupeaus et aloyeres Portoient selon leur usage; Là se tcnoicnt li village Tout d'un lés par bonne ordenance.
hh estoit mise en remoustrance 10 Laquclc cnporteroit le pris , Car fais avoit esté uns cris
En pluisoiir hameaus là autour , Que par plaisance et par amour .
Sus qui que cheïst le merelle , 15 On devoit sans faulte en ce jour Donner la rose à la plus belle.
Là oï nommer Yolent :
Celle fu toute des premières
Et soustenue longement ; 20 Et puis disent Jehans et Pieres
Que Katherine de Linieres
L'avoit gaagnié d'avantage ,
De gent corps et de beau visage
Et de très friche contenance.
25 Oh mist ceste chose en souffrance
Tant que le voir en fust oïs.
Ce conseil donna Vacaris ,
Qui lor dist ensi : « Beau seigneur ,
Encore y a tele de Dour , 30 Qui est si gente pastourelle
Qu'on ne poet ailiours par honneur
Donner la rose à la plus belle. »
Lors se misent en jugement Les pastoureaus sus les bruieres.
35 Ce dist Raouls : » Or tos , comment Ferons nous , qui sera jugieres, Ordonneres et conseillieres Des pastoures dessus l'erbage? »
— « Ne sçai » , dist Oudins dou Crousage ; 40 « Avés vous point veii Constance ,
Une vestie toute blanche ,
Très belle et de corps et de vis ? »
— « C'est voirs » , ce respondi Davis , « Elle est de gracieus atour ,
45 Et jà voelent cil de Baudour Moult fort soustenir sa querelle , Et pluisour qui sont venu pour Donner la rose à la plus belle. »
Jà li voloient le présent 50 Acorder , mes Guis de Fouquieres Lor dist : « Vous veés en présent Venir Ysabelet des Pieres :
Sus li ne fault herbes ne pieres Pour estre gracieuse et sage , 55 Friche en maintien , douce en langage , Et sa beauté oultre habondance Au regarder prenc grant plaisance.
— « C'est voirs » , ce respondi Thieris , « Quant vous le verés , j'en sui fis , 60 Vous li acorderés la flour. »
A ces mos disent li pluisour :
On voist vers li ou on l'appelle , Puisque nous devons sans demour Donner la rose à la plus belle. »
65 Li uns d'euls parla sagement , Ce fu Dan Jehan de Poquieres , Et dist : « Seigneur , certainnement Ci a gens de pluiours manières ; En droit ne fault dons ne projeres ;
70 Soions d'un fait et d'un corage , Par quoi on ne tiegne à oultrage Nostre œvre ne à desplaisance. »
Cil qui out bonne cognoissance , « C'est bon », ce respondi Henris ,
75 « Mes Ysabelet , c'est mes dis , Gagnera de son droit l'estour. »
Adont sonnèrent un tabour ,
Et si s'en sont Venu verè celle Cil qui doient com jugeour 80 Donner la rose à la plus belle.
Princes , puis vi en un destour Une touse en doel et en plour , Et disoit ensi la pucelle :
« Las ! hui n'ont sceii cil pastour 85 Donner la rose à la plus belle. »
Entre Lagni sus Marne et Meaus,
Près d'un bois en une valée,
Pastourelles et pastoureaus
Vi l'autrier en une assemblée , 5 Et là oï dire Honnourée
A toutes et à tous : « Je pri
Que vous en venés avec mi ,
Je vous menrai en lieu plaisant ,
Bel et ombru et verdoiant , 10 Et se croi qui y foueroit
Aiguë nouvelle y trouveroit,
Car vallée y a près d'un mont ,
Arbres autour qui ombre y font ;
Nous y ferons une fontainne , 15 Et tout cil qui en buveront
S'entr'ameront d'amour certainne. »
— « Je le voeil » , ce respont Anseaus , « "Belle me seroit la journée , Se la pastoure à blons cheviaus 20 Estoit de moi énamourée Et de tel buvrage abuvrée Que je sui pour l'amour de li ;
Onques si bonne aiguë ne vi.
Las ! je l'ai amé jone enfant 25 Et amerai tout mon vivant ;
Mes elle noiant ne m'en croit
Que pour s'amour mon coer pris soit ;
Quant je prie, riens ne respont.
Ensi sa durté me confont.
30 Or me dittes qui ai la painne,
Ysabiel , comment no coer dont
S'entr'ameront d'amour certainne? »
— « Volontiers » , ce dist Ysabiaus , « Toute nouvelleté m'agrée ;
35 Le lieu où nous alons est beaus, Nouvelle aiguë y sera trouvée :
Les pastoureaus de la contrée Et les pastoures autressi Esbatre y vendront : je te di,
40 T'amée y vendra , et lors , quant Tu l'i veras , tout en riant Diras : « Buvés ». Et s'elle boit, Tu buveras , jà n'aies soit ; Et lors tes yeuls li mousteront
45 Comment ton coer pour s'amour font, Si com Paris fist pour Helainne , Et lors vo coer , qui jone sont , S'entr'ameront d'amour certainne. »
— « Par ma foi ». ce dist li touseaus, 50 « Tu es sage et bien avisée ;
« Ensi le ferai. » — Lors entre eaus S'en sont venu en une prée D'arbres autour environnée ; Moult y faisoit vert et joli.
55 Dist la bergerette : <( Veci
Le lieu , or n'alons plus avant ; Fouons ci. » — Il foeent errant De leurs holettes là endroit, Et li aiguë qui desiroit 60 A issir, lor saut contremont.
Il le voient, grant joie en ont , Si dient tout à vois hautainne :
« Fontaine, cil qui te veront , « S'entr'ameront d'amour certainne. »
65 « Seignour » , ce leur dist Bustineaus , « Il fault qu'elle soit carollée. »
— « C'est voirs » , ce respondi Crousteaus. « Or prendés! Je pi-enc Fouquerée. »
— « Et jou Sare » , ce dist Soustrée. 70 Là prist Guis la fille à Fedri ,
Et Robins Tassine d'Aubri,
Oudins Blanche de Saint Venant,
Et Perros la fille à Hermant,
Thomas Marion de l'Aunoit , 75 Et Hubers Hetrut dou Busquoit.
En carollant tout autour vont
De la fontainne, et au reont
Il dient tout : « Joie nous mainne ,
Cil et celles qui ci vendront 80 S'entr'ameront d'amour certainne. »
Princes, là tout d'un acord sont Que la fontainne appelleront Plaisance , pour ce qu'elle est sainne , Et cil qui s'i ombrieront 85 S'entr'ameront d'amour certainne.
Entre Lille et le Warneston,
Hors dou chemin en une prée,
Vi le jour d'une Ascention ,
Droit à heure de relevée , 5 De pastoureaus grant assemblée,
Mes pas n'estoient en revel.
Là 01 Oudin Willemel
Qui dist : « Biau seignour, cils fort erre
Qui aime ne désire guerre ; 10 Car guerre nous a tous honnis.
Tant soloie avoir de brebis
Que ne les savoie où bouter ;
Or n'en sauroie une où trouver,
Et se n'ai eu nul marchant , 15 Fors ce , au vrai considérer ,
L'orgoeil de Bruges et de Gand.
« Mes cils orgieus, qui sans raison A duré entre euls mainte anée , M'a fait perdre tamaint mouton
20 Et mainte brebis bien tousée. »
— « Je t'en croi bien n , ce dist Poupée , « Aussi ai je, et tamaint agniel , Maint boef. mainte vache et maint vel , Je ne cognois ne B ne R,
25 Mes je sçai bien qu'en celle terre N'avéra paix, ne ou pays.
Se le pooir des flours de lys Ne vient la chose refourmer. »
Adont oï dire à Gommer,
30 Un pastourel de Saint Venant :
« C'est fort qu'on voie jà cesser L'orgoeil de Bruges et de Gand. »
« Car ce sont villes de grant nom,
Plainnes d'orgoel et de posnée, 35 Et li homme y sont très félon ,
Qui ne s'entr'aimment de riens née.
Leur haine a en la contrée
Fait ardoir tamaint bon hamel
Et fait trencier maint haterel 40 De mainte grosse riche hère.
Com plus vient la chose, et plus serre. »
— « C'est vrai » , ce respondi Henris , « Perdu y ai de mes amis ,
Qui ne sont pas à recouvrer , 45 Et quanque je puis désirer , C'est que je voie traire avant François, pour faire ravaler L'orgoeil de Bruges et de Gand. »
— « Or ferai ferrer mon plançon , »
50 Ce dist Robins de la Bassée ,
« Mon camail et mon haubregon RoUer, et fourbir mon espée ; Mes que j'aie la teste armée Et au costé mon grant coutel 55 Et ou poing plommée ou martel,
Pour grasce ou pour honneur conquerre , Tellement les irai requerre Qu'on dira que je sui hardis. »
— « Je sui des tiens » , ce dist Thieris, 60 « Car je ne puis orgueil amer.
Mes nous devons de coer penser Au roy Charle, ce jone enfant , Comment il vient de coep oster L'orjjueil de Bruges et de Grand. »
65 — « Beau seignour », ce lor dist Guedon,
« J'entenc que hier de la journée Passèrent de nos gens foison, Car la rivière est conquestée ; A baniere desvolepée
70 Sont deçà passé li royel
Et espars entre Yppre et Cassel. »
Lors dist Rogier de Sauveterre :
« Riens que faire n'a d'euls acquerre ; Puisque gaagnié ont les lis ,
75 Je tienc Flamens pour desconfis , Contre nous ne poront durer , J'en voeil deus dousainnes tuer ; C'est fait, on en voit l'apparant ; A ces cops verés vous finer
80 L'orgoeil de Bruges et de Gand. »
Princes, puis oï dire Orner :
« Nos testes brisons au parler, Brugois et Gantois sont si grant, Que tousjours verés vous régner 85 L'orgoeil de Bruges et de Gand. »
Assés près de Roumorantin , • En l'ombre de deus arbrisseaus , Vi l'autre jour en un gardin Pastourelles et pastoureaus , 5 Et là ordonnoient entre eaus Chapelés de belles fleurettes , Et la oï deus bregerettes Dire tout hault à leurs amis :
« Se sus les chiés nous aviens mis 10 Ces chapeaus, en arions gré ? »
— « Oïl » , ce respont Jouqueré , « Donne moi ent un , je t'en pri ,
Se m'en irai de coer joli A Bourges veoir , car c'est drois , 15 La pastourelle de Berri
Avec le pastourel de Blois. »
Respont ceste : « Par saint Martin ,
Se tu voes qu'il soit bons et beaus
Et loyés de fillet de lin 20 Qui fu pris ou marchié à Meaus ,
Et qu'encor y ait trois houpeaus
De flours blanches et vermillettes ,
Ou qu'il soit tous de violettes ,
Ensi que je le t'ai prommis , 25 Tu me diras tout ton avis ,
Pourquoi ores tu as parlé ,
Ne qui te moet en volenté,
De maintenant partir de ci
Et d'aler ent sans nul detri 30 Veoir. à Bourghes ceste fois
La pastourelle de Berri
Avec le pastourel de Blois. »
— « Belle », dist cils, « par saint Martin,
Point ne me sera li chapeaus 35 Retollus ; pour dire ent la fin ,
C'est uns mariages nouveaus,
Où moult grans sera li reveaus
De bacelers et de fillettes ,
Et se sont les noces estrettes 40 De lyons et de flours de lys.
Li mariés a nom Loys ,
Il est de Haynau d'un costé,
Et de Flandres pour vérité ,
Et s'est fils au bon conte Gui 45 De Blois ; siques pour bien te di
Veoir vendras , se tu m'en crois ,
La pastourelle de Berri
Avec le pastourel de Blois. » *
« On aura là et pain et vin , 50 Gras moutons , cabrils et agneaus ; Se nous y portons un crétin , Nous aurons de bons glous raorseaus. »
— « Haro » , ce respondi Anseaus , « Reponre me fault mes germettes ,
55 Mes moutons et mes brebisettes ; Ce je les perc , je suis honnis. »
— « Va , meschant » , ce dist Aloris , « Tu as trop simplement visé :
Ce sont seignour tant honnouré , 60 Si hault , si noble et si garni , Que tout en serons enrichi ; Tous biens nous donront en ce mois La pastourelle de Berri Avec le pastourel de Blois. » •
65 C'est voirs » , dist la fille à Robin , « Or vestons doncques nos jupeaus Et alons là le bon matin , Et si emportons nos freteaus , Nos muses et nos canimeaus ,
70 Et pas n'oublions nos holettes , Ne nos panetières bien fettes , Les signours en auront grant ris ; Car aussi ai je jà apris Qu'à Cambrai se sont espousé
75 Frère et soer , soer et frère né De Bourgongne et Haynau aussi , Dont nous sommes tout resjoï ; Tout ce dirons à hautes vois La pastourelle de Berri
80 Avec le pastourel de Blois. »
Princes , quant de là me parti , En ordenance je les vi Pour venir veoir , trois et trois , La pastourelle de Berri 85 Avec le pastourel de Blois.
Assés près dou castiel dou Dable , Liquels est au conte Daufin , Vi l'autre ier ordonner leur table Breghieres et breghiers , à fin 5 Que sus n'avoit pieument ne vin , Mes pain et sel , aus et ongnons.
Dist ]i uns : « Beau seignour, buvons De la fontainne qui sourt ci , Bien devons estre resjoï , 10 Et mettre arrière toute songne , Pour le pastourel de Berri Et la pastoure de Boulongne. »
« C'est chose toute véritable ,
Car à Rion fui hier matin , 15 Là vi en estât honnourable
Ceuls qui sont estrait de hault lin ;
Pas n'estoient vesti de lin ,
Mes de garnemens beaus et bons ;
Là vi chevaliers et barons , 20 Dames , damoiselles aussi ,
Et bien sçai que quanque là vi ,
Fait estoit , sans mot de mençongne ,
Pour le pastourel de Berri
Et la pastoure de Boulongne. »
25 — « C'est voirs » , ce dist la fille Orable ,
« Car l'autre jour mist son roncin
Uns escuiers en nostre estable.
Qui sievoit auques ce chemin
Et oï que chevalier fin , 30 Desquels il me nomma les noms ,
En ont travillié vauls et mons.
Saussoire nomma , je t'afi ,
Rivière, la Tremoulle, Assi ;
Cil quatre ont mené la besongne 35 Pour le pastourel de Berri
Et la pastoure de Boulongne »
« Encores me dist un notable
Li escuiers en son latin ,
Lequel j'ai moult à agréable :
40 Quoique la touse ait à cousin
Le pape , qui a maint florin
Et qui poet donner des beaus dons ,
Se l'a gardé uns puisans homs ,
Li contes de Fois , et nouri 45 Environ noef ans et demi ,
En ce n'a blasme ne virgongne ,
Pour le pastourel de Berri
Et la pastoure de Boulongne »
— « Signour » , ce dist Robins Coursable , 50 « La chose vient à bonne fin ,
Et se nous est moult honnourable ,
Quant Boulongne aurons à voisin.
Or voeil cote de camelin
Faire , j'ai tondu mes moutons , 55 Et vous pri que nous en alons
A Rion. J'emporte avec mi
Flagot , muse et fretel joli
Qu'on m'a envoyé de Coulongno ,
Pour le pastourel de Berri 60 Et la pastoufe de Boulongne.
« Belles )) , di je , « je vous affi , Avecques vous irai aussi , Et si ferai quelque besogne Pour le pastourel de Berri 65 Et la pastoure de Boulogne. »
Assés près dou Bourch la Roïne , En l'ombre d'un vert arbrissel , Vi l'autrier à l'eure qu'on disne , Mainte touse et maint pastourel, 5 Lesquels en joie et en revel Chantoient motés et chançons , Et bien l'adonnoit la saisons Qu'il fuissent en esbatement.
Là disoit Robins Hume- Vent :
10 « Seignour , il me vient en plaisance Que je compte sans detriance , Car dou dire sui bien garnis , Comment la roïne de France Est premiers entrée en Paris.»
15 — « Par ma foy » , ce dist Valentine ,
« Tu sauroies mieuls d'un busiel
Tuter et ester une espine
De ton doi et oindre un agniel,
Que nous riens dire de nouvel. »
20 — « Pourquoi ?» ce respont Bietrisons ,
« Jà est Robins uns valetons
Qui a assés bon sentement
Et qui scet bien et sagement
Parler , car appris l'a d'enfance. »
25 « Or vienc dont çà», ce li dist Blanche, « Beau Robin , et se nous descris Comment la roïne de France Est premiers entrée en Paris. »
Et cils , qui au parler s'arine ,
30 Les fist venir en un tropel
Et dist : « Dimence , à bonne estrine , Quant on ot disné bien et bel , De Saint Denis , ce bon hamel , Parti la dame à qui nous sons ;
35 0 lui dus , contes et barons Et des dames moult largement Aournées , si richement Que oncques ne vi tel puissance. »
Adont li demanda Constance :
40 « As tu bien justement compris Comment la roïne de France Est premiers entrée en Paris ? »
— « Robin » , ce li dist .Katherine , « Je te garde un très bon morsel :
45 J'ai un saquelet de farine Dont je te ferai un gastel , Se tu me voes en un rolel Escrire des seigneurs les noms. »
— « Va , lourde » , ce li dist Symons , 50 « Il ne le sauroit nullement. »
— (( Pourquoi? » dist Robins. « Vraiement Je fui par presse en tel penance ,
Que j'oc si esquaté la pance Que point n'ai pour noient apris 55 Comment la roïne de France Est premiers entrée en Paris. »
« Berri tout premiers vous affine , Et Bourgongne en estât royel ; Bourbon après vous détermine
60 Et Tourainne le damoisel ; Lorainne y vi en un jupel D'un riche drap qui fu moult bons , Et d'Ostrevant , uns jones bonis , Que Guillaume conte on entent ,
65 Bar , Namur , Couci et tant gent Avec les dames d'onnourance , Que bien croi que de Tordenance On parlera en maint pays Comment la roïne de France
70 Est premiers entrée en Paris. »
Princes , pour faire ent souvenance , J'ai bien mis aillours la substance , Et pour l'onnour des flours de lys , Comment la roïne de France 75 Est premiers entrée en Paris.
L'autrier vi bregier et bregiere , Qui bien avoient sis vins ans Entre euls deus, garder à prangiere Leurs brebisettes sur les champs.
5 Là vint li uns de leurs enfans, Qui voloit aller à l'escole, Et demanda à dame Cole, Sa mère : « Cà, mon avantage ! »
— « Tu n'auras ne pain ne frommage , » 10 Respondi celle , « par ma foi , S'auras à ton père et à moi Dit quelque voir ou quelque fable. »
Et cils respondi : « Je l'otroi :
« Dou mouton d'or est il notable. »
15 Père et mère sont tret arrière , Qui avoient des cheviaus blans Bien pour emplir une aloyere , Et dient : « Tu es jà tous grans , Et si t'avons tenu lonc tamps
20 Là où les aultres on escole ; Onques mes ne peuins parolle Avoir de toi en ton eage Qui nous peuïst donner corage De doctrine ne de chastoi ,
25 Et puisque tu es en bon ploi , Di nous par voie raisonable Où on trouve ne en quel loy « Dou mouton d'or est il notable. »
Dist cils , qui à la remontiere 30 Voelt avoir ou tartes ou flans :
« Quant Diex ot fait ciel et lumière Terre et mer et poissons noans, Puis fu une beste apparans En Colque en l'ille d'Astropole :
35 De mouton avoit fourme et mole , Touson d'or portoit ceste image ; Serpent et troi torel sauvage Le gardoient de tout anoi , Nuls n'osoit aler jusqu'à soi , 40 Tant ert la chose espoentable.
Quant j'ai parlé, aler m'en doi , « Dou mouton d'or est il notable. »
Lors dist sa mère à lie chiere :
« Tu es uns clers moult souffisans , 45 J'ai des brebis sus la bruiere
Qui sont bonnes et bien mengans ; Tu en auras je ne sçai quans, Escris tout cela en ton rolle. »
Dist son mari : « Vous estes foie ,
Encor n'a il dit ce ne quoi.
Ne nul sens en lui je ne voi Qui me soit bon ne agréable.
55 Or me destintés mieuls, JofFroi , « Dou mouton d'or est il notable. »
Respont cils : « Ceste beste fiere , Avecques ses crueuls servans Qui lui gardoient sa barrière ,
60 Fu tant dedens Colque habitans Qu'uns chevaliers pieus et vaillans — Jasons ot noms cils dont parolle • Quant parler oï de l'jdole, Pour conquerre emprist le voyage ;
65 Et le conquist par vasselage Avecques l'aide et l'arroi De Medée , le fille au roj , C'est chose toute véritable.
Or dittes , se mon temps j'emploi
70 « Dou mouton d'or est il notable. »
Princes , père et mère tout doi Disent : « Beau fils , par saint Eloi , Tu seras aumés à notable , Car bien nous as moustré l'envoi 75 « Dou mouton d'or est il notable. »
Pastourelles et pastoureaus Vi l'autrier en une vallée
Garder brebis , moutons , agneaus , Et là oï touse senée 5 Qui dist comme bien avisée :
« Toutes et tous , voeilliés oïr , Ma mère à qui doi obeïr M'envoia orains aux flourettes ; Or en ai tourseaus et bougettes 10 De pluisours diverses couleurs , Mes trop sui mal de mes serours , Car je soustienc une querelle Et certefi entre les flours La margherite à la plus belle. »
15 Adont li respondi Anseaus , Qui fu homs de grant renommée , Et dist : « Belle , par mes cheviaus , Geste matere fort m'agrée Et ci sera déterminée ,
20 Se jusqu'au fons je sçai venir , Mes il le vous fault esclarcir, Car les voies sont trop orbettes.
Pourquoi laissiés vous violettes Et roses , qui ont bien leur cours
25 Et qui font pluisours beaus secours A mainte dame et damoiselle, Et vous nommés ci et ailleurs La margherite à la plus belle ? »
« On en voit paré ces preaus ,
30 On en auroit une carée ,
Voire quatre, pour deus royaus, Et vous l'avés tant alosée , Et point ne nommés en pensée Trois aultres flours qu'on doit cierir ,
35 Faittcs pour l'omme et Dieu servir :
Blet , vingne et lin ; ces trois sont nettes. Encor en y a de parfettes , Sans nommer ne ronses, ne hours, Ne gênés dont on chaufe fours :
40 Le lys , pyone et la perselle ; Gestes ne tendront à nuls jours La margherite à la plus belle. »
— « Ansel , Ansel » , dist Ysabeaus ,
« Quant la violette est fanée 45 Et roses dont on fait chapeaus ,
Et il vient froit temps et gelée ,
Lors ai tantos une esculée
De margherites, sans mentir,
Se jusqu'aux champs je voeil courir ; 50 J'en trouve en chemins et en frètes ,
Et lors entre nous bregieretes
En faisons chapeaus aux pastours ;'
Adont se doublent les honneurs ,
Quant on en a au temps qu'il gelle ; 55 Lors tiennent amans par amours
La margherite à la plus belle. »
« Plus avant , Cepheï li beaus ,
Nés de Tessale la contrée.
Pour qui Herès rot par ruisseaus 60 Plours et larmes..., en Galathée,
Là fu premièrement trouvée
La margherite sans fallir ;
Là le fist hors de terre issir
Jupiter, le Dieu des planettes , 65 Qui l'aourna de ses saiettes ;
Zepherus li donna oudours.
Entent , Ansel , se tu n'es leurs ,
Grant matere te renouvelle
Pour soustenir en toutes cours 70 La margherite à la plus belle. »
Princes , adont li dist Guibours , Aussi fisent Guis et Raimbours :
« D'or en avant tenrons, pucelle, Par champs , par villes et par bours , 75 La margherite à la plus belle.
Maint pastouriel de noble afaire Vi l'autre jour , en un requoi , Là entre iauls un argument faire ; Si oï dire Godefroi 5 Ou Beneoit : « Baptiste croi Saint Jehan pour le plus proçain De Dieu et le plus souverain , Le plus digne et le plus begnin Qui soit ens ou trosne divin , 10 Car tant l'ama , c'est chose clere , Diex qu'ens ou ventre de sa mère Le saintefia et béni , Et pour chou au louer me père Le jour que chils haus sains nasqui. »
15 — « Tu as droit » , ce dist Robins d'Aire ,
« Il ne tint pas estât de roi,
Mes vie simple et débonnaire ,
Et se vesti , scès tu de quoi ?
D'une cote à un large ploi , 20 Faite d'un camel tout à plain ;
Prophète et hermite le clain ,
Car il en tint bien le cemin ,
Ne onques il ne but de vin ,
Ne menga cose singulere 25 Qui de goust li donna matere , Fors herbelettes , je te di , Si que tous biens je considère Le jour que chils haus sains nasqui. »
« Sa venue nous doit moult plaire , 30 Car no baptesme avons par soi ,
Qui nous purge de tout contraire.
Encore nous moustre il au doi
Le fil de Dieu , où croire doi ,
En signe d'un agniel humain.
35 Encores te di pour certain
Que proprement li Sarrasin
Le jour Jehan « menge coffin »
L'appellent et en font mjstere,
Ne pour riens le jour de sa fere 40 Ne briseroient , je t'affi ,
Mes recorde li fils au père
Le jour où chils haus sains nasqui. »
— « C'est voirs » , ce respondi Helainne ,
« Car j'ai oï dire à Joffroi , 45 Un escuyer de no repaire ,
Qui bien a veù leur arroi ;
Car là fu le jour saint Eloi ,
Qui siet dou droit à l'endemain ,
Et recorde que point de pain , 50 Char ne poisson ne aultre arrin,
Ne menguent son jour , à fin
Qu'il soient gardé de misère ,
De contraire et de mort amere ;
Tant ont il grant fiance en li 55 Que cascuns en bien persévère
Le jour où chils haus sains nasqui. »
« Encores en devons rctraire Un exemple biel en no loi , Douquel je ne me voel pas taire ;
60 Car en son propre jour je voi Que pluisours gens par bonne foi Quellent herbes dou soir au main , Dont il font onguement si sain Qu'il le vendent bien un florin ;
65 Encores en gari Robin
Antan Oudinet , un sien frère , Et dame Mainseus, sa commère, Des bonnes herbes que coelli En un gardin, chiés son compère,
70 Le jour où chils haus sains nasqui. »
Princes , là dist Mau voisin d'Ere :
« Je lo que nuls ne se diffère Au canter ceste cançon chi Qu'on chante en tamaint monastère 75 Le jour où chils haus sains nasqui. »
Dalés le rieu d'une fontainne , En l'ombre d'un vert poupelier , Veï par un jour sainte Helainne Mainte breghiere et maint breghier, 5 Lesquels pour festes commencier S'appareilloient , ce m'est vis , Et faisoient chapeaus jolis.
Là avoit presse à l'empêtrer ; Là les venoient demander 10 Les pastoureaus moult doucement En disant amoureusement :
« Ha , belle , sui je point mérites
Que je porte présentement Un chapelet de margherites ? »
15 Là voi que cascune se painne
De son chapelet avancier ;
Là voit on , c'est chose certainne ,
Trop bien , quant ce vient au pryer ,
Lequel elles ont le plus chier 20 Et qui est le raieuls leurs amis.
Là en y a des esbahis
Et près sus le point de plorer.
De quoi, pour la feste aviser,
Je me mis en l'esbatement , 25 Si oï dire à Yolent :
« Belle , veci des flours petites ,
Or m'en faittes apertement
Un chapelet de margherites. »
Et celle , qui ne fu pas nainne , 30 Respondi sans li conseillier :
« Oudinet , vous perdes vo painne ,
Aies vous aillours pourchacier ;
Je n'oevre fors que pour Rogier,
Mon ami , je li ai promis ; 35 Aies rassembler vos brebis ,
Car elles voelent prangeler. »
Et quant cils s'oï ravaler ,
A painnes que de doel ne fent,
Si jura par grant mautalent 40 Et dist : « Hui soient flours maudittes,
Quant avoir ne puis nullement
Un chapelet de margherites. »
Là vint Rogiers Triquedondaine , Qui fu près sus le couroucier
45 A cel Oudinet Verde-Avainne , Pour tant qu'il le veoit joquier Dalés la belle au corps legier, Où il a dou tout son corps mis ; Se li dist : « Part de ci, chetis ;
50 Va , rataconne ton soler !
Tu n'es pas tailliés de porter Chapiel de flours entre tel gent ; Par Dieu , elle en auroit un cent , Et priast pour toi uns hermittes ,
55 Avant que te donnast briefment Un chapelet de margherites. »
Et cils , qui une verde avainne Avoit encor ens ou jusier , Respondi et dist : « Plus que rainne ,
60 De quoi te sert on au mengier ?
Tu as jà plus que ton leuier Aleué , de ce sui je fis ; Pour ce que se tu es faittis , T'en cuides tu mieuls marier ?
65 Se je me voloie vanter ,
J'ai bien de quoi, où et comment.
Pour faire holetle d'argent , Môs tu n'as vaillant .iiij. mittes.
Et porterai , quant n'auras dent ,
70 Un chapelet de margherites. »
Princes , pour oster le bestent , On prist Pierre , Andrieu et Florent ; Ces trois ont les raisons escriptes , Môs on ot cascun en couvent 75 Un chapelet de margherites .
En une prée verdoiant , Par dessus Oize la rivière , Breghieres et breghiers séant Vi l'autrier ensi qu'à prangiere.
5 Là 01 dire à Mannessiere :
« En quoi nous porons déporter ?
En quoi porons le jour user Qui est encores si très Ions ? »
Dist uns pastoureaus de Soissons : 10 « J'ai une blanche tourterelle , Je conseil que nous le donnons A la plus simple et la plus belle. »
Tout s'acorderent à Rollant ,
Hors mis un qui dist : « Par saint Piere , 15 Je iroie tout en cluignant
A ceste qui mieuls a manière ,
Ce n'est pas chose droituriere ;
Aultre ju nous fault aviser. »
— « Tais toi , teste de bouqueler , » 20 Ce respondi Renauls Fromons,
« Aultre ju nous ne prenderons ,
Je ne sçai pour quoi on te melle
Avec nous , car l'oisel donrons
A la plus simple et la plus belle. »
25 Adont sus celi convenant
Sont aucun bregier trait ariere
Pour mieuls aviser en passant.
Si ont regardé la première ;
En celle avoit gente breghiere , 30 Mes elle beghoit au parler
Et cloçoit un peu à l'aler ,
Mes tout le demorant fu bons.
Dist Hendris : « Or le regardons ! » — « Qu'en dittes vous», ce dist Ruielle, 35 « Passons oultre , une aultre avérons A la plus simple et la plus belle. »
A ces mos passèrent avant Et s'arrestent sus Oliviere ; Corps avoit joli et plaisant.
40 « Je ne sçai que plus bêle on quiere », Dist Foucaust , « de ceste on enquiere : Où poet on plus bêle trouver ? »
Ce dist Piere de Saint Omer :
« Son corps est un petit trop crons
45 Et trop aguisiés ses mentons , Et s'a trop longe une mamelle ; Jà de mon gré ne le tendrons A la plus simple et la plus belle. »
Dont vint Lore de Saint Venant , 50 Et puis Lare de la Baissiere , Et Margherite de Braibant, Et Perrette de la Bruiere ; Jà estoit basse remontiere , Pour ce se vouloient haster.
55 A Lore van le pris donner , Et très bien assis fu li dons , Car corps ot gent , chevelés blons ; Tant estoit friche pastourelle Qu'il dient tout : « Assenés sons 60 A la plus simple et la plus belle. »
Princes , dont fu li grans bedons Sonnés et en juoit Sjmons , Et Guios de la canemelle En disant : « Nous alons , alons 65 A la plus simple et la plus belle. »
CHANSONS ROIAUS AMOUREUSES.
Tant sont d'amours les recors gracieus , Et tant en est la puissance excellente , Et tant en sont les dous biens plentiveus , Et tant en est li ordenance gente , 5 Que coers humains penser ne le poroit , Que s'uns amans jà jour ne possessoit Dou don d'otroi de dame entirement , Se dispense il son temps si noblement Que pour tous biens amoureus concevoir 10 Prendre ne poet , ne eslire aultrement , Vie qui puist le bien amer valoir.
Et ce appert par les vrès amoureus , Aux quels Amours ses nobles biens présente , Car de proyer cascuns se tient songneus , 15 Quant Doulc Regard par Plaisance en euls ente TOM. II. 23
354 CHANSONS ROIÂUS
Les vrès pensers qu'un amant avoir doit. Or a Amours ordonné de son droit Refus en dame , et on voit clerement Que par detri recuevre amant souvent 20 Sens , temps , avis , parler , force et savoir De ses secrés moustrer plus sagement , Car par le coer apperent li voloir.
S'est li amans sages et eûreus Qui corps et coer , sens , penser et entente
25 Met en amer et se tient curieus De obeïr à si très noble attente Comme à Amours où tous biens on conçoit. Car quant uns vrcs amans sa dame voit Et il le voelt pryer très sentamment ,
30 Plaisance si habondamment l'esprent Que vraie amour a sus lui tel pooir Que , quant il voelt parler de sentement , Bouche ne poet ne parolle mouvoir.
En cel estât vit amans cremeteus , 35 En soing d'avoir merci , qui li est lente , Mes toujours sert de douls regars piteus . Car souvenirs enracine en soi l'ente De vrai espoir ; c'est le confort qu'il croit. Or vient avis , qui de sens le pourvoit , 40 Et bel parler aussi en lui descent. Lors supplie il si amoureusement Que , quant dame le poet ytel veoir , Humilités juge en li proprement Que tenue est de faire ent son devoir.
45 Dame qui j'ainc , je qui sui diseteus D'avoir merci , mes assés m'en contente , Car en vos jeux douls , simples et joieus ,
Prenc reconfort quant desespoir me tempte ,
Car aultrement , dame , trop mal m'iroit , 50 Et vostre amour m anonce et ramentoit
Joie et confort par un si doulc présent
Que , se jamais n'avoie aliegement ,
Si bien me plaist li vivres en espoir
Que tousjours voeil demorer liegement 55 En cel estât , car mieuls ne puis manoir.
Princes , pour ce ai mis très mon j ou vent A dame amer sens et entendement , Pour le hault don de sa merci avoir , Car Jones coers , selonc mon jugement , 60 Ne doit prisier au jour d'ui aultre avoir.
