SERVENTOIS DE NOSTKE DAME COURONNÉS A TOURNAI

Bien doit amans exaucier humlement L'oevre de Dieu , car no foi ratefie Que sainte Anne ert brehagne entirement , Quant Joacins conçut en li Marie , 5 Celle que Diex saintefiie avoit Ains que née , mon coer ensi le croit. Car très qu'Adam morst le mors deveé , Fu es sains ciels dou vrai père ordené Que son vrai fil vendroit en nostre istance , 10 Et quant Viergne conçut ce fil loé , Sains Esperis y ouvra d'abondance.

Ensi Amours aux amoureus aprent

Que la Viergne estoit saintefiie

Avant que née ; car ains l'avènement 15 Prophetisié fu et dit d'Isaïe

Que la Viergne un fil conceveroit

Qui appelles Emmanuel seroit

Et floriroit la racine Jessé ;

De quoi la Viergne en sa virginité , 20 Sans des sains ciels amenrir la puissance ,

Conçut ce fil, Emmanuel nommé ,

Qui pour nous fist en croix la délivrance.

Or doit amans qui tous ces biens comprent Estre segurs que la Viergne exaucie

362 CHANSONS ROIAUS

25 Conçut le fil de Dieu tout ensement , Sans estre en li virginité brisic , Que Abacuc Daniel gouvrenoit , Qui en la fosse aux lyons on tenoit , Ou que li troi enfant furent sauvé

30 De la fournaise et dou fu de griefté , Ou que Moisès vit si com par samblance Par le buisson et de flame enflammé :

Viergne , ensi fu de vous li ordenance.

En cel estât vit amans sagement , 35 Quant bien il croit ou digne fruit de vie ,

Liquels descent ens ou saint sacrement ,

Par les parlers qu'il aprist sa mesnie

A la Cène , au joedi beneoit.

Cils fruis est Diex , qui dou pain nous pourvoit 40 Dont repeiis sommes et saoulé ,

Mes que soions contrit et confessé

Et en estât de faire penitance.

Par ce saint pain sommes nous racheté ,

Mes que l'usons en foi et en créance.

45 Dame qui j'ainc , plaine d'entendement , Viergne royal , soies pour no partie Envers vo fil , figuré au serpent Que Moysès pour sa gent faire aïe , Qui dou serpent venimeus morse estoit ,

50 Ens ou désert esleva. Dont par droit , Viergne , ensievant celle propriété , Se volions dou mors estre gardé , Qu'Adams mordi par son outrecuidance , Il couvenoit eslever à griefté

55 Vo fil en croix : tcle est ma cognissance.

Princes , servons la Viergne en loyauté ,

Car en ses flans , par le divin secré , Fu conceus le doulc fruit de plaisance , Par qui les sept sacrement estoré 60 Furent, qui sont repos d'ame et substance.